Corvalán, Luis
Politikari txiletarra (Puerto Montt, 1916). Txileko Alderdi Komunistako kide egin zen 1932an, eta kazetaritzan jardun zuen. 1958an alderdiko idazkari nagusi hautatu zuten. 1973an Pinochet jeneralak gidatutako estatu kolpearen ondoren atxilotu eta kontzentrazio eremu batera eraman zuten. 1976an Sobietar Batasuneko disidente politiko baten truke askatu zuten. 1988an, militarrek agintea uztean, itzuli zen Txilera.
