Iruñeko merindadea

Nafarroako ipar-mendebaleko merindadea. Mugak: iparraldean, Lapurdi eta Nafarroa Beherea; ekialdean, Zangozako merindadea; mendebalean, Gipuzkoa eta Araba, eta hegoaldean, Lizarra eta Erriberriko merindadeak. 2.450 km² eta 281.388 biztanle (1981). Hizkuntza: euskara eta gaztelania. Hiru alde nagusi bereiz daiteke Iruñeko merindadean: Nafarroako ipar-mendebaleko mendialdea, Bidasoa, Arakil eta Ultzama ibaiek zeharkaturiko lurralde menditsua eta hezea; Iruñerria, Arga ibai arroaren erdialdean, Iruñea dela hango hiria nagusia, Nafarroako biztanleriaren erdia jasotzen duena, eta Izarbeibar inguruko lurralde idorragoak, Robo Arga ibaiaren adarraren arroan; Gares da ibarreko hiri garrantzitsuena.

• iruntzi
• Iruña Oka
• Iruña
• Iruña-Veleia
• Iruñea
• Iruñeko merindadea
• Iruñela
• Iruñerria
• Irura
• Irurac bat
• Irurac bat