1. – Hauek izango dira Fakultateko Batzarraren osakideak: dekanoa (batzarreko burua izango dena), idazkari akademikoa, dekanordeak eta ikastegiko administratzailea, berezko kide moduan.

   Kide hautatuak, berriz, honela banatuko dira:

   • Irakasle katedradun eta titularrak: 50 ordezkari

   • Irakasle kontratatuak: 9 ordezkari

   • Ikasleak: 20 ordezkari

   • Administrazio eta zerbitzuetako langileak: 11 ordezkari

2. – Fakultateko Batzarrak bere arautegia izango du funtzionamendurako (V. eranskina), eta kide hautatuak lau urterik behin aldatuko dira. Salbuespena ikasleen ordezkariak izango dira, horiek urtero aldatuko baitira.

3. – Fakultateko Batzarreko kideak hautatzeko Estatutuek xedatutakoa eta UPV/EHUko Hauteskunde Arautegi Orokorrean zehaztutako prozedura bete beharko da.

1. – Fakultateko Batzarra da kide anitzeko ohiko gobernu organoa fakultatean.

2. – Fakultateko Batzarrak ikastegiaren bizitza akademikoan eragina daukaten oinarrizko erabaki guztiak hartu behar ditu, eta batez ere honakoak egin:

   1. Fakultatearen arautegia prestatu eta Gobernu Kontseiluari proposatzea, hark onar dezan.

   2. Fakultateko dekanoa hautatzea.

   3. Unibertsitateko planetan biltzen diren helburuak fakultatera egokitzeko plana onartzea.

   4. Ikasturteko irakats plangintza onartzea, hau da, ordutegiak, ikasleen taldeak, azterketen egutegia eta esleituta dauzkan eskumenen arabera arlo akademikoan dagozkion gainerako guztiak.

   5. Ikasketa planak eta euren aldaketak egin eta proposatzea Gobernu Kontseiluari, bai eta titulazioak ezarri, aldatu eta kentzeko proposamenak ere.

   6. Irakasteko behar diren azpiegituren planak edo irakaskuntzan nahiz ikerkuntzan sortutako bestelako premien planak onartzea, aldez aurretik balorazio orokor bat eginda eta sailen iritzia kontuan hartuta.

   7. Bere zereginak betetzeko egoki deritzen batzordeak eratzea.

   8. Fakultateak, beharrezkoa izanez gero, bere esker ona adierazteko erabiliko dituen moduak zabaldu eta arautzea.

   9. UPV/EHUko Estatutuek eta beroriek garatzen dituzten arauek bere gain uzten dituzten gainerako eginkizun guztiak, edo UPV/EHUko beste gobernu organoek eskuordetzen dizkiotenak.

3. – Fakultateko Batzarrak ohiko bileran eztabaidatu eta bozkatuko ditu urteko gestio txostena, urteko txosten ekonomikoa eta hurrengo urteko gestio txostena. Dokumentu horiek dekanoak aurkeztuko ditu bileran. Txostena eta gestio plana behin onartuta, Campuseko Batzarrari eta Gobernu Kontseiluari bidaliko zaizkio, jakitun egon daitezen.

1. – Honakoak izango dira Fakultate Batzarraren Batzorde Iraunkorreko kide: dekanoa edo hark bere ordez izendatzen duen dekanordea, eta Fakultateko Batzarreko hamabost kide, unibertsitateko sektoreek aukeratuak ikastegien oinarrizko arautegiak dioenari jarraiki.

2. – Batzorde Iraunkorra Fakultateko Batzarraren lehenengo bileran eratuko da, batzarra behin berrituta. Fakultateko Batzarreko kide hautatuak aukeratzen diren aldi bererako aukeratuko dira Batzorde Iraunkorreko kide hautatuak.

3. – Batzorde Iraunkorrak eginkizun hauek izango ditu eskuordetuta:

   1. Gobernu organoei fakultateko irakasleen eta administrazio eta zerbitzuetako langileen plantillako beharrizanak aurkeztea.

   2. Hizkuntza normalkuntzako planak betetzeko eta planoi jarraipena egiteko ikastegiak dauzkan premien memoriak aurkeztea Campuseko Errektoreordetzari, hark errektoreari edo, hala dagokionean, Gobernu Kontseiluari bidera diezazkion.

   3. Fakultateari atxikitako irakasle lanpostuen eskariez iritzia ematea.

   4. Irakasteko behar diren azpiegituren planak edo irakaskuntzan nahiz ikerkuntzan sortutako bestelako premien planak aztertu eta onartzea, kontuan hartuta ikastegiari atxikitako sail edo sail atalen iritzia.

   5. Fakultateak eskaintzen dituen ikasketen kalitatea aldiro ebaluatuko dena bermatzea, eta unibertsitatearen zerbitzu publikoa hobetzeko neurriak proposatzea.

   6. Irakasleen eta ikasleen ordezkaria izendatzea Campuseko Batzarrerako. Ikasleen ordezkaria izendatzeko proposamena fakultateko Ikasleen Kontseiluak egingo du.

4. – Batzorde Iraunkorraren bilerarako deia dekanoak egingo du, edo batzordeko sei kidek. Bilera baino 24 ordu lehenago egin beharko da deia, eta bilerako burua dekanoa edo hark bere ordez izendatzen duen dekanordea izango da.

Aurretikoa.– Ondoren aipatzen diren batzordeen lehenengo bileran erabakiko da nor izango den idazkaria.

1. – Akademia Antolakuntzako eta Ikasketak Baliozkotzeko Batzordea honako hauek osatuko dute: dekanoak edo hark bere ordez izendatzen duen pertsonak (batzordeko burua izango dena), titulazio bakoitzeko irakasle batek, eta Ikasleen Kontseiluko bi ordezkarik. Dekanotzak bermatuko du batzordeari aholkularitza teknikoa emango zaiola.

2. – Akademia Antolakuntzako eta Ikasketak Baliozkotzeko Batzordeak, eskuordetuko zaizkion eginkizunez gain, ikasketak baliozkotzeko eta aukera askeko kredituak amortizatzeko ikasleek aurkeztuko dituzten eskariak ebatziko ditu, indarreko legeriari jarraiki.

3. – Euskara Batzordea honako hauek osatuko dute: dekanoak edo hark bere ordez izendatzen duen pertsonak (batzordeko burua izango dena), titulazio bakoitzeko irakasle batek, administrazio eta zerbitzuetako langile batek eta Ikasleen Kontseiluko bi ordezkarik. Euskara Batzordea parte hartze eta aholkularitza organoa izango da. Batzorde horren helburua izango da euskararen erabilera bultzatzea ikastegian, UPV/EHUren plangintza orokorrari jarraiki.

4. – Ekonomia Batzordea honako hauek osatuko dute: dekanoak edo hark bere ordez izendatzen duen pertsonak (batzordeko burua izango dena), titulazio bakoitzeko irakasle batek, Ikasleen Kontseiluko bi ordezkarik, eta fakultateko administratzaileak. Batzorde hori aholkularitza organoa izango da eta fakultatearen aurrekontuei dagokien guztiaz arduratuko da.

1. – Bileretarako deiak ohikoak eta ezohikoak izango dira.

2. – Bileretarako deiak, oro har, ohikoak izango dira. Fakultateko Batzarrak ohiko bilera bat egingo ditu seihileko bakoitzean.

3. – Ezohiko bilera egingo da bileran aztertuko den gaiak hala eskatzen duenean eta, halaber, arautegi aplikagarriak xedatutako kasuetan. Ezohiko bileretako aztergaien zerrendan ez dira agertuko aurreko akten onespena eta galde-eskeak izeneko aztergaiak.

1. – Kide anitzeko organoetako buruek egin behar dute kasuan kasuko organoaren bilerarako deia. Dena dela, kide anitzeko organoko kideen % 25ek hala eskatzen badute, bilerarako deia egin beharko da. Bilera ezohikoa izango da eta gehienera ere zazpi egun balioduneko epean egingo da, eskaera egiten denetik hasita.

2. – Bilerarako deia organoko idazkariak bideratuko du, denbora nahikoarekin eta, edonola ere, bileraren data baino hiru egun lehenago. Deialdian adieraziko da bilera non egingo den, zer ordutan, eta zeintzuk gai aztertuko diren bertan. Aztertu beharreko gaiei buruzko dokumentuak aurrerapen nahikoaz eskuratzeko aukera izan behar dute organoko kideek, eta, edonola ere, bilera baino 24 ordu lehenago.

3. – Edonola ere, aztergaiak osatzen dituzten puntuak zehatz-mehatz jasoko dira deialdian. Puntu horien artean agertu beharko dira organoko kideen % 10ek, gutxienez, behar den garaian eta moduan eskatutakoak. Aztergaietan agertzen ez diren puntuei buruzko erabakirik ezingo da hartu; baina organoko kideen bi heren baino gehiago badaude bileran, eta botazioa eginda gehiengo osoak gaia premiazkoa dela uste badu, erabakia hartu ahal izango da.

4. – Organoak jarduera daukan egoitzetan eta gainerako tokietan eman beharko da argitara deialdia, organoko kideei bilerarako deia egiten zaien egun berean, jende guztia jakinaren gainean egon dadin.

1. – Kide anitzeko organoko kide izatea norberaren ezaugarria da eta ezin zaio beste inori utzi. UPV/EHUren Estatutuetako 228. artikuluan aipatutako egoeretan utziko dio ordezkari batek ordezkari izateari.

2. – Organoa behin eratuta, hutsik geratuko diren lekuak kasuan kasuko zerrendetako ordezkoek beteko dituzte. Aipatutako irizpideari jarraitu ondoren bete gabe geratzen den plaza kopurua talde bateko kideen % 50 baino handiagoa edo organoko kideen % 30 baino handiagoa bada, hauteskunde partzialak egingo dira. Modu horretara hautatuak kide izango dira agintaldia amaitu arte.

1. – Kide anitzeko organoetako kideek organoen bileretara joateko eskubidea eta joan beharra daukate, eta arautegi honek betearazten dizkien eginkizunak betetzekoa. Bileretara joanez gero, organoetako kideek ez dituzte unibertsitateko gainerako eginkizunak bete behar, baina kasuan kasuko organoek beharrezko neurriak hartu behar dituzte betebehar horiek bete egiten direla eta zerbitzua eman egiten dela bermatzeko.

2. – Kide anitzeko organoko kideek eskura izan dezaten euren eginkizunak betetzeko beharrezkoa duten dokumentazioa eta informazioa, deialdiarekin batera bidaliko zaie, ahal den neurrian behintzat, komunikatzeko erabiltzen den bideren baten bitartez.

1. – Kide anitzeko organoa balioz eratzeko beharrezkoa izango da kideen gehiengo osoa egotea bertan lehen deialdian; edo kideen heren bat, gutxienez, bigarren deialdian. Lehen eta bigarren deialdiaren artean egon beharreko tartea 10 minutukoa izango da. Edonola ere, organoko buruak eta idazkariak beti egon behar dute edo, bestela, euren ordezkoek.

2. – Botoa kide anitzeko organoko beste kide baten esku utzi ahal izango da. Kide anitzeko organoko kide bakoitzak beste baten ordez baino ezin izango du eman botoa. Organoak eratzeko quoruma dela-eta, ezin dira zenbatu kideek beste batzuen esku utzitako botoak. Kideek idatziz adierazi behar dute botoa eskuordetu egin dutela, eta idatzi hori bilerako aktari erantsi behar zaio.

1. – Kide anitzeko organoko buruak bilera behar bezala gara dadila bermatuko du eta, horretarako arrazoirik egonez gero, bertan behera utzi ahal izango du.

2. – Eztabaidak aztergaiei jarraituz egingo dira. Dena dela, beharrezkoa izanez gero, kide anitzeko organoak bileraren ordena aldatzea erabaki dezake, organoko buruak egindako proposamenari jarraituz.

3. – Organoko buruak, beharrezko ikusten badu, eztabaidaren denbora mugatu ahal izango du, bai eta gaiaren botazioa egin aurretik egon daitezkeen parte hartzeen kopurua ere.

4. – Kide anitzeko organoko kideek aktan agerrarazi ahal izango dute beren botoa eta horren azalpena. Azalpen hori idatziz eman beharko dute botazioa egitean. Unibertsitateko beste organo batzuei egindako proposamenak badira, kideen boto partikularrak beti agerrarazi behar dira proposamenekin batera.

5. – Kide anitzeko organoko buruak organoko kide ez diren pertsonak gonbidatu ahal izango ditu bileretara, egoki deritzonean, aztergaietako punturen batekin zerikusia daukan iritzia edo informazioa kide anitzeko organoari eman diezaioten. Aktan jaso egingo da bileran gonbidatuak izan direla, botoa emateko eskubidea izan ez arren.

1. – Erabakiak hartu ahal izateko, emandako boto baliodunen artetik gehiengo osoa behar izango da, Estatutuek, arautegi honek edo gainerako lege xedapenek beste gehiengoren bat eskatzen ez duten kasuetan izan ezik. Horrenbestez, proposamen bakarra izanez gero, onartu egingo da aldeko botoak kontrakoak baino gehiago badira. Bi proposamen daudenean, aldeko boto gehien lortzen duena onartuko da. Bi proposamen baino gehiago daudenean, bigarren botazioan boto gehien lortzen dituena onartuko da. Lehenengo botazioan boto gehien lortu dituzten bi proposamenen artean aukeratuko da bigarren botazioan. Berdinketa izanez gero, berriro egingo da botazioa; eta hala ere berdinketa izanez gero, organoko buruaren kalitate botoak erabakiko du.

2. – Botazioa isilpekoa izango da kide anitzeko organoko kideren batek eskatzen duenean. Dena dela, beti izango da isilpekoa pertsonei buruzkoa denean.

3. – Aurkako botoa ematen dutenek horretarako arrazoia azalduz gero, ez dute erantzukizunik izango kide anitzeko organoak hartutako erabakietan. Horretarako, botazioak isilpekoak badira, interesdunek botoaren arrazoia azaltzen duen testua eman behar diete organoko idazkariari, boto txartelarekin batera. Boto txartelak eta testuak aktei erantsi behar zaizkie.

1. – Idazkariak bilerako akta egingo du. Aktak hurrengo bileran onartuko dira. Bilera horretako aztergaiei dagozkien dokumentuekin batera bidaliko dira akten zirriborroak, edo Intraneten bidez emango dira argitara, baina betiere babestu egingo da pertsonen intimitatea eta bete egingo da abenduaren 13ko 15/1999 Lege Organikoak, Datu Pertsonalen Babesari buruzkoak, dioena. Akta onartu ostean, idazkariak sinatu eta batzarraren buruak ontzat eman behar du.

2. – Aktan nahitaez jasoko dira bilerara etorri direnen eta etorri ez direnen zerrenda; aztergaien zerrenda; bileraren tokia eta eguna; bileran aztertutako puntuak; botazioak (nola egin diren) eta emaitzak; hartutako erabakien edukia eta, egokitzat ikusiz gero, arrazoiaren azalpen laburra.

3. – Aktan boto partikularrak ere jasoko dira, kide anitzeko organoko kasuan kasuko kideek hala eskatzen badute. Kide anitzeko organoko edozein kidek eskatu ahal izango du bere parte hartzea edo proposamena hitzez hitz jasotzeko aktan. Horretarako, idatziz aurkeztu beharko du testua, eskaera egin eta segituan edo, bestela, organoko buruak esango duen moduan.

4. – Kide anitzeko organoko kideek aktan aldaketak egiteko proposamenak egin ahal izango dituzte akta onartzeko unean. Idazkariak egiaztatu egin behar ditu proposatutako aldaketak eta, gehiengoak aldeko botoa ematen badu, onartu egin behar dira.

5. – Kide anitzeko organoa aldatu baino lehen bilera bat egin beharko da onartzeke dauden akta guztiak onartzeko. Bilera hori egitea ezinezkoa bada, akten zirriborroak bidali behar zaizkie kide anitzeko organoko kide zirenei, eta hamar eguneko epea eman edukiari buruzko erreklamazioak egiteko. Ez bada aurkezten erreklamaziorik esandako epearen barruan, aktak onartutzat emango dira; erreklamaziorik aurkeztuz gero, kide anitzeko organo aldatuak egingo duen lehen bileran onartu beharko dira aktak.

6. – Aktak, behin onartuta, Zientzia eta Teknologia Fakultatearen web orriko Intraneten emango dira argitara (edo abian jar daitekeen antzeko prozedurari jarraiki), eta fakultateko kideen eskura egongo dira, kontsultetarako.

1. – Idazkariak kide anitzeko organoak hartutako erabakien fede emango du eta ziurtagiriak egingo ditu.

2. – Hartutako erabakiak Zientzia eta Teknologia Fakultatearen web orriko Intraneten emango dira argitara (edo abian jar daitekeen antzeko prozedurari jarraiki), gehienez ere hiru egun balioduneko epean, eta pertsonen intimitatea babestuta. Organoko buruak eta idazkariak ziurtatu beharko dute hartutako erabakiak argitara ematen direla eta gutxienez hilabete egongo direla argitaratuta jendaurrean. Izan ere, epe horren barruan egongo da aukera kasuan kasuko errekurtsoa aurkezteko errektoreari.

3. – Aipatutakoaz gain, pertsonei buruzko erabakiak interesdunei jakinarazi behar zaizkie. Erabakiek jakinarazpena egiten den unetik aurrera dute eragina, eta jakinarazpenak Administrazio Prozeduraren Legean xedatutako moduan egin behar dira.

1. – Kide anitzeko organoak hartutako erabakiek onartzen direnetik aurrera izango dituzte ondorioak, erabakian bertan beste ezer adierazi ez bada behintzat. Erabakiak publikoak dira eta unibertsitateko kasuan kasuko organoak jakinaren gainean jarriko dira.

2. – Arautegi honetako 6. artikuluan aipatzen diren kide anitzeko organoek hartzen dituzten erabakien kontra gorako errekurtsoa aurkeztu ahal izango zaio errektoreari, hilabeteko epean.