lira-oilar
iz. Zool. Tetraonidoen familiako hegaztia, 60 cm inguru luzea (Lyrurus tetrix). Arrak lumarik gehienak beltzak eta distira urdinekoak izaten ditu, eta lira baten formako isats zuria du. Emea aldiz kolorez arrea izaten da. Arrak eta emeak, biek lumaz estaliak dituzte zangoak. Europako iparraldean eta erdi-ekialdean, eta Asiako erdi eta iparraldean bizi da, eta urkidi eta pinudi ertzetan. Landare-hostoak, ernamuinak eta hazia jaten du.
