Iragarkia, Portu, Itsas Gai eta Itsasertzeko zuzendariarena, zeinaren bidez jendaurrean jartzen baita Debako Udalak itsas-lehorreko jabari publikoko ondasunak okupatzeko egindako baimen-eskaera, Debako (Gipuzkoa) Santiago eta Lapari hondartzetan sasoiko zerbitzuak ustiatzeko. 2026., 2027., 2028. eta 2029. urteak.

Urriaren 10eko 876/2014 Errege Dekretuaren bidez onartutako Kostaldeen Erregelamendu Orokorraren 152.8 b) artikuluak ezartzen duenez, jendaurreko informazioaren izapidea nahitaezkoa izango da hogei eguneko epean, urtebetetik gorako epea duten baimen-prozeduretan.

Debako Udalak baimena eskatu dio Zuzendaritza honi itsas-lehorreko jabari publikoko ondasunak okupatzeko, 4 urtez Debako Santiago eta Lapari hondartzetan sasoiko zerbitzuak ustiatzeko.

Eskabidea aztertu eta aurkeztutako dokumentazioa osorik dagoela egiaztatu ondoren, jendaurrean jarriko da, hogei egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik hasita, AAAA_RES_2990/26_15 erreferentziako espedientea, egoki iritzitako alegazioak edo oharrak aurkez daitezen.