Ekonomiaren Garapen, Jasangarritasun eta Ingurumen Saila

AZTERTU NATURA

AZTERTU NATURAk Euskadiko ekosistema adierazgarrienak ezagutarazi eta aztertu nahi ditu, biodibertsitatean eta kontserbazio-egoeran arreta berezia jarriz.

Kostaldeko eta ibaietako ekosistemak dira (hondartzak, ibaiak, hezeguneak, padurak, dunak), eta orain arte AZTERKOSTA eta IBAIALDE kanpainen estalduratik kanpo geratu diren beste batzuk, hala nola basoak (artadiak, hariztiak, pagadiak), mendiko larreak, sastrakak, etab.

AZTERTU programaren bidez, gure lurraldeko naturagune babestuak ezagutarazi eta ikusarazi nahi ditugu. Horregatik, Aztertu Naturaren jarduera eta material askok Euskadiko babes-figurei begiratuko diete (Natura 2000 Sarea, Parke Naturalak eta Biotopoak, besteak beste).

AZTERTU NATURA kanpaina gure lurraldeko ekosistema esanguratsuenak ezagutzeko interesa duen pertsona edo kolektibo orori zuzenduta dago. Parte-hartzaileak bakarkakoak edo talde antolatuak izan daitezke, hala nola ikastetxeak, aisialdiko taldeak, elkarte ekologistak, kirol-kolektiboak, etab.

AZTERTU NATURA urte osoan zehar egingo da, AZTERKOSTA eta IBAIALDE kanpainekin bat eginez (irailetik ekainera).

Azken aldaketako data: