Iragarkia, Portu, Itsas Gai eta Itsasertzeko zuzendariarena, Zumaiako (Gipuzkoa) Itzurun eta Santiago hondartzetan surfa irakasteko jarduerarako itsas-lehorreko jabari publikoko ondasunak okupatzeko Zumaiako Udalak egindako baimen-eskaera jendaurrean jartzeko dena. 2026., 2027., 2028. eta 2029. urteak.

Urriaren 10eko 876/2014 Errege Dekretuaren bidez onartutako Kostaldeen Erregelamendu Orokorraren 152.8 b) artikuluak ezartzen duenez, jendaurreko informazioaren izapidea nahitaezkoa izango da hogei eguneko epean, urtebetetik gorako epea duten baimen-prozeduretan.

Zumaiako Udalak baimena eskatu dio Zuzendaritza honi itsas-lehorreko jabari publikoko ondasunak okupatzeko, Zumaiako Itzurun eta Santiago hondartzetan surfa irakasteko 4 urtez.

Eskabidea aztertu eta aurkeztutako dokumentazioa osorik dagoela egiaztatu ondoren, 2026/008238 espedientea jendaurrean jarriko da hogei egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik hasita, egoki iritzitako alegazioak edo oharrak aurkez daitezen.