Arautegia
InprimatuEBAZPENA, 2008ko apirilaren 30ekoa, Ingurumeneko sailburuordearena, kobrea eta burdinarik gabeko bestelako metalak balioztatzeko jarduerarako ingurumeneko baimen bateratua ematen duena, Berangoko (Bizkaia) udalerrian eta Elmet SLU enpresak sustatua.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Ingurumen, Lurralde Plangintza, Nekazaritza eta Arrantza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 39
- Hurrenkera-zk.: 1036
- Xedapen-zk.: ---
- Xedapen-data: 2008/04/30
- Argitaratze-data: 2010/02/26
Gaikako eremua
- Gaia: Ingurune naturala eta etxebizitza; Ekonomi Jarduerak; Garraio eta herri lanak
- Azpigaia: Ingurumena; Industria
Testu legala
2006ko uztailaren 5ean, Elmet SLU enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Berangoko (Bizkaia) udalerrian kobrea eta burdinarik gabeko bestelako metalak balioztatzeko jarduerarako. Eskaerarekin batera, proiektuak Berangoko hirigintza-plangintzarekin duen bateragarritasunari buruzko 2005eko irailaren 9ko udal-txostena bidali du sustatzaileak, ondorengo agiri teknikoekin batera:
Oinarrizko proiektua (2006ko ekaina)
Laburpen ez-teknikoa (2006ko ekaina)
Erreferentziako baimena eskatzeko unean, Elmet SLU enpresak, besteak beste, jarduerarako baimena zuen, 1991ko abenduaren 18koa. Baimen hori kobrea eta bestelako metalak galdatu eta berreskuratzeko eman zitzaion. Halaber, enpresa sustatzaileak honako baimenak zituen: hondakin arriskutsuak kudeatzeko baimena, 1992ko urriaren 28koa; industriako hondakin-urak kolektorera isurtzeko baimena, 1992ko irailaren 30ekoa; hondakin geldoen ekoizleen erregistroan inskribatzeko baimena, 1999ko irailaren 21ekoa; hondakin arriskutsuen ekoizle izateko baimena, 2000ko maiatzaren 26koa; hainbat fokuk potentzialki atmosfera kutsatzeko jarduera gisa inskribatzea, 1992ko irailaren 22ko, 1992ko uztailaren 22ko eta 1999ko urriaren 20 eta 22ko baimenak, hurrenez hurren; eta ondorengo zabaltzeak eta berritzeak, hondakinen eta atmosferaren kutsaduraren inguruan indarrean den araudiak ezarritakoari jarraituz.
2006ko irailaren 6an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, Ingurumen Organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki, Berangoko Udalari, Eusko Jaurlaritzako Osasun Sailari eta Bilbao Bizkaia Ur Partzuergoari kontsultatu zien.
2006ko azaroaren 16an eta 2007ko martxoaren 29an, Ingurumen Organoak agiri osagarriak txertatzeko eskatu zion sustatzaileari, eta espedientea 2007ko maiatzaren 30ean osatu zen.
Aurkeztutako agiriak nahikoa zirela egiaztatu ondoren, Ingurumen sailburuordeak 2007ko abuztuaren 20an emandako Ebazpenaren bidez, jendaurrean jarri zen 30 egun balioduneko epean, Elmet SLU enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko irailaren 12an. Era berean, Euskal Autonomia Erkidegoko bi egunkaritan argitaratu zen 2007ko irailaren 16an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.
Jendaurrean jartzeko izapidea amaitu ondoren, hainbat alegazio aurkeztu direla egiaztatu da eta euren kopia erantsi zaio agiri honi.
Uztailaren 1eko 16/2002 Legearen 17. eta 18. artikuluetan xedatutakoa betez, 2007ko azaroaren 7an Ingurumenaren Kalitatearen Zuzendaritzak txostenak eskatu zizkien Berangoko Udalari, Eusko Jaurlaritzako Osasun Sailari eta Bilbao Bizkaia Ur Partzuergoari, espedientean ageri den emaitza jasoz.
2008ko otsailaren 11n, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Elmet SLU enpresaren esku utzi zen, Ingurumen eta Lurralde Antolamendu Sailak egindako Ebazpen-Proposamena gehituz.
2008ko otsailaren 29an sustatzailearen jakinarazpena jaso zen. Jakinarazpen hartan hainbat ohar egiten ziren Ingurumeneko Baimen Bateratuaren Ebazpen-Proposamenari lotuta.
Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadurari aurrea hartu eta kontrolatzeko sistema integratu bat ezartzea.
Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.
Uztailaren 1eko 16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten herri-administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Hala, Elmet SLU enpresaren kasuan, baimen hauek guztiak behar ditu: hondakin arriskutsu eta ez-arriskutsuak ekoitzi eta kudeatzeko baimena, kolektorera isurtzeko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean parte hartu dute beste administrazio eta erakunde eskudun batzuek, aginduzko txostenak bidaliz.
16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Elmet SLU enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Berangoko Udalaren eta Eusko Jaurlaritzako Osasun Sailaren txostenak.
Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika onenen erabilera eta aplika dakiokeen alorreko legerian ezarritako neurriak eta baldintzak. Zehazki, Europako Batzordearen 2001eko abenduko burdinarik gabeko metalurgiaren inguruko Reference Document on Best Available Techniques in the Non Ferrous Metals Industry BREF agiriaren edukia, 2006ko uztaileko biltegiratzeen ondoriozko isurtzeen inguruko Reference Document on Best Available Techniques on Emissions from Storage BREF agiriaren edukia, 2001eko abenduko hoztearen inguruko Reference document on best available techniques to industrial cooling systems BREF agiriaren edukia, 2003ko uztaileko monitorizazioaren inguruko Reference Document on the General Principles of Monitoring BREF agiriaren edukia eta 2006ko abuztuko hondakinen kudeatzaileen inguruko Reference Document on the best available techniques for the waste treatment industries BREF agiriaren edukia izan dira kontuan. Gainera, sektoreko araudiei dagokienez, kasu honetan bereziki aplikatzekoa da hondakinei buruzko apirilaren 21eko 10/1998 Legea.
Espedienteko txostenak eta aurkeztutako alegazioak aztertu ondoren, ebazpen-proposamena sinatu eta Elmet SLU enpresak sustatutako proiektuak bete beharreko baldintzak ezarri ziren.
Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko 2002ko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.
Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.
Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 17an emandako ebazpen-proposamena; Euskal Herriko Ingurumena Babesteari buruzko otsailaren 27ko 3/1998 Lege Orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; Legea burutzeko araudia onartzen duen irailaren 30eko 1131/1988 Errege Dekretua; Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretua; Herri Administrazioen Araubide Juridikoa eta Administrazio Prozedura Erkideari buruzko azaroaren 26ko 30/1992 Legea, eta aplika daitekeen gainerako araudia,
Lehenengoa. Berangoko (Bizkaia) udalerriko Arene auzoko 20. zenbakian helbide soziala eta IFK: B-48483465 zenbakia duen Elmet SLU enpresari Ingurumeneko Baimen Bateratua ematea, Berangoko udalerrian kobrea eta burdinarik gabeko bestelako metalak balioztatzeko jarduerarako, eta Ebazpen honetako bigarren atalean ezarritako baldintzak jarraituz.
Jarduera, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko Burdinarik gabeko metalen galdatzea (egunean 4 tona berun eta kadmio baino handiagoa edo egunean gainerako metalen 20 tona baino handiagoa) 2.5.b kategorian, jarduera nagusi gisa, eta Hondakin arriskutsuen balioztatzea (eguneko 10 tona baino gehiagoko gaitasuna) 5.1 kategorian, bigarren mailako jarduera gisa, sartuta dago.
Instalazioaren jarduera kobrea eta burdinarik gabeko bestelako metalak balioztatzean oinarritzen da, hainbat hondakin-materialetatik abiatuz (R4 kudeaketaren eragiketa-kodea). Horretarako, energia fosilaren kontsumorik gabeko galdatze-prozesua du eta produktu gisa aleazio batzuk (kanpainaka lan egiten da) sortzen dira bertan, bai kobrearen oinarrian eta baita eztainuaren oinarrian ere. Halaber, bi aleazioetan bestelako metalak kontzentratzen dira; nikela, burdina, eztainua, beruna eta zilarra.
Urteko kudeaketa gaitasuna 120.000 tonakoa da; bertatik 24.340 kobre beltz tona eta 69.832 zepa-granaila tona ekoizten dira.
Gauzatzen diren produkzio-prozesuak ondorengoak dira:
Lehortze-planta: Material finenak lehortzen dira bertan, bahetzea eta ondorengo garraio pneumatikoaren bidez maneiatzea erraztu ahal izateko. Instalazioa, alderdi lodienak bereizten dituen barra makurtuko bahetze estatikoarekin hasten da. Ondoren, frakzio txikiena lehortze-labera pasatzen da, erregailu baten bidez berotuta dagoen eta makurdura txikia duen altzairuzko zilindroa dena. Labetik ateratzerakoan, materialak bahe batetik pasatu behar dira eta bertan, 3 mm baino txikiagoak direnak bereizten dira. Iragazkian atxikitakoekin batera, garraio pneumatiko bidez zulo batera eramaten dira.
Metalurgia-prozesua: Material lodiak kargatzeko instalazio bat dago. Bi toberez osatuta dago, bata kobrea-burdinarentzat edo/eta briketa edo txapa-bloke formako bidoientzat, eta bestea, gainerako material lodientzat. Tobera horiek zuzenean kargatzen dira garabi baten bidez, materiala etengabe labera jaurtiz, labearen ahoaren gainean kokatutako elikagailu bibratzaile baten bidez. Material finak labearen barrualdera eramaten dira garraio pneumatikoaren bidez. Galdatzea bizkor gauzatzen da, kargan dauden oxidoek burdinarekin erreakzioa egiten dutelako. Burdinak oxido horiek metalezko egoerara erreduzitzen ditu, burdinaren zati bat oxidatuz. Zeparen zati izatera pasatzen da eta beste zatia Kobre Beltzaren aleazioaren elementu gisa geratzen da. Erreakzioa biziki exotermikoa da.
Oxigenoa injektatzeko altzairuzko lantzak erabiltzen dira, burdinaren oxidazioaren erreakzio kimikoak osatzeko eta denbora guztian zepan oxigeno maila altua mantentzeko ezinbestekoa dena.
Erreakzioaren ondorioz sortutako burdin oxidoak galdatze-puntu baxuko zepa sortzen du, neurri egokietan kargari gehitzen zaizkion urtzaile egokiekin batera. Oxidatu gabeko metalezko osagaiak kobre beltzean kontzentratzen dira, zeina zepatik bereizten den dentsitate handiagoa duelako. Labearen beheko aldea betetzen du eta horrek modu bereizian iragaztea ahalbidetzen du.
Kobre beltzaren produkzioa: Metala, galdatzea gertatzen den bitartean itxita dagoen eta ondoren irekitzen den zulo baten bidez iragazten da. Salda azpil baten gainean iragazten da eta kanal baten bidez, txorrota sakabanatzen duen grafitozko danbor txiki batetik bideratzen da, urez betetako ontzi handi baten gainean eroriz.
Gainera, instalazioak aldibereko ekoizpenerako planta bat du. 6 MW-ko potentzia duten gas naturaleko bi motor alternatiboetan oinarritutako ziklo sinplea da eta lurruna ekoizteko ihes-gasak eta produkzio-prozesuak eskatutako ur beroa sortzeko motorren hozte-zirkuituen energia aprobetxatzen ditu.
Erabilitako energia baliabideak erregaien (gas naturala eta gasolioa) eta energia elektrikoaren erabileratik datoz. Gas naturala aldibereko ekoizpenaren plantan, lurrun-galdaran, lehortze-plantaren labean eta kobre beltzaren iragaztean erabiltzen da. Gasolioa barruko garraiorako erabiltzen da. Energia elektrikoa instalazioaren funtzionamendu orokorrean erabiltzen da.
Ura industria-prozesuan eta hozte-zirkuituan kobre beltza hozteko eta zepak itzaltzeko, zein zerbitzu sanitarioetan erabiltzen da. Instalazioak hiru ur mota biltzen ditu: udal-sarea, putzua eta euri-urak. Putzuaren sarrerako uren aurretratamendua du; geruza anitzeko iragazkiaren eta erretxinen kaltzio-kentzailea da.
Uraren % 98a berrerabiltzen da (zepak itzaltzeko), eta gainerako hondakin-urak kolektorera isurtzen dira. Isurketa aurreko arazketa-sistema gisa, tratamendu fisiko-kimikorako araztegia du instalazioak.
Instalazioak atmosferara isurtzen duten sei foku ditu: Urtzeko labea, Lehortze-planta, Urtzeko labea (zabaltzea), 1. aldibereko ekoizpeneko motorra, 2. aldibereko ekoizpeneko motorra eta gas-galdara.
Tratamendu-sistema gisa, zikloiak eta mahuka-iragazkiak daude lehen hiru fokuetan (urtzeko labea, lehortze-planta eta urtzeko labearen zabaltzea).
Hondakin arriskutsuak sortzen dituzten prozesuak galdatzea, gas efluenteak garbitzea, industriako hondakin-uren tratamendua eta zerbitzu orokorrak dira.
Produkzio-prozesuek aplikatzekoak diren BREF agirietan jasotako teknika onenen erabilerak hartzen dituzte beren baitan: Burdinarik gabeko metalurgiari buruzko 2001eko abenduko BREF agiria (Reference Document on Best Available Techniques in the Non Ferrous Metals Industry); biltegiratzeen isurtzeei buruzko 2006ko uztaileko BREF agiria (Reference Document on Best Available Techniques on Emissions from Storage); 2001eko abenduko hozteari buruzko BREF agiria (Reference document on best available techniques to industrial cooling systems ); monitorizazioari buruzko 2003ko uztaileko BREF agiria (Reference Document on the General Principles of Monitoring); hondakinen kudeatzaileei buruzko 2006ko abuztuko BREF agiria (Reference Document on the best available techniques for the waste treatment industries). Teknika onenen erabilera hauek nagusiki materialak biltegiratu eta maneiatzearekin, bigarren mailako kobrearen urtzeko labearekin, eta gasak biltzeko eta ezabatzeko sistemekin dute zerikusia.
Bigarrena. Elmet SLU enpresak Berangoko udalerrian sustatutako kobrea eta burdinarik gabeko bestelako metalak balioztatzeko jarduera ustiatzeko ondorengo baldintzak eta eskakizunak ezartzea:
Erantzukizun zibileko aseguru bat egin beharko da milioi bat eta berrehun mila euroko (1.200.000 ¬) zenbatekoaz, ondorengoak estaliko dituena: hirugarren pertsonei edo horien ondasunei sortutako balizko kalteengatiko kalte-ordainak, eta baimen honek onartutako jardueraren ondorioz ingurumen aldatua konpondu eta berreskuratzeko kostuak.
Aseguru horren zenbatekoa urtero eguneratu ahal izango da, aurreko 12 hilabeteetako kontsumo-prezioen indizearen arabera (KPI) handituz.
Fidantza-prestazioa ehun eta berrogeita lau mila euroko (144.000 ¬) zenbatekoaz, uztailaren 20ko 833/1988 Errege Dekretuaren 28. artikuluko 2. atalean ezarritako baldintzetan eta 3. atalean aurreikusitako edozein modutan eratu ahal izango da. Fidantza horren zenbatekoaren tratamendua gehienezko gaitasunaren arabera ezartzen da; urteko 120.000 tonako kopurua ezarri da.
Fidantza horren zenbatekoa urtero eguneratu ahal izango da, aurreko 12 hilabeteetako kontsumo-prezioen indizearen arabera (KPI) handituz, Ingurumen Organoak hala eskatuta.
Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Elmet SLU enpresak aldaketa horien berri emango du.
Neurri babesle eta zuzentzaileak, sustatzaileak Ingurumen Sailburuordetza honetan aurkeztutako agirietan aurreikusi bezala burutuko dira, indarrean den araudiaren arabera eta ondorengo ataletan ezarritakoari jarraituz:
1. Elmet SLU enpresak kudeatu beharreko hondakinak jaso, ikuskatu eta biltegiratzeko baldintzak eta kontrolak
Instalazioan tratatzea aurreikusitako edozein hondakin-mota berrirentzat, atal honetan adierazitako hondakin onargarrien artean daudenak, Elmet SLU enpresak hondakinaren hasierako karakterizazioa egingo du, Berangoko instalazioetan tratatzeko aukera egiaztatu ahal izateko.
Aipatu karakterizazioa egin ondoren, Ingurumen Sailburuordetza honen onespen zehatza eskatu beharko du. Eskaera horrekin batera, egindako karakterizazioaren emaitzak, hondakina onartzeko parametro mugatzaile edo baldintzatzaileen eta behar izanez gero, partida bakoitza jaso aurretik aztertu beharrekoen proposamena aurkeztuko beharko du.
Hondakin zehatz bat onartzeko aukera egiaztatu eta gero, Elmet SLU enpresak onarpenaren egiaztagiria igorriko dio titularrari, onespenaren baldintzak ezartzen dituena.
Hondakinak onartu eta jasotzeko aukera egiaztatu asmoz, Elmet SLU enpresak hondakinen onarpen-parametroak egiaztatzea ahalbidetuko duten baliabide teknikoak eta giza baliabideak izan beharko ditu uneoro. Onarpena baldintzatzen duten parametro horiek ezartzea, kasu guztietan eta hondakin-partida bakoitzerako, metodo homologatuaren bidez egingo da; zentroaren langile-taldeko kide den laborategiko buru batek gainbegiratu beharko du eta espezializatutako goi-mailako tituluduna izan beharko da.
Elmet SLU enpresak eskuragarri dauden ekipoen zerrenda aurkeztu beharko du, horien kalibrazio-metodoen inguruko informazioa gehituz. Era berean, hondakinak onartzeko parametro bakoitzerako, erabilitako analisi-metodoak eta neurketaren zehaztasuna aurkeztu beharko dira.
Baimen honetan adierazitakoen bestelakoak diren hondakinak ez dira onartuko. Dena dela, kudeatu beharreko hondakinak zabaldu nahi izanez gero, aldez aurretik Ingurumen Sailburuordetzaren onespena beharrezkoa izango da, Ebazpen honen J atalean adierazitakoa betez.
1.1. Hondakin onargarriak
Elmet SLU enpresak jarraian identifikatutako eta HEZ kodeari dagozkion hondakinak kudeatu ahal izango ditu, baldin eta hondakinek atal honetan adierazitako berariazko onarpen-baldintzak eta organo honek balioztatutako onarpen-agirian ezarritako onarpen- eta jasotze-irizpideak betetzen badituzte.
1.1.1. Hondakin arriskutsu onargarriak
Hondakin mota HEZ kodea
Gai arriskutsuak dituzten gas-tratamenduaren hondakin solidoak, altzairu herdoilgaitzaren fabrikazioan sortutakoak 10 02 07*
Gas-efluenteetatik eratorritako partikulak 10 06 03*
Gas-tratamenduaren hondakin solidoak 10 06 06*
Gas-tratamenduaren lohiak eta iragazketa-opilak 10 06 07*
Eztainua duten hondakinak:
SnFe (Hardhead) hondakinak, burdinaren bidez kasiterita-erredukzioaren lehen mailako lorpenetik eratorriak
CaOSnO2 (Calciumstannat) hondakinak, berunaren metalurgiaren Harris prozesuan sortutako hondakinak
Sn hondakinak (Tin Houdend), latorriaren fabrikaziotik, ontzien eztainu-kentzetik eta eztainuz estalitako letoietatik eratorriak; brontzeen eta marruskadura aurkakoen, automobilgintza-erradiadore eta antzekoen fabrikaziotik eratorriak; sektore elektronikoaren soldatze-zepa; eztainu eta antzekoen estalketa galbanikoak.
Sn/Pb base-hondakinak, Pb-ren azpiko kableak zorrotik ateratzetik sortutakoak; Sn/Pb-zko soldatze-aleazioak; Sn eta Sn/Pb likidotze-aparrak; Sn, Fe, letoi eta abarrezko erradiadore-uhalak; azidoen kontrako estalketak; marruskadura aurkako aleazioak eta antzekoak 10 08 99*
Partikulak, gas-efluenteetatik eratorriak eta gai arriskutsuak dituztenak 10 09 09*
Metal astunak (esaterako, hodi katodikoak) dituzten beiraren partikula txikien eta beira-hautsaren hondakinak 10 11 11*
Bestelako hondakinak 11 03 02*
Kobrea duten jatorri galbanikozko lohiak 11 01 09*
Nikeleztaketa eta zink-estalketa prozesuetatik eratorritako jatorri galbanikozko lohiak 11 01 09*
Gai arriskutsuak dituzten kobrearen hidrometalurgia prozesuen hondakinak 11 02 05*
Gai arriskutsuak dituzten mekanizazio-lohiak 12 01 14*
Gai arriskutsuak dituzten granailatze edo jariatze hondakinak 12 01 16*
Olioak dituzten lohi metalikoak (esmerilaketa, artezketa eta lapeaketa lohiak) 12 01 18*
Gai arriskutsuak dituzten esmerilatzeko harriak eta materialak 12 01 20*
Gai arriskutsuen hondarrak dituzten edo horiez kutsatuak dauden metalezko ontziak 15 01 10*
Telebista-pantailak 16 02 15*
Izpi katodikoen hodiak 16 02 15*
Kristal likidozko pantailak 16 02 15*
Gai arriskutsuak dituzten tratamendu fisiko-kimikoen lohiak 19 02 05*
Uztailaren 20ko 833/1988 Errege Dekretuaren I. Eranskineko III. taulak jasotzen duenaren arabera bestelako hondakin arriskutsu generiko moten nahasketari egotz dakizkiekeen kutsadura duten hondakinak ez dira hondakin arriskutsuen plantan onartuko, hondakin onargarrien izendapenaren barruan izan daitezkeen arren.
Nolanahi ere, izaera leherkorra, kartzinogenoa, infekziosoa, birsorkuntzarako toxikoa, mutagenikoa edo erreaktiboa (H1, H7, H9, H10, H11 eta H12 arrisku-ezaugarriak, hurrenez hurren) duten hondakin, substantzia edo prestakinak eduki dituzten ontziak baimen honetatik kanpo geratzen dira.
Era berean, hondakin, substantzia edo prestakin erregarri edo sukoiak eduki dituzten ontziak baimen honetatik kanpo geratzen dira, ontzian oraindik dauden substantzia horien kontzentrazioaren ondorioz ontziak arrisku-ezaugarriak izan ditzakeenean.
Halaber, ondorengoak dituzten edo eduki dituzten ontziak baimen honetatik kanpo geratzen dira:
Produktu kloratuak
Merkurioaren deribatuak
Zianuro-gatzak eta bere deribatuak
Farmaziako produktuak, botikak, albaitaritzako produktuak
Elmet SLU enpresaren instalazioetako jatorri galbanikozko lohi onargarriak, kobreztaketa, nikeleztaketa eta/edo zink-estalketa lerroak dituzten sektore honetako enpresen hondakin-uren arazketatik eratorritakoak izango dira. Aipatutako hondakin mota onartzeko muga-parametroak zianuro, kloruro, sufre eta kadmio kopuruaren araberakoak izango dira. Parametro horiek materia lehorraren inguruko ondorengo mugak bete beharko dituzte:
Zianuro disolbagarrien kontzentrazioa: <20 mg/kg
Kloruroen edukia: % <4
Sufrearen edukia: % <5
Kadmioaren edukia: % <0,1
Halaber, zianuroak dituzten jatorri galbanikozko lohiek 10 baino handiagoa den pH-a izan beharko dute Elmet SLU enpresak onar ditzan.
1.1.2. Hondakin ez-arriskutsu onargarriak
Hondakin mota HEZ kodea
Mineral metalikoak erauztearen ondorioz sortutako hondakinak 010101
Oxido metalikoak, 060315 kodean zehaztutakoen bestelakoak direnak 060316
Beste kategoria batean zehaztu gabeko hondakinak 060899
Silikona duten hondakinak, 070216 kodean zehaztutakoen bestelakoak direnak 070217
Zilarra edo zilarraren konposatuak dituzten filmak eta argazki-papera 090107
Ohantze fluidizatuen hareak 100124
Zepen tratamenduaren hondakinak 100201
Ijezketatiko axala 100210
Lehen eta bigarren mailako produkzioaren zepak 100601
Lehen eta bigarren mailako produkzioaren legarrak eta aparrak 100602
Bestelako partikula eta hautsak 100604
Hozte-uraren tratamenduaren hondakinak, 100609 kodean zehaztutakoen bestelakoak direnak 100610
Beste kategoria batean zehaztu gabeko hondakinak 100699
Lehen eta bigarren mailako produkzioaren zepak 100701
Lehen eta bigarren mailako produkzioaren metal-hondakinak eta aparrak 100702
Gas-tratamenduaren hondakin solidoak 100703
Bestelako partikula eta hautsak 100704
Gas-tratamenduaren lohiak eta iragazketa-opilak 100705
Partikulak eta hautsa 100804
Bestelako zepak 100809
Anodoen zatiak 100814
Labearen zepak 100903
Beira-zuntzaren materialen hondakinak 101103
Partikulak eta hautsa 101105
101111 kodean zehaztutakoen bestelakoak diren beira-hondakinak 101112
Leuntzetik eta esmerilaketatik datozen lohiak, 101113 kodean zehaztutakoen bestelakoak direnak 101114
Lohiak eta iragazketa-opilak, 110109 kodean zehaztutakoen bestelakoak direnak 110110
Kobrearen hidrometalurgia-prozesuen hondakinak, 110205 kodean zehaztutakoen bestelakoak direnak 110206
Burdinazko metalen karraka-hautsak eta txirbilak 120101
Burdinazko metalen hautsa eta partikulak 120102
Burdinarik gabeko metalen karraka-hautsak eta txirbilak 120103
Burdinarik gabeko metalen hautsa eta partikulak 120104
Soldatze-hondakinak 120113
Mekanizazio-lohiak, 120114 kodean zehaztutakoen bestelakoak direnak 120115
Granailatze- eta jariatze-hondakinak, 120117 kodean zehaztutakoen bestelakoak direnak 120117
Metalezko ontziak 150104
160111 kodean zehaztutakoen bestelakoak diren balazta-zapatak 160112
Burdinazko metalak 160117
Burdinarik gabeko metalak 160118
Beira 160120
Baztertutako ekipoak, 160209 kodetik 160213 kodera zehaztutakoen bestelakoak direnak 160214
Baztertutako ekipoetatik kendutako osagaiak, 160215 kodean zehaztutakoen bestelakoak direnak 160216
Urrea, zilarra, renioa, rodioa, paladioa, iridioa edo platinoa duten katalizatzaile erabiliak (160807 kodekoak izan ezik) 160801
Trantsizio-metalak edo trantsizio-metalen konposatuak dituzten katalizatzaile erabiliak, beste kategoria batean zehaztu gabeak 160803
Ohantze fluidoko cracking katalitikotik datozen katalizatzaile erabiliak (160807 kodekoak izan ezik) 160804
Beira 170202
Kobrea, brontzea, letoia 170401
Aluminioa 170402
Burdina eta altzairua 170405
Eztainua 170406
Metal nahasiak 170407
170410 kodean zehaztutakoen bestelakoak diren kableak 170411
Labe-hondoaren errautsetatik bereizitako burdinazko materialak 190102
Labe-hondoaren errautsak eta zepak, 190111 kodean zehaztutakoen bestelakoak direnak 190112
Ohantze fluidizatuen hareak 190119
Tratamendu fisiko-kimikoen lohiak, 190205 kodean zehaztutakoen bestelakoak direnak 190206
Industriako hondakin-uren beste tratamenduetatik sortutako lohiak, 190813 kodean zehaztutakoen bestelakoak direnak 190814
Burdin eta altzairuaren hondakinak 191001
Burdinarik gabeko hondakinak 191002
Burdinazko metalak 191202
Burdinarik gabeko metalak 191203
Beira 191205
Mineralak (esaterako, harea, harriak) 191209
Beira 200102
Baztertutako ekipo elektrikoak eta elektronikoak, 200121, 200123 eta 20013 kodeetan zehaztutakoen bestelakoak direnak 200136
Metalak 200140
1.2. Hondakinen sarrera kontrolatzea
Fabrikara tratamendua jasotzera iristen diren hondakinen kontrola egin beharko da, hondakin horiek ebazpen honetako baldintzen arabera onargarriak direla berma dadin. Kontrol hori Ingurumen Sailburuordetza honek onetsitako onarpen-agirian ezarritako egiaztapena izango da.
Hondakina jaso aurretik, onarpen-agiri horretan adierazitako baldintzak betetzen direla egiaztatu beharko da. Jaso behar diren hondakin arriskutsuak formalizatzeko, kudeatzaileari dagokion atala bete beharko da kontrol eta jarraipenerako agirian, edo honen baliokidea den agiri ofizialean.
Onartzeko parametro mugatzaileak betetzen ez dituelako fabrikan jaso ezin den hondakin partida bat egongo balitz, berehala jakinarazi beharko zaio Ingurumen Sailburuordetzari. Horrekin batera, jatorria, kopurua, enpresa garraiatzailea, bazterketaren arrazoia, baztertutako hondakinaren helmuga eta bestelako gorabeheren berri eman beharko da.
a) atalean adierazitako kontrolen osagarri gisa, ekoizle bakoitzeko 4 tona gainditzen dituen fabrikan kudeatutako hondakin arriskutsu mota bakoitzaren karakterizazioa egingo da urtero (jatorri desberdin bakoitzeko karakterizazio bat). Karakterizazio hori kanpoko laborategi batek egin beharko du. Informazioa Ingurumen Sailburuordetzara bidaliko da urtero.
a) atalean adierazitako kontrolen osagarri gisa, fabrikan kudeatutako hondakin arriskutsu mota bakoitzaren karakterizazioa egingo da urtero (jatorri desberdin bakoitzeko karakterizazio bat). Karakterizazio hori kanpoko laborategi batek egin beharko du. Informazioa Ingurumen Sailburuordetzara bidaliko da urtero.
Elmet SLU enpresak onarpen-eskaerak, onarpen-agiriak eta kontrol eta jarraipenerako agiriak artxiboan erregistratu eta gorde beharko ditu, 5 urtean gutxienez.
Aurreko atalean adierazitako agiriak ingurumen organoari bidali behar zaizkio, ahal dela IKS-L03 Sistemaren erakundeentzako bertsioa erabiliz.
Hondakin arriskutsuak Berangoko udalerriko bere instalazioetara eramateko garraioak merkantzia mota hau garraiatzeko indarrean den legeriak eskatutako baldintzak betetzen dituela egiaztatu beharko du Elmet SLU enpresak. Honen inguruan antzematen den edozein gorabehera berehala jakinarazi beharko dio Ingurumen Sailburuordetzari, Sailburuordetzak egoki deritzon behar beste neurri har ditzan.
Zianuroa duten lohiak garraiatu eta manipulatzeko faseetan izan daitezkeen arriskuak murrizteko helburuarekin, Elmet SLU enpresak hondakin horiek onartu ahal izango ditu soilik garraio-baldintzak egokiak direnean eta segurtasun-neurri egokiak betetzen direnean. Segurtasun-neurriak ondorengoak izango dira gutxienez:
Zianuroa duten lohien ekoizleak karea gehitu beharko die kargatu eta garraiatu aurretik, izaera basikoa ziurtatu ahal izateko.
Elmet SLU enpresaren instalazioetaraino egingo den garraioa edukiontzi itxi edo/eta estalietan egingo da, guztizko estankotasuna bermatuz balizko isuriak gertatuz gero.
1.3. Zamalanak
Hondakin arriskutsuen fabrikako zamalanak gai arriskutsuak errepidez manipulatzeko eskatutako segurtasun-baldintzak betez egingo dira.
Fabrikako hondakinen zamalanak eta manipulazioa, nola ekipoen estankotasunak, isurtze barreiatuak edo kontrolatu gabeak egotea saihestu, edo bestela, ahalik eta gehien murriztu beharko dituzte.
1.4. Jasotako hondakinen biltegiratzea
Tratatu beharreko hondakinak biltegiratzeko instalazioek lurzoru estankoak izan behar dituzte, aurreikusitako karga guztiak jasateko eta horien isuri edo ihesak atxikitzeko gaitasunarekin. Hondakin onargarrien mota generiko bakoitzerako biltegiratze-gune bereiziak izango dira.
Fabrikan onartutako hondakinen biltegiratzea euria sartzea eta haizeak arrastatzea saihesteko moduan egin beharko da.
Hautsezko hondakinak eta ontziratu gabe jasotako hondakinak nabearen barruan multzotan edo/eta gelaxketan gordeko dira tratamendua egiteko unea iritsi arte.
Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Bilketa-sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.
Biltegiratutako hondakin arriskutsuen ontzi guztiek etiketatuta egon beharko dute, eta etiketak argia, irakurtzeko modukoa eta ezabaezina izan beharko du. Etiketan, gutxienez, dituen hondakinen identifikazio-kodea, ontziratze-data eta hondakin horiek dituzten arriskuen izaera agertu behar dira.
Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Berangoko Udalean.
Instalazioaren etenaldi teknikoaren egoera berezietan, edo instalazioaren ezohiko funtzionamenduaren ondoriozko bestelako egoeretan, Elmet SLU enpresak D.1.1. atalean adierazitako hondakinen transferentzia-zentro gisa jardun ahal izango du, hondakinak kudeatzeko beste instalazio baimendu batera eraman daitezen.
Zianuroa duten lohiak biltegiratzetik sortutako arriskuak murrizte aldera, Elmet SLU enpresak hondakin horiek biltegiratzeko gune bereizia izan beharko du bere instalazioetan; gune hori estalia egon beharko da eta lurzoru estankoak izan beharko ditu.
Ontzien hondakinak biltegiratu egin behar dira D.1.4.j atalean adierazitako aurretiazko tratamendua jasan aurretik; eduki dituzten hondakin, substantzia edo prestakin motari buruzko identifikazioa izan beharko dute. Helburu horretarako, aurretiazko etiketa mantenduko da bertan ezaugarri hori jasotzen bazuen, eta baita egotz dakiokeen arriskutsutasun-piktograma ere. Bestela, uztailaren 20ko 833/1988 Errege Dekretuaren 14. artikuluak horretarako ezarritako jarraibideen arabera etiketatu beharko dira.
Aldi baterako biltegiratzean eta ontziak xukatu, prentsatu eta briketatzeko eragiketetan sortutako hondakin likido oro, gaika bildu eta euren artean bateragarriak diren eta gainezkaldi edo estankotasuna galtzearen ondorioz balizko isuriak atxikitzeko sistema duten hondakinentzako gordailuetara eraman behar dira. Horretarako, gutxienez 1 m3-ko eta gaitasun unitarioa duten 3 gordailu izango dira, kudeatutako metalezko ontzien tipologiaren arabera.
Era berean, ontzien hondakinak labean sartu aurretik biltegiratzen eta tratatzen diren instalazioen garbiketa-eragiketetan sortutako efluenteak gordailu horietara bideratuko dira.
Hondakin likido horiek, helburu horretarako baimendutako hondakin arriskutsuen kudeatzaileari bidaliz kudeatu behar dira.
Elmet SLU enpresak hondakin, substantzia edo prestakin arriskutsuak dituzten edo horiez kutsatutakoen metalezko ontziak diren hondakin arriskutsuak biltegiratzeko guneak iragazgaiztu beharko ditu, epoxi-pintura edo/eta polietileno-xafla baten inprimaketaren bidez.
1.5. Kudeatutako hondakinen datuen erregistroa
Hondakinei buruzko apirilaren 21eko 10/1998 Legearen 13.3 artikuluan ezarritakoari jarraiki, Elmet SLU enpresak parte hartzen duen eragiketen agiri-erregistro ulergarri bat egin beharko du.
Erregistro horretan honako datuak agertu behar dira: kopuruak, izaera, tratamendurako diren hondakinen osaketa eta identifikazio-kodea; hondakinaren jatorria eta zein prozesutik datorren; enpresa sortzailea eta enpresa garraiatzailea; hondakin-partida bakoitzaren onarpen- eta jasotze-datak; jasotako hondakin arriskutsuen partida bakoitzerako kontrol eta jarraipenerako agiriaren erreferentzia-zenbakia; jasotako hondakinen fabrikan duten kokapena; biltegiratze-aldia eta datak; tratamendu-eragiketak, datak, kontrolerako parametroak eta prozesuari buruzko datuak. Halaber, baztertutako hondakinen partidei buruzko datuak gehituko dira Erregistroan (jatorria, kopurua, enpresa garraiatzailea, bazterketaren arrazoiak eta helmuga alternatiboa).
Ebazpen honetako D.1.2. atalean aipatutako kontrolen emaitzak atal honetan araututako erregistroan jasoko dira, eta baita Elmet SLU enpresak egin ditzakeen kontrasteko horiek ere.
Elmet SLU enpresak aurrera eraman dituen kudeaketa-jardueren inguruko txosten ulergarria aurkeztu beharko dio hilero Eusko Jaurlaritzako Ingurumen eta Lurralde Antolaketa Sailaren Ingurumen Sailburuordetzari. Atal honetan adierazitako erregistroaren laburpena izan beharko da.
Halaber, jardueren urteroko memoria aurkeztu beharko da urte bakoitzeko martxoaren 1a baino lehen, uztailaren 20ko 833/1988 Errege Dekretuaren 38. eta 39. artikuluetan ezarritakoari jarraituz.
2. Instalazioaren funtzionamendurako baldintza orokorrak
2.1. Ustiaketarako baldintza teknikoak
1 atalean adierazitako hondakinak jaso, ikuskatu eta biltegiratzeko baldintza eta kontrolez gain, Elmet SLU enpresak ondorengo hondakinek honako berariazko baldintzak betetzen dituztela bermatu beharko du:
Jatorri galbanikoa duten lohiak
Elmet SLU enpresako labe birakariarekiko jatorri galbanikoa duten lohien dosifikazioaren gehienezko zenbatekoa % 5 izango da. Zenbateko honek Elmet SLU enpresaren instalazioetan prozesatu beharreko izaera hori duten hondakinen gehienezko kopurua baldintzatuko du.
Behin zianuroa duten lohiak fabrikan onartuta, ahalik eta lasterren labearen kargari gehitu behar zaizkio; lohiak gehienez 24 orduz egon daitezke biltegiratuta Elmet SLU enpresaren instalazioetan.
Ontzien hondakinak
Haien balioztatzea optimizatzeko xedearekin, ontzien hondakin guztiek urtzeko labea elikatuko dute aldez aurretik xukatu, prentsatu eta briketatu ostean.
Eragiketa hauek jatorrian egin ez badira, nahitaez Elmet SLU enpresak egin beharko ditu helburu horretarako aurreikusitako instalazioetan.
Eztainuaren hondakinak
Eztainuaren hondakinen balioztatzea eztainu beltzaren produkzio-kanpaina ziklikoen bidez egingo da; kanpaina horiek kobre beltzaren produkzio-kanpainekin tartekatuko dira, jasotako hondakinen tipologiaren eta merkatuaren eskaeren arabera.
Gas-tratamenduaren zepak eta hondakin solidoak
Zepak nola gas-tratamenduaren hondakin solidoak prozesura birzirkulatuko dira.
Oxido metalikoz osatutako eta isurtzeen arazketa-sistema (hozkailuak, zikloiak eta mahuka-iragazkiak) osatzen duten elementu desberdinetatik eratorritako gas-tratamenduaren hondakin solidoak, urtzeko labean sartzen dira, zepa-mailaren pean injektatuz, granulometria gutxien duten eztainuaren hondakinekin batera, eztainuaren hondakinak ahalik eta gehien aprobetxatzeko.
Eztainuaren hondakinen balioztatzean barrena sortutako zepak aldi baterako biltegiratu egingo dira, kobre beltzaren hurrengo kanpainan kontsumitu daitezen, urtzeko labearen ekarpenerako material gehigarri gisa.
Altzairu herdoilgaitzaren fabrikazioan sortutako gai arriskutsuak dituzten gas-tratamenduko hondakin solidoak kargan dosifikatuko dira. Inolaz ere ezingo dute kargaren pisuaren gaineko % 5eko gehienezko zenbatekoa gainditu.
Altzairu herdoilgaitzaren fabrikazioan sortutako gai arriskutsuak dituzten gas-tratamenduko hondakin solidoak zisternan jasoko dira eta fabrikan daudenean, 100 m3-ko lehengaien zuloetako batera bideratuko dira. Bertatik galdatze-prozesura zuzenean injektatuko dira.
Gai arriskutsuak dituzten mekanizazio-lohiak, gai arriskutsuak dituzten granailatze- edo jariatze-hondakinak eta olioa duten lohi metalikoak.
Gai arriskutsuak dituzten mekanizazio-lohiak, gai arriskutsuak dituzten granailatze- eta jariatze-hondakinak eta olioa duten hondakinak kargan dosifikatuko dira. Inolaz ere ezingo dute kargaren pisuaren gaineko % 15eko gehienezko zenbatekoa gainditu.
2.2. Airearen kalitatea babesteko baldintzak.
2.2.1. Baldintza orokorrak
Elmet SLU enpresaren instalazioa ustiatzean atmosferara egingo diren isurketek ez dituzte Ebazpen honetan ezarritako balioak gaindituko.
Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.
Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.
Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.
2.2.2. Fokuak identifikatzea. Katalogazioa
Elmet SLU enpresaren instalazioak ondorengo fokuak ditu, atmosfera babestearen arloan indarrean den araudiaren arabera katalogatuta:
Foku zk. Foku-kodea Isurtze-fokuaren izena Garaiera (m) Diametroa (m) Katalogazioa. UTM koordenatuak
X Y
Taldea
1 48002865-01 Urtzeko labea 25,5 1,6
A
692 4.801.648
2 48002865-02 Lehortze-planta 25,5 0,6
A
661 4.801.585
3 48002865-03 Urtzeko labea (zabaltzea) 25,5 1,2
A 500.688 4.801.660
4 48002865-04 1. aldibereko ekoizpeneko motorra 16,5 0,9 B 500.795 4.801.627
5 48002865-05 2. aldibereko ekoizpeneko motorra 16,5 0,9 B 500.811 4.801.619
6 48002865-06 Gasezko galdara 18 0,55 B 500.774 4.801.636
2.2.3. Isurtzeko muga-balioak.
Instalazioa ustiatzean atmosferara egingo diren isurtzeek ez dituzte isurtzeko muga-balio hauek gaindituko:
Fokuak Substantziak Isurtzeko muga-balioak
1, 2 eta 3 Guztizko partikulak (mg/Nm3) 20
Karbono monoxidoa (CO) (ppm) 500
Nitrogeno oxidoak (NOX) (ppm) 300
Sufre dioxidoa (SO2) (mg/Nm3) 130
Azido klorhidrikoa (HCl) (mg/Nm3) 30
Azido fluorhidrikoa (HF) (mg/Nm3) 5
Metalak (Zn + Pb + Cr + Cu + Mn + Sn) (mg/Nm3) 5
Metalak (Ni + As) (mg/Nm3) 1
Metalak (Cd + Hg) (mg/Nm3) 0,2
Konposatu Organiko Hegazkorrak (Karbono Organikoaren Guztizko gisa neurtutakoak eta mgC/Nm3 gisa adieraziak) 50
4, 5 eta 6 Karbono monoxidoa (CO) (ppm) 500
Nitrogeno oxidoak (NOX) (ppm) 300
Balio horiek baldintza hauek dituzte: 273º K-ko tenperatura, 101,3 kPa-ko presioa eta gas lehorra.
Gehienez onar daitezkeen balioek ez dituzte isurtzeko muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.
KOHei dagokienez (KOG gisa neurtutakoak), ez dituzte isurtzeko muga-balioak gaindituko arauz egingo diren aldizkako ikuskaritzetan (ordubeteko hiru neurketa gutxienez), neurketa guztien batez bestekoak isurtzeko muga-balioak gainditzen ez baditu eta ordubeteko neurketek isurtzeko muga-balioak 1,5 baino handiagoa den faktorean gainditzen ez badituzte.
Ezarritako IMBak lortzen ez badira, beharrezko neurri zuzentzaileak hartuko dira (arazteko sistemak instalatzea, eta abar.) atmosferara egiten diren isurtzen balio horiek betetzea ziurtatzeko.
Konfiantza-tartearen balioak 100eko 95ean, isurtzeko gehienezko balioetan, ez ditu isurtzeko muga-balioaren zenbateko hauek gaindituko: karbono monoxidoa, sufre dioxidoa eta nitrogeno dioxidoa, 100eko 25ean; guztizko partikulak eta karbono organikoaren guztizkoa, 100eko 30ean; hidrogeno kloruroa eta hidrogeno fluoruroa, 100eko 40an.
Balioztatutako batez besteko balioak ustiaketa eraginkorraren epean barrena zehaztuko dira (martxan jartzeko eta gelditzeko epeak salbuetsita), ordukako batez besteko baliagarrietatik abiatuta. Azken hauek, aurretik zehaztutako konfiantza-tartearen balioa kendu ondoren neurtuko dira.
Erregistro-denbora ez-baliozkotzat jotzen dira neurketa-ekipoen mantentze-lanak, matxurak edo funtzionamendu okerra.
2.2.4. Gasak biltzeko eta husteko sistemak.
Fokuetako gas-hondarrak kanporatzeko tximiniek ez dute D.2.2.2. atalean jasota dagoen goreneko kota baino baxuagoa izango. Tximinietan behar beste neurri hartuko dira Industriak atmosferan eragiten duen kutsadurari aurrea hartu eta zuzentzeari buruz Industria Ministerioak 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.
Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziak (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 e 8D eta L2 e 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.
Isurtze barreiatuak murrizteko, ondorengo neurriak edukiko dira:
lehengaien biltegia: multzo bereizietan biltegiratutako materialak; nabea estalita eta itxita egon behar da eta hormigoizko zola kuartzoz eta korindoiez gogortuta. Aspertsio bidezko ureztatze-sistema, hautsa sortzea saihesteko.
Harea eta jalkin xeheak biltegiratzeko zuloa: zuloaren depresoreak mahuka-iragazki bat du, jalkin xeheak ateratzea eragozten duena.
Urtzeko mahuka-iragazkitik datozen oxidoak kamioira deskargatzea. Xurgapen-kanpaiaz itxitako amaigabea, eragiketa horretan eseki daitekeen balizko hautsa deskargatzerakoan.
lehengaien biltegi estalia: hormigoizko zolaz kuartzo eta korindoizko gainazaleko tratamenduarekin itxitako pabiloia, hondakin arriskutsu desberdinak bereizteko hormak dituena.
Lehengaien karga-toberak: partikula esekien bilketa.
Kamioien deskarga (1. biltegian): multzoak osatzeko pala kargatzaileak manipulatzerakoan, hauts esekia hauspeatzeko spray-sistema abian jartzen da.
2.3. Saneamendu-sarera isurketak egiteko baldintzak
2.3.1. Isurketen sailkapena, jatorria, ingurune hartzailea eta kokapena.
Isurketa-
puntua Hondakin-ur mota Isurketaren jatorria Ingurune hartzailea UTM koordenatuak
1 Industriala Prozesu industrialak (laborategia, galdaketa eta hoztea) Bilbao Bizkaia Ur Partzuergoko kolektorea X: 500.748
Y: 4.801.902
Euri-jariatzea Kutsatu daitezkeen euri-urak
2.3.2. Gehienez isuri daitezkeen emari eta bolumenak
Industria-urak
Orduko puntako emaria 0,025 m3/h
Eguneko gehienezko bolumena 0,56 m3/egun
Urteko gehienezko bolumena 203 m3/urte
Kutsatuak egon daitezkeen euri-urak
Orduko puntako emaria 70 l/s
Eguneko gehienezko bolumena 6 m3/egun
Urteko gehienezko bolumena 31.715 m3/urte
2.3.3. Isurtzeko muga-balioak
Bilbao Bizkaia Ur Partzuergoko kolektorera doazen isurketei buruzko araudian agertzen diren mugak eta baldintzak bete behar ditu azken isurketak, erakunde horrek aintzat har ditzakeen zehaztapen, aldaketa eta salbuespenekin.
Ezin dira diluzio-teknikak erabili isurtzeko muga-balioak lortzeko.
2.3.4. Araztu eta husteko instalazioak
Arazketa-instalazioek edo hondakin-urak zuzentzeko neurriek honako jarduera hauek barne hartuko dituzte funtsean:
Zerbitzuko aire-konpresoreek galdara txikiak purgatzetik sortutako olioak ezabatzeko ekipamendu berezia izan behar dute nahitaez.
Tratamendu fisiko-kimikoa duen araztegia dago, 10 m3/h-ko tratamendu gaitasuna duena eta ondorengoez osatuta dagoena: karea duen pH basikora metalen prezipitazioa, malutatzaileak gehitzea, orrizko jalkitzea, pH-aren zuzenketa CO2-aren bidez, dekantagailu estatikoa, prentsa-iragazkia duen lohien lerroa.
Kutsatu dezaketen industria-urak eta euri-urak araztegi honetara iristen dira, horretarako eraikitako sare baten bidez. Tratatutako uren % 98a produkzio-prozesuetara birzirkulatzen da; gainerakoa kolektorera isurtzen da, aldez aurretik arazketa-prozesua jasan ondoren.
Plantaren azalera osoa aldapan dago, beraz, euri-urak aldaparen behealdean jasotzen dira.
Hartutako neurri zuzentzaileak nahikoak ez direla ikusiz gero, Elmet SLU enpresak behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.
Aurkeztutako agirien arabera, baimendutako industria-uraren isurketa kontrolatzeko kutxeta bat jarriko da; kutxeta horrek isurketen lagin esanguratsuak lortzeko beharrezkoak diren ezaugarri guztiak izango ditu. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.
2.4. Instalazioan sortutako hondakinak egoki kudeatzen direla bermatzeko baldintzak.
Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.
Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.
Hondakinen kudeaketari buruzko printzipio hierarkikoei jarraituz, hondakin oro balioztatu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek balioztatzea teknika, ekonomia edota ingurumen aldetik bideragarria ez dela behar bezala egiaztatzen bada.
Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia- eta gertutasun-printzipioei jarraituz.
Ingurumen Organoak hondakin zehatz bat onartzeko baimena uka dezake, lehentasunezko kudeaketa-bide bat dagoela uste badu.
Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.
Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.
Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Berangoko Udalean.
2.4.1. Hondakin arriskutsuak.
Sustatzaileak adierazitako hondakin arriskutsuak honako hauek dira:
1. PROZESUA: GALDATZEA
Prozesu honetan sortzen diren hondakin arriskutsuak beste prozesu batzuetako izen bereko beste batzuekin kudeatzen dira; batera kodetuta ageri dira Zerbitzu Orokorrak prozesuan.
2. PROZESUA: GAS-EFLUENTEAK ARAZTEA
hondakina: Oxido metalikoak
Identifikazioa: B48483465/4800018725/2/1
Hondakinaren kodea: Q9//R4//S25//C7-6-18/H14//A225(1)//B0011
HEZ: 100606
Urtean sortutako kantitatea: 3.780
Hondakin hau, urtzeko labean eta lehengaiak lehortzerakoan sortzen diren efluente atmosferikoen arazketa-iragazkietan biltzen diren metal hegazkorrenen oxidoez osatuta dago. Ondorengo metalez osatuta dago: zinka, beruna, kobrea eta eztainua. Kobrearen edukia % 7 eta % 10 artekoa baldin bada, instalazioan bertan birziklatzen dira, karga gisa urtzeko labean. Hori horrela ez bada, hondakin arriskutsuen baimendutako kudeatzaileak eramaten ditu.
100 m3-ko gaitasuna duen zuloan biltegiratzen da hondakina. Zisterna-kamioietan eramaten da.
hondakina: Mahuka-iragazkiak
Identifikazioa: B48483465/4800018725/2/2
Hondakinaren kodea: Q9//D13//S35//C6-7-12/H5//A225(1)//B0011
HEZ: 100606
Urtean sortutako kantitatea: 125 unitate
Mahuka-iragazkiak dira, batzuk beira-zuntzezkoak eta besteak poliesterrezkoak. Lehengaiak biltegiratzeko zuloetan eta galdatze-prozesuan eta lehengaia lehortzerakoan sortzen diren efluente atmosferikoak arazterakoan erabiltzen dira.
Hondakinarentzat identifikatutako big-bag zakuetan biltzen dira.
3. PROZESUA: INDUSTRIAKO HONDAKIN-UREN TRATAMENDUA
hondakina: Araztegiaren lohiak
Identifikazioa: B48483465/4800018725/3/1
Hondakinaren kodea: Q9//R4//S27//C6/7//H14//A225(1)//B0006
HEZ: 190804
Urtean sortutako kantitatea: 7 t
Kutsatutako industria- eta euri-uren saretik datozen urak arazteko instalazioan sortzen da.
Lohiak ondorengo metalez osatuta daude: kobrea, eztainua, beruna, zinka, nikela, artsenikoa, kromoa eta antimonioa.
Hondakinarentzat identifikatutako edukiontzian biltzen dira, sortzen diren lekuan bertan. Lehengai gisa erabiltzen da galdatze-prozesuan, duten kobrea berreskuratu ahal izateko.
4. PROZESUA: ZERBITZU OROKORRAK
hondakina: Halogenatu gabeko disolbatzailea
Identifikazioa: B48483465/4800018725/4/1
Hondakinaren kodea: Q7//R13//L5//C41/H3B-5//A225(1)//B0019
HEZ: 140103
Urtean sortutako kantitatea: 400 l
Makinen mantentze-lanen eragiketetan, piezak koipegabetzean, sortzen da eta halogenatu gabeko disolbatzaile erabilia da.
Koipegabetze-makinari itsatsitako bidoian biltzen da zuzenean eta sortzen den lekutik eramaten du baimendutako kudeatzaileak.
hondakina: Olio erabiliak
Identifikazioa: B48483465/4800018725/4/2
Hondakinaren kodea: Q8//R9//L8//C51//H5/6//A225(1)//B0019
HEZ: 130203
Urtean sortutako kantitatea: 4.500 kg
Aldibereko ekoizpenaren instalazioan olioaren eta Zerbitzu Orokorrak prozesuaren Mantentze-Lan Orokorrak azpiprozesuan birjartzeko bestelako olioen kontsumoaren hondakin gisa sortzen da; motor eta makinerien kloratu gabeko olio lubrifikatzaileak dira.
Olioa sortzen den puntuetatik jasotzen da eta olio erabiliak biltegiratzeko lekura eramaten da. Hondakinarentzat identifikatutako polietilenozko edukiontzietan jasotzen da.
hondakina: Gai arriskutsuren bat eduki duten metalezko ontzi hutsak
Identifikazioa: B48483465/4800018725/4/3
Hondakinaren kodea: Q5//R4//S36//C51//H14//A225(1)//B0019
HEZ: 150104
Urtean sortutako kantitatea: 25 unitate
Gai arriskutsuren bat eduki duten metalezko ontziak dira.
Galdatze-prozesura gehitzen dira.
hondakina: Berun azidozko bateria erabiliak
Identifikazioa: B48483465/4800018725/4/4
Hondakinaren kodea: Q6//R13//S37//C18-23/H6-8//A225(1)//B0019
HEZ: 160601
Urtean sortutako kantitatea: 190 kg
Zerbitzu Orokorrak prozesuaren Mantentze-Lan Orokorra azpiprozesuan sortzen da. Hondakinarentzat identifikatutako edukiontzian biltegiratzen dira.
hondakina: Hodi fluoreszenteak
Identifikazioa: B48483465/4800018725/4/5
Hondakinaren kodea: Q6//R13//S40//C16/H5//A225(1)//B0019
HEZ: 200121
Urtean sortutako kantitatea: 60 unitate
Mantentze-Lan Orokorrak azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Sodio-lurrunezko lanparak eta halogenuro metalikoak
Identifikazioa: B48483465/4800018725/4/6
Hondakinaren kodea: Q6//D13//S40//C16-20/H6//A225(1)//B0019
HEZ: 200121
Urtean sortutako kantitatea: 70 unitate
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Olio-iragazkiak
Identifikazioa: B48483465/4800018725/4/7
Hondakinaren kodea: Q6//D13//S35//C51//H5//A225(1)//B0019
HEZ: 150201
Urtean sortutako kantitatea: 100 kg
Mantentze-Lan Orokorra azpiprozesuan sortzen da, makina mugikorren eta aldibereko ekoizpenaren instalazioaren iragazkiak ordezkatzerakoan.
Hondakinarentzat identifikatutako bidoian biltzen da.
hondakina: II. taldeko hondakin sanitarioak
Identifikazioa: B48483465/4800018725/4/8
Hondakinaren kodea: Q16//D14//S1//C35//H9//A225(1)//B0019
HEZ: 180101
Urtean sortutako kantitatea: 10 kg
Zerbitzu Orokorrak prozesuaren Mediku Zerbitzua azpiprozesuan sortzen da; hondakin ebakitzaile eta zorrotzak dira (orratzak eta bisturi-xaflak).
Edukiontzi hermetiko batean gordetzen da, botikinean; edukiontzia zuzenean erretiratzen du baimendutako kudeatzaileak.
hondakina: Laborategiko erreaktiboen hondakinak
Identifikazioa: B48483465/4800018725/4/9
Hondakinaren kodea: Q3//D13//L-S14//C23/24//H6//A225(1)//B0019
HEZ: 160502
Urtean sortutako kantitatea: 0,5 kg
Hondakin gisa noizean behin sortzen da Zerbitzu Orokorrak prozesuko Laborategia azpiprozesuan; laborategian erabiltzen diren eta iraungita edo kutsatuta dauden erreaktibo ez-organikoak dira (sodio karbonatoa, potasio ioduroa, sodio tiosulfatoa, sodio hidroxidoa, bromoa, eta abar).
Hondakin horientzat identifikatutako kutxetan jasotzen dira eta laborategian gordetzen dira.
hondakina: Hidrokarburoz bustitako materiala
Identifikazioa: B48483465/4800018725/4/10
Hondakinaren kodea: Q5//D13//S34//C41/51//H5//A225(1)//B9711
HEZ: 150201
Urtean sortutako kantitatea: 200 kg
Xurgatzaileak eta ehunak Jaso eta Bildu azpiprozesuan kodetzen dira; makinak eta instalazioak garbitzetik datozen olioz bustitako trapuak eta gai xurgatzaileak dira.
Hondakinarentzat identifikatutako bidoian biltzen da.
hondakina: Ni-Cd-zko bateriak
Identifikazioa: B48483465/4800018725/4/11
Hondakinaren kodea: Q5//R13//S36//C 23-24/H14//A225(1)//B0005
HEZ: 140103
Urtean sortutako kantitatea: 0 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Gai arriskutsuak eduki dituzten plastikozko ontziak
Identifikazioa: B48483465/4800018725/4/12
Hondakinaren kodea: Q5//R13//S36//C41-51/H5//A225(1)//B0019
HEZ: 150110
Urtean sortutako kantitatea: 122 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Tonerraren kartutxoak eta hautsa
Identifikazioa: B48483465/4800018725/4/13
Hondakinaren kodea: Q7//D13//S12//C0/H5//A225(1)//B0019
HEZ: 080309
Urtean sortutako kantitatea: 6 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Lohi fekalak
Identifikazioa: B48483465/4800018725/4/14
Hondakinaren kodea: Q8//D9//L33//C24/H5//A225(1)//B0019
HEZ: 190899
Urtean sortutako kantitatea:
Kutxetak garbitzerakoan hondakin gisa sortzen da.
Kudeatzaileak zuzenean jasotzen du sortzen den puntutik.
hondakina: Koipe lodiak
Identifikazioa: B48483465/4800018725/4/15
Hondakinaren kodea: Q8//R13//P-S19//C51/H5//A225(1)//B0019
HEZ: 120112
Urtean sortutako kantitatea:
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Olioa urarekin (esekidura urtsuak)
Identifikazioa: B48483465/4800018725/4/16
Hondakinaren kodea: Q8//R13//L9//C51/H5//A225(1)//B0019
HEZ: 120109
Urtean sortutako kantitatea: 1.720 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Pintura edo berniza duten esekidura urtsuak
Identifikazioa: B48483465/4800018725/4/17
Hondakinaren kodea: Q7//R13//L12//C41-43/H5//A225(1)//B0019
HEZ: 080119
Urtean sortutako kantitatea: 1.720 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Bestelako olio hidraulikoak
Identifikazioa: B48483465/4800018725/4/18
Hondakinaren kodea: Q7//R13//L8//C51/H5-6//A225(1)//B0019
HEZ: 130113
Urtean sortutako kantitatea: 1.560 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Ni-Cd-zko metagailuak
Identifikazioa: B48483465/4800018725/4/19
Hondakinaren kodea: Q6//R13//S37//C11-24/H8-6//A225(1)//B0019
HEZ: 160602
Urtean sortutako kantitatea: 1 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Merkurioa duten pilak
Identifikazioa: B48483465/4800018725/4/20
Hondakinaren kodea: Q6//R13//S37//C11-16/H6//A225(1)//B0019
HEZ: 160603
Urtean sortutako kantitatea: 1 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Gai arriskutsuak dituzten hondakin likido urtsuak
Identifikazioa: B48483465/4800018725/4/21
Hondakinaren kodea: Q8//D13//L27//C51/H5//A225(1)//B0019
HEZ: 161001
Urtean sortutako kantitatea: 3.173 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Hondakin biosanitarioak
Identifikazioa: B48483465/4800018725/4/22
Hondakinaren kodea: Q16//D10//S01//C35/H9//A225(1)//B0019
HEZ: 180103
Urtean sortutako kantitatea: 75 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: Iraungitako botikak
Identifikazioa: B48483465/4800018725/4/23
Hondakinaren kodea: Q03//D10//S02//C33/H5//A225(1)//B0019
HEZ: 180109
Urtean sortutako kantitatea: 10 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
hondakina: 16 06 01, 16 06 02 edo 16 06 03 kodeetan zehaztutako bateriak eta metagailuak
Identifikazioa: B48483465/4800018725/4/24
Hondakinaren kodea: Q06//R4//S37//C11-16/H6//A225(1)//B0019
HEZ: 180109
Urtean sortutako kantitatea: 30 kg
Mantentze-Lan Orokorra azpiprozesuko hondakin gisa sortzen da.
Hondakinarentzat identifikatutako edukiontzian biltzen da.
Ni-Cd-zko bateriak eta fluoreszenteak hondakinen kasuan, ez da ezabatzea edo lagatzea onartuko; beraz, baliotze alternatiboen bidez justifikatu beharko da haien kudeaketa.
Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.
Lohi fekalak hondakina sortzen den instalazioko gordailutik jaso behar da zuzenean, aurretik ontziratu eta biltegiratu gabe, eta baimendutako kudeatzaileari eman behar zaizkio.
Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen du dekretu horrek) 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.
Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.
Berariazko hondakin sanitarioak (II. taldea) manipulatu, ontziratu, etiketatu eta gordetzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.
Gainerako hondakin arriskutsuak ezin izango dira 6 hilabete baino gehiago gorde.
Berariazko hondakin sanitarioak (II. taldea) manipulatu, ontziratu, etiketatu eta gordetzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.
Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.
Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Elmet SLU enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.
Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.
Elmet SLU enpresak industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko du sortutako olio erabilia.
Industrian erabilitako olioaren kudeaketa arautzen duen ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, Euskal Autonomia Erkidegoan erabilitako olioaren kudeaketa arautzen duen irailaren 29ko 259/1998 Dekretuan begiesten diren aurreikuspenak bete beharko ditu Elmet SLU enpresak.
Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.
Elmet SLU enpresak poliklorobifeniloak eduki ditzaketen gailuak dituenez, kudeaketa egokia izan dadin, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen 1999ko abuztuaren 27ko 1378/1999 Errege Dekretuaren baldintzak eta errege dekretu hori aldatzen duen 2006ko otsailaren 24ko 228/2006 Errege Dekretua.
Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Elmet SLU enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.
Elmet SLU enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.
Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.
Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Elmet SLU enpresak neurri babesleak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.
Aurreko h) eta i) (kudeatzaileak EAEn daudenean), o) eta p) idatz-zatietan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
Amiantoa duten hondakinak antzemanez gero, Elmet SLU enpresak amiantoak ingurumenean sortzen duen kutsadura saihestu eta gutxitzeari buruzko 108/1991 Errege Dekretuan (3. artikulua) ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.
2.4.2. Hondakin ez-arriskutsuak.
Sustatzaileak adierazitako hondakin ez-arriskutsuak hauek dira:
Hondakinaren izena HEZ kodea Zein prozesuri lotuta Zenbatetsitako ekoizpena
Zura 200138 Orokorra 72.640 kg
Pneumatikoak 160103 Tailer mekanikoa 500 kg
Papera eta kartoia 200101 Bulegoak 16.130 kg
Ondorengo hondakin ez-arriskutsuen zenbatetsitako produkzioa aurkeztu beharko da: burdinaren txatarrak (HEZ 200140) eta zepa granailatua (HEZ 100601).
Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.
Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.
Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Elmet SLU enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, aginduzkoak direnean, bost urtean gutxienez.
Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.
Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.
Aipatutako c) eta d) (kudeatzaileak EAEn daudenean) eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
2.5. Lurzorua babesteko baldintzak.
Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Elmet SLU enpresak honako informazioa aurkeztu beharko du:
Lehengai arriskutsuak biltegiratzeko nabearen ondoan dagoen ezpondaren lurzorua estali, hautsa leku horretan gera dadin saihesteko.
Ibilgailuak igarotzen diren guneak aldizka berrikusi eta pitzadurak dituzten guneak edo hormigoia egoera txarrean dutenak zolatu, ingurune naturalera kutsatzaileak sartu ahal izatea saihesteko.
Elmet SLU enpresak jarduera garatzen duen lur zatian lur-mugimenduak sustatzen baditu, enpresak hondeatu behar dituen materialen karakterizazioa egin beharko du, jardun kutsatzaileen ondorioz erasan diren egiaztatzearren eta, karakterizazio horren emaitzen arabera, horientzako kudeaketa-modu egokiena zehaztearren.
Karakterizazio horretan lortutako emaitzak, material horiek kudeatu aurretik Ingurumen Sailburuordetzara bidaliko dira, baloratzeko. Ingurumen organoak, ebazpen arrazoitu bidez, lurzoruaren kalitatearen adierazpena egiteko prozedura hastea eskatu ahal izango du kutsadura-zantzurik antzemanez gero, lurzorua ez kutsatzeko eta kutsatutakoa garbitzeko otsailaren 4ko 1/2005 Legearen 17.6 artikuluan xedatutakoari jarraiki.
2.6. Zaratari buruzko baldintzak.
Jarraian adierazitako zarata-mailak ez gainditzeko neurriak hartu eta instalatuko dira:
Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.
Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.
Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.
Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.
Ingurumena Zaintzeko Programa.
Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:
1. Atmosferako isurtzeak kontrolatzea
Elmet SLU enpresak isurtzeen kontrola egin beharko du, informazio honi jarraituz:
Fokua Foku-kodea Fokuaren izena Neurtu beharreko parametroak Kontrolen maiztasuna
1 48002865-01 Urtzeko labea Guztizko partikulak, KOG Etengabeko neurketa
CO, NOX, SO2 Sei hilero, BKE-k egina
Guztizko partikulak, KOG, HCl, HF, Metalak (Zn + Pb + Cr + Cu + Mn + Sn), (Ni + As), eta (Cd + Hg), Dioxinak eta furanoak. Urtero BKE batek
2 48002865-02 Lehortze-planta Guztizko partikulak, KOG Etengabeko neurketa
CO, NOX, SO2 Sei hilero, BKE-k egina
Guztizko partikulak, KOG, HCl, HF, Metalak (Zn + Pb + Cr + Cu + Mn + Sn), (Ni + As), eta (Cd + Hg), Dioxinak eta furanoak. Urtero BKE batek
3 48002865-03 Urtzeko labea (zabaltzea) Guztizko partikulak, KOG Etengabeko neurketa
CO, NOX, SO2 Sei hilero, BKE-k egina
Guztizko partikulak, KOG, HCl, HF, Metalak (Zn + Pb + Cr + Cu + Mn + Sn), (Ni + As), eta (Cd + Hg), Dioxinak eta furanoak. Urtero BKE batek
4 48002865-04 1. aldibereko ekoizpeneko motorra CO eta NOX Hiru urtero, BKE-k egina
5 48002865-05 2. aldibereko ekoizpeneko motorra CO eta NOX Hiru urtero, BKE-k egina
6 48002865-06 Gasezko galdara CO eta NOX Hiru urtero, BKE-k egina
Aurreko atalean aipatutako aldizkako neurketa guztiak baimendutako kontrol erakunde batek (BKE) egin beharko ditu (ordubeteko hiru neurketa, gutxienez, zortzi orduan zehar neurtuta; eta dioxinak eta furanoak ere neurtzen direnean, 6-8 orduko neurketa bat), eta aldizkako kontrol horiei buruzko txostenak Ingurumen Sailburuordetza honek prestatutako Baimendutako kontrol erakundeen gutxieneko txostenaren arabera egin beharko dira. Dena dela, isurtzeen kontrolek eta baldintzek Ingurumen Sailburuordetzaren argibide teknikoek eskatutako baldintza guztiak bete behar dituzte.
Arestian eskatutako parametro guztien neurketen BKE txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.
Etengabeko neurketa
Elmet SLU enpresak guztizko partikulen eta karbono organiko guztizkoaren etengabeko neurketa egin beharko du 1. 2. eta 3. fokuetan, hain zuzen ere, urtzeko labearen, lehortze-plantaren eta urtzeko labearen (zabaltzea) tximiniei dagozkienak.
Neurtzeko sistema jarraikiak Isurtze atmosferikoak tximinian etengabe neurtzeko sistemak ziurtatzeko, aztertzeko eta egiaztatzeko Gida Teknikoa-n ezarritako eskakizun eta baldintza guztiak bete behar ditu.
Neurtzeko sistema jarraikia Euskal Autonomia Erkidegoko airearen kalitatea zaindu eta kontrolatzeko sarera kateatu beharko da.
Sustatzaileak neurtzeko sistema jarraikia mantentzeko plan bat izan beharko du, datuen fidagarritasuna eta lortzen den gutxieneko datu-kopurua bermatuko dituena. Edonola ere, datuen fidagarritasuna eta kopuruaren ardura sustatzailearen gain geratzen dira.
Neurtzeko ekipoen erabilgarritasuna, hots, erregistro baliodunak lortzen diren denbora-tarteen proportzioa, urteko jardun-denboraren 100eko 90ekoa izango da gutxienez, Ingurumen Sailburuordetza honen baimen zehatz espresa izan ezean.
15 egun baino gehiagotan jarraian neurtzeko sistema jarraikia konektatu gabe badago edo gaizki badabil, BKE-en bidez etengabe neurtu behar liratekeen parametroen aldizkako autokontrolak egin beharko dira, 15 eguneko maiztasunaz, gorabehera hasten denetik kontatzen hasita, eta neurtzeko sistema jarraikiak zuzen jardun arte.
Urtero neurtzeko sistema jarraikiaren funtzionamenduari buruzko txosten bat egin eta Ingurumen Sailburuordetza honetara igorri beharko da, Isurtze atmosferikoak tximinian etengabe neurtzeko sistemak ziurtatzeko, aztertzeko eta egiaztatzeko Gida Teknikoa-n adierazitako ereduaren arabera.
1.1. Lortutako emaitzak erregistratzea
Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.
2. Isuritako uraren kalitatea kontrolatzea
Kanpoan egiten den kontrol bakoitza, laginak hartzea nola ondorengo analisia, Erakunde Laguntzaile batek egin eta egiaztatuko du, edo bestela, kolektorera konexioa baimentzen duen Erakundeak; goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua. Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.
Laginketak kutsatzaile gehien sortzen den aldietan egingo dira beti.
Isurketak baimenean jarritako baldintza guztiak betetzen dituela ulertuko da, D.2.2.3 ataleko parametro guztientzat ezarritako mugak betetzen badituzte.
3. Jardueraren adierazleak kontrolatzea
Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:
Ingurumenaren gaia Partidaren datuak Unitateak Adierazleak Unitateak
Ekoizpena Berreskuratutako produktuak t Berreskuratutako produktuak t
Lehengai eta osagarrien kontsumoa Lehengaien guztizko kontsumoa:
Kobrearen txatarra
Burdinaren txatarra
Kobrearen zepak
Silizea eta moldekatze-hondarrak
Kobre-hondakinak t Lehengaien guztizko kontsumoa:
Kobrearen txatarra
Burdinaren txatarra
Kobrearen zepak
Silizea eta moldekatze-hondarrak
Kobre-hondakinak t
Energia kontsumoa Gas naturalaren kontsumoa
Gasolio-kontsumoa
m3
Gas naturalaren kontsumoa energiaren guztizko kontsumoaren aurrean
Gasolio-kontsumoa energiaren guztizko kontsumoaren aurrean Kwh/Kwh
(%)
Elektrizitatearen kontsumoa Kwh Energia berezia (kontsumitutako energia/berreskuratutako produktua) Kwh/t
Atmosferara egiten diren isurtzeak Partikula solidoen isurtzeak (gehienezkoa, gutxienekoa, batez bestekoa, laginketa-kopurua)/ parametro honen prozesu nagusiari lotutako foku kontrolatu bakoitzeko mg/Nm3 Partikula solidoen isurtzea mg/Nm3
Partikula solidoen guztizko isurtzea Kg Partikula solidoen guztizko isurtzea kg
Berreskuratutako produktuaren partikula solidoen guztizko isurtzea Kg/t
Cu eta bere konposatuen isurtzea mg/Nm3 Cu eta bere konposatuen isurtzea mg/Nm3
Cu eta bere konposatuen guztizko isurtzeak (gehienezkoa, gutxienekoa, batez bestekoa, laginketa-kopurua)/ parametro honen prozesu nagusiari lotutako foku kontrolatu bakoitzeko Kg Cu eta bere konposatuen guztizko isurtzea kg
Metalen guztizko isurtzea/t berreskuratutako produktua Kg/t
Bestelako metalen isurtzea (gehienezkoa, gutxienekoa, batez bestekoa, laginketa-kopurua)/ parametro honen prozesu nagusiari lotutako foku kontrolatu bakoitzeko mg/Nm3 Bestelako metalen isurtzea mg/Nm3
Bestelako metalen guztizko isurtzea kg Bestelako metalen guztizko isurtzea kg
Metalen guztizko isurtzea/t berreskuratutako produktua Kg/t
Atmosferara egiten diren isurtzeak Dioxinen isurtzea (gehienezkoa, gutxienekoa, batez bestekoa, laginketa-kopurua)/ parametro honen prozesu nagusiari lotutako foku kontrolatu bakoitzeko mg/Nm3
Dioxinen isurtzea mg/Nm3
Dioxinen guztizko isurtzea kg Dioxinen guztizko isurtzea kg
Dioxinen guztizko isurtzea/t berreskuratutako produktua Kg/t
Ur-kontsumoa
Uretara egindako isurketak Ur-kontsumoa m3 Ur-kontsumoa m3
Industria-isurketak/Helmuga m3 Industria-isurketak/Helmuga m3
Birzirkulatutako isurketa m3 Akaberako isurketaren birzirkulazioa % %
Euri-uren isurketa/Helmuga m3 Euri-uren isurketa/Helmuga m3
Isuritako gai arriskutsuak (kontzentrazioa)
Isuritako gai arriskutsuak
(kontzentrazioa)
Hondakinak Sortutako Hondakin Arriskutsuen guztizko kopurua t Sortutako Hondakin Arriskutsuen guztizko kopurua t
Sortutako Hondakin Arriskutsuen guztizko kopurua/ t metal likido t/t
Araztegiko lohiak t Araztegiko lohiak t
Hondakin arriskutsu baliotuak t Hondakin arriskutsu baliotuak / Sortutako hondakin arriskutsuak t/t (%)
Sortutako Hondakin Ez-arriskutsuen guztizko kopurua t Sortutako Hondakin Ez-arriskutsuen guztizko kopurua t
Sortutako hondakin ez-arriskutsuen guztizko kopurua/metal likidoa t/t
Hondakin ez-arriskutsu baliotuak t Hondakin ez-arriskutsu baliotuak / Sortutako hondakin ez-arriskutsuak (gainerako osagaiak, &) t/t
(%)
Sortutako hondakin arriskutsuen guztizko kopurua / guztizko hondakinak t/t(%)
Lurzoruaren kutsadura Ustekabeko isuriekin lotutako gorabehera kopurua (ingurune hartzailea zehaztu: airea, ura, lurzorua) Kopurua/urtea Ustekabeko isuriekin lotutako gorabehera kopurua Kopurua/urtea
IKS Ezarri eta egiaztatutako kudeaketa-sistemak (zehaztu) BAI/EZ
Zein/urtea
Ekoscan/ URTE
eta/edo
ISO14001/ URTE
eta/edo
EMAS/ URTE BAI/EZ
Zein/ urtea
4. Zarataren kontrola.
Jarduera garatzen den lursaileko kanpoko baldintza akustikoak bi urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.
5. Emaitzak kontrolatu eta bidaltzea.
Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.
6. Ingurumena zaintzeko programari buruzko agiri bategina.
Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.
Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).
Ezohiko egoeretan, kutsadurari aurrea hartzeko neurriak eta jardunerako baldintzak.
1. Fabrika gelditzeko eta abiarazteko eragiketak eta mantentze-lanetarako programatutako eragiketak.
Programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.
2. Jarduera uztea.
Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27,5 epigrafea), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Elmet SLU enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.
3. Ezohiko jardunean aplikatzeko neurriak eta jarduketak.
Sustatzaileak aurkeztutako oinarrizko proiektuan egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:
Prebentziozko mantentze-lanen eskuliburua eduki beharko da instalazioen egoera egokia bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.
Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.
Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.
Era berean, ustiapenari buruzko eskuliburu bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.
Besteak beste, hondakin arriskutsu eta ez-arriskutsuak, erregaiak eta efluenteen arazketa-hondakinak eta orokorrean, fabrikan sortutako hondakinak maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen lur zatien azalera guztiak iragazgaiztuko dira.
Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.
Hauts-produktuak gordetzeko, iragazkiak dituzten zulo itxiak egongo dira. Era berean, isurtze barreiatuak murrizteko, ondorengo neurriak edukiko dira:
lehengaien biltegia: materialak multzo bereizietan biltegiratzen dira; nabea estalita eta itxita egon behar da eta hormigoizko zola kuartzoz eta korindoiez gogortuta. Aspertsio bidezko ureztatze-sistema du biltegiratzeak, hautsa sortzea saihesteko.
Harea eta jalkin xeheak biltegiratzeko zuloa: zuloaren depresoreak mahuka-iragazki bat du, jalkin xeheak ateratzea eragozten duena.
Urtzeko mahuka-iragazkitik datozen oxidoak kamioira deskargatzea: Xurgapen-kanpaiaz itxitako amaigabea, eragiketa horretan eseki daitekeen balizko hautsa deskargatzen den bitartean.
lehengaien biltegi estalia: hormigoizko zolaz kuartzo eta korindoizko gainazaleko tratamenduarekin itxitako pabiloia, hondakin arriskutsu desberdinak bereizteko hormak dituena.
Lehengaien karga-toberak: partikula esekien bilketa.
Kamioien deskarga (1. eta 3. biltegietan): multzoak osatzeko pala kargatzaileak manipulatzerakoan, hauts esekia hauspeatzeko spray-sistema abian jartzen da.
Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.
Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.
Pabiloien barruan zolak garbitzean sortutako ura tratamendu-lerrora bidaliko da.
Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, gordailu iragazgaitzetan eta hondoan hustubiderik ez dutenetan gordeko dira.
Urtean behin instalazio horien garbiketaren eta mantentze-lanen fakturaren kopia bat bidaliko da.
Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.
Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko. Kasu horretan, honako baldintza hauek azpimarratu behar dira:
Estazioan erroilu erako edo gai pikortatuzko, edo antzeko berariazko gai xurgatzailea izango da, ustekabeko jario edo ihesetan berehala aplikatu ahal izateko.
Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.
Gasolioa biltegiratzeko eta manipulatzeko instalazioak modu egokian isolatuko dira, hausturen, ustekabeko gainezkaldien eta abarren ondorioz gerta daitezkeen isuriak atxikitzearren.
Araztegia ustiatzeko enpresa espezializatu batek egindako protokolo edo eskuliburu bat izango da nahitaez, eta ekipo elektromekaniko, zunda, mintz, dosifikatu eta kontrolatzeko gailu, eta abarren azterketa eta mantentze-lanak finkatuko dira bertan.
Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.
Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez.
Halaber, prozesuaren funtzionamendu egokiaren ustiapen- eta zaintza-eskuliburua izango da. Aldizka egindako mantentze-lanen eta kontrolen eragiketak, nola antzemandako gorabeherak jasoko dira bertan, enpresa espezializaturen bat bertaratzea aholkatuz.
Era berean, nahitaez kontratu bat sinatzea eskatzen da araztegiaren mantentze-lanetarako, eta prozesuaren, errendimendu eta arazketaren, ekipo elektromekaniko eta sentsoreen funtzionamendu egokia ikuskatzeko.
Enpresa espezializatu batek egindako araztegiaren mantentze-lanen protokolo edo eskuliburu bat eduki behar da nahitaez, eta bertan, hauek finkatuko dira: ekipo elektromekanikoen mantentze-lanak, arbastuen garbiketak, gehiegizko solido eta lohien purgaketak, eta abar.
Hondakin-ura ezingo da by pass bidez isuri arazketa-instalazioetan.
Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, substantzien isuriak, isurtzeko muga-balioak gainditzea, eta neurtzeko sistema jarraikiaren datuak galtzea), gorabehera edo anomalia horren berri eman behar zaio berehala Ingurumen Sailburuordetzari.
Gertakari edo arazo larriren bat edo ustekabeko isuriren bat egonez gero, SOS DEIAK eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:
Gertakari mota
Gertakaria non, zergatik eta zer ordutan gertatu den
Iraupena
Ustekabeko isuria bada, emaria eta isuritako gaiak
Mugak gaindituz gero, isurtzeei buruzko datuak
Eragindako kalteen balioespena
Hartutako neurri zuzentzaileak
Berriro gerta ez dadin aurreikusitako neurriak
Prebentzio-neurriak eraginkortasunez aplikatzeko ezarritako epeak
Aurreko atalean ezarritakoaz gain, gerta daitezkeen gorabeherak edo arazoak saiheste aldera, jardueraren titularrak berehala jakinarazi beharko dio Ingurumen Sailburuordetzari ondorengo gertaeraren bat jazo dela:
Etengabeko analizatzailean neurtutako orduko datu egiaztatu baten kontzentrazioak muga-balioa % 100ean gainditzea. Horrelakoetan, gainditu den unetik gehienez ere ordubetera jakinaraziko da.
Etengabeko analizatzailean neurtutako orduko datu egiaztatu baten kontzentrazioak muga-balioa % 40an gainditzea. Horrelakoetan, gainditu den unetik gehienez ere hogeita lau ordura jakinaraziko da.
Ekipoek 24 ordu baino gehiagotan datu fidagarririk ez ematea ekartzen duen edozein matxura edo akatsen berri eman. Horrelakoetan, isurketen datu fidagarririk ez dagoenetik gehienez ere 8 ordura jakinaraziko zaio Ingurumen Sailburuordetzari.
Instalazioaren etengabeko prozesu batean aurrez programatuta egingo diren geldialdiak, aurreikusitako mantentze-lanak barne, gutxienez 15 egun lehenago jakinaraziko dira.
Kasu horietan, enpresak berehala fax bidez jakinaraziko dio Sailburuordetzari, honako hauek adieraziz:
Gertakari mota.
Jatorria eta arrazoiak.
Eragindako ondorioak.
Okerrera ez egiteko hartutako neurriak.
Epeak.
Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
Baldin eta arautegi berria indarrean jartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitzeko beharrak hori egitea aholkatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.
Urtean behin, Elmet SLU enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren 20ko 508/2007 Errege Dekretuari jarraituz.
Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi-net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.
Halaber, ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.
Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.
2007ko apirilaren 21eko 509/2007 Errege Dekretuaren 4. artikuluko 3. idatz-zatiari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.
Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.
Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honen bigarren ataleko honako puntu hauetan ezarritako baldintzak betetzen direla: A (Erantzukizun zibileko asegurua), B (Fidantza); D.1. (Hondakinak eta baliabide teknikoak zein giza baliabideak onartzeko agiriak, egiaztatu daitezen); D.1.5. (Kudeatu beharreko hondakinen erregistro-eredua); D.2.4.1. (Ni-Cd-zko bateriak eta Fluoreszenteak hondakinen kudeaketaren justifikazioa); D.2.4. (Hondakin arriskutsu eta ez-arriskutsuen onarpen-agiriak, eta hondakin arriskutsu eta ez-arriskutsuak kontrolatzeko erregistro-eredua); D.2.5. (Lurzorua babesteko neurriak), eta dagokionean, E.1. (Atmosferara egindako isurtzeen kontrola), dagokionean, E.1.1. (Atmosferara egindako isurtzeen erregistro-eredua); E.6. (Ingurumena Zaintzeko Programaren agiri bategina); F.3. (Larrialdietarako eskuragarri dauden materialen zerrenda); F.3.h (Produktu kimikoak biltegiratzeko instalazioen egiaztagiria); F.3.j (Kubetak husteko protokoloa); F.3.s (Suteen aurkako babeserako araudia betetzen dela ziurtatzen duten agiriak); D.3.i (Larrialdietarako materialen eta babes pertsonalerako ekipoen zerrenda); eta D.3.w (Suteen aurkako babeserako instalazioen ziurtagiria).
Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.
Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den biharamunetik kontatzen hasita.
Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen integratua eraginkortzat aitortuko da.
Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.
Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.
Bosgarrena. Edozein modutan ere, ingurumeneko baimen bateratua ofizioz aldatu ahal izango da uztailaren 1eko 16/2002 26. artikuluan ezarritako kasuak aintzat hartuta.
Seigarrena. Elmet SLU enpresak Ebazpen honen xede den kobrea eta burdinarik gabeko bestelako metalak baliotzeko jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.
Zazpigarrena. Baimen honek balioa galduko du honako hauek gertatzen direnean:
Epearen barruan ez egiaztatzea ebazpen honetako laugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.
Elmet SLU enpresaren nortasun juridikoa bukatzea, indarrean dagoen araudian ezarritako kasuetan.
Baimena indarrean jartzen dela adierazten duen ebazpenean xedatutakoak.
Zortzigarrena. Ebazpen honen edukia jakinaraztea Elmet SLU enpresari, Berangoko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.
Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.
Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).
Vitoria-Gasteiz, 2008ko apirilaren 30a.
Ingurumeneko sailburuordea,
IBON GALARRAGA GALLASTEGUI.
Elmet SLU enpresak Berangoko (Bizkaia) udalerrian sustatutako taula aglomeratuak fabrikatzeko jarduerari dagokion ingurumeneko baimen bateratuaren prozeduraren baitan, ingurumen organoak sustatutako informazio publikoaren izapidetzean, 8 alegazio-idazkiren ereduak aurkeztu dira, guztira 15 alegazio-egilek sinatutakoak.
Ondorengo ataletan egindako azterketan agerian jarriko denez, Ingurumen Sailburuordetza honek erreferentziako instalazioaren ingurumeneko baimen bateratua ematerakoan, aurkeztutako alegazioetan proposatutako ingurumen-alderdi guztiak hartu dira kontuan. Horrela, proiektuan jasotako neurri zuzentzaileak eta ingurumeneko baimen bateratuaren prozedura honen bidez osatutakoak instalazioak sor litzakeen ingurumenaren gaineko balizko eraginak minimizatzera bideratuta daude.
Jarraian, aipatutako alderdiak kontuan nola izan diren xehetasunez erakusten da:
Instalazioek biztanleak dituzten eremuetatik duten gertutasunari buruzko alegazioak
1. Alegazioen laburpena
Biztanleak dituen eremuarekiko gertutasuna; biztanleriaren gehiengoa haurrak dira.
2. Erantzuna
Kutsaduraren prebentzio eta kontrol integratuari buruzko uztailaren 1eko 16/2002 Legearen prozeduraren baitako eskakizuna azpimarratu behar da; hau da, instalazioa kokatzen den udalari jardueraren bateragarritasuna egiaztatzen duen txostena eskatzea (Legearen 15. artikulua). Udalak aldeko txostena egin zuen 2005eko irailaren 9an, proiektuak Hirigintza-plangintzarekin bateragarria dela adierazten zuena.
Atmosferara egindako isurtzeen inguruko alegazioak
1. Alegazioen laburpena.
Gauez eta asteburuetan metal astunen hondakinak, usain txarrak eta gasak arnastearen ondorioz kutsadura egon daitekeela azaltzen da, isurtzeen kontrol eza azpimarratuz. Halaber, plastikoak erretzearen ondorioz keak isurtzen direla adierazten da.
Gas-isurtzeen ikuskaritza aurrera eramateko, legeriari lotutako gas-detektagailuak jartzea eskatzen da, baina etengabeko azterketa eginez.
2. Erantzuna
1. Elmet SLU enpresak kudeatu beharreko hondakinak jaso, ikuskatu eta biltegiratzeko baldintzak eta kontrolak atalean, instalazioan kudeatu ditzakeen hondakinak zehazten dira, eta baita instalazioan tratatzeko baldintzak ere (tratamenduaren helburu diren hondakinak metalezkoak eta ez plastikozkoak dira).
Enpresak atmosfera kutsa dezaketen 6 foku ditu, eta horien artean, urtzeko labearen 2 foku daude, lehortze-plantaren beste bat, aldibereko ekoizpenaren instalazioaren 2 eta galdarari dagokion bat.
Legeriari egokitutako neurriak ezartzeari dagokionez, zera adierazi nahi da: urtzeko labeari eta lehortze-plantari dagozkien 1, 2 eta 3 fokuek dituzten neurri jarraituak Eusko Jaurlaritzako Ingurumen Sailaren Ingurumen Organoak kalibratu dituela eta egiten dituen gainerako neurketak BKE batek egiten dituela. Beraz, neurtzeko sistemak egokiak dira.
Ebazpen honek isurtzeei buruzko beharrezko neurriak barne hartzen ditu, isurtzeek giza osasunarentzat eta segurtasun publikoarentzat arriskurik eragin ez dezaten. Aipatzekoak dira D.2.2. Airearen kalitatea babesteko baldintzak atalean zehazten diren isurtzeko muga-balioak nola E.1. Atmosferara egindako isurtzeen kontrola atalean zehazten diren kontrolerako eskakizunak.
Sortutako zaraten inguruko alegazioak
1. Alegazioen laburpena
Zarata buka dadin beharrezko neurriak hartzea eskatzen da.
2. Erantzuna
Ebazpen honetako D.2.6 Zaratari buruzko baldintzak atalean zehazten denez, enpresak beharrezko neurriak ezarri beharko ditu ondorengo mailak gaindi ez daitezen:
Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.
Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.
Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.
Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.
Ingurumenaren Gaineko Eraginari dagozkion alegazioak
1. Alegazioen laburpena
Ingurumenaren gaineko eraginaren emaitzak eta jarraipena argitaratzea eta egiaztatzea eskatzen da.
2. Erantzuna
Ingurumeneko Baimen Bateratuaren Ebazpenean zehaztutako Ingurumena Zaintzeko Programaren arabera lortzen diren emaitzak, urtero bidaliko zaizkio Eusko Jaurlaritzako Ingurumen Sailburuordetzari. Beraz, enpresaren benetako egoeraren berri izango da eta informazio hau eskuragarri egongo da, Ingurumen Organoak ezarritako prozedura jarraituz aplikatu beharreko araudia betez.
Eskaeraren prozedurari dagozkion alegazioak
1. Alegazioen laburpena
10-30 data den egun honetan, ezinezkoa da Ingurumeneko Baimen Bateratua eskuratzea betetzea.
2. Erantzuna
Natur Ondareari eta Biodibertsitateari buruzko abenduaren 13ko 42/2007 Legearen seigarren azken xedapena betez, lehen xedapen iragankorraren bigarren paragrafoa moldatzen da. Honela dio:
Ondorio hauetarako, ingurumeneko baimen bateratuaren eskaera 2007ko urtarrilaren 1a aurretik aurkeztuko balitz eta baimena emateko organo eskudunak aurreko paragrafoan adierazitako dataren aurretik horren inguruko ebazpenik eman ez balu, dauden instalazioek behin-behinean funtzionatzen jarraitu ahal izango dute, ebazpena eman arte eta sei hilabeteko epean gehienez, aplikagarria den araudi sektorialean eskatutako ingurumen-izaerako eskakizun guztiak betetzen badituzte.
Beraz, 2006ko uztailaren 5ean eskatu zenez eta aplikagarria den araudi sektorialaren eskakizun guztiak betetzen direnez, 2008ko apirilaren 30era arte funtzionatzen jarraitu ahal izango du. Data horretatik aurrera funtzionatzen jarraitzeko ebazpena izan beharko du.