Eusko Jaurlaritzaren Gobernu Kontseiluak Kalifikatutako Ondasunen Erregistroan sartu du Haizearen Orrazia. Horrela, bada, Eduardo Chillidaren hiru eskulturak, Peña Ganchegui arkitektoak diseinatutako plaza eta natura ingurunea biltzen dituen multzoa kalifikatutako kultura ondasuntzat onartuta geratu da, monumentu multzo kategorian.

Ingurune hori kultura ondasun izendatzeak ingurunea babesteko neurriak hartzera behartzen du Donostiako Udala, orain arte egin izan duenez. Izan ere, 2019ko otsailean Eusko Jaurlaritzaren Kultura eta Hizkuntza Politikako sailburu Bingen Zupiriak eta Donostiako alkate Eneko Goiak aurkeztutako proposamena izan da Haizearen Orrazia Kalifikatutako Ondasunen Erregistroan sartzea eragin duena.

Era berean, kalifikazio hori lortzea ezinbesteko baldintza da UNESCOk Gizadiaren Ondare izendatzeko balizko prozesua abiarazteko.