Azken eguneratzea: 2012/07/20
Neuromarketinari eta sareko erosleei buruzko artikuluak Marketing4food aldizkari digitalean
Artikuluek diote produktuak bezeroaren behar bat asebete behar duela, gizakion neurobiologia aintzat hartuta, eta sareko eroslearen garrantzia aztertzen dute.
Marketing4food aldizkari digitalak neuromarketinari buruzko artikulu bat argitaratu du: Neuromarketing, o cómo vender hielo a un esquimal eta beste bat Capgemini txostenaren inguruan sareko erosleei buruz.
“Neuromarketing, o “cómo vender hielo a un esquimal”
Artikulu honek dio produktuak bezeroaren behar bat asebete behar duela, gizakion neurobiologia aintzat hartuta. “Erosten duen produktuarekin lotura emozionala duenean sortzen da bezeroaren konfiantza, produktu ona eta kalitatezkoa izateaz gainera, zoriona ematen baitio bezeroari”, dio azterketak.
Capgeminiren txostenak sareko sei erosle mota aztertu ditu
Capgemini aholkularitza enpresak “sareko eroslearen garrantzia”ri buruzko azterketa bat egin du, 16 merkatutako (Espainiakoa barne) sareko erosleei egindako 16.000tik gora inkesta oinarri hartuta. Erabiltzaileen ohiturak aztertu ditu, eta hainbat motatan sailkatu: sareko erosle sozialak, “eroste-adikto” sozialak, sareko tartekako erosleak, sareko erosle arrazionalak, “balio bilatzaileak” eta “erosle tekno-lotsatiak”.
Azterketak dio, halaber, Internet dela kanal nagusia, oraindik, nahiz eta sare sozialak, mugikorretako aplikazioak eta dendetako kioskoak gero eta ezagunagoak izan salmenta-kanal alternatibo gisa.