Industria-kutsaduraren prebentzioa eta kontrola

2005eko irailaren 13an, Industria de Turbo Propulsores, SA enpresak Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Zamudioko (Bizkaia) udalerrian osagai aeronautikoak fabrikatzeko jarduerarako. Eskaerarekin batera, Zamudioko Udalak (2005eko apirilaren 27a) eman zuen aldeko hirigintza-txostena eta dokumentazio tekniko hau aurkeztu zuen:

Oinarrizko proiektua (2005eko iraila).

Laburpen ez-teknikoa (2005eko iraila).

Ingurumenaren Jagoletza Programa (2005eko iraila).

Erreferentziako baimena eskatzeko orduan, Industria de Turbo Propulsores, SA enpresak, besteak beste, jarduerarako baimena zuen, 2002ko ekainaren 28koa. Osagai aeronautikoak fabrikatzeko jarduerarako eman zitzaion baimena. Halaber, enpresa sustatzaileak kolektorera isurketak egiteko zegokion baimena, 2003ko maiatzaren 26koa, eta hondakin arriskutsuak sortzeko baimena, 2004ko apirilaren 22koa, zituen. Baimen guztiak zabaldu eta berritu ditu, betiere ur eta hondakinen esparruan indarrean dagoen araudiak xedatutakoari jarraituz.

2005eko urriaren 27an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, Ingurumen Organoaren bidez proiektua jendaurrean jartzeko izapidetzea adosteari dagokionez. Zehazki Zamudioko Udalari, Eusko Jaurlaritzako Osasun Sailari eta Bilbao Bizkaia Ur Partzuergoari kontsultatu zien.

2006ko uztailaren 28an eta 2007ko martxoaren 29an, Ingurumen Organoak agiri osagarriak aurkezteko eskatu zion sustatzaileari; espedientea 2007ko irailaren 18an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko abenduaren 17an emandako Ebazpenaren bidez, jendaurrean jarri zen 30 egun balioduneko epean, Industria de Turbo Propulsores, SA enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2008ko urtarrilaren 23an. Era berean, Euskal Autonomia Erkidegoko bi egunkaritan argitaratu zen 2008ko urtarrilaren 27an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegaziorik ez dagoela egiaztatu da.

Uztailaren 1eko 16/2002 Legearen 17. eta 18. artikuluetan xedatutakoa betez, 2008ko martxoaren 3an Ingurumenaren Kalitatearen Zuzendaritzak txostenak eskatu zizkien Zamudioko Udalari, Eusko Jaurlaritzako Osasun Sailari eta Bilbao Bizkaia Ur Partzuergoari, espedientean ageri den emaitza jasoz.

2008ko apirilaren 14an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Industria de Turbo Propulsores, SA enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2008ko apirilaren 25ean sustatzailearen jakinarazpena jaso zen. Jakinarazpen hartan hainbat ohar egin ziren Ingurumeneko Baimen Bateratuaren Ebazpen-Proposamenari lotuta.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Apirilaren 20ko 509/2007 Errege Dekretuak Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen du eta bere 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin lotura teknikoa dutenak.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Industria de Turbo Propulsores, SA enpresaren kasuan, baimen hauek guztiak behar ditu: hondakin arriskutsu eta ez-arriskutsuak sortzeko baimena, kolektorera isurtzeko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak ordezkatzen du jarduera sailkatuetarako udal-lizentziaren prozedura, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Industria de Turbo Propulsores, SA enpresari dagokion ingurumeneko baimen bateratuaren prozedurak barne hartu ditu Euskal Herriko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Zamudioko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan da teknika onenen erabilera. Batez ere kontuan izan da metal eta plastikoen azal-tratamenduari buruzko 2005eko iraileko «Reference Document on Best Available Techniques in treatment of metals and plastics» BREF agiria.

Espedienteko txostenak aztertu ondoren, Ebazpen-Proposamena sinatu eta Industria de Turbo Propulsores, SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko 2002ko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko apirilaren 11n emandako ebazpen-proposamena; Euskal Herriko Ingurumena Babesteari buruzko otsailaren 27ko 3/1998 Lege Orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; Legea burutzeko araudia onartzen duen irailaren 30eko 1131/1988 Errege Dekretua; Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretua; Herri Administrazioen Araubide Juridikoa eta Administrazio Prozedura Erkideari buruzko azaroaren 26ko 30/1992 Legea, eta aplika daitekeen gainerako araudia,

Lehenengoa. Zamudio (Bizkaia) udalerriko Teknologia Parkeko 300. Eraikinean egoitza soziala duen eta IFK: A48179196 zenbakia duen Industria de Turbo Propulsores, SA enpresari Ingurumeneko Baimen Bateratua ematea, Zamudioko udalerrian osagai aeronautikoak fabrikatzeko jarduerarako, eta Ebazpen honen Bigarren atalean zehaztutako baldintzetan.

Jarduera, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean ageri da, 2.6 epigrafean «Prozedura elektrolitiko edo kimikoaren bidez metal eta plastikozko materialen azal-tratamendurako instalazioak, tratamendura bideratuta erabilitako kubeta edo lerro guztien bolumena 30 m³ baino handiagoa denean».

Zamudioko fabrikaren instalazioetan, ondorengo industria-prozesuak gauzatzen dira:

1. Azal-tratamendua: titanio-piezak edo superaleazioak, koipegabetu eta desugertu egiten dira. Batzuetan, likido sarkorra aplikatzen zaie.

2. B nabearen azal-tratamenduaren lerroak: Koipegabetzeko, likido sarkorrerako eta kromo hexabalentea murrizteko lerroak daude.

3. A nabearen azal-tratamenduaren lerroak. Diskoak eta NGV-ak (Nozzle Guide Vane).

4. CR VI-aren murrizketa (hexabalentea).

5. Plasma bidezko estaldura: piezaren gainean hauts metalikoa botatzen da, tenperatura altuko sugarraren bidez. Sugarrak hautsa urtzen du eta piezari itsasten dio, geruza moduan.

6. Mekanizazioa: txirbil-harroketaren bidez, elektroerosioaren bidez, shot peening, ECM (Mekanizazio Elektrokimikoa), fresaketa kimikoa, konformazio superplastikoa.

7. Zerbitzu Orokorrak / Besteak: instalazioen Mantentze-Lan Orokorra eta Pintaketa.

8. Soldatzea.

9. Muntaia.

10. Egiaztapena.

11. Tresneriaren garbiketa eta zorrozketa.

12. Garbiketa.

13. Entseguak.

14. Tratamendu termikoak.

    Prozesu laguntzaileei dagokienez, honako hauek daude: hondakin-uren tratamendua, olioen neutralizazioa eta bereizketa, eta Zerbitzu Medikua.

    Karkasen minifabrikan, urteko ekoizpen ahalmena 5.600 pieza ingurukoa da; NGV-en minifabrikan, 16.000 pieza ingurukoa eta diskoen minifabrikan, 600 pieza ingurukoa. Prozesu ez-konbentzionalei dagokienez, konformazio superplastikoaren prozesuan 1.000 pieza inguru, 100 pieza inguru fresaketa kimikoan, 70 pieza inguru fresaketa elektrokimikoan eta 85 haizebide inguru muntaian.

    Ekoizpen-prozesuan erabiltzen diren energia-baliabideak energia elektrikoa eta gas naturala dira. Gas naturala galdaretan erabiltzen da. 2005ean, 233.052 m³ kontsumitu zen. Bestalde, energia elektrikoa fabrikaren prozesu guztietan erabiltzen da. 2005ean, 20.612.041 Kw/h kontsumitu zen.

    Ura helburu industrialetarako nola sanitarioetarako erabiltzen da, eta Bilbao Bizkaia Ur Partzuergoaren udal-saretik dator. Jardueran ondorengo ur-fluxuak sortzen dira:

    1. A, B eta D nabeetako industria-urak, hozketa-sistemaren urak, eta bi isurketa-puntutan Partzuergoaren kolektorera isurtzen diren erabilera sanitarioko urak;

    2. eta kutsagarriak izan ditzaketen euri-urak, bi isurketa-puntutatik ibilgura isurtzen direnak.

       Industriako ur-fluxu bakoitza neutralizazio-prozesuaren bidez eta dagokion hidrokarburo-bereizlearen bidez tratatzen da.

       Instalazioak atmosferara isurtzen duten 28 isurtze-foku ditu eta honakoei dagozkie: pintura (2), plasma bidezko estaldura, azal-tratamenduak (3), entseguak (2), garbiketa, dokumentazio-zentroa, tratamendu termikoak (2), mekanizazioa (2), mantentze-lanak (8), konformazio superplastikoa (2), fresaketa elektrokimikoa (3) eta mekanizazio elektrokimikoa.

       Hondakin arriskutsuak sortzeko prozesuak honako hauek dira: mekanizazioa, Azal-tratamendua, Plasma bidezko Estaldura, Hondakin-uren Tratamendua, Zerbitzu orokorrak eta Hondakinen pilaketa.

       Hondakin ez-arriskutsuak sortzeko prozesuak honako hauek dira: bulegoak, biltegia, mekanizazioa eta X izpien entseguak.

       Ekoizpen-prozesuek, metal eta plastikoen azal-tratamenduaren sektoreari buruz «Reference Document on Best Available Techniques in treatment of metals and plastics» BREF agiri europarrak jasotzen dituen teknika onenen erabilera aintzat hartzen dute, orokorrean, biltegiratze-sistemei, labe-motei, bilketa-sistemei eta gas-ezabapenari dagokienez. Beraz, kutsaduraren prebentzio eta kontrol integratuari buruz indarrean dagoen araudiak ingurumena babesteko adierazten dituen helburuak bete egiten dira.

       Bigarrena. Industria de Turbo Propulsores, SA enpresak Zamudioko udalerrian sustatutako osagai aeronautikoak fabrikatzeko jarduera ustiatzeko, ondorengo baldintzak eta eskakizunak ezartzea:

    1. Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Industria de Turbo Propulsores, SA enpresak aldaketa horien berri emango du.

    2. Neurri babesle eta zuzentzaileak sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

       1. Instalazioaren funtzionamendurako baldintza orokorrak.

       1.1. Airearen kalitatea babesteko baldintzak.

       1.1.1. Baldintza orokorrak.

       Industria de Turbo Propulsores, SA enpresaren instalazioa ustiatzean atmosferara egingo diren isurtzeek ez dituzte Ebazpen honetan ezarritako balioak gaindituko.

       Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

       Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

       Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

       1.1.2. Fokuak identifikatzea. Katalogazioa.

       Industria de Turbo Propulsores, SA enpresaren instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

       Foku zk. Foku-kodea Isurtze-fokuaren

       izena Katalogazioa

       Taldea UTM koordenatuak

       X Y

       1 48007478-1 Pintura C 511895 4793494

       2 48007478-2 Plasma C 511906 4793504

       3 48007478-3 Gas-garbitzailea

       (B nabea) C 511885 4793468

       4 48007478-4 Laborategi metalografikoa C 511816 4793490

       5 48007478-5 Likido sarkorrak

       (B nabea) C 511890 4793497

       6 48007478-6 Pintura-polimerizazio labea (horizontala) C 511913 4793410

       7 48007478-7 Tresneria-garbitzailea C 511802 4793529

       8. D 48007478-8 Fotokalkoa Foku ez-sistematikoa 511805 4793533

          9 48007478-9 1. eta 2. hutsezko labeak C 511847 4793479

          10 48007478-10 Aireztapen-sistema C 511847 4793479

          11 48007478-11 Tresneria-zorrotzailea C 511792 4793516

       12. D 48007478-12 Materialen laborategia Foku ez-sistematikoa - -

           13 48007478-13 Shot peening C 511714 4793538

           14 48007478-14 Gas-garbitzailea

           (A nabea) C 511718 4793556

           15 48007478-15 Bizar-kentze kabina (konformazioa) C 511889 4793812

           16 48007478-16 Pintura-kabina (konformazioa) C 511889 4793812

           17 48007478-17 Pintura-kabina (fresaketa kimikoa) C 511889 4793817

           18 48007478-18 Laser ebakitzailea (fresaketa kimikoa) C 511889 4793825

           19 48007478-19 Gas-garbitzailea (fresaketa kimikoa) C 511947 4793587

           20 48007478-20 Mekanizazio elektrokimikoaren fokua C 511863 4793879

       21. D 48007478-21 1. multzo elektrogenoa Foku ez-sistematikoa 511931 4793556

       22. D 48007478-22 2. multzo elektrogenoa Foku ez-sistematikoa 511931 4793556

           23 48007478-23 Konformazio superplastikorako makina C 511893 4793788

           Aurreko taulan adierazitako isurtze-foku ez-sistematikoen garaiera eta barruko diametroaren datuak jarri beharko dira; halaber, materialen laborategiari (12-D) dagokion fokuaren UTM koordenatuak gehitu beharko dira.

           Era berean, piezen gainazala garbitzerakoan disolbatzaile organikoak erabiltzen direnez, isurtze barreiatuak sortzen dira. Etenkako erregimenean sortzen da. Azetona (gero eta gutxiago) eta isopropil-alkohola erabiltzen dira.

           1.1.3. Isurtzeko muga-balioak.

           Instalazioa ustiatzean atmosferara egingo diren isurtzeek ez dituzte isurtzeko muga-balio hauek gaindituko:

           Fokua(k) Substantziak Isurtzeko muga-balioak

           1 Partikulak guztira 20 mg/ Nm³

           2 Partikulak guztira 20 mg/ Nm³

           3 Partikulak guztira 30 mg/ Nm³

           HCl 30 mg/ Nm³

           HF 5 mg/ Nm³

           NOx 500 mg/ Nm³

           Cr guztira 0,2 mg/ Nm³

           4 HCl 30 mg/ Nm³

           5 Partikulak guztira 50 mg/ Nm³

           13 Partikulak guztira 50 mg/ Nm³

           14 SOx 10 mg/ Nm³

           NOx 500 mg/ Nm³

           Partikulak guztira 30 mg/ Nm³

           HF 5 mg/ Nm³

           15 Partikulak guztira 50 mg/ Nm³

           16 Partikulak guztira 50 mg/ Nm³

           17 Partikulak guztira 50 mg/ Nm³

           18 Partikulak guztira 150 mg/ Nm³

           19 HF 5 mg/ Nm³

           NOx 500 mg/ Nm³

           Partikulak guztira 30 mg/ Nm³

           20 NOx 500 mg/ Nm³

           23 Partikulak guztira 50 mg/ Nm³

           Muga-balio horiek baldintza hauek dituzte: 273 K-ko tenperatura, 101,3 kPa-ko presioa eta gas lehorra.

           Gehienez onar daitezkeen balioek ez dituzte isurtzeko muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

           1.1.4. Gasak biltzeko eta husteko sistemak.

           Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak 1976ko urriaren 18an emandako Agindua (Industriak atmosferan eragiten duen kutsadurari aurrea hartu eta hori zuzentzeari buruzkoa) bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

           Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziak (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 8D eta L2 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

           Isurtze barreiatuak gutxiagotzeko helburuarekin, enpresak karbono organiko hegazkorrak murrizteko sistema aurkeztu du. Beraz, murrizketa-sistemaren eraginkortasuna frogatzeko, C.1.d. atalean eskatzen den memoria aurkeztu beharko du urtero.

           1.2. Saneamendu-sarera isurketak egiteko baldintzak.

           1.2.1. Isurketen jatorria eta kokapena.

           Isurketa puntua Hondakin

           ur mota Isurketaren

           jatorria Ingurune hartzailea UTM koordenatuak

           1 Industria-urak eta ur sanitarioak A20 nabea (NGV-en azal-tratamenduaren upeletatik eta diskoen garbiketatik eratorria) eta B20 nabea (piezen garbiketa, azal-tratamenduaren upelak, kabinako likido sarkorrak aplikatzeko lerroa) Udal kolektorea X: 511896

           Y: 4793455

           2 Industria-urak eta ur sanitarioak D20 nabea (konformazio superplastikoa, fresaketa kimikoa eta mekanizazio elektrokimikoa) Udal kolektorea X: 511764

           Y: 4793469

           1.2.2. Gehienez isuri daitezkeen emari eta bolumenak.

           1. isurketa: industria-urak eta ur sanitarioak.

           Orduko puntako emaria 2,32 m3

           Eguneko gehienezko bolumena 55,54 m³/egun

           Urteko gehienezko bolumena 20.274 m3

           2. isurketa: industria-urak eta ur sanitarioak.

           Orduko puntako emaria 1,16 m3

           Eguneko gehienezko bolumena 27,8 m3

           Urteko gehienezko bolumena 10.137,3 m3

           1.2.3. Isurtzeko muga-balioak.

           Bilbao Bizkaia Ur Partzuergoko kolektorera doazen isurketei buruzko araudian agertzen diren mugak eta baldintzak bete behar ditu bukaerako isurketak, erakunde horrek aintzat har ditzakeen zehaztapen, aldaketa edo salbuespenekin.

           Ezingo dira diluzio-teknikak erabili isurtzeko muga-balioak lortzeko.

           1.2.4. Araztu eta husteko instalazioak.

           Aurkeztutako agirien arabera, baimendutako isurketak kontrolatzeko hiru kutxeta jarriko dira; isurketen lagin esanguratsuak lortzeko beharrezkoak diren ezaugarri guztiak izango ditu aipatu isurketak. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

           1.3. Instalazioan sortutako hondakinak egoki kudeatzen direla bermatzeko baldintzak.

           Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

           Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

           Hondakinen kudeaketari buruzko printzipio hierarkikoei jarraituz, hondakin oro baliotu egin behar da, autokudeaketaren bidez edo balioztagune baimendu batera eramanez. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

           Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia- eta gertutasun-printzipioei jarraituz.

           Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

           Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

           Hondakinek desagertu, galdu edo ihes egingo balute, berehala jakinaraziko da gertatutakoa Ingurumen sailburuordetzan eta Zamudioko Udalean.

           1.3.1. Hondakin arriskutsuak.

           Sustatzaileak adierazitako hondakin arriskutsuak honako hauek dira:

       1. Prozesua: «Mekanizazioa»

       1. Hondakina: «kromoa duten elektrolitoaren urak»

          Identifikazioa: A48179196/4800018122/1/1

          Hondakinaren kodea: Q8//D9//L27//C3//H7//A241//B3140

          HEZ: 110198

          Urtean sortutako kantitatea: 170 t.

          Mekanizazio prozesuan, elektrolito zikinak purgatzerakoan sortzen da mekanizazio elektrokimikoaren berrigailuan; kromo-hondarrak dituen sodio nitratoaren soluzioa da. Hondakinarentzat berariaz identifikatutako 25 m3-ko gordailuan jasotzen da, instalazioan bertan.

       2. Hondakina: «Emultsio oliotsuak»

          Identifikazioa: A48179196/4800018122/1/2

          Hondakinaren kodea: Q8//D9-R1//L9//C51//H14//A241//B3140

          HEZ: 120109

          Urtean sortutako kantitatea: 144 t.

          Mekanizazio-eragiketetan taladrina erabiltzerakoan hondakin gisa sortzen da; emultsio oliotsua da.

          Hondakinarentzat berariaz identifikatutako biltegiratze-andelean jasotzen da, eta «Hondakin oliotsuen autokudeaketa» prozesuaren 6. puntuan deskribatzen den moduan autokudeatzen da.

       3. hondakina: «Elektroerosio-lohiak»

          Identifikazioa: A48179196/4800018122/1/3

          Hondakinaren kodea: Q8//D9//L8//C51//H5//A241//B3140

          HEZ: 120114

          Urtean sortutako kantitatea: 1 t.

          Elektroerosio bidezko mekanizazio-eragiketetan sortzen da; material mekanizatuaren olio eta hondakinak dira.

          Hondakinarentzat berariaz identifikatutako bidoian jasotzen da, sortzen den lekuan edo lekuetan. Behin bete ondoren, hondakin arriskutsuen biltegira eramaten da.

       4. hondakina: «Olio-iragazkiak»

          Identifikazioa: A48179196/4800018122/1/4

          Hondakinaren kodea: Q9//D15//S35//C51//H5//A241//B3140

          HEZ: 150202

          Urtean sortutako kantitatea: 0,5 t.

          Mekanizazio prozesuan erabilitako iragazkiak birjartzerakoan sortzen da; olio-hondarrak dituzten iragazkiak dira.

          Hondakinarentzat berariaz identifikatutako kaxan, plastikozko poltsetan gordetzen dira hondakin arriskutsuen biltegian.

       5. hondakina: «Nikel hidroxidoa»

          Identifikazioa: A48179196/4800018122/1/5

          HEZ: 110109

          Urtean sortutako kantitatea: 46 t.

          Mekanizazio elektrokimikoan sortzen da. a) puntuan ezarritakoaren arabera kudeatuko da.

       2. Prozesua: «Azal-tratamendua»

       1. Hondakina: «Kromoa duten ur azidoak»

          Identifikazioa: A48179196/4800018122/2/1

          Hondakinaren kodea: Q8//D9//L27//C3/23//H7/8//A241//B3127

          HEZ: 110106

          Urtean sortutako kantitatea: 18 t.

          Sortzen den puntutik hondakinarentzat berariaz identifikatutako 10 m3-ko gordailuraino ponpatzen da, edo postuaren ondoan hondakinarentzat identifikatutako edukiontzian jasotzen da; behin edukiontzia bete ondoren, aipatu gordailura eraman eta ponpatzen da.

       2. Hondakina: «Ur azidoak»

          Identifikazioa: A48179196/4800018122/2/2

          Hondakinaren kodea: Q8//D9//L27//C23//H8//A241//B3127

          HEZ: 110105

          Urtean sortutako kantitatea: 421,08 t.

          Sortzen den puntutik hondakinarentzat berariaz identifikatutako 10 m3-ko (azal-tratamendua) edo 20 m3-ko (fresaketa kimikoa) gordailuraino ponpatzen da, edo postuaren ondoan hondakinarentzat identifikatutako edukiontzian jasotzen da; behin edukiontzia bete ondoren, aipatu gordailura eraman eta ponpatzen da.

       3. Hondakina: «Kromoa duten ur alkalinoak»

          Identifikazioa: A48179196/4800018122/2/3

          Hondakinaren kodea: Q8//D9//L27//C3/24//H5/7//A241//B3127

          HEZ: 110113

          Urtean sortutako kantitatea: 67,34 t.

          Sortzen den puntutik hondakinarentzat berariaz identifikatutako 10 m3-ko gordailuraino ponpatzen da, edo postuaren ondoan hondakinarentzat identifikatutako edukiontzian jasotzen da; behin edukiontzia bete ondoren, aipatu gordailura eraman eta ponpatzen da.

       4. Hondakina: «Ur alkalinoak»

          Identifikazioa: A48179196/4800018122/2/4

          Hondakinaren kodea: Q8//D9//L27//C24//H5/14//A241//B3127

          HEZ: 110107

          Urtean sortutako kantitatea: 18 t.

          Sortzen den puntutik hondakinarentzat berariaz identifikatutako 10 m3-ko gordailuraino ponpatzen da, edo postuaren ondoan hondakinarentzat identifikatutako edukiontzian jasotzen da; behin edukiontzia bete ondoren, aipatu gordailura eraman eta ponpatzen da.

       3. Prozesua: «Plasma bidezko estaldura»

       1. Hondakina: «Plasma-hautsa»

          Identifikazioa: A48179196/4800018122/3/1

          Hondakinaren kodea: Q9//D9//S25//C5//H5//A241//B3258

          HEZ: 110198

          Urtean sortutako kantitatea: 6 t.

          Plasma bidezko estalduraren instalaziotik soberan dagoen hauts metalikoa jasotzerakoan sortzen da; aluminioa, poliesterra, silizea, nikela eta alumina dituen hauts metalikoa da. Halaber, aipatu hauts metalikoekin kutsatutako erabilitako iragazkiak eta estalitako zintak daude.

          Hondakinarentzat berariaz identifikatutako bidoian jasotzen da, eta hondakin arriskutsuen biltegira eramaten da.

       4. Prozesua: «Hondakin-uren tratamendua»

          Identifikazioa: A48179196/4800018122/4

          Prozesuaren kodea: B9301

          Azal-tratamenduaren prozesutik datorren «ur kromatuaren» efluentea, kromo hexabalenteko instalazio murriztaile batean tratatzen da, eta ondoren, gainerako industriako hondakin-urekin batera (orokorrean Azal-tratamenduaren prozesuko garbiketako urak eta labeen hozketa-zirkuituetako urak), olioak bereizten zaizkio, neutralizatu eta kolektorera isurtzen da. «Emultsio oliotsuak» hondakin arriskutsua olioen bereizlean sortzen da, eta Mekanizazio prozesuko izen bereko hondakinarekin batera kudeatzen da.

          Era berean, makineria eta instalazioen mantentze- eta garbiketa-lanetan hondakin arriskutsuak, edo/eta Zerbitzu Orokorren edo/eta Hondakinak Pilatzeko prozesuetan kodetzen diren produktuen kontsumoen ontziak sortzen dira.

       5. Prozesua: «Zerbitzu orokorrak»

       1. Hondakina: «Olio erabiliak»

          Identifikazioa: A48179196/4800018122/5/1

          Hondakinaren kodea: Q7//R13//L8//C51//H5/6//A241//B0019

          HEZ: 130110

          Urtean sortutako kantitatea: 10,6 t.

          Mantentze-Lan Orokorrak azpiprozesuan, ekipo eta instalazioen olioa birjartzeko eragiketetan sortzen da; olio hidrauliko eta mekaniko erabiliak dira.

          Hondakinarentzat berariaz identifikatutako bidoian edo edukiontzian jasotzen da, sortzen den lekuan edo lekuetan, eta hondakin arriskutsuen biltegira eramaten da.

       2. Hondakina: «Merkuriozko pila lehorrak»

          Identifikazioa: A48179196/4800018122/5/2

          Hondakinaren kodea: Q6//R4//S37//C16/22//H6//A241//B0019

          HEZ: 160603

          Urtean sortutako kantitatea: 1 kg.

          Pila agortuak biltzeko eragiketetan sortzen da Mantentze-lan Orokorrak azpiprozesuan; merkurioa duten pilak dira.

          Hondakinarentzat berariaz identifikatutako eta lantegiak banatutako edukiontzietan jasotzen da; edukiontziak erretiratu eta hondakin arriskutsuen biltegira eramaten dira.

       3. Hondakina: «Berunezko bateriak»

          Identifikazioa: A48179196/4800018122/5/3

          Hondakinaren kodea: Q6//R13//S37//C18/23//H8//A241//B0019

          HEZ: 160601

          Urtean sortutako kantitatea: 100 kg.

          Bateriak birjartzeko eragiketetan sortzen da Mantentze-lan Orokorra azpiprozesuan; beruna eta soluzio azidoa duten bateria erabiliak dira.

          Hondakinarentzat berariaz identifikatutako gunean jasotzen da, hondakin arriskutsuen biltegian.

       4. Hondakina: «Hodi fluoreszenteak eta merkurioa duten bestelako objektuak»

          Identifikazioa: A48179196/4800018122/5/4

          Hondakinaren kodea: Q6//R13//S40//C16///H14//A241//B0019

          HEZ: 200121

          Urtean sortutako kantitatea: 0,265 t.

          Lanparak birjartzeko eragiketetan sortzen da Mantentze-lan Orokorra azpiprozesuan; merkurioa duten lanpara erabiliak dira.

          Hondakinarentzat berariaz identifikatutako gunean jasotzen da, hondakin arriskutsuen biltegian.

       5. Hondakina: «Ni-Cd-zko metagailu lehorrak»

          Identifikazioa: A48179196/4800018122/5/5

          Hondakinaren kodea: Q6//R13//S37//C11/24///H6/8//A241//B0019

          HEZ: 160602

          Urtean sortutako kantitatea: 20 kg.

          Metagailu agortuak biltzeko eragiketetan sortzen da Mantentze-lan Orokorra azpiprozesuan; elektrolito alkalinoa dute, nikela eta/edo kadmioa bezalako metalekin batera.

          Hondakinarentzat berariaz identifikatutako gunean jasotzen da, hondakin arriskutsuen biltegian.

       6. Hondakina: «Ikatz aktiboaren iragazkiak»

          Identifikazioa: A48179196/4800018122/5/6

          Hondakinaren kodea: Q9//D15//S35//C51//H5//A241//B0019

          HEZ: 150202

          Urtean sortutako kantitatea: 1 t.

          Mantentze-lan Orokorra azpiprozesuan iragazkiak birjartzerakoan sortzen da; petroliotik eratorritako alifatikoz bustitako ikatz aktiboaren iragazkiak dira.

          Hondakinarentzat berariaz identifikatutako bidoian jasotzen da, sortzen den lekuetan. Behin bete ondoren, hondakin arriskutsuen biltegira eramaten da.

       7. Hondakina: «Tresna elektriko eta elektronikoak»

          Identifikazioa: A48179196/4800018122/5/7

          Hondakinaren kodea: Q14//R4//S40//C6/18//H6/14//A241//B0019

          HEZ: 160213

          Urtean sortutako kantitatea: 5 t.

          Ekipo elektrikoak eta elektronikoak aldatzeko eragiketetan sortzen da Mantentze-lan Orokorra azpiprozesuan; baztertutako ekipo ofimatikoak dira.

          Hondakinarentzat berariaz identifikatutako gunean jasotzen da, hondakin arriskutsuen biltegian.

       8. Hondakina: «Pinturaren hondakin likidoak»

          Identifikazioa: A48179196/4800018122/5/8

          Hondakinaren kodea: Q5//D15//L12//C41//H5//A241//B0019

          HEZ: 080111

          Urtean sortutako kantitatea: 3,7 t.

          Pintaketa-eragiketetan eta mantentze-lanetan sortzen da; disolbatzaile-hondarrak dituen pintura da.

          Hondakinarentzat berariaz identifikatutako bidoian jasotzen da, sortzen den lekuan. Behin bete ondoren, hondakin arriskutsuen biltegira eramaten da.

       9. Hondakina: «Bestelako disolbatzaileak eta disolbatzaile nahasketak»

          Identifikazioa: A48179196/4800018122/5/9

          Hondakinaren kodea: Q5//R13//L5//C41//H3B/5//A241//B0019

          HEZ: 140603

          Urtean sortutako kantitatea: 2,5 t.

          Garbiketa- eta mantentze-lanetan sortzen da; disolbatzaile ez-halogenatuak ditu.

          Hondakinarentzat berariaz identifikatutako bidoian jasotzen da; behin bete ondoren, hondakin arriskutsuen biltegira eramaten da.

       10. Hondakina: «Likido finkatzailea»

           Identifikazioa: A48179196/4800018122/5/10

           Hondakinaren kodea: Q7//R13//L16//C10/23//H14//A241//B0019

           HEZ: 090104

           Urtean sortutako kantitatea: 1 t.

           Entseguak azpiprozesuan sortzen da; zilar, sodio azetato eta trisulfato amonikoaren konposatuak ditu.

           Hondakinarentzat berariaz identifikatutako bidoian jasotzen da; behin bete ondoren, hondakin arriskutsuen biltegira eramaten da.

       11. Hondakina: «Objektu ebakitzaile eta puntazorrotzak»

           Identifikazioa: A48179196/4800018122/5/11

           Hondakinaren kodea: Q16//D10//S1//C35//H9//A241//B0019

           HEZ: 180103

           Urtean sortutako kantitatea: 24 kg.

           Zerbitzu Medikua azpiprozesuan sortzen da; hondakin ebakitzaile eta puntazorrotzak dira.

           Edukiontzi hermetiko batean gordetzen da, botikinean; edukiontzia zuzenean erretiratzen da, baimendutako kudeatzaileari emateko.

       12. Hondakina: «Pinturaren hondakin solidoak»

           Identifikazioa: A48179196/4800018122/5/12

           Hondakinaren kodea: Q5//D15//S12//C31/41/43//H5/6//A241//B0019

           HEZ: 080111

           Urtean sortutako kantitatea: 8,3 t.

           Fresaketa kimikoan eta gainelastikoaren konformazioan pintaketa-eragiketetan Mekanizazio prozesuan sortzen da; produktua pintatzean eta mantentze-lanetan Zerbitzu Orokorrak prozesuan. Pintura solidoa, estalitako zintak eta pintaketa-kabinako iragazkiak dira. Erretxinak, boro nitruroa eta itrio oxidoa eta disolbatzaile ez-halogenatu, tolueno, xileno eta butilglikol hondarrak ditu.

           Hondakin horientzat berariaz identifikatutako bidoian jasotzen da, sortzen den lekuan. Behin bete ondoren, hondakinen biltegira eramaten da.

       13. Hondakina: «Hondakin arriskutsuak (metalikoak) eduki dituzten ontzi hutsak»

           Identifikazioa: A48179196/4800018122/5/13

           Hondakinaren kodea: Q5//R4//S36//C51//H5//A241//B0019

           HEZ: 150110

           Urtean sortutako kantitatea: 2,1 t.

           Ontzi hutsak bildu eta elkartzea azpiprozesuan sortzen dira; orokorrean hidrokarburoak eduki dituzten metalezko ontziak dira.

           Hondakinarentzat berariaz identifikatutako edukiontzian jasotzen dira, hondakin arriskutsuen biltegian.

       14. Hondakina: «Hondakin arriskutsuak (plastikoa) eduki dituzten ontzi hutsak»

           Identifikazioa: A48179196/4800018122/5/14

           Hondakinaren kodea: Q5//R5//S36//C24//H5//A241//B0019

           HEZ: 150110

           Urtean sortutako kantitatea: 2 t.

           Ontzi hutsak bildu eta elkartzea azpiprozesuan sortzen dira; orokorrean substantzia alkalinoak eduki dituzten plastikozko ontziak dira.

           Hondakinarentzat berariaz identifikatutako edukiontzian jasotzen dira, hondakin arriskutsuen biltegian.

       15. Hondakina: «HC-a duten xurgatzaileak»

           Identifikazioa: A48179196/4800018122/5/15

           Hondakinaren kodea: Q5//D15//S34//C41/51//H5//A241//B0019

           HEZ: 150202

           Urtean sortutako kantitatea: 46 t.

           Xurgatzaileak bildu eta elkartzea azpiprozesuan kodetzen dira; olioz bustitako material xurgatzailea da.

           Hondakinarentzat berariaz identifikatutako edukiontzian jasotzen da, sortzen den lekuan edo lekuetan; behin bete ondoren, hondakinarentzat berariaz identifikatutako bidoira lekualdatzen da hondakinen biltegian.

       16. Hondakina: «Azidoak dituzten xurgatzaileak»

           Identifikazioa: A48179196/4800018122/5/16

           Hondakinaren kodea: Q5//D15//S34//C23//H8//A241//B0019

           HEZ: 150202

           Urtean sortutako kantitatea: 210 kg.

           Xurgatzaileak bildu eta elkartzea azpiprozesuan kodetzen dira; azidoz bustitako material xurgatzailea da.

           Hondakinarentzat berariaz identifikatutako edukiontzian jasotzen da, sortzen den lekuan edo lekuetan; behin bete ondoren, hondakinarentzat berariaz identifikatutako bidoira lekualdatzen da hondakinen biltegian.

       17. Hondakina: «Alkaliak dituzten xurgatzaileak»

           Identifikazioa: A48179196/4800018122/5/17

           Hondakinaren kodea: Q5//D15//S34//C24//H5//A241//B9711

           HEZ: 150202

           Urtean sortutako kantitatea: 362 kg.

           Xurgatzaileak bildu eta elkartzea azpiprozesuan kodetzen dira; alkaliz bustitako material xurgatzailea da.

           Hondakinarentzat berariaz identifikatutako edukiontzian jasotzen da, sortzen den lekuan edo lekuetan; behin bete ondoren, hondakinarentzat berariaz identifikatutako bidoira lekualdatzen da hondakinen biltegian.

       18. Hondakina: «Aerosol hutsak»

           Identifikazioa: A48179196/4800018122/5/18

           Hondakinaren kodea: Q14//R13//S36//C41//H6//A241//B0019

           HEZ: 160504

           Urtean sortutako kantitatea: 20 kg.

           Ontzi hutsak bildu eta elkartzea azpiprozesuan kodetzen dira; substantzia arriskutsuak dituzten edo horiez kutsatuak dauden aerosolak dira; orokorrean, pinturak, antioxidatzaileak eta pitzadurak antzemateko fluidoak eduki dituzte.

           Hondakinarentzat berariaz identifikatutako edukiontzian jasotzen da, sortzen den lekuan edo lekuetan; behin bete ondoren, hondakinarentzat berariaz identifikatutako bidoira lekualdatzen da hondakinen biltegian.

       6. Prozesua: «Hondakin oliotsuen autokudeaketa»

          Identifikazioa: A48179196/4800018122/6

          Prozesuaren kodea: B10712

          Mekanizazio-prozesutik eta Zerbitzu Orokorrak azpiprozesuaren konpresoreen purgaketetatik eratorritako «emultsio oliotsuak» hondakinak eta hondakin-uren tratamendu-prozesuaren kolektorera aurretiaz igorritako efluente likidoa gordailu batean biltzen dira. Gordailuak, lurrungailuak eskatu ahala hornitzen du. Lurrungailuan, presio baxuko lurrunketa-sistema, ondorengo kondentsazioa eta azkenik, kontzentratzailea jasaten dute. Kontzentratzailean «emultsio oliotsuen hondakina» hondakin arriskutsua eta ura lortzen dira, ondoren kolektorera bidaltzen direnak.

          Era berean, makineria eta instalazioen mantentze- eta garbiketa-lanetan hondakin arriskutsuak, edo/eta Zerbitzu Orokorrak prozesuan kodetzen diren produktuen kontsumoen ontziak sortzen dira.

       1. Hondakina: «Emultsio oliotsuen hondakina»

          Identifikazioa: A48179196/4800018122/6/1

          Hondakinaren kodea: Q8//D9/R1//L8//C51//H5/6//A241//B10712

          HEZ: 190207

          Urtean sortutako kantitatea: 100 t.

          Hainbat prozesutan sortzen diren oinarri urtsua duten hainbat olio-hondakinen autokudeaketa-prozesuan sortzen da. Hondakinarentzat berariaz identifikatutako gordailuan jasotzen da, baimendutako kudeatzaile bati bidaltzeko.

          1. «Nikel hidroxidoak» hondakinaren kasuan, hondakinen lekualdatzeari buruzko ekainaren 14ko 1013/2006 EE Araudia betetzen dela egiaztatu beharko da. Araudi horrek, Europako estatu kideen barruko lekualdatzeak eta Europako Batasunak hirugarren herrialdeetara egiten dituen esportazioak arautzen ditu. Halaber, aukeratutako kudeaketa-bidea egokia den ala ez arautzen du.

          2. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

          3. Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko oinarrizko araudia onartzen du Dekretu horrek) 13. artikuluan ezarritako segurtasun-arauak kontuan izan beharko dituzte; itxita egongo dira kudeatzaileak jaso arte, isuri edo lurrundu ez daitezen.

          4. Aurreko paragrafoan aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

          5. Hondakin sanitario bereziak (II. Taldea) maneiatzeko, ontziratzeko, etiketatzeko eta biltzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.

          6. Gainerako hondakin arriskutsuak ezin izango dira sei hilabete baino gehiago biltegiratu.

          7. Hondakinak baimendutako kudeatzailearen instalazioetara eraman aurretik, nahitaezko baldintza izango da agiri baten bidez egiaztatzea baimendutako kudeatzaile horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

          8. Hondakin arriskutsuak eraman aurretik eta, hala badagokio, horretarako egin beharreko jakinarazpena eginda dagoela, araudian zehaztutako aurretiaz, kontrolerako eta jarraipenerako agiria bete beharko da. Agiri horren ale bat garraiolariari emango zaio, eta zamarekin batera eraman beharko da jatorritik helmugaraino. Industria de Turbo Propulsores, SA enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

          9. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak, horrelako gaiak garraiatzeko indarrean dagoen legerian ezarritako baldintzak betetzen dituela.

          10. Industria de Turbo Propulsores, SA enpresak Industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko du sortutako olio erabilia.

          11. Industrian erabilitako olioaren kudeaketa arautzen duen ekainaren 2ko 679/2006 Errege Dekretuan aurreikusitako baimendutako kudeaketa-sistema bateratu bat ezartzen ez den bitartean, Euskal Autonomia Erkidegoan erabilitako olioaren kudeaketa arautzen duen irailaren 29ko 259/1998 Dekretuaren aurreikuspenak bete beharko ditu Industria de Turbo Propulsores, SA enpresak.

          12. Aipatutako irailaren 29ko 259/1998 Dekretuaren arabera, dekretu horretan araututako olioen ezaugarriak dituzten olio-hondakinen ezaugarri fisiko-kimikoak aztertu beharko ditu Industria de Turbo Propulsores, SA enpresak, baimendutako kudeatzaile bati eraman aurretik. Aipatutako Dekretuak bere 20. artikuluan xedatutakoaren arabera, egiaztapen hori ez da beharrezkoa izango, baldin eta Industria de Turbo Propulsores, SA enpresak olio-hondakin horiek Euskal Autonomia Erkidegoan baimendutako transferentzia-estazio batera eramaten baditu; izan ere, orduan transferentzia-estazio horretako titularrak hartuko du bere gain betebehar hori, erabilitako olioa amaierako kudeatzaileari bidali baino lehen.

          13. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

          14. Industria de Turbo Propulsores, SA enpresak PKB eduki dezaketen gailuak dituenez, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen abuztuaren 27ko 1378/1999 Errege Dekretuaren baldintzak, eta errege dekretu hori aldatzen duen otsailaren 24ko 228/2006 Errege Dekretua.

          16. Europako Parlamentuaren eta Kontseiluaren ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Industria de Turbo Propulsores, SA enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

          17. Industria de Turbo Propulsores, SA enpresak urtero adierazi beharko dio Ingurumen sailburuordetzari, ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

          18. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera eta lagapen datak, jasotzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen sailburuordetzari kontrolerako erregistro horren kopia bidaliko dio.

          19. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzea, Industria de Turbo Propulsores, SA enpresak neurri prebentiboak erabiliz hondakin arriskutsuen sorrera gutxitzeko plana aurkeztu beharko du Ingurumen sailburuordetzan, gutxienez lau urtean behin.

          20. Aurreko g) eta h) (kudeatzaileak EAEn daudenean), o) eta p) ataletan adierazitako agiriak Ingurumen sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

          21. Amiantoa duten hondakinak antzemanez gero, Industria de Turbo Propulsores, SA enpresak amiantoak ingurumenean sortzen duen kutsadura saihestu eta gutxitzeari buruzko 108/1991 Errege Dekretuaren 3. artikuluak ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

              1.3.2. Hondakin ez-arriskutsuak.

              Sustatzaileak adierazitako hondakin ez-arriskutsuak hauek dira:

              Hondakinaren izena HEZ kodea Zein prozesuri lotuta Zenbatetsitako ekoizpena

              Papera/ Kartoia/ Plastikoa

              Inpresoren tonerrak eta fotokopiagailuak 200101

              200127 Bulegoak, biltegia

              Bulegoak 64,172 t.

              0,349 t.

              Film erradiografikoa 090107 X-izpien entseguak 0,051 t.

              Gatzezko pilak eta pila alkalinoak 160604 Bulegoak eta biltegia 0,132 t.

              Material informatikoa 200199 Bulegoak 1,090 t.

              Metaliko nahasiak 170405 Mekanizazioa 133,04 t.

              Metal ez-burdinazko karraka-hautsak eta txirbilak

              120103 Mekanizazioa

              139,776 t.

              Titanio-segregazioa 120103 Mekanizazioa 38,348 t.

              Granaila 120117 Granailatzea 16 t.

              2. motako geldoak 200199 Zerbitzu orokorrak 25 t.

                 Zura 200138 Zerbitzu orokorrak 122 t.

                 Hiri-hondakin solidoak 200399 Zerbitzu orokorrak 34 t.

                 1. «Metal ez-burdinazko karraka-hautsak eta txirbilak» eta «Titanio-segregazioa» hondakinen kasuan, hondakinen lekualdatzeari buruzko ekainaren 14ko 1013/2006 EE Araudia betetzen dela egiaztatu beharko da. Araudi horrek, Europako estatu kideen barruko lekualdatzeak eta Europako Batasunak hirugarren herrialdeetara egiten dituen esportazioak arautzen ditu.

                    B.1.3 atalean hondakinen kudeaketari buruzko bereizketaren eta printzipio hierarkikoen inguruan xedatutakoari jarraituz, nahasketak izeneko hondakinak ezingo du baliotu daitekeen hondakin-frakziorik izan. Horri dagokionez, egungo egoeran Euskal Autonomia Erkidegoan baliotu daitezkeen hondakin-frakzioak hauek dira: papera eta kartoia, zura, plastikoak, metal ferrikoak eta metal ez-ferrikoak.

    3. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, baimendutako berreskuratzaile, birziklatzaile edo balioztatzaile bati emango zaizkio.

    4. Hondakin horiek ezabatzeko direnean ezin dira urtebetez baino gehiago biltegiratuta eduki. Hondakinen azken helburua baliotzea denean, 2 urtez eduki ahal izango dira biltegiratuta.

    5. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Industria de Turbo Propulsores, SA enpresak artxibategian erregistratu eta gorde beharko ditu onarpen-agiriak edo horien agiri ofizial baliokideak, horiek nahitaezkoak direnean, bost urtean gutxienez.

    6. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak baimendutako zabortegi batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

    7. Erregistro bat egingo da, datu hauekin: hondakin guztien kantitatea, izaera, identifikazio-kodea, jatorria, tratatzeko metodo eta tokiak, sorrera eta lagapen datak, jasotzeko maiztasuna eta garraiatzeko modua. Urtero, Ingurumen sailburuordetzari bidaliko zaio kontrolerako erregistro horren kopia.

    8. Aipatutako d) eta e) (kudeatzaileak EAEn daudenean) eta f) ataletan adierazitako agiriak Ingurumen sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

       1.4. Lurzorua babesteko baldintzak.

       Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Industria de Turbo Propulsores, SA enpresak honako informazioa aurkeztu beharko du:

       Hiru neutralizatzaileen zoruek pintura zigilatzailezko inprimaketa dute, soda eta azido klorhidrikoen gordailuetatik isuriak edo jarioak gertatuz gero, zorura iragazi ez daitezen.

       Hiru neutralizatzaileak eta neutralizazioa gauzatzen den gordailuak, hormigoizko zola baten gainean daude.

       Neutralizatzaileak aldizka ikuskatzen dira, eta ikuskatze horietan instalazioaren egoera egiaztatzen da.

       Neutralizatzailearen zundaren kalibrazioa nola egiten den xehetasunez azaltzen duen argibidea dago.

       Olio-bereizleei dagokienez, B nabekoa aireko bereizlea da; A eta D nabeetako bereizleak, aldiz, lurpean daude.

       Hiru bereizleak hormigoizko zola baten gainean daude.

       Hidrokarburoen bereizleak gutxienez sei hilabetero garbitzen dira.

       Soda edo azido klorhidrikoaren gordailuen isuriak gertatuz gero, edo pH estazio-pilotatzailea apurtuz edo hidrokarburoen bereizleek gainezka eginez gero, arazketa-estazio bakoitzean horien aurrean jarduteko modua xehe azaltzen duten larrialdi-orriak daude.

       Ura PVC-zko hoditeriaren bidez garraiatzen da, hormigoizko ohantzearen gainean.

       Industria de Turbo Propulsores, SA enpresatik atera orduko, hondakin-urak Teknologia Parkeko kolektorera abiatzen dira, eta azkenean araztegi batera iristen dira.

       1.5. Zaratari buruzko baldintzak.

       Jarraian adierazitako zarata-mailak ez gainditzeko neurriak hartu eta instalatuko dira:

    1. Jarduera honako hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko baliorik altuenetan.

    2. Jarduera honako hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko baliorik altuenetan.

    3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

    4. Zamalanetan eta materiala kamioietan garraiatzerakoan egiten den zaratak ez du handituko akustikoki oso sentikorrak diren aldeetako zarata-maila.

    2. Ingurumenaren Jagoletza Programa.

       Ingurumenaren Jagoletza Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

       1. Atmosferara isurtzen diren kutsatzaileak kontrolatzea.

    1. Industria de Turbo Propulsores, SA enpresak isurtzeen kontrola egin beharko du, informazio honi jarraituz:

       Fokua Foku-kodea Fokuaren izena Neurtu Beharreko parametroak Kontrolen maiztasuna

       1 48007478-1 Pintura Partikulak guztira 5 urtero BKE batek

       2 48007478-2 Plasma Partikulak guztira 5 urtero BKE batek

       3 48007478-3 Gas-garbitzailea (B nabea) Partikulak guztira 3 urtero BKE batek

       HCl

       HF

       NOx

       Cr guztira

       KOH

       4 48007478-4 Laborategi metalografikoa HCl 5 urtero BKE batek

       5 48007478-5 Likido sarkorrak (B nabea) Partikulak guztira 5 urtero BKE batek

       KOH

       6 48007478-6 Pintura-polimerizazio labea (horizontala) KOH 5 urtero BKE batek

       7 48007478-7 Tresneria-garbitzailea KOH 5 urtero BKE batek

       9 48007478-9 1. eta 2. hutsezko labeak KOH 5 urtero BKE batek

       10 48007478-10 Aireztapen-sistema KOH 5 urtero BKE batek

       11 48007478-11 Tresneria-zorrotzailea KOH 5 urtero BKE batek

       13 48007478-13 Shot peening Partikulak guztira 5 urtero BKE batek

       14 48007478-14 Gas-garbitzailea (A nabea) SOx2 3 urtero BKE batek

       NOx

       Partikulak guztira

       KOH

       HF

       15 48007478-15 Bizar-kentze kabina (konformazioa) Partikulak guztira 5 urtero BKE batek

       16 48007478-16 Pintura-kabina (konformazioa) Partikulak guztira 5 urtero BKE batek

       KOH

       17 48007478-17 Pintura-kabina (fresaketa kimikoa) Partikulak guztira 5 urtero BKE batek

       KOH

       18 48007478-18 Laser-ebakitzailea (fresaketa kimikoa) Partikulak guztira 5 urtero BKE batek

       19 48007478-19 Gas-garbitzailea (fresaketa kimikoa) HF 3 urtero BKE batek

       NOx

       Partikulak guztira

       20 48007478-20 Mekanizazio elektrokimikoa NOx 5 urtero BKE batek

       23 48007478-23 Konformazio superplastikorako makina Partikulak guztira 5 urtero BKE batek

       KOH

    2. Aurreko atalean aipatutako neurketa guztiak baimendutako kontrol-erakunde (BKE) batek egin beharko ditu (zortzi ordutan hartutako hiru neurri, gutxienez ordubetekoa bakoitza), eta aldizkako kontrol horiei buruzko txostenak Ingurumen sailburuordetza honek prestatutako «Baimendutako kontrol-erakundeen gutxieneko txostenean» ezarritakora egokitu beharko du. Dena dela, isurtzearen kontrolek eta baldintzek Ingurumen sailburuordetzaren argibide teknikoek eskatutako baldintza guztiak bete behar dituzte.

    3. Baimendutako kontrol-erakundeak adierazitako parametro guztiak neurtu eta horien gainean egiten dituzten txostenak bidali beharko dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.

    4. Aurkeztutako isurtzeak murrizteko plana betetzen dela justifikatzen duen memoria bidali beharko da urtero.

       1.1. Lortutako emaitzak erregistratzea.

       Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

       2. Isuritako uraren kalitatea kontrolatzea.

    1. Sustatzaileak aurkeztu dituen agirien arabera, ondorengo analisiak egingo dira:

       Isurketa-puntua Neurtu beharreko parametroak Kontrolen maiztasuna Kontrol mota

       1, 2 Mugatutako parametro guztiak Hilero Kanpokoa

    2. Kanpoan egiten den kontrol bakoitza, laginak hartzea nola ondorengo analisia, «Erakunde Laguntzaile» batek egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

    3. Laginketak beti kutsatzaile gehien sortzen den aldietan egingo dira.

    4. Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen badituzte.

       3. Jardueraren adierazleak kontrolatzea.

       Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

       Adierazlea Unitatea

       Lehengaien kontsumoa t/produktu t

       Gai laguntzaileen kontsumoa t/ produktu t

       Ur-kontsumoa m3/produktu t

       Energia elektrikoaren kontsumoa KWh /produktu t

       Erregaien kontsumoa -

       Hondakin arriskutsuen sorkuntza t/ produktu t

       Hondakin ez-arriskutsuen sorkuntza t/ produktu t

       Hondakin balioztagarrien sorkuntza t/ produktu t

       Atmosferara egiten diren isurtzeak Kutsagarri kg

       Isurketa sanitarioak Kutsagarri kg

       Isurketa industrialak Kutsagarri kg

       Kanpoko zarata dB

       4. Zarataren kontrola.

       Zarataren neurketa eta txostenaren bidalketa hiru urtean behin egin behar da. Zarataren inguruko lege-eskakizuna betetzen dela frogatu da, sustatzaileak aurkeztutako dokumentazioari jarraituz, hartuko diren neurri teknikoen baliotasuna bermatu dadin, aipatu dokumentazioan adierazten diren foku esanguratsuenei lotutako zarataren eragin negatiboak murriztu ahal izateko.

       Jarduera garatzen den lursailaren kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan.

       Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako C.6 atalean aipatzen den Ingurumenaren Jagoletza Programako testu bateginarekin batera aurkeztuko da.

       5. Emaitzak kontrolatu eta bidaltzea.

       Ingurumenaren jagoletza programa osatzen duten analisi eta txostenen emaitzak behar bezala erregistratuko dira, eta Ingurumen sailburuordetzara bidaliko dira. Bidalketa urtero egingo da, martxoaren 30a baino lehen beti, eta ingurumenaren jagoletza programaren emaitzekin batera, txosten bat aurkeztuko da. Txosten horretan adieraziko dira neurri babesle eta zuzentzaileen funtzionamendua, baita prozesuak eta ingurunearen kalitatea kontrolatzeko sistemak ere. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Bizkaiko Ordezkaritza).

       6. Ingurumenaren Jagoletza Programaren agiri bategina.

       Sustatzaileak ingurumenaren jagoletza programaren agiri bategina landu beharko du, ingurumenaren gaineko eraginari buruzko azterlanean eta ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua barne hartu beharko du.

       Era berean, ingurumenaren jagoletza programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

    3. Ezohiko egoeretan, kutsadurari aurrea hartzeko neurriak eta jardunerako baldintzak.

       1. Fabrika gelditzeko eta abiarazteko eragiketak eta mantentze-lanetarako programatutako eragiketak.

       Programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

       2. Jarduera uztea.

       Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (3530 epigrafea «Eraikuntza aeronautiko eta espaziala»), eta lurzoruan kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Industria de Turbo Propulsadores, SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

       3. Ez-ohiko jardunean aplikatzeko prebentziozko neurriak eta jarduerak.

       Aurkeztutako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

    1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo isurketak daudenean kutsadura ekiditeko eskuragarri dauden baliabideei eta segurtasun-neurriei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

    2. Lehen aipatu dugun prebentziozko mantentze-lanetarako eskuliburuan atmosferaren kutsadura saihesteko eta zuzentzeko sistemak egoera onean daudela bermatzeko neurriak sartuko dira (arazketa, minimizazioa, eta abar). Halaber, honako hauek bilduko dituen ikuskaritza eta kontrolerako programa jaso behar du: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

    3. Lehen aipatu dugun prebentziozko mantentze-lanetarako eskuliburuan atmosferaren kutsadura saihesteko eta zuzentzeko sistemak egoera onean daudela bermatzeko neurriak sartuko dira (arazketa, minimizazioa, eta abar).

    4. Era berean, aldizka egindako mantentze-lanak nola antzemandako gertaerak jasotzen dituen erregistroa izan beharko da.

    5. Besteak, beste, esanguratsuena adierazteak (emultsio oliotsua, hidrokarburoen xurgatzailea, olio-iragazkiak eta elektroerosio-lohiak, eta oro har, plantan sortutako hondakinak) lurzorua eta ura kutsatzeko arriskua eragin dezakeela aintzat hartuta, isuri, jario edo ihesek eragina izan dezaketen lur-zatien azalera osoa iragazgaitz mantenduko da.

    6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

    7. Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen sailburuordetza honi aurkeztuko zaizkio eskumena duten erakundeek emandako egiaztagiriak.

    8. Larrialdi-egoeretan berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

    9. Ingurumen sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

    10. Pabiloien barruan zolak garbitzean sortutako ura tratamendu-lerrora bidaliko da.

    11. Larrialdi-egoeretan babes zibilari buruzko araudian ezarritakoa bete beharko da, eta araudi horretan ezarritako baldintza guztiak bete beharko dira.

    12. Titularrak beharrezko neurriak hartuko ditu araztegiak egoki ustiatzeko eta ezbeharrez gerta daitezkeen isuriak saihesteko dauden segurtasun-neurriak erabilgarri izateko.

    13. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean, gorabehera edo ezohiko gertaera horren berri eman beharko dio berehala Ingurumen sailburuordetzari.

    14. Gertakari edo arazo larriren bat edo atmosferara ustekabeko isurketa edo isurtzeren bat gertatuz gero, Ingurumen sailburuordetzari jakinarazteaz gain, SOS DEIAK eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen sailburuordetzara. Txosten horretan, gutxienez, honako datu hauek agertuko dira:

        Gertakari mota.

        Gertakaria non, zergatik eta zer ordutan gertatu den.

        Iraupena.

        Ustekabeko isurketa bada, emaria eta isuritako gaiak.

        Mugak gaindituz gero, isurtzeei buruzko datuak.

        Eragindako kalteen balioespena.

        Hartutako neurri zuzentzaileak.

        Berriro gerta ez dadin aurreikusitako neurriak.

        Prebentzio-neurriak eraginkortasunez aplikatzeko ezarritako epeak.

    16. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen sailburuordetza honi aurkeztuko zaizkio eskumena duten erakundeek emandako egiaztagiriak.

    4. Baldin eta arautegi berria indarrean sartzean, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hala egitera bagaramatza, neurri babesle zein zuzentzaileak eta ingurumena ikuskatzeko programa aldarazi ahal izango dira, bai neurtu behar diren parametroen kasuan, baita neurketaren aldizkakotasuna eta aipatutako parametroek hartu behar duten tarteari dagozkion mugen kasuan ere. Era berean, neurri babesle zein zuzentzaileak eta ingurumenaren jagoletza programa jardueraren sustatzaileak hala eskatuta, edo ofizioz, aldaraz daitezke, ingurumenaren jagoletza programan lortutako emaitzetan oinarrituta.

    5. Urtean behin Industria de Turbo Propulsores, SA enpresak Ingurumen Sailburuordetzari jakinaraziko dizkio atmosferara eta uretara egindako isurtzeei, eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko apirilaren 20ko 508/2007 Errege Dekretuaren, E-PRTR Erregelamenduko eta ingurumeneko baimen bateratuetako isurketen gaineko informazioa ematea arautzen duenari jarraituz.

       Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

       Halaber, ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

       Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

    6. 2007ko apirilaren 21eko 509/2007 Errege Dekretuaren 4. artikuluko 3. idatz-zatiari jarraituz, titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

    7. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko 2002ko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

       Hirugarrena. Ebazpen hau eraginkorra izan dadin, aurretik Ingurumen sailburuordetzari agiri bidez egiaztatu beharko zaio ebazpen honetako bigarren ataleko puntu hauetan ezarritako baldintzak betetzen direla: B.1.1.4 (Tximiniak 1976ko urriaren 18ko Aginduari egokitzen zaizkiola adierazten duen egiaztagiria); B.1.3.1.a) eta B.1.3.2.a) (Hondakinak komunitateen artean lekualdatzea eta hirugarren herrialdeetara esportatzea); B.1.3.1.f) eta B.1.3.1.d) (Hondakin arriskutsu eta ez-arriskutsuen onarpen-agiriak); B.1.3.1.p) eta B.1.3.2.f) (Hondakin arriskutsu eta ez-arriskutsuen erregistro-eredua); B.1.4 (lurzorua babesteko neurriak); hala dagokionean, C.1. (atmosferara egiten diren isurtzeen kontrola); C.1.1. (atmosferara egiten diren isurtzeen erregistro-eredua); C.4. (Zarata neurtzeko proposamena); C.6. (Ingurumenaren jagoletza programaren agiri bategina); D.1. (Ezohikoak diren egoeretan funtzionamenduan gerta daitezkeen isurtzeen balioespena); D.3.a eta b (Prebentziozko mantentze-lanen eskuliburua eta ikuskaritza eta kontrolerako programa); D.3.g (Biltegiratze-ziurtagirien egiaztapena); D.3.h) (Larrialdi-egoeretarako materialen zerrenda); D.3.o (Suteen aurkako babes-neurriak).

       Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen sailburuordetzak emandako ebazpen hau jakinarazten den biharamunetik kontatzen hasita.

       Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

       Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen integratua eraginkortzat aitortuko da.

       Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

       Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

       Bosgarrena. Edozein modutan ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

       Seigarrena. Industria de Turbo Propulsores, SA enpresak Ebazpen honen xede den osagai aeronautikoak fabrikatzeko jardueran titulartasun-aldaketarik eginez gero, aldaketa hori Ingurumen sailburuordetzan jakinarazi beharko du, hark onar dezan.

       Zazpigarrena. Baimen honek balioa galduko du honako hauek gertatzen direnean:

       Epearen barruan ez egiaztatzea Ebazpen honetako Hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

       Industria de Turbo Propulsores, SA enpresaren nortasun juridikoa bukatzea, indarrean dagoen araudian ezarritako kasuetan.

       Baimena indarrean jartzen dela adierazten duen Ebazpenean xedatutakoak.

       Zortzigarrena. Ebazpen honen edukia jakinaraztea Industria de Turbo Propulsores, SA enpresari, Zamudioko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

       Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

       Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburu andreari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

       Vitoria-Gasteiz, 2008ko apirilaren 30a.

       Ingurumen sailburuordea,

       IBON GALARRAGA GALLASTEGUI.