EPE Euskadiko Administrazio Orokorra 2026

3 plaza txanda irekian, sarbide orokorreko modalitatean, honela banatuta:

3. hizkuntza–eskakizunarekin: 2

Hizkuntza–eskakizunik gabe: 1

1. Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko itunen aplikazio-eremuan dauden pertsonek ere parte hartu ahal izango dute, baldin eta itun horietan langileen zirkulazio askea aplikatzen bada.
2. Gaitasun funtzionala izatea, sartu nahi den kidegoko edo eskalako zereginak betetzeko.
3. 16 urte beteta izatea eta nahitaezko erretiro-adina beteta ez izatea.
4. Diziplina-espediente batez edozein administrazio publikotako edo autonomia-erkidegotako organo konstituzional edo estatutarioen zerbitzutik bereizita ez egotea; ezta, ebazpen judizial baten ondorioz, enplegu edo kargu publikoetarako desgaikuntza absolutua edo berezia izatea ere, bereizi edo desgaitu duten funtzionario-kidegoan edo eskalan sartzeko. Beste estatu bateko herritarra izanez gero, hautagaia ezingo da desgaituta edo egoera baliokidean egon, eta ezingo du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
5. Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
6. Indarrean dagoen araubidearen arabera, ezgaitasun edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
7. Ordainduta izatea langileak hautatzeko deialdietan inskribatzeagatik ordaindu beharreko tasa, lehiatu nahi den prozesuaren eta kidegoaren nahiz eskalaren arabera. Tasaren zenbatekoa oinarri espezifikoetan zehaztuko da.
8. Kidego eta eskala bereko karrerako funtzionario ez izatea.
9. Oinarri espezifikoetan eskatzen den beste edozein betekizun.

Deialdi honetako lanpostuetan, euskararen 3. hizkuntza–eskakizuna izatea betekizun izan daiteke lanpostua betetzeko. Euskara jakitea betekizuna da derrigortasun–data igarota daukaten lanpostuetan.

Horrez gain, deialdi honetako lanpostuek betekizun espezifiko hauek izan ditzakete:

– B1 mailako ingelesa.

Ondorio horietarako, honako lege–xedapen hauetan maila eta hizkuntza bakoitzerako jasotako titulu eta ziurtagiriek balioko dute soilik:117/2015 Dekretuaren eranskina (117/2015 Dekretua, ekainaren 30ekoa, Euskal Autonomia Erkidegoko Administrazio Orokorreko eta haren organismo autonomoetako lanpostuen hautatze– eta hornitze–prozesuetarako tituluen eta hizkuntza–ziurtagirien baliokidetasunari buruzkoa), eta 1041/2017 Errege Dekretua, abenduaren 22koa, zenbait ikasketa–planetan araututako araubide bereziko hizkuntza–ikasketen eta errege–dekretu honetakoen arteko baliokidetzak oinarrizko izaeraz ezartzen dituena.

Hizkuntza–eskola ofizialek emandako titulu eta ziurtagiriak merezimenduak alegatzeko epean alegatu beharko dira.

Beste erakunde batzuek emandako titulu eta ziurtagiriak. Horiek deklaratzeaz gainera, egiaztagiriaren kopia arrunta aurkeztu beharko da.

– Dagokion elkargo profesionaleko kide izatea. Lanpostuaz jabetzeko unean egiaztatu beharko da betekizun hori, 9.1 oinarri orokorrean xedatutakoaren arabera.

Eskainitako lanpostuen zerrendan —oinarri orokorretako 15.2 apartatuan aipatzen da—, hauek zehaztu behar dira: lanpostu bakoitzaren izena, saila edo organismoa, zentro organikoa, lanpostua kokatuta dagoen herria, destino–osagarriaren eta berariazko osagarriaren mailak, hizkuntza–eskakizuna eta derrigortasun–data, eta lanpostua betetzeko bete behar diren betekizun espezifikoak.

Hautaketa–sistema oposizio–lehiaketa izango da.

• Oposizio–fasea.

Hiru proba egingo dira, bi fasetan banatuta.

• I. FASEA

• 1. proba. Teoriko-praktikoa izango da, eta bi zati izango ditu:

A zatia: Gai-zerrenda orokor eta espezifikoei buruzko galdera sorta bat izango da, eta galderek zenbait erantzun-aukera izango dituzte.

B zatia: Zenbait erantzun-aukera dituen galdera sorta bati erantzun beharko zaio hemen ere. Deialdiko lanpostuetako zereginekin lotutako kasu teoriko-praktikoei buruzkoak izango dira galderak, eta deialdi bakoitzaren oinarri espezifikoekin batera argitaratutako den gai-zerrenda espezifikoaren esparruan egongo dira kokatuta.

Erantzuten ez diren galderek ez dute baloraziorik izango, eta okerreko erantzun bakoitzeko penalizazio bat aplikatuko da: erantzun zuzen baten balioaren heren bat deskontutako da.

Hautaketa-prozesua egokiro garatu dadin, kontuan hartuta eskatutako gutxieneko maila, bai, halaber, proban erakutsitako ezagutza-maila eta deialdiko plaza kopurua, eta hautagaiak nor diren jakin aurretik, epaimahaiak puntuazio-atalase bat ezarriko du, proba gainditzeko behar den gutxieneko puntuazioa zein den zehazteko, eta jendaurrean emango da erabaki horren berri. Gutxieneko zuzeneko puntuazioa ezingo da izan zati bakoitzean gehienez lor daitekeen puntuazioaren ehuneko 35 baino txikiagoa eta ehuneko 65 baino handiagoa.

Proba bakoitza (edo probaren zati bat) gainditzeko epaimahaiak ezartzen dituen gutxieneko zuzeneko puntuazioak hura gainditzeko behar diren gutxieneko kalifikazioak izango dira.

Gehienez lor daitezkeen zuzeneko puntuazioak probako (edo probaren zatiko) gehieneko kalifikazioak izango dira.

Kalifikazioak (puntuazio bihurtuak) kalkulatzeko, formula hauek aplikatuko dira:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino handiagoa bada:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino txikiagoa bada:

Non:

b(z) – Hautagaiaren kalifikazioa (puntuazio bihurtua) z – Hautagaiaren zuzeneko puntuazioa

Gu – Ariketa edo ariketaren zati bat gainditzeko epaimahaiak ezarritako gutxieneko zuzeneko puntuazioa (gutxieneko nota)

Ge – Ariketan eta ariketa zati batean gehienez lor daitekeen zuzeneko puntuazioa

A – Ariketan edo ariketaren zati batean gehienez lor daitekeen kalifikazioa (gehieneko puntuazio bihurtua)

Probak gehienez 50 puntuko kalifikazioa izango du, eta zati bakoitza 0tik 25 puntura baloratuko da. Proba gainditzeko,12,5 puntuko kalifikazioa (puntuazio bihurtua) beharko da zati bakoitzean.

• II. FASEA

• 2. proba. Proba praktikoa izango da.

Lanpostuaren zeregin kritikoak simulatuko ditu; hala, balizko egoera bat edo batzuk azaldu edo aztertu beharko da/dira idatziz, galdera bati edo batzuei erantzun beharko zaie, deialdiko lanpostuko ohiko arazo bati konponbidea emateko diagnostikoa eta proposamena eratu beharko da edota txostena, irizpena edo beste edozein analisi egin, betiere bat etorrita deialdiaren xede diren lanpostuen gai-zerrendetan eta konpetentzia-profiletan jasotako edukiekin, plazari dagozkion abilezia teknikoekin eta hautaketa-prozesuan parte hartzeko eskatzen den prestakuntza akademikoarekin.

Epaimahaiak proba praktiko hau zer formatutan egin erabakiko du, deialdiko plazetan jarduteko behar diren abilezia teknikoak ahalik ondoen jasotzea helburutzat hartuta. Era berean, probaren iraupena ere zehaztuko du, zeina ezin izango baita hiru ordutik gorakoa izan.

Proba honek 45 puntuko balorazioa izango du gehienez.

Alderdi hauek baloratuko dira: ea erantzuna proban planteatu den egoerari egokitu zaion, plazari dagozkion abilezia teknikoak eta ezagutzak erakutsi diren eta ezagutza eta abilezia horiek uztartzeko gaitasuna erakutsi den. Beste alderdi hauek ere baloratuko dira: analisi- eta sintesi-gaitasuna izatea, erantzunak arrazoitzea, kontzeptu eta terminologia doiak erabiltzea, ideiak ordena egokian eta argitasunez garatzea eta idatzizko adierazpena zuzena izatea. Epaimahaiak aurreko balorazioirizpideak garatzeko beste irizpide batzuk adostuz gero, proba egin aurretik argitaratu beharko ditu.

Epaimahaiak zuzentze-irizpideen arabera kalifikatu beharko du ariketa hau, eta deialdiaren oinarrietan berariaz azaldu ez diren alderdiak zuzentzeko, baloratzeko eta gainditzeko erabiliko diren irizpideak proba egin aurretik argitaratuko ditu.

Bigarren proba gainditzeko, oro har, 22,5 puntu lortu beharko dira gutxienez.

Dena dela, ariketa gainditu duten hautagaien kopurua deialdiko plazen kopurua baino txikiagoa bada, 18 puntu edo gehiago lortu dituzten hautagaiei ere gainditutzat emango zaie ariketa.

• 3. proba. Konpetentziak ebaluatzeko proba.

Nahitaezkoa izango da eta ez baztertzailea, eta deialdiko lanpostuak betetzeko hautagaiek duten konpetentzia-profilaren elementuak baloratuko dira proba honen bitartez. Ariketan ebaluatu daitezkeen konpetentzien profilaren elementu zehatzak Enplegu Publikoaren Atarian argitaratutakoetako bat edo batzuk izango dira. Proba egin aurretik, ezagutzera emango da konpetentzien profileko zer elementu neurtu ahal izango diren, zer proba mota egingo den/diren (nortasunari, konpetentziei edo gaitasunei buruzko test edo galdetegiak, elkarrizketak, sarrera-ontziak, egoera-probak, talde-dinamikak, rol-probak, kasu-azterketak, ahozko aurkezpenak eta beste proba batzuk), zenbat iraungo duen probak eta haztapen eta baloraziorako zer irizpide erabiliko diren.

Proba honek 5 puntuko balorazioa izango du gehienez.



• Lehiaketa–fasea.

Lehiaketa–fasean, gehienez 45 puntu lor daitezke, baremo honen arabera lortutako puntuak batuz:

• Emandako zerbitzuengatiko esperientzia. Esperientziatzat hartzen dira edozein administrazio publikotan, organismo autonomotan, zuzenbide pribatuko erakunde publikotan, unibertsitate publikotan, estatutu–organoetan eta organo konstituzionaletan, edota justizia–administrazioan emandako zerbitzuak, funtzionario–harremanekoak nahiz lan–kontratuko harremanekoak izan:

Euskal Autonomia Erkidegoko Administrazio orokorrean eta haren administrazio instituzionalean emandako zerbitzuak:
– Indarrean dagoen lanpostu–zerrendan lehentasunezko eskala Fakultatiboen Goi–mailako Kidegoko Farmaziako Eskala duten lanpostuetan.
– Fakultatiboen Goi–mailako Kidegoko Farmaziako Eskalako izendapenarekin edo pareko kategoriako lan–kontratuarekin.
– Fakultatiboen Goi–mailako Kidegoko Farmaziako lizentziaren aukerako izendapenarekin emandako zerbitzuak, Euskal Autonomia Erkidegoko Administrazioko kidego eta eskalei buruzko azaroaren 11ko 7/2021 Legearen eranskinean ezarritakoaren arabera.

Gainerako administrazio eta erakundeetan emandako zerbitzuak: Kidego/eskala/aukerako izendapenarekin edo lan–kategoria kontratuarekin emandako zerbitzuak Fakultatiboen Goi–mailako Kidegoko Farmaziako Eskalaren pareko funtzioekin.

Zenbaketa egiteko, eskatutako betekizunak betetzen dituzten azken 10 urteetako lan–aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.

Esperientzia hori baloratzeko, 0,45 puntu emango dira lan egindako hilabete bakoitzeko, eta gehienez 27 puntu lortu ahal izango dira.

Seme–alabak zaintzeko, senideak zaintzeko, genero–indarkeriagatiko edo indarkeria terroristagatiko eszedentzian emandako denbora esperientzia gisa baloratuko da erreserbako lanpostuan.
Esperientzia kidego eta eskala bakar batera sartzeko soilik alegatu ahalko da.

• Tituluak, gehienez 18 puntu.

Ez dira merezimendu gisa baloratuko sartzeko betekizuna den edo merezimendu gisa baloratu den goi–mailako titulu bat lortzeko behar diren tituluak. Aurreikuspen horretatik salbuetsita daude master ofizialeko titulua eta espezialista–tituluak lortzeko behar diren tituluak

– 10,80 puntu emango dira deialdiko lanpostuen eginkizunekin zerikusia duten master ofizialengatik. Hautaketa–prozesuko epaimahaiari dagokio balora daitezkeen masterrak zehaztea, Giza Baliabideen Zerbitzuak horretarako emango dituen txostenak aztertu ondoren.
– 10,80 puntu emango dira osasun–zientzietako mediku espezialista titulu bakoitzeko, ondorengo espezialitateetan:

Ospitaleko farmazia
Laborategi klinikoak
Mikrobiologia eta parasitologia
Erradiofarmazia
Immunologia

– 7,2 puntu emango dira ikasketa–eremu hauetako titulu bakoitzeko (gradua, lizentzia edo diploma):

091201 Medikuntza
091301 Erizaintza
051901 Biomedikuntza
051101 Biologia
051201 Biokimika
072101 Elikagaien zientzia eta teknologia
052101 Ingurumen–zientziak
053101 Kimika
084101 Albaitaritza
051202 Bioteknologia
091503 Giza elikadura eta dietetika
054201 Estatistika
054101 Matematika
054101 Beste matematika batzuk eta estatistika
031406 Soziologia

Oinarri orokorretako 7.ean adierazitako lekuetan argitaratzen dira ikasketa–eremu bakoitzean sartzen diren tituluak. (PDF, 4 MB)

• Euskara jakitea.

Hizkuntza–eskakizunek derrigortasun–data igarota ez dutelako euskara jakitea betekizun gisa eskatzen ez den lanpostuetan bakarrik baloratuko da. Baremo honen arabera baloratuko da euskara jakitea:

Euskal Autonomia Erkidegoko Administrazio Orokorraren eta haren organismo autonomoen hizkuntza–eskakizunen baliokide diren ziurtagiri eta tituluak dekretu hauetan zehaztuta daude: 297/2010 Dekretua, azaroaren 9koa, Euskararen jakite–maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzia Marko Bateratuko mailekin parekatzeko dena, eta 47/2012 Dekretua, apirilaren 3koa, Euskaraz egindako ikasketa ofizialak aintzat hartzeko eta euskara–maila hizkuntza–tituluen eta ziurtagirien bidez egiaztatzetik salbuesteko dena.

Eskaerak eta hautaketa-prozesuen jarraipena

Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.

Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.

• Oinarri orokorrak
• Oinarri espezifikoak

Gai-zerrenda orokorraren bibliografia Goi-mailako Kidegoko eskala guztietarako (2026ko maiatza) (PDF, 278 KB)

Farmaziako Eskala bibliografia (2026ko maiatza) (PDF, 293 KB) (PDF)

1. Sendagaien eta Osasun-produktuen Bermeen eta Erabilera Zentzuzkoaren Legea.

2. Sendagaiak eta osasun-produktuak erregistratzeko, baimentzeko eta finantzatzeko prozedurak.

3. Fitxa teknikoa, etiketak eta erabilera-orria.

4. Sendagai generikoak baimentzea.

5. Sendagai hemoderibatuak.

6. Sendagai immunologikoak.

7. Erradiofarmaziako sendagaiak.

8. Sendagai zurtzak. Araudia eta alderdi bereizgarriak.

9. Medikamentuen eta Osasun Produktuen Espainiako Agentzia: antolaketa eta eginkizunak.

10. Farmazia-antolamendua, farmazia-bulegoen bidez: farmazia-eskualdeak. Sorrera, lekualdaketa, itxiera, funtzionamendua, transmisioa.

11. Distantziak eta neurtzeko prozedurak. Obrak. Betekizun teknikoak eta materialak. Azaleraren banaketa.

12. Giza baliabideak. Jendaurreko ordutegiak.

13. Gutxieneko izakinak. Botika-kutxak eta atalak.

14. Farmazia-zerbitzuak osasun-establezimenduetan. Ospitaleko farmazia-zerbitzua. Ospitaleko sendagai biltegiak (OSB).

15. Establezimendu soziosanitarioak. Sendagai-biltegiak. FARMABIDE.

16. Banaketa farmazeutikoa. Hornidura, kontserbazioa eta banaketa. Banaketarako baimenak eta jardunbide egokiak.

17. Sendagaiak eta substantzia estupefazienteak. Farmazia-establezimenduetako kontrola.

18. Albaitaritzako sendagaiak. Banaketa- eta emate-establezimenduak. Albaitariaren errezeta. Salbuespenezko emateak. Albaitaritzako sendagaien on-line salmenta. Albaitaritzako botika-kutxaren erantzukizunpeko adierazpena. Albaitaritzako sendagaien salmentari buruzko komunikazioa.

19. Kosmetikoak; biozidak eta norberaren zainketarako produktuak. Produktu kosmetikoen erregulazioa Europar Batasunean eta Espainian. Produktu kosmetikoei buruzko Europar Batasuneko Erregelamendua. Espainiako araudian jasotako alderdi gehigarriak. Administrazio publikoen eskumenak. Norberaren zainketarako produktuen Espainiako araudia.

20. Formulazio magistrala. Forma farmazeutiko topikoak, likidoak eta solidoak. Formula esterilak. Formula magistralak eta prestakin ofizinalak behar bezala egiteko eta haien kalitatea kontrolatzeko araudia. Formulario Nazionala. Espainiako Errege Farmakopea.

21. Ikuskapena: Kalitatea kudeatzeko sistemak. Kontzeptu orokorrak: Lan-prozedura normalizatuak (LPN), jarraibideak, erregistroak. Arriskuen ebaluazioa. Kualifikazioak/balidazioak. Trazabilitatea.

22. Laborategiko jardunbide egokiak. Kalitate-bermea, ikuskapena eta egiaztapena, txostenak, egiaztagiriak.

23. Zuzenki fabrikatzeko arauak. Sendagaiak zuzenki fabrikatzeko gidak.

24. Espainiako farmakozaintzako sistema. Arriskuen identifikazioa, ezaugarriak, kuantifikazioa, ebaluazio eta komunikazioa. AEMPSen segurtasun-oharrak. FEDRA datu-basea.

25. Euskadiko farmakozaintza-sistema. Eginkizunak, egitura, antolaketa eta funtzionamendua.

26. Sendagaiak eta osasun-produktuak preskribatu eta ematea. Medikuaren errezeta eta errezeta elektronikoa esparru nazionalean eta autonomikoan.

27. Preskripzio edo emate murritzeko baldintzei lotutako sendagaiak kudeatzea.

28. Sendagaien kudeaketa egoera berezietan.

29. Farmazia-prestazioa. Zerbitzuen zerrenda.

30. Farmazia-prestazioa. Farmazia-prestazioaren ituna. Farmazia-prestazioari buruzko araudia (pazientearen ekarpena, deskontuak, erreferentziazko prezioak...).

31. Farmazia-faktura. Zirkuitua. Eranskinak. Fakturaren adierazleak. Informazio-sistemak. Izendegia. Farmazia-prestazioa eremu soziosanitarioan.

32. Osasuna sustatzeko programak eta hitzarmenak. Sendagaiaren kontziliazioa, atxikidura, jarraipen farmakoterapeutikoa, berrikuspena. Farmazia-bulegoen bitartez asmarako edo BGPK-rako inhalagailuekiko atxikidura hobetzeko eta horien erabilera egokia sustatzeko izenpetutako hitzarmena.

33. Sendagaien erabilera zentzuzkoa. Kontzeptua. Oinarrizko printzipioak.

34. Sendagaiak hautatzeko irizpideak. Sendagai berrien ebaluazioa.

35. Posizionamendu terapeutikoak. Esparru autonomikoan sendagaiak hobeto erabiltzeko komiteak eta batzordeak. Sendagaien erabilera zentzuzkorako oharrak.

36. Salgaien informazio-iturriak.

37. Sendagai generikoak eta biosimilarrak.

38. Terapia aurreratuak: Terapia aurreratuen motak. Ç

39. Farmakoepidemiologia: saiakuntza klinikoak eta behaketa bidezko azterlanak.

40. Medikamentuen gaineko Ikerkuntza Batzorde Etikoa.

41. Zaharren farmakoterapia eta sendagaien hautaketa.

42. Diabetesa tratatzeko farmakoterapia eta sendagaien hautaketa.

43. Hipertentsioa tratatzeko farmakoterapia eta sendagaien hautaketa.

44. Hiperlipemiak tratatzeko farmakoterapia eta sendagaien hautaketa.

45. Kardiopatia iskemikoa eta bihotz-gutxiegitasuna tratatzeko farmakoterapia eta sendagaien hautaketa.

46. Haustura osteoporotikoak eta patologia osteoartikularrak prebenitu eta tratatzeko farmakoterapia eta sendagaien hautaketa.

47. Arnasketako patologiak (asma eta BGBK) tratatzeko farmakoterapia eta sendagaien hautaketa.

48. Paziente kronikoaren medikazioari heltzea: tratamendua egokitzea, pazientea informatzea, kontziliatzea, berrikustea, preskribatzea eta atxikitzea.

49. Haurdunaldian eta edoskitzaroan sendagaiak erabiltzea.

50. Sendagaien eta osasun-produktuen prezioen ministerioarteko batzordea. Definizioa, funtzioak. Erregelamendua. Osaera, finantzaketa-erabakiari buruzko txosten publikoak.