Agindu honen bidez, partzialki ordaindutako baimenaz baliatzeko baldintzak arautzen dira. Baimen hori Euskal Autonomia Erkidegoko unibertsitateaz kanpoko irakasle funtzionarioen lan-baldintzak arautzeko akordioa onesten duen uztailaren 6ko 185/2010 Dekretuko 60. artikuluan aurreikusita dago.

Partzialki ordaindutako baimena eskatu ahal izango dute Euskal Autonomia Erkidegoko unibertsitateaz kanpoko irakaskuntzan diharduten irakasleen kidego ezberdinetako karrerako funtzionarioek.

1. Partzialki ordaindutako baimenak bost urte jarraian hartzen ditu. Horietatik lau lanaldi osoan egingo dira eta, 8. artikuluan aurreikusten den bezala, bateragarriak izango dira beste mota batzuetako baimen eta lizentziekin; bosgarren urtean, ostera, baimena baliatu ahal izango da, zerbitzurik eman gabe.

   Baimenak ez du inola ere bost urteko epe hori gaindituko. Salbuespen gisa, interesdunak baimenaren bosgarren urtea luzatu ahal izango du, baldin eta baimenaren bosgarren urtean bi hilabetetik gorako aldian gaixotasun larriren bat izan badu; betiere, interesdunak aldez aurretik hala eskatuta, eta zerbitzu aktiboan etengabe bajan egon den denboraren aldi berdinean. Horretarako, ezinbestekoa izango da denbora eta modu egokian jakinaraztea aldi baterako ezintasun-egoeraren hasiera eta amaiera. Interesdunak paragrafo honetan araututako salbuespenari heltzen badio, artikulu honetako bigarren paragrafoan ezarritako ordainsariak jasoko ditu.

2. Baimenak irauten duen bost urteko epe horretan zehar, funtzionarioak lanaldi osoan jarduteagatik legozkiokeen ordainsarien % 84 jasoko du, baldin eta ez badira 8. artikuluko 2. apartatuan aipatzen diren kenkariak aplikatzen.

3. Agindu honetan aurreikusitako ondoreetarako, urte bat diogunean ikasturte oso batez ari gara.

Partzialki ordaindutako baimenaz baliatzeko eskabideak Agindu honen eranskin gisa emandako ereduan beteko dira. Urte bakoitzeko urtarrilaren 1etik martxoaren 31ra arte aurkeztu beharko dira horretarako prestatutako bide telematikoen bidez eta, onartuak izanez gero, hurrengo ikasturtearen hasieratik aurrera sortuko dituzte ondorioak.

1. Partzialki ordaindutako baimenaz baliatzeko, eskatzaileek honako betekizunak bete beharko dituzte:

   1. Zerbitzu aktiboko egoeran egotea.

   2. Hutsegite astun edo oso astunagatik diziplina-espedienterik hasita ez izatea edo halako espediente baten ondoriozko zehapena betetzen ez aritzea.

   3. Ezgaitasun-espedienterik hasita ez izatea.

   4. Nahitaezko erretiroa eskatzeko bost urte falta izatea, gutxienez.

2. Lehenengo atalean zerrendatutako baldintzak baimena hasten den unean bete behar dira, baita baimena gozatzen den aldi osoan ere.

1. Egindako eskabidea ikusita, eta 5. artikuluan ezarritako baldintzak betetzea eragozten duen inguruabarrik ez dagoela egiaztatu ondoren, Langileak Kudeatzeko zuzendariak hiru hilabeteko epea izango du eskatutako baimena onartu edo ukatzen duen ebazpena eman eta jakinarazteko.

2. Interesdunak baimenaz baliatzeko betekizunak betetzen ez dituen kasuez gain, baimena ukatu ahal izango da aurrekontuan baliabide nahikorik ez dagoenean edo hezkuntza-plangintzagatik hala egitea beharrezkoa denean, betiere behar bezala arrazoituta badago.

3. Epe horretan ebazpenik emango ez balu eta, ondorioz, ezer jakinaraziko ez balitz, eskabidea onartutzat joko da.

1. Partzialki ordaindutako baimenaz baliatzen diren funtzionarioek zerbitzu aktiboko egoeran jarraituko dute baimenak iraun artean, behin betiko lanpostua eta destinoa gordeko zaizkie eta denbora hori konputagarria izango da antzinatasunaren eta eskubide pasiboen ondorioetarako.

2. Partzialki ordaindutako baimenaren bosgarren urtean ezingo da ordaindutako inolako jarduerarik garatu.

1. Partzialki ordaindutako baimena bateragarria izango da Euskal Autonomia Erkidegoko unibertsitateaz kanpoko irakasle funtzionarioen lan-baldintzak arautzen dituen akordioan aurreikusitako lizentzia eta baimenekin, baita indarreko arautegian ezarritako bestelako lizentzia eta baimenekin ere.

   Era berean, baimen horrekin batera mota guztietako lanaldi-murrizketak eskatu ahal izango dira, baita zerbitzu aktiboaren pareko administrazio-egoera dakarten eszedentziak ere, baina inoiz ez bi ikasturte baino gehiagotan zehar.

2. Hala ere, ordainsariak kentzea edo murriztea beharrezkoa denean, baimen edo lizentziak batera eskatuz gero, bosgarren urtean jaso beharreko ordainsari guztiak ere proportzionalki murriztuko dira.

1. Baimena ofizioz kendu ahal izango du hura eman zuen organoak, honelakoren bat gertatuz gero:

   1. Interesdunaren heriotza edo funtzionario-izaera galtzea.

   2. Onuradun den funtzionarioak ezgaitasun-espedientea hasita izatea eta bertan ezgaitasunagatiko erretiroaren aldeko proposamena edo irizpena ematen bada.

   3. Lekualdatze-lehiaketaren bidez destinoa beste autonomia-erkidego batera aldatu bada.

   4. Zerbitzu berezien egoerara aldatu bada.

   5. Hutsegite astun edo oso astunagatik ezarritako diziplina-zehapena.

   6. Enplegu-harremana eten bada.

   7. Beste administrazio batentzat zerbitzuak ematera pasatzea.

2. Baimenaren onuradun den funtzionarioak horri uko egin ahal izango dio lehenengo lau urteetan zehar, jarraian aipatzen diren inguruabarretakoren bat sortuko balitzaio eta baimenari eusteak kalte larriak eragin baditzake berarengan, familian, lanean edo lanbidean:

   1. Ezkontidearen/Izatezko bikotearen edo semearen/alabaren heriotza.

   2. Interesdunaren edo bere ardurapean dagoen senitartekoaren gaixotasun larria.

   3. Ezgaitasun-espedientea hasita izatea.

   4. Adin txikiko semea/alaba zaintzeko eszedentzian egotea.

   5. Indarreko arautegian aurreikusten diren beste mota bateko eszedentziak.

   6. Interesdunaren dibortzioa, ezkontza-deuseztasuna edo legezko banantzea.

   7. Galera ekonomiko larria familia-unitatean. Galera ekonomikoaren zenbatekoa zehazteko, familia-unitateko kideen urteko diru-sarrera gordinei hurrengo paragrafoan adierazten den ehunekoa aplikatuko zaie. Horretarako, eskaerarekin batera, ezkontideari dagozkion diru-sarreren ziurtagiri ofiziala aurkeztuko da, edo, hala badagokio, dagokion Foru Ogasunak edo Zerga Agentziak emandako diru-sarrerarik jaso ez izanaren ziurtagiria.

      Ordainsariak: Galera.

      000 euro baino gutxiago: % 4.

      000,01 eurotik 45.000 eurora: % 5.

      000,01 eurotik 55.000 eurora: % 6.

      000,01 euro baino gehiago: % 7.

3. Baimena ematen duen organoak hiru hilabete izango ditu uko egitea onartzeko edo ez onartzeko; epe horretan berariazko ebazpenik eman eta jakinarazten ez bada, uko egitea onartutzat joko da.

4. Uko egitea ez da onartuko artikulu honetan aurreikusita ez dauden beste arrazoi batzuengatik eskatu bada.

   Halaber, ezingo zaio baimenari uko egin bosgarren urtea hasita dagoela eskatzen bada.

1. Baimena kentzen bada, edo horri uko egitea onartzen bada, baimena iraungi egingo da eta, beraz, erregularizatu egin beharko dira baimena hasi zenetik sortutako ordainsariak, eta horien ziozko gizarte-kotizazioak eta zerga-atxikipenak.

2. Baimenari uko egitea onartzen ez bada, funtzionarioak baimen-egoeran jarraituko du geratzen den denboran eta agindu honetan aurreikusitako baldintzen arabera.