Armstrong, Karan
Estatubatuar sopranoa (Dobson, Montana, 1941). Pianoa eta klarinetea jotzen ikasi zuen, eta, hurrengo urteetan, kantu eskolak hartu zituen. Soprano arin bezala hasi zen jendaurrean, Donizetti-ren Don Pascuale eta L’Elisir d’amore, Verdi-ren Rigoletto eta Puccini-ren La Bohème obretan. Lehen garai hartan, Armstrongek San Franciscoko Operaren lehiaketako lehen saria irabazi zuen. Hark New York-eko Metropolitan-en hasteko aukera ekarri zion. Luzaro gabe, Armstrongek pertsonaia dramatikoagoei heldu zien, eta Leoncavallo, Puccini, Richard Wagner eta Claude Debussyren obretan aritu zen. Halere, Richard Strauss-en Salome obrako paper nagusiak egin zuen ospetsu nazioartean, eta Europa osoko itzulia egin zuen harekin. Handik gutxira, Sprechgesang (kantu mintzatua) teknika ikasirik, Armstrongek Alban Berg-en operak interpretatu zituen, Lulu eta Wozzeck obretan.
