Eskuordetu ezin daitezkeen horiek izan ezik, patroi baten edo batzuen esku utz ditzake funtzioak patronatuak. Azken horrek, gainera, patroiez osatutako ordezkaritza-organoak era ditzake.

Ondoko egintza hauek ezin izango dira eskuordetu: kontuak eta jarduera-plana onartzea; estatutuak aldatzea; fundazioa likidatzea eta beste batekin batzea; eta Babeslaritzak baimendu beharreko egintzak.

Fundazioak, halaber, aholkularitza- eta kontsulta-organoak izan ditzake, hala laguntza-batzordeak nola kontsulta-batzordeak. Organo horiek ez dute funtzio betearazlerik izango eta fundazioari laguntza eskaintzea izango da haien egitekoa.