Kultura eta Hizkuntza Politika Saila

Cynewulf

Erlijio poeta anglo saxoia (Northumbria, 750 aldera - 800 aldera). Idazkera runikoan eta mendebaleko saxoieraz idatzi zituen olerkiak Exeter eta Vercelli XI. mendeko kodizeetan gorde dira. Honako hauek dira: Santa Juliana eta Santa Elenaren bizitzak, sortalde kristauko mirariei buruzko elezaharretan oinarrituak; The Ascension (Igokundea) edo Christ, Gregorio Santuaren prediku baten parafrasia, eta The Fates of the apostles (Apostoluen eginak), apostoluen eginkizunak agertzen dituen kontakizuna. Hasiera batean, berarenak zirela uste izan zen Andreas, Guthlas eta The Phenix, garai bereko beste poeta batzuek eginak dira.