Mujika Mujika, Gregorio

(«J.M. de Oyarbide», «G. de Bayona», «Jeme», «Berrizale», «Zarzale», «J. de Zumarregi», «Bildari», «Deñoko’tar Goserio»). Gipuzkoar idazle eta euskaltzalea, Serapioren semea (Ormaiztegi, 1882 - Donostia, 1931). Beasainen eta Donostian egin zituen ikasketak. Perito industriala eta ingeniari mekanikoa zen. 1907an hasi zen Euskal Esnalea eta RIEV agerkarietan idazten eta hitzaldiak ematen euskararen alde. 1911n Euskalerriaren alde erakundea eta aldizkaria sortu zituen. Eusko Ikaskuntzako I. Biltzarrean, Oñatin, idazkari moduan parte hartu zuen (1918). 1918-1930 bitartean erakunde hartako idazkariordea izan zen. El Pueblo Vasco, Argia, eta Euzkadi agerkarietan idatzi zuen. Gregorio Mujikarenak dira: Euskalerriaren alde, Elgoibar’ko Euskal-Jaietan irakurritako itzaldia (1907), Eibar’ko seme ospatsuen berri batzuek (1908), Iturriaga-Kardaberaz-Urbieta (1910), Lorak eta ogia (1910), ipuina; Maitasunez erein!; Zurtasun gogoa (Nazario Oleagak itzulia); Fernando Amezketarra. Bere ateraldi ta gertaerak (1927); Los titanes de la cultura vasca, hil eta gero bildutako elkarrizketa bilduma (Lhande, Campión, Urquijo, Aranzadi, Agirre, Echegaray, etab.); Monografía histórica de la villa de Eibar (1910); eta Utzi bearko!, Neskame berria, Gizon bikañak eta Saski-Naski antzerkilanak.

• muinotxo
• Mújica Laínez, Manuel
• Mujika Berrondo, Plazido
• Mujika Egaña, Robustiana («Tene Mujika») Gipuzkoar idazlea eta politikaria (Deba, 1888 - Deba, 1981) Emakume Abertzale Batzako lehendakaria izan zen 1935az gero Hizlari suharra zen; EAJko ekitaldi agerikoetan parte hartu zuen Euskal Esnalea, Euzko-Deya, Gure Herria, Euskerea, El Día, Euzkadi, Agur, Luzaro, Goiz-Argi eta Deva agerkarietan, besteak-beste, argitaratu zituen ipuinak eta artikuluak Olerkiak idatzi zituen: Aberriaren udaberria, Ama, Arno’ko kurutza eta batez ere Miren Itziar’ri idazkiak eta olerkiak Azken horrek 19 gutun biltzen ditu, abertzaletasunaren zabaltze aldera idatziak, eta 23 olerki liriko Antzerki lanak ere idatzi zituen: Gogo oñazeak, Gabon, Nekane eta neskutzaren babesa 1975ean Euskaltzaindiako Ohorezko Kide izendatu zuten 1983az gero Debako Udalak «Tene Mujika» ipuin lehiaketa antolatzen du urtero Mujika Iraola, Inazio
• Mujika Irastorza, Itziar
• Mujika Mujika, Gregorio
• Mujika Urdangarin, Luis Mari
• Mukden
• muker
• mukerkeria
• mukerki