Gogora, Memoria, Elkarbizitza eta Giza Eskubideen Institutua gure herriko memoria demokratikoa jaso eta transmititzeko egitekoarekin jaio zen.

Memoria demokratikoa transmititzeko erantzukizun etikoa abiapuntu hartuta, memoriaren eraketa inklusiboa sustatzea eta herritarren parte-hartzea bermatzea da Institutuaren helburua. Memorien arteko elkarrizketa horrek muga bat baino ez du: memoria ezin da erabili gertaerak baztertzeko edo parekatzeko. Ez eta ezein terrorismo, indarkeria edo giza eskubideen urraketa mota justifikatzeko ere.

Eusko Jaurlaritzak, Aranzadi Zientzia Elkarearekin bat, hobi komunak dauden lekuei buruzko txosten teknikoak egin zituen. Gerra Zibilarekin eta errepresio frankistarekin zerikusia duten hilobien kokaguneari buruzko informazio zehatza deskargatu daiteke datu sorta honen bidez. Datuak xml, excel eta csv formatuetan daude.