input-output
(Eusk. “sarrera-irteera”). v Ekon. input-output analisia. Teoria ekonomikoan eta ekonomia aplikatuan, produkzio arazoen analisian, ekonomia sistemaren oreka orokorrari dagozkion faktoreak aztertzeko erabiltzen den metodoa. v Input-output taulak. Ekonomia sistema baten jarduera alorretako input-en (produkzio faktoreak) eta output-en (sortzen den produkzioa) adierazpen estatistikoaz osatutako taulak. Gaur egun erabiltzen diren input-output taulak, Wassily W. Leontief-ek asmatu zituen 1940. urte inguruan. ik. Leontief, Wassily W.
