ekinozio
iz. Astr. Eguzkiak bere berezko mugimenduan urtean bi aldiz, sei hilabeteko aldearekin, Lurraren ekuatorea igarotzen duen unea. Une jakin horretan gauaren eta egunaren iraupena berdina da Lur guztian. Lehenengo ekinozioa martxoaren 20a eta 21a bitartean gertatzen da, eta bigarrena, berriz, irailaren 22a eta 23a bitartean. Lehenengo ekinozioa udaberriko ekinozioa da ipar hemisferioan (negutik udaberrirako igarobidea da) eta udazkenekoa hego hemisferioan (udatik udazkenerako igarobidea), eta alderantziz gertatzen da bigarren ekinozioarekin.
