EPE Euskadiko Administrazio Orokorra 2026

13 plaza txanda irekian, sarbide orokorreko modalitatean, honela banatuta:

3. hizkuntza–eskakizunarekin 2027an: 9

Hizkuntza–eskakizunik gabe: 4



1. Europar Batasuneko kide den edozein estatutako nazionalitatea edukitzea. Parte hartzeko aukera izango dute, halaber, Europar Batasunaren estatu kideetako herritarren ezkontideek, edozein dutela ere nazionalitatea eta, betiere, zuzenbidez bananduta ez badaude, haien ondorengoek eta, zuzenbidez bananduta ez badaude, ezkontidearenek, baldin eta hogeita bat urtetik beherakoak badira edo, adin horretatik gorakoak izanda ere, gurasoen kontura bizi badira. Era berean, Europar Batasunak izenpetu eta Espainiak berretsitako nazioarteko itunen aplikazio-eremuan dauden pertsonek ere parte hartu ahal izango dute, baldin eta itun horietan langileen zirkulazio askea aplikatzen bada.
2. Gaitasun funtzionala izatea, sartu nahi den kidegoko edo eskalako zereginak betetzeko.
3. 16 urte beteta izatea eta nahitaezko erretiro-adina beteta ez izatea.
4. Diziplina-espediente batez edozein administrazio publikotako edo autonomia-erkidegotako organo konstituzional edo estatutarioen zerbitzutik bereizita ez egotea; ezta, ebazpen judizial baten ondorioz, enplegu edo kargu publikoetarako desgaikuntza absolutua edo berezia izatea ere, bereizi edo desgaitu duten funtzionario-kidegoan edo eskalan sartzeko. Beste estatu bateko herritarra izanez gero, hautagaia ezingo da desgaituta edo egoera baliokidean egon, eta ezingo du ezarrita izan diziplina-zehapenik edo baliokiderik, bere estatuan, baldintza berberetan, enplegu publikorako sarbidea eragozten dionik.
5. Oinarri espezifikoetan eskatutako titulazioa izatea edo titulua eskuratzeko eskubideak ordainduta izatea. Titulazioak atzerrikoak badira, haien homologazioaren egiaztagiria eduki beharko da.
6. Indarrean dagoen araubidearen arabera, ezgaitasun edo bateraezintasuneko lege-kausaren batean sarturik ez egotea; hala ere, araudiak ematen duen aukera-eskubidea errespetatuko da.
7. Ordainduta izatea langileak hautatzeko deialdietan inskribatzeagatik ordaindu beharreko tasa, lehiatu nahi den prozesuaren eta kidegoaren nahiz eskalaren arabera. Tasaren zenbatekoa oinarri espezifikoetan zehaztuko da.
8. Kidego eta eskala bereko karrerako funtzionario ez izatea.
9. Oinarri espezifikoetan eskatzen den beste edozein betekizun.

Oinarri orokorretako 3.3.i) apartatuari dagokionez, parte hartzeko ondorengo betekizun hau ezartzen da:

Dolozko delituagatik askatasunaz gabetzeko hiru urtetik gorako zigorrik jaso ez izana, zigor–aurrekariak baliogabetzea edo errehabilitazioa lortu ez bada salbu. Erantzukizunpeko adierazpenaren bidez alegatu beharko da.

Lanpostuak esleitzeko betekizun espezifikoak.

Deialdi honetako lanpostuetan, euskararen 3. hizkuntza–eskakizuna izatea betekizun izan daiteke lanpostua betetzeko. Euskara jakitea betekizuna da derrigortasun–data igarota daukaten lanpostuetan.

Horrez gain, deialdi honetako lanpostuek betekizun espezifiko hauek izan ditzakete:

– B gidabaimena.

Merezimenduak alegatzeko izapidean deklaratu behar da.

Eskainitako lanpostuen zerrendan —oinarri orokorretako 15.2 apartatuan aipatzen da—, hauek zehaztu behar dira: lanpostu bakoitzaren izena, saila edo organismoa, zentro organikoa, lanpostua kokatuta dagoen herria, destino–osagarriaren eta berariazko osagarriaren mailak, hizkuntza–eskakizuna eta derrigortasun–data, eta lanpostua betetzeko bete behar diren betekizun espezifikoak.

Hautaketa–sistema oposizio–lehiaketa izango da.

• Oposizio–fasea.

Hiru proba egingo dira, bi fasetan banatuta.

• I. FASEA

• 1. proba. Teoriko-praktikoa izango da, eta bi zati izango ditu:

A zatia: Gai-zerrenda orokor eta espezifikoei buruzko galdera sorta bat izango da, eta galderek zenbait erantzun-aukera izango dituzte.

B zatia: Zenbait erantzun-aukera dituen galdera sorta bati erantzun beharko zaio hemen ere. Deialdiko lanpostuetako zereginekin lotutako kasu teoriko-praktikoei buruzkoak izango dira galderak, eta deialdi bakoitzaren oinarri espezifikoekin batera argitaratutako den gai-zerrenda espezifikoaren esparruan egongo dira kokatuta.

Erantzuten ez diren galderek ez dute baloraziorik izango, eta okerreko erantzun bakoitzeko penalizazio bat aplikatuko da: erantzun zuzen baten balioaren heren bat deskontutako da.

Hautaketa-prozesua egokiro garatu dadin, kontuan hartuta eskatutako gutxieneko maila, bai, halaber, proban erakutsitako ezagutza-maila eta deialdiko plaza kopurua, eta hautagaiak nor diren jakin aurretik, epaimahaiak puntuazio-atalase bat ezarriko du, proba gainditzeko behar den gutxieneko puntuazioa zein den zehazteko, eta jendaurrean emango da erabaki horren berri. Gutxieneko zuzeneko puntuazioa ezingo da izan zati bakoitzean gehienez lor daitekeen puntuazioaren ehuneko 35 baino txikiagoa eta ehuneko 65 baino handiagoa.

Proba bakoitza (edo probaren zati bat) gainditzeko epaimahaiak ezartzen dituen gutxieneko zuzeneko puntuazioak hura gainditzeko behar diren gutxieneko kalifikazioak izango dira.

Gehienez lor daitezkeen zuzeneko puntuazioak probako (edo probaren zatiko) gehieneko kalifikazioak izango dira.

Kalifikazioak (puntuazio bihurtuak) kalkulatzeko, formula hauek aplikatuko dira:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino handiagoa bada:

Hautagaiak lortutako zuzeneko puntuazioa epaimahaiak ezarritako gutxieneko zuzeneko puntuazioa baino txikiagoa bada:

Non:

b(z) – Hautagaiaren kalifikazioa (puntuazio bihurtua) z – Hautagaiaren zuzeneko puntuazioa

Gu – Ariketa edo ariketaren zati bat gainditzeko epaimahaiak ezarritako gutxieneko zuzeneko puntuazioa (gutxieneko nota)

Ge – Ariketan eta ariketa zati batean gehienez lor daitekeen zuzeneko puntuazioa

A – Ariketan edo ariketaren zati batean gehienez lor daitekeen kalifikazioa (gehieneko puntuazio bihurtua)

Probak gehienez 50 puntuko kalifikazioa izango du, eta zati bakoitza 0tik 25 puntura baloratuko da. Proba gainditzeko,12,5 puntuko kalifikazioa (puntuazio bihurtua) beharko da zati bakoitzean.

• II. FASEA

• 2. proba. Proba praktikoa izango da.

Lanpostuaren zeregin kritikoak simulatuko ditu; hala, balizko egoera bat edo batzuk azaldu edo aztertu beharko da/dira idatziz, galdera bati edo batzuei erantzun beharko zaie, deialdiko lanpostuko ohiko arazo bati konponbidea emateko diagnostikoa eta proposamena eratu beharko da edota txostena, irizpena edo beste edozein analisi egin, betiere bat etorrita deialdiaren xede diren lanpostuen gai-zerrendetan eta konpetentzia-profiletan jasotako edukiekin, plazari dagozkion abilezia teknikoekin eta hautaketa-prozesuan parte hartzeko eskatzen den prestakuntza akademikoarekin.

Epaimahaiak proba praktiko hau zer formatutan egin erabakiko du, deialdiko plazetan jarduteko behar diren abilezia teknikoak ahalik ondoen jasotzea helburutzat hartuta. Era berean, probaren iraupena ere zehaztuko du, zeina ezin izango baita hiru ordutik gorakoa izan.

Proba honek 45 puntuko balorazioa izango du gehienez.

Alderdi hauek baloratuko dira: ea erantzuna proban planteatu den egoerari egokitu zaion, plazari dagozkion abilezia teknikoak eta ezagutzak erakutsi diren eta ezagutza eta abilezia horiek uztartzeko gaitasuna erakutsi den. Beste alderdi hauek ere baloratuko dira: analisi- eta sintesi-gaitasuna izatea, erantzunak arrazoitzea, kontzeptu eta terminologia doiak erabiltzea, ideiak ordena egokian eta argitasunez garatzea eta idatzizko adierazpena zuzena izatea. Epaimahaiak aurreko balorazioirizpideak garatzeko beste irizpide batzuk adostuz gero, proba egin aurretik argitaratu beharko ditu.

Epaimahaiak zuzentze-irizpideen arabera kalifikatu beharko du ariketa hau, eta deialdiaren oinarrietan berariaz azaldu ez diren alderdiak zuzentzeko, baloratzeko eta gainditzeko erabiliko diren irizpideak proba egin aurretik argitaratuko ditu.

Bigarren proba gainditzeko, oro har, 22,5 puntu lortu beharko dira gutxienez.

Dena dela, ariketa gainditu duten hautagaien kopurua deialdiko plazen kopurua baino txikiagoa bada, 18 puntu edo gehiago lortu dituzten hautagaiei ere gainditutzat emango zaie ariketa.

• 3. proba. Konpetentziak ebaluatzeko proba.

Nahitaezkoa izango da eta ez baztertzailea, eta deialdiko lanpostuak betetzeko hautagaiek duten konpetentzia-profilaren elementuak baloratuko dira proba honen bitartez. Ariketan ebaluatu daitezkeen konpetentzien profilaren elementu zehatzak Enplegu Publikoaren Atarian argitaratutakoetako bat edo batzuk izango dira. Proba egin aurretik, ezagutzera emango da konpetentzien profileko zer elementu neurtu ahal izango diren, zer proba mota egingo den/diren (nortasunari, konpetentziei edo gaitasunei buruzko test edo galdetegiak, elkarrizketak, sarrera-ontziak, egoera-probak, talde-dinamikak, rol-probak, kasu-azterketak, ahozko aurkezpenak eta beste proba batzuk), zenbat iraungo duen probak eta haztapen eta baloraziorako zer irizpide erabiliko diren.

Proba honek 5 puntuko balorazioa izango du gehienez.



• Lehiaketa–fasea.

Lehiaketa–fasean, gehienez 45 puntu lor daitezke, baremo honen arabera lortutako puntuak batuz:

• Emandako zerbitzuengatiko esperientzia. Esperientziatzat hartzen dira edozein administrazio publikotan, organismo autonomotan, zuzenbide pribatuko erakunde publikotan, unibertsitate publikotan, estatutu–organoetan eta organo konstituzionaletan, edota justizia–administrazioan emandako zerbitzuak, funtzionario–harremanekoak nahiz lan–kontratuko harremanekoak izan:

Euskal Autonomia Erkidegoko Administrazio orokorrean eta haren administrazio instituzionalean emandako zerbitzuak:
– Indarrean dagoen lanpostu–zerrendan lehentasunezko eskala Espetxe Administrazioko Fakultatiboen Goi–mailako Kidegoko Psikologiako Eskala duten lanpostuetan.
– Espetxe Administrazioko Fakultatiboen Goi–mailako Kidegoko Psikologiako Eskalako izendapenarekin edo pareko kategoriako lan–kontratuarekin.

Gainerako administrazio eta erakundeetan emandako zerbitzuak: Kidego/eskala/aukerako izendapenarekin edo lan–kategoria kontratuarekin emandako zerbitzuak Fakultatiboen Goi–mailako Kidegoko Psikologiako Eskalaren pareko funtzioekin.

Zenbaketa egiteko, eskatutako betekizunak betetzen dituzten azken 10 urteetako lan–aldiak batuko dira, eta, batu ondoren, hilabetetik beherako zatikiak kenduko dira. Horretarako, 30 eguneko multzoa hartuko da hilabetetzat.

Esperientzia hori baloratzeko, 0,45 puntu emango dira lan egindako hilabete bakoitzeko, eta gehienez 27 puntu lortu ahal izango dira.

Seme–alabak zaintzeko, senideak zaintzeko, genero–indarkeriagatiko edo indarkeria terroristagatiko eszedentzian emandako denbora esperientzia gisa baloratuko da erreserbako lanpostuan.
Esperientzia kidego eta eskala bakar batera sartzeko soilik alegatu ahalko da.

• Tituluak, gehienez 18 puntu.

Ez dira merezimendu gisa baloratuko sartzeko betekizuna den edo merezimendu gisa baloratu den goi–mailako titulu bat lortzeko behar diren tituluak. Aurreikuspen horretatik salbuetsita daude master ofizialeko titulua eta espezialista–tituluak lortzeko behar diren tituluak

– 10,80 puntu emango dira deialdiko lanpostuen eginkizunekin zerikusia duten master ofizialengatik. Hautaketa–prozesuko epaimahaiari dagokio balora daitezkeen masterrak zehaztea, Giza Baliabideen Zerbitzuak horretarako emango dituen txostenak aztertu ondoren.

– 10,80 puntu emango dira Psikologia Klinikoko espezialista (BAPE) titulu bakoitzeko.

– 7,2 puntu emango dira ikasketa–eremu hauetako titulu bakoitzeko (gradua, lizentzia edo diploma):

011101 Pedagogia
011901 Gizarte–hezkuntza
092301 Gizarte–lana
031402 Kriminologia
042101 Zuzenbidea

Gradu–, lizentzia– edo diploma–tituluen kasuan, titulu bakarra baloratuko da ikasketa–eremu bakoitzeko. Era berean, aipatutako tituluen mailetan, ez dira baloratuko sartzeko betekizun gisa alegatutako tituluaren ikasketa–eremu berekoak direnak, master ofizialeko tituluak izan ezik.

Oinarri orokorretako 7.ean adierazitako lekuetan argitaratzen dira ikasketa–eremu bakoitzean sartzen diren tituluak. (PDF, 4 MB)

• Euskara jakitea.

Hizkuntza–eskakizunek derrigortasun–data igarota ez dutelako euskara jakitea betekizun gisa eskatzen ez den lanpostuetan bakarrik baloratuko da. Baremo honen arabera baloratuko da euskara jakitea:

Euskal Autonomia Erkidegoko Administrazio Orokorraren eta haren organismo autonomoen hizkuntza–eskakizunen baliokide diren ziurtagiri eta tituluak dekretu hauetan zehaztuta daude: 297/2010 Dekretua, azaroaren 9koa, Euskararen jakite–maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzia Marko Bateratuko mailekin parekatzeko dena, eta 47/2012 Dekretua, apirilaren 3koa, Euskaraz egindako ikasketa ofizialak aintzat hartzeko eta euskara–maila hizkuntza–tituluen eta ziurtagirien bidez egiaztatzetik salbuesteko dena.

Eskaerak eta hautaketa-prozesuen jarraipena

Eskabidea bide elektronikoz aurkezteko, Enplegu Publikoaren Atariko helbide elektronikoa erabili beharko da (https://www.euskadi.eus/enplegu–publikoa/), eskabidea bete ahala adierazten diren argibideei jarraituz. Horretarako, nork bere burua identifikatu beharko du, Euskal Autonomia Erkidegoko Administrazio Orokorrean onartutako edozein bitarteko erabiliz (https://www.euskadi.eus/identifikazio-elektronikorako-onartutako-bitartekoak/web01-sede/eu/), edo eskabidea bete ondoren aplikazioak berak ematen duen aldi baterako erabiltzailearen bidez. Aldi baterako erabiltzaile hori eskabidea kontsultatzeko bakarrik erabili ahal izango da. Gainerako izapideak egiteko, beharrezkoa izango da identifikazio elektronikorako onartutako bitartekoren bat edukitzea.

Eskabide elektronikoa Eusko Jaurlaritzako KZ–Gunea zentro publikoetan ere egin ahal izango da. KZguneen zerrenda eta kokapena helbide honetan ikus daitezke: www.kzgunea.eus.

• Oinarri orokorrak
• Oinarri espezifikoak

Espetxe-administrazioko Fakultaiboen Goi-mailako Kidego guztientzako gai-zerrenda orokorraren bibliografia (2026ko maiatza) (PDF, 377 KB)

Espetxe-administrazio Psikologiako Eskalako gai-zerrenda espezifikoaren bibliografia (2026ko maiatza) (PDF, 137 KB)

1. Ebaluazio psikologikoa espetxe-testuinguruetan. Ebaluazio psikologikoaren helburuak. Askatasun-gabetzearen testuinguruaren berezitasunak. Ebaluatu behar diren portaera-arloak. Ebaluazio-prozesuaren mugak eta bermeak.

2. Elkarrizketa psikologikoa espetxe-ingurunean. Elkarrizketaren ezaugarriak. Elkarrizketa motak. Hasierako elkarrizketa eta jarraipen-elkarrizketak. Abantailak eta mugak testuinguru instituzionaletan.

3. Teknika proiektiboak ebaluazio psikologikoan. Kontzeptua eta oinarriak. Teknika proiektibo nagusiak. Abantailak eta eragozpenak. Espetxeratuei aplikatzea.

4. Teknika psikometrikoak ebaluazio psikologikoan. Adimenaren ebaluazioa. Nortasunaren ebaluazioa. Jarrerak, motibazioa eta autokontrola ebaluatzea. Erabilera- eta interpretazio-irizpideak.

5. Ebaluazio kognitiboa egiteko eskalak eta neurriak. Kognizioen eta sinesteen ebaluazioa. Jarreren eskalak. Distortsio kognitiboen neurriak. Aplikazio praktikoa.

6. Espetxeko giroa ebaluatzea. Giro sozialaren kontzeptua. Ondoez- eta gatazka-egoeren adierazleak. Taldekako ebaluazioa. Esku-hartzeko erabilgarritasuna.

7. Indarkeriaren eta agresibitatearen ebaluazio psikologikoa. Nortasun biolentoak. Ebaluazio-tresnak. Erasotzaileen tipologiak. Berrerortzeko arriskuaren balorazioa.

8. Psikopatologia: kontzeptu orokorrak. Normaltasuna eta anormaltasuna. Nahasmendu mentalaren kontzeptua. Azalpen-ereduak. Sailkatzeko eta diagnostikatzeko sistemak.

9. Antsietate-nahasmenduak. Antsietate normala eta patologikoa. Antsietate-nahasmenduen sailkapena. Azalpen-ereduak. Espetxean agertzea.

10. Gogo-aldartearen nahasmenduak eta nahasmendu psikotikoak. Depresioa eta nahasmendu bipolarrak. Nahasmendu psikotikoak. Ezaugarri klinikoak. Esku-hartzeko ondorioak.

11. Adikzioak eta jokabide adiktiboak. Substantzia eta jokabide adiktiboak. Mendekotasun-prozesuak. Azalpen-ereduak. Ondorio terapeutikoak.

12. Nortasunaren nahasmenduak. Kontzeptua eta sailkapena. Nahasmendu nagusiak. Nahasmendu antisoziala eta psikopatia. Ondorio klinikoak eta sozialak.

13. Ikaskuntza eta baldintzapen klasikoa. Baldintzapen klasikoaren printzipioak. Jokabideak bereganatzea eta bazter uztea. Jokabide problematikoetarako aplikazioak.

14. Ikaskuntza eta baldintzapen eragilea. Indartzea eta zigortzea. Moldekatzea eta kateatzea. Jokabidearen kontrola. Espetxeko esku-hartzeetan aplikatzea.

15. Jokabide kriminalaren eredu biologikoak. Teoria biologikoak eta genetikoak. Soziobiologiaren eta etologiaren ekarpenak. Ereduen mugak.

16. Jokabide kriminalaren eredu psikodinamikoak, humanistak eta sistemikoak. Oinarri teorikoak. Portaera kriminalaren azalpena. Ekarpenak eta kritikak.

17. Jokabide kriminalaren eredu soziologikoak eta psikosozialak.
Asoziazio diferentziala. Azpikultura eta etiketatze soziala. Gizarte-kontrola eta garapen soziala.

18. Adimena eta jokabide kriminala. Adimenaren kontzeptua. Ebaluazioa eta garapena. Adimenaren, delituaren eta esku-hartzearen arteko harremana.

19. Desberdintasun psikologikoak sexuaren eta generoaren arabera. Genero-rolak. Desberdintasun psikologikoak. Genero-indarkeria. Esku-hartzeko ondorioak.

20. Desberdintasun psikologikoak adinaren arabera. Gazteen delinkuentzia. Karrera kriminala. Aldaketa ebolutiboak. Ondorio prebentiboak eta terapeutikoak.

21. Aldagai sozial eta kulturalen eragina delinkuentzian.
Gizarte-klasea. Delinkuentzia ekonomikoa. Azpikultura kriminalak. Egungo joerak.

22. Boterea eta eragina espetxe-testuinguruetan. Botere motak. Eragina araudietan eta informazioan. Gizarte-kontroleko prozesuak.

23. Egozpen eta kognizio sozialeko prozesuak. Egozpenaren teoriak. Egozpen-alborapenak. Espetxeko elkarbizitzaren garrantzia.

24. Lidergoa eta talde-dinamikak espetxean. Lidergoaren kontzeptua. Lider motak. Lidergoaren eginkizunak talde itxietan.

25. Taldeen arteko gatazka testuinguru instituzionaletan. Azalpen-teoriak. Taldeen arteko gatazkak. Gatazkak prebenitzeko eta ebazteko estrategiak.

26. Jarduera, motibazioa eta errendimendua espetxean. Jarduera motak. Banakako eta taldekako motibazioa. Gizarteratzearekin duen harremana.

27. Espetxearen gizarte-antolaketa informala. Arau informalak. Espetxeetako azpikulturak. Hizkera eta barne-kodeak. Jokabide-inpaktua.

28. Estresa eta egokitzapen-prozesuak. Estres-ereduak. Estres-eragile instituzionalak. Aurre ematea eta laguntza soziala. Zaurgarritasun psikologikoa.

29. Profesionalen arteko eta erakundeen arteko koordinazioa. Sareko lana. Kasuak deribatzea. Koordinazioa kanpoko sistemekin. Asistentzia-jarraitutasuna.

30. Txosten psikologikoak lantzea. Txosten motak. Balorazio-arloak. Irizpide teknikoak eta etikoak. Erabilgarritasun profesionala.

31. Peritatze psikologikoa espetxe-eremuan. Auzitegiko ebaluazioa. Simulazioa eta engainua. Erantzukizun penala. Peritu-txostena.

32. Esku-hartze psikologikoa espetxe-ingurunean. Esku-hartzearen ezaugarriak. Jarduketa-mailak. Printzipio etikoak. Helburu terapeutikoak.

33. Tratamendu psikologikoaren ereduak. Eredu terapeutiko nagusiak. Efikazia konparatua. Banakako eta taldekako aplikazioa.

34. Esku-hartzearen jokabide-teknikak eta teknika kognitiboak. Baldintzapen eragilea. Teknika kognitiboak. Hirugarren belaunaldiko esku-hartzeak.

35. Arreta psikologikoko prozedurak espetxean. Arreta espetxean sartzean. Arreta eskatu ahala. Programatutako esku-hartzea. Jarraipen terapeutikoa.

36. Antsietate-nahasmenduen tratamendu psikologikoa. Helburu terapeutikoak. Esku-hartzeko teknikak. Emaitzen ebaluazioa.

37. Gogo-aldartearen nahasmenduen tratamendu psikologikoa.
Depresioan eta bipolaritatean esku hartzea. Berriz ez erortzeko prebentzioa. Jarraipen klinikoa.

38. Esku-hartze psikologikoa nahasmendu psikotikoetan eta adikzioetan.
Tratamendu psikologikoa. Koordinazio soziosanitarioa. Laguntza psikosoziala.

39. Askatasun-gabetzearen ondorio psikologikoak. Espetxekotzea. Ondorio emozionalak eta sozialak. Egokitzeko estrategiak.

40. Programa psikologikoen diseinua, ebaluazioa eta kudeaketa. Ikerketaren diseinuak. Programen ebaluazioa. Esku-hartze psikologikoaren hobekuntza.