Industria-kutsaduraren prebentzioa eta kontrola

2006ko maiatzaren 12an, Sidenor Industrial SL enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Azkoitiko (Gipuzkoa) udalerrian bero-ijezketa jarduerarako. Eskaerarekin batera, Azkoitiko Udalak 2005eko azaroaren 9an eman zuen aldeko hirigintza-txostena eta dokumentazio tekniko hau aurkeztu zuen:

Ingurumeneko baimen bateratuko eskaera. GSB Acero SA Azkoitiko fabrika (2006ko maiatza).

Laburpen ez-teknikoa (2006ko maiatza).

Erreferentziako baimena eskatzeko unean, Sidenor Industrial SL enpresak, besteak beste, jarduerarako 1997ko apirilaren 10eko baimena zuen. Lizentzia hori labe elektrikoan altzairua fabrikatzeko jarduerarako eman zuten. Halaber, enpresa sustatzaileak hondakin arriskutsuak ekoizteko 2003ko abenduaren 18ko baimena zuen, eta hondakinen inguruan indarrean dagoen araudiak xedatutakoaren araberako ondorengo baimen-aldaketa, 2004ko uztailaren 19koa; gainera, ibilgura isurketak egiteko 2002ko martxoaren 21eko baimena zuen, isurketen gaian indarrean zegoen araudiak xedatutakoari jarraituz, eta atmosfera kutsa dezakeen instalazio gisa aritzeko behar diren baimenak zituen.

2006ko maiatzaren 24an, Ingurumenaren Kalitatearen Zuzendaritzak prozeduran parte hartzen duten hainbat organori txostenak eskatu zizkion, Ingurumen Organoak proiektua jendaurrean jartzeko agindu zezan. Zehazki, Azkoitiko Udalari eta Eusko Jaurlaritzako Osasun Sailari egin zitzaien kontsulta.

2006ko urriaren 23an eta 2007ko irailaren 13an, Ingurumen Organoak agiri osagarriak txertatzeko eskatu zion sustatzaileari, eta espedientea 2007ko azaroaren 7an osatu zen.

Aurkeztutako agiriak nahikoa zirela egiaztatu ondoren, Ingurumen Sailburuordeak 2007ko azaroaren 17an emandako Ebazpenaren bidez, jendaurrean jarri zen 30 egun balioduneko epean, Sidenor Industrial SL enpresak Azkoitiko udalerrian sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Gipuzkoako Aldizkari Ofizialean argitaratu zen, bietan 2007ko abenduaren 3an. Era berean, Euskal Autonomia Erkidegoko egunkaritan argitaratu zen 2007ko abenduaren 2an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidetze-epea bete ondoren, alegazio-idazkirik aurkeztu ez zela egiaztatu zen.

Uztailaren 1eko 16/2002 Legearen 17 eta 18 artikuluetan xedatutakoa betez, 2008ko urtarrilaren 14an Ingurumenaren Kalitatearen Zuzendaritzak txostenak eskatu zizkien Azkoitiko Udalari eta Eusko Jaurlaritzako Osasun Sailari, espedientean ageri den emaitza jasoz.

2008ko otsailaren 11n, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Sidenor Industrial SL enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2008ko martxoaren 4an sustatzailearen jakinarazpena jaso zen. Jakinarazpen hartan hainbat ohar egiten ziren Ingurumeneko Baimen Bateratuaren ebazpen-proposamenari lotuta.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari exekutatzeko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.

Uztailaren 1eko 16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Sidenor Industrial SL enpresak Azkoitirako aurkeztutako proiektuaren kasuan, baimen hauek guztiak behar ditu: hondakin arriskutsu eta ez-arriskutsuen sortzaileak behar dituen baimenak; ubide publikora isurketak egiteko baimena; ingurumen izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta hari aurre hartzeari dagozkionak. Era berean, eskumeneko beste administrazio eta organismo batzuk kasuan kasu txostenak luzatuz egindako parte-hartzea egiaztatuko da espedientean.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak ordezten du jarduera sailkatuetarako udal-lizentziaren prozedura, azaroaren 30eko 2414/1961 Dekretuan, jarduera gogaikarri, osasungaitz, kaltegarri eta arriskutsuei buruzkoan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak.

Transkribatutako aginduak aplikatuz, Sidenor Industrial SL enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Azkoitiko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika onenen erabilera eta aplika dakiokeen alorreko legerian ezarritako baldintzak. Bereziki Europako Batzordearen 2001eko abenduko Altzairuaren Fabrikazioko BREF (Best Available Techniques Referente Document in the Ferrous metal processing industry) agiriaren edukia hartu da kontuan.

Espedienteko txostenak aztertu ondoren, ebazpen-proposamena sinatu eta Sidenor Industrial SL enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta 2002ko uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta 2005ko urriaren 25eko 340/2005 Dekretuaren, hau da, Ingurumen eta Lurralde Antolamendu Sailaren egitura organikoa ezartzen duenaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko otsailaren 11n emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

Lehenengoa. Vitoria-Gasteiz (Araba) udalerriko Gamarrako Atea kaleko 22. zenbakian egoitza soziala duen eta IFK: B-01292903 zenbakia duen Sidenor Industrial SL enpresari Ingurumeneko Baimen Bateratua ematea, Azkoitiko udalerrian hondakinen bero-ijezketa jarduerarako, eta ebazpen honen Bigarren atalean zehaztutako baldintzak jarraituz.

Jarduera hori Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.3.a kategorian sartuta dago, «20 t/egun baino ijezketa-ahalmen handiagoa duten metal ferrosoak eraldatzeko instalazioak».

Sidenor Industrial SL enpresa Azkoitiko (Gipuzkoa) udalerriko Zumarragarako errepidea z/g helbidean kokatuta dago, Urola ibaiaren aldamenean. Lur-eremuaren azalera, guztira, 151.470 m²-koa da.

Altzairu bereziak fabrikatzen dira, besteak beste automozioaren merkaturako biribilak eta totxoak; ijezketa-prozesuaren bitartez eta bestelako prozesu laguntzaileen bitartez egiten dira. Instalazioak 216.000 tona inguru produzituko ditu urtean.

Lehengaiak (lingoteak eta totxoa) ijezketa-prozesura pasatzen dira, eta bertan, birberoketa-labeen bitartez (gas naturalekoak) altzairua ijezteko tenperatura onenera eramaten da; horrela, ijezketa-trenean moldatzeko prest egongo da.

Jarraian, tratamendu termikoak egiten dira (birberoketa, tentetzea, ebaketa eta kontrola) gerora, bidali aurretik, produktuaren aplikaziorako beharrezkoak diren ezaugarri mekaniko eta egiturazko ezaugarri bereziak emango diotenak.

Sortutako isuriak biltzeko sistemak dituzte tratamendurako labeek, eta gainera, Oxiebaki prozesuan sortutako isurketak ikatz aktibozko iragazkien bitartez arazten dira.

Saneamendu-sarean biltzen dira industriako hondakin-urak, ur beltzak nahiz euri-urak, eta Urola ibaira isurtzen dira bi kolektoreren bitartez.

Proiektuak teknika erabilgarri onenak (TEO) izan daitezkeen hainbat neurri barne hartzen ditu.

Bigarrena. Sidenor Industrial SL enpresak Azkoitiko (Gipuzkoa) udalerrian sustatutako ijezketa-jarduerari ondorengo baldintzak eta eskakizunak ezartzea:

1. Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Sidenor Industrial SL enpresak aldaketa horien berri emango du.

2. Neurri babesle eta zuzentzaileak sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1. Instalazioaren funtzionamendurako baldintza orokorrak.

   1.1. Airearen kalitatea babesteko baldintzak.

   1.1.1. Baldintza orokorrak.

   Sidenor Industrial SL enpresaren Azkoitiko instalazioa ustiatzean atmosferara egingo diren isurketek ez dituzte Ebazpen honetan ezarritako balioak gaindituko.

   Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

   Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

   Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   1.1.2. Fokuak identifikatzea. Katalogazioa.

   Sidenor Industrial SL enpresaren Azkoitiko instalazioak foku hauek ditu, indarrean den araudiaren arabera katalogatuta:

   Foku zk. Foku-kodea Isurtze-fokuaren izena Garaiera (m) Diametroa (m) Katalogazioa

   Taldea UTM koordenatuak

   X Y

   1 20004629-01 Stein labea 46 2,10 B 555.266 4.780.204

   2 20004629-02 Didier labea 52 2 B 555.026 4.780.006

   3 20004629-03 Guinea 1 labea 16,85 0,7 B 555179 4.780.084

   4 20004629-04 Guinea 2 labea 14 0,76 B 555.232 4.780.094

   5 20004629-05 Heurtey labea 17,25 0,76 B 555.212 4.780.080

   6 20004629-06 1. Hobekuntza-labea 12 0,8 B 555.109 4.780.157

   7 20004629-07 2. Hobekuntza-labea 12 0,8 B 555.133 4.780.055

   8 20004629-08 Arbastuko oxiebakia 4 0,55 C 555.105 4.780.027

   1.1.3. Isurketarako muga-balioak.

1. Instalazioa ustiatzean atmosferara egingo diren isurketek ez dituzte isurtzeko muga-balio hauek gaindituko:

   Fokuak Substantziak Isurtzeko muga-balioak

   1. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   2. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   3. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   4. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   5. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   6. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   7. fokua CO 500 ppm

      NOX 400 mg/Nm3 (% 3 O2)

      Partikulak 150 mg/Nm3

   8. fokua Partikulak 20 mg/Nm3

      Balio horiek baldintza hauek dituzte: 273 K-ko tenperatura, 101,3 kPa-ko presioa eta gas lehorra.

2. Gehienez onar daitezkeen balioek ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40 gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

   1.1.4. Gasak biltzeko eta husteko sistema.

   Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak 1976ko urriaren 18an emandako Agindua (Industriak atmosferan eragiten duen kutsadurari aurre hartu eta hori zuzentzeari buruzkoa) bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

   Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

   L1 8D eta L2 2D distantziak betetzen ez diren fokuetan, inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliozkotasuna justifikatzea eskatuko da.

   1.2. Ibilguan isurtzeko baldintzak.

   Isurketen sailkapena, jatorria, ingurune hartzailea eta kokapena.

   Isurketa sortzen duen jarduera mota nagusia:

   Burdinazko oinarrizko produktuak fabrikatzea.

   Jarduera-taldea: metalak.

   Mota-taldea-EJSN: 1-2-27.10.

   1.2.1. Isurketen jatorria eta kokapena.

   Isurketa-

   puntua Hondakin-ur mota Isurketaren jatorria Ingurune hartzailea Arro hidrografikoa Ingurune hartzailearen kategoria UTM koordenatuak

   V1 Industria-urak Isurketa nagusia Urola ibaia Urola UH I X: 555.250

   Y: 4.780.400

   V2 Industria-urak Arbastuko Treneko isurketa Urola ibaia Urola UH I X: 555.175

   Y: 4.780.350

   V3 Ur sanitarioak Osasun-zerbitzuak Urola ibaia Urola UH I X: 555.250

   Y: 4.780.300

   1.2.2. Gehienez isuri daitezkeen emari eta bolumenak.

   1. isurketa: isurketa nagusia.

      Orduko puntako emaria 22,2 litro/segundo

      Eguneko gehienezko bolumena 710 m3

      Urteko gehienezko bolumena 258.648 m3

   2. isurketa: arbastuko Treneko isurketa.

      Orduko puntako emaria 0,85 litro/segundo

      Eguneko gehienezko bolumena 25,5 m3

      Urteko gehienezko bolumena 9.300 m3

   3. isurketa: hozteko zirkuituaren hustuketaren zuzeneko isurketa.

      Orduko puntako emaria 6 m3/ordu

      Urteko gehienezko bolumena 2.000 m3

   4. isurketa: hozteko zirkuituaren hustuketaren zeharkako isurketa.

      Orduko puntako emaria 6 m3/ordu

      Urteko gehienezko bolumena 1.620 m3

   5. isurketa: erabilera sanitarioko Irak.

      Eguneko gehienezko bolumena 45 m3/egun

      Urteko gehienezko bolumena 16.337 m3/urte

      1.1.3. Isurketarako muga-balioak.

      Ibilgurako isurien ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko balioekin:

      1. Industria-erabilerako Irak.

         Parametroak Isurtzeko muga-balioak

         pH-a 5,5-9,5

         OEK 80 mg/l

         Urtaroen araberakoak ez diren isurketetako solido esekiak 35 mg/l

         Zirkuituen aldizkako hustuketetako solido esekiak 50 mg/l

         Olioak eta koipeak 20 mg/l

         Burdina guztira <2 mg/l

         AOX 0,3 mg/l

         Tenperatura: ubidearen tenperatura ezin da 3º C baino gehiago areagotu.

      2. Hobi septikoetako ur sanitarioak

         Parametroak Isurtzeko muga-balioak

         pH-a 6-9

         OEK <200 mg/l

         DBO5 <60 mg/l

         Solido esekiak <20 mg/l

         Olioak eta koipeak <5 mg/l

         Amoniakoa <50 mg/l

         Tratatu gabeko gainerako higiene-erabilerarako urak maila honetan sartuko dira inguruan saneamendurako kolektore publikorik ez den bitartean; egotekotan, nahitaez kolektore horretara konektatu beharko da.

         Ezin dira diluzio-teknikak erabili isurien muga-balioak lortzeko.

         Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak kasuan kasu tratamendu egokia egin beharko du, isurketaren ondorioz aipatutako kalitate-helburuak urratzen ez direla ziurtatzeko.

         Baimen honek ez du babesten baldintza honetan esplizituki adierazitako beste substantzia batzuk isurtzea, bereziki gai arriskutsuak izenekoak badira (abuztuaren Uren 2ko 29/1985 Legearen atariko, I., IV., V., VI. eta VIII. tituluak garatzen dituen Jabari Publikoko Urguneen Erregelamendua onartzen duen apirilaren 11ko 849/1986 Errege Dekretua aldatzen duen maiatzaren 23ko 606/2003 Errege Dekretuaren hirugarren xedapen gehigarriak aipatzen ditu gai horiek).

         1.2.4. Hondakin-urak araztu eta husteko instalazioak.

         Hondakin-urak arazteko instalazioak edo hondakin-uren neurri zuzentzaileak espedientean agertzen den enpresa eskatzaileak aurkeztutako agirietara egokituko dira, eta jarduera hauek izango dituzte funtsean:

         Hozteko zirkuituak ahal den gehienean ixtea, bitarteko tangak, punpak, hozteko zirkuituaren hartuneak, herdoil-azala atxikitzeko putzuak eta abar instalatuta.

         Ekarpen-uren tratamenduko instalazioa; tratamendu fisiko-kimikoa aplikatuko da lohiak birzirkulatzeko dekantagailu/malutatzailean, eta grabitate bidezko harea-iragazkien multzoa izango du.

         Hozteko zirkuitu zuzenetako urak tratatzeko (arazteko) instalazioa.

         Lohiak eta iragazkien garbiketako urak tratatzeko hiru ildo independenteko instalazioa.

         Herdoil-azalen putzuak hustean, hustuketa-punpen xurgapen-mailatik behera gelditu diren lohi eta urak ez dira ubidera xukatuko, tratatzera bideratuko dira.

         Hozteko zirkuituaren aldizkako hustuketak ahalik eta egun gehienetan egingo dira, eta isurketen muturreko emaria zirkuituko gehienez 6 m3/h izatera murriztuko da.

         Zerbitzuko aire-konpresoreek galdarak purgatzetik sortutako olioak ezabatzeko ekipamendu berezia izan behar dute nahitaez.

         Bi hilabeteko epean aurkeztu beharko da industria-hondakinak minimizatzeko ikerketa, eta plana burutzeko egutegia.

         Gainera, saneamendu-sareak birmoldatzeko plan zehatza ere aurkeztu beharko da, ahal dela euri-urak bereiziz eta higiene-zerbitzuetako isurketak bateratuz, gune horretan egitekoa den kolektorera konektatu ahal izateko.

         Kontrol-kutxetak jarriko dira, eta kutxeta horiek isurketen lagin esanguratsuak lortzeko beharrezko ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

         1.2.5. Isurien Kontrol Kanona.

         Uraren Legearen Testu Bateginaren 113. artikulua eta Jabari Publikoko Urguneen Erregelamenduko (606/2003 Errege Dekretua) 291. artikulua aplikatuz, honakoa isurien kontrol-kanonari dagokion zenbatekoa:

         (IKK): Isurien Kontrol Kanona = V x Pu.

         Pu = Pb x Km.

         Km = K2 x K3 x K4.

         Honela ulertuta:

         V = Isurketa baimenduaren bolumena (m3/urte).

         Pu = Isurketaren kontroleko prezio unitarioa.

         Pb = Oinarrizkoa prezioa m3-ko isurketaren izaeraren arabera.

         K2 = Isurketaren ezaugarrien araberako koefizientea.

         K3 = Isurketaren kutsadura-mailaren araberako koefizientea.

         K4 = Ingurune hartzailearen ingurumeneko kalitatearen araberako koefizientea.

         Km = Isurketaren maiorazio edo minorazioko koefizientea.

         Isurketa: industria-urak.

         V: bolumena B = 258.648 m3/ urte

         Pb: Hondakin-ura: industriala Pb = 0,03005 euro/m3

         K2: 1. klasea K2 = 1,0

         K3: Tratamendu egokia K3 = 0,5

         K4: Kategoria-eremua: I K4 = 1,0

         Km = 1,0 x 0,5 x 1,0 = 0,5.

         Pu = 0,03005 x 0,5 = 0,015025 euro/m3.

         Isurketa: ur sanitarioak.

         V: bolumena B = 16.337 m3/ urte

         Pb: Hondakin-ura: Hiri-hondakinak Pb = 0,01202 euro/m3

         K2: 1. klasea K2 = 1,0

         K3: Tratamendu egokia K3 = 0,5

         K4: Kategoria-eremua: I K4 = 1,0

         Km = 1,0 x 0,5 x 1,0 = 0,5.

         Pu = 0,01202 x 0,5 = 0,006010 euro/m3.

         Isurien kontrol-kanona = 258.648 x 0,015025 + 16.337 x 0,006010 = 3.984,37 euro/urte.

         1.3. Instalazioan sortutako hondakinak egoki kudeatzen direla bermatzeko baldintzak.

         Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

         Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

         Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

         Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia eta gertutasun printzipioei jarraituz.

         Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

         Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

         Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Azkoitiko Udalean.

         1.3.1. Hondakin arriskutsuak.

         Sustatzaileak adierazitako hondakin arriskutsuak honako hauek dira:

         3. Prozesua: «Ijezketa».

         1. hondakina: «Azido klorhidriko indargetua».

            Identifikazioa: A20445987/2000002420/3/1.

            Hondakinaren kodea: Q8/D9//L21//C23//H8//A210//B3120.

            HEZ: 060102.

            Urtean sortutako kantitatea: 1.620 kg.

            Ijeztutako materialaren laginak kalitate-kontrolerako laborategira eraman aurretik egiten diren probetan sortzen dira. Identifikatutako upelean jasotzen da sortzen den gune inguruan eta, bete ondoren, hondakin arriskutsuen biltegira eramaten da.

         4. Prozesua: «Tratamendu termikoa eta akabera».

         1. hondakina: «Erabilitako tenplaketa-olioa».

            Identifikazioa: A20445987/2000002420/4/1.

            Hondakinaren kodea: Q7//R9//L8//C51//H5/6//A210//B3140.

            HEZ: 130310.

            Urtean sortutako kantitatea: 82 tn.

         1. eta 2. hobekuntza-labeetan barrak hozteko aplikatzen den tenplaketa-olioa erabiltzearen ondorioz sortzen da. Zuzenean sorrera-puntutik jasotzen da, baimendutako kudeatzaileari bidaltzeko.

         2. hondakina: «Oinarrizko disoluzioak partikula magnetikoekin (magnaflux)».

            Identifikazioa: A20445987/2000002420/4/2.

            Hondakinaren kodea: Q7//D9//L27//C24//H5//A210//B3140.

            HEZ: 060205.

            Urtean sortutako kantitatea: 33 tn.

            Produktu hau partikula magnetikozko oinarrizko disoluzioen bitartez egindako kalitate-kontrolean erabiltzearen ondorioz sortzen da. Hondakin hori identifikatzeko edukiontzian biltzen da sortzen den lekuetan, eta bete ondoren, hondakin arriskutsuen biltegira eramaten da.

   6. Prozesua: «Hondakin uren tratamendua».

   1. hondakina: «Bereizgailuko hondakin oliotsuak».

      Identifikazioa: A20445987/2000002420/6/1.

      Hondakinaren kodea: Q9//R9//L9//C51//H5//A210//B0006.

      HEZ: 130506.

      Urtean sortutako kantitatea: 16 tn.

      Hozteko sistemetatik datozen urak arazteko instalazioetan sortzen da. Zuzenean bilketarako edukiontzitik erretiratzen da, baimendutako kudeatzaileari bidaltzeko.

   2. hondakina: «Olioa eta herdoil-azala duten lohiak».

      Identifikazioa: A20445987/2000002420/6/2.

      Hondakinaren kodea: Q9//D9//L-P27//C51//H5//A210//B0006.

      HEZ: 130502.

      Urtean sortutako kantitatea: 222 tn.

      Hozteko sistemetatik datozen urak arazteko instalazioen urteroko garbiketan sortzen da. Zuzenean erabilera-puntuetatik erretiratzen da, baimendutako kudeatzaileari bidaltzeko.

   7. Prozesua: «Zerbitzu orokorrak».

   1. hondakina: «Olio erabiliak».

      Identifikazioa: A20445987/2000002420/7/.1

      Hondakinaren kodea: Q7//R9//L8//C51//H5/6//A210//B0019.

      HEZ: 130113.

      Mantentze-lan Orokorren azpiprozesuan olio hidraulikoa eta lubrifikaziorako olioa berritzeko lanetan sortzen da. Identifikatutako upelean jasotzen da sortzen den gune inguruan eta, bete ondoren, hondakinen biltegira eramaten da.

   2. hondakina: «Taladrinak».

      Identifikazioa: A20445987/2000002420/7/2.

      Hondakinaren kodea: Q7//D9//L9//C51//H5//A210//B0019.

      HEZ: 120109.

      Urtean sortutako kantitatea: 9 tn.

      Mekanizazio- eta hozte-prozesuetan taladrina erabiltzearen ondorioz sortzen den hondakina da. Hondakinarentzat identifikatu den bidoi batean jasotzen da, eta hondakin arriskutsuen biltegira eramaten da.

   3. hondakina: «Koipeak».

      Identifikazioa: A20445987/2000002420/7/3.

      Hondakinaren kodea: Q9//D9//P9//C51//H5//A210//B0019.

      HEZ: 120112.

      Urtean sortutako kantitatea: 4 tn.

      Makinak koipeztatzeko lanetan koipea erabiltzearen ondorioz sortzen den hondakina da. Hondakinarentzat identifikatu den bidoi batean jasotzen da, eta hondakin arriskutsuen biltegira eramaten da.

   4. hondakina: «Berunezko bateriak».

      Identifikazioa: A20445987/2000002420/7/4.

      Hondakinaren kodea: Q6//R4//S37//C18/23//H8//A210//B0019.

      HEZ: 160601.

      Urtean sortutako kantitatea: 420 kg.

      Beruna eta disoluzio azidoa duten bateria erabiliak berritzerakoan sortzen da. Hondakinarentzat identifikatu den edukiontzian jasotzen da,t xede horretarako gunean, baimendutako kudeatzaileari bidali arte.

   5. hondakina: «Metal astunak dituzten pilak».

      Identifikazioa: A20445987/2000002420/7/5.

      Hondakinaren kodea: Q6//R13//S37//C5/11/16//H6/14//A210//B0019.

      HEZ: 200133.

      Urtean sortutako kantitatea: 24 kg.

      Pila agortuak birjartzeko eragiketetan sortzen da. Hondakinarentzat identifikatu den edukiontzian jasotzen da, xede horretarako gunean, Sasieta Mankomunitateko garbigunera bidali arte.

   6. hondakina: «Hodi fluoreszenteak».

      Identifikazioa: A20445987/2000002420/7/6.

      Hondakinaren kodea: Q6//R13//S40//C16//H6/14//A210//B0019.

      HEZ: 200121.

      Urtean sortutako kantitatea: 132 kg.

      Merkurioa duten lanpara erabiliak aldatzeko eragiketetan sortzen da. Hondakinarentzat identifikatu den zonan biltzen da, Sasieta Mankomunitateko garbigunera bidali arte.

   7. hondakina: «Tresna ofimatikoak».

      Identifikazioa: A20445987/2000002420/7/7.

      Hondakinaren kodea: Q14//R13//S40//C6/11/18//H6/14//A210//B0019.

      HEZ: 160213

      Urtean sortutako kantitatea: 90 kg.

      Tresna elektriko eta elektronikoak birjartzeko eragiketetan sortzen da. Hondakinarentzat identifikatu den berariazko zonan biltzen da, Sasieta Mankomunitateko garbigunera bidali arte.

   8. hondakina: «Poliklorobifeniloak/Polikloroterfeniloak dituzten transformadoreak».

      Identifikazioa: A20445987/2000002420/7/8.

      Hondakinaren kodea: Q12//D15//S10//C32/51/

      16//H6/7//A210//B0019.

      HEZ: 160209.

      Urtean sortutako kantitatea: hondakin puntuala.

      Mantentze-lan Orokorren azpiprozesuko hondakin gisa sortzen da; zuzenean erretiratzen dira, baimendutako kudeatzaileari bidaltzeko.

   9. hondakina: «Disolbatzaile organiko ez-halogenatua».

      Identifikazioa: A20445987/2000002420/7/9.

      Hondakinaren kodea: Q7//R13//L5//C41//H3b/

      5//A210//B0019.

      HEZ: 140603.

      Urtean sortutako kantitatea: 875 kg.

      Piezen garbiketako eta koipegabetzeko eragiketetan sortzen da. Sortzen den tokietan aipatu hondakinarentzat identifikatutako bidoian jasotzen da, baimendutako kudeatzaileari bidali arte.

   10. hondakina: «Laborategiko hondakinak».

       Identifikazioa: A20445987/2000002420/7/10.

       Hondakinaren kodea: Q7//D15//L40//C23/24/

       40/41//H6/8//A210//B0019.

       HEZ: 160506.

       Urtean sortutako kantitatea: 18 kg.

       Laborategiko entseguetan erabilitako produktu kimikoen hondakinak dira. Poteetan jasotzen da, sortzen den postuan, aipatu hondakinarentzat identifikatu den kutxan. Behin bete ondoren, hondakinen biltegira eramaten da.

   11. hondakina: «Kutsatutako laborategiko ontziak».

       Identifikazioa: A20445987/2000002420/7/11.

       Hondakinaren kodea: Q5//D15//S36//C23/24/40/

       41//H5//A210//B0019.

       HEZ: 150110.

       Urtean sortutako kantitatea: 10 kg.

       Identifikatutako edukiontzian jasotzen da sortzen den gunean, eta, bete ondoren, hondakinen biltegira eramaten da.

   12. hondakina: «II. taldeko hondakin sanitarioak».

       Identifikazioa: A20445987/2000002420/7/12.

       Hondakinaren kodea: Q16//D10/13//S1//C35//H9//A210//B0019.

       HEZ: 180103.

       Urtean sortutako kantitatea: 132 kg.

       Osasun-zerbitzuko azpiprozesuan sortzen da. Edukiontzi hermetikoan biltzen da botikinean, eta hortik zuzenean ateratzen da kudeatzaile baimenduari entregatzeko.

   13. hondakina: «Hondakin oliotsuekin bustitako solidoak».

       Identifikazioa: A20445987/2000002420/7/13.

       Hondakinaren kodea: Q5//D15//S40//C41/51//H5//A210//B0019.

       HEZ: 150202.

       Urtean sortutako kantitatea: 13 tn.

       Elementu xurgatzaileak eta ehun-elementuak bildu eta pilatzean sortzen da. Identifikatutako big-bagean jasotzen da sortzen den gunean, eta, bete ondoren, hondakinen biltegira eramaten da.

   14. hondakina: «Metalezko bidoiak (gai arriskutsuez kutsatuak).

       Identifikazioa: A20445987/2000002420/7/14.

       Hondakinaren kodea: Q5//R4//S36//C51//H5//A210//B0019.

       HEZ: 150110.

       Bidoi hutsak bildu eta pilatzean sortzen da. Horietako gehienak bestelako hondakinak (koipeak, taladrinak...) biltzeko berrerabiltzen dira.

   15. hondakina: «Plastikozko ontziak (gai arriskutsuez kutsatuak)».

       Identifikazioa: A20445987/2000002420/7/15.

       Hondakinaren kodea: Q5//R13//S36//C41/51//H5//A210//B0019.

       HEZ: 150110.

       Urtean sortutako kantitatea: 6 tn.

       Ontzi hutsak bildu eta pilatzean sortzen dira. Hondakinarentzat identifikatu den zonan jasotzen da, hondakin arriskutsuen biltegian.

   16. hondakina: «Spray ontziak».

       Identifikazioa: A20445987/2000002420/7/16.

       Hondakinaren kodea: Q5//R13//S-G36//C41/51//H3b/5//A210//B0019.

       HEZ: 160504.

       Urtean sortutako kantitatea: 100 kg.

       Ontzi hutsak bildu eta pilatzean sortzen dira. Olioak edo bestelako substantzia arriskutsuak izan dituzten aerosolak dira. Hondakinarentzat identifikatu den bidoian biltzen da, Sasieta Mankomunitateko garbigunera bidali arte.

       Hondakin arriskutsu bakoitzerako urtean sortutako kopurua adierazi beharko da: «Erabilitako olioak» eta «Metalezko bidoiak (gai arriskutsuez kutsatuak)».

       1. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

       2. «Erabilitako tenplaketa-olioa» hondakina, sortzen den instalazioko gordailutik jaso behar da zuzenean, aurretik ontziratu eta biltegiratu gabe, eta baimendutako kudeatzaileari eman behar zaio.

       3. Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen du dekretu horrek) 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

       4. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

       5. Berariazko hondakin sanitarioak (II. Taldea) manipulatu, ontziratu, etiketatu eta gordetzeko baldintzak martxoaren 26ko 76/2002 Dekretuan, Euskal Autonomia Erkidegoan hondakin sanitarioak kudeatzeko baldintzak arautzen dituenean, eta hori garatzeko araudietan ezarritakoak izango dira,

       6. Hondakin arriskutsuak gordetzeko denbora ezingo da 6 hilabetetik gorakoa izan.

       7. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

       8. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Sidenor Industrial SL enpresak Azkoitian duen instalazioko artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

       9. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

       10. Sidenor Industrial SL enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du Azkoitian duen instalazioan sortutako olio erabilia.

       11. Aipatutako ekainaren 2ko 679/2006 Errege Dekretuan aurreikusitako kudeaketa-sistema bateratu baimendu bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Sidenor Industrial SL enpresak Azkoitian duen instalazioan.

       12. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

       13. Sidenor Industrial SL enpresak Azkoitian duen instalazioan poliklorobifeniloak eduki ditzaketen gailuak dituenez, nahitaez bete behar ditu 1999ko abuztuaren 27ko 1378/1999 Errege Dekretuaren, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, aldintza keta errege dekretu hori aldatzen duen 2006ko otsailaren 24ko 228/2006 Errege Dekretua; gero, azken ekitaldiari dagokion poliklorobifenilo edukia jakinarazi beharko du. Sidenor Industrial SL enpresak Azkoitian duen instalazioan poliklorobifeniloak dituen artean, nahitaez aurkeztu behar du urtero Errege Dekretu horrek araututako jakinarazpena.

       14. Europako Parlamentuaren eta Kontseiluaren 2000ko ekainaren 29ko 2037/2000 EE Erregelamenduan ozono-geruza agortzen duten substantzia batzuk zehazten eta arautzen dira. Sidenor Industrial, SL enpresak Azkoitian duen instalazioan era horretako substantziarik badu, horiek bildu eta suntsitu egingo dira aldeek onartutako bide teknikoak erabiliz edota ingurumenaren ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentze-lanak egin bitartean edo desmuntatu eta suntsitu baino lehen.

       16. Sidenor Industrial SL enpresak urtero adierazi beharko dio Ingurumen Sailburuordetzari, ekitaldi bakoitzean Azkoitian duen instalazioan sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

       17. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

       18. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Sidenor Industrial SL enpresak Azkoitian duen instalaziorako neurri zuzentzaileak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

       19. Aurreko g) eta h) (kudeatzaileak EAEn daudenean), o) eta p) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

       20. Amiantoa duten hondakinak antzemanez gero, Sidenor Industrial SL enpresak amiantoak ingurumenean sortzen duen kutsadura saihestu eta gutxitzeko 1991ko otsailaren 1eko 108/1991 Errege Dekretuan ezarritako eskakizunak bete beharko ditu Azkoitian duen instalazioan. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

           1.3.2. Hondakin ez-arriskutsuak.

           Sustatzaileak adierazitako hondakin ez-arriskutsuak hauek dira:

           Hondakinaren izena HEZ kodea Zein prozesuri lotuta Zenbatetsitako ekoizpena (t/urtea)

           Herdoil-azala 10 02 10 Ijezketa 6.400

           Ekarpen-opilak 19 09 02 Uren arazketa Noizean behin

           Arbastuko opilak 19 09 02 Uren arazketa Noizean behin

           Zura 17 02 01 Materia lagungarrien bilgarriak 50

           Plastikoa 16 01 19 Materia lagungarrien bilgarriak 2,7

           Papera/kartoia 12 19 01 Materia lagungarrien bilgarriak/Bulegoak 25

           Tonerrak eta tinta-kartutxoak 08 03 18 Zerbitzu orokorrak Noizean behin

           Hondakin ez-arriskutsu bakoitzetik sortutako kopurua adierazi beharko du sustatzaileak: ekarpen-opilak, arbastuko opilak eta tonerrak eta tinta-kartutxoak.

       1. «Ekarpen-opilak eta arbastuko opilak» hondakinek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako B.1.3.1 atalean jasotako xedapenak aplikatuko dira.

       2. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.

       3. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

       4. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Sidenor Industrial SL enpresak Azkoitian duen instalazioko artxibategian erregistratu eta gorde beharko ditu onarpen-agiriak edo horien agiri ofizial baliokideak, horiek nahitaezkoak direnean, bost urtean gutxienez.

       5. Halaber, hondakin geldo eta geldoarazien kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

       6. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

       7. Aurreko d, e (kudeatzaileak EAEn daudenean) eta e ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

          1.4. Lurzoruari buruzko baldintzak.

          Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Sidenor Industrial SL enpresak honako informazioa aurkeztu beharko du, Azkoitian duen instalazioari buruz:

          Erreminta-tailerreko zola isolatzaileren baten bitartez (epoxi motakoa) babestu, eta piezen manipulazioa hobetzea olioa isurtzea ekiditeko.

          Hozketa-andelen guneko hormigoia iragazgaiztu, edo gainezkaldietako olioak biltzeko sistema instalatu, hormigoia zuzenean ukitzea ekiditeko.

          Estalperik ez duten biltegietako batzuetara estalkia hedatu.

          Taladrinak eta hegoaldeko biltegiko olioak biltzen dituzten kubeten edukiera handitu.

          1.5. Zaratari buruzko baldintzak.

          Jarraian adierazitako zarata-mailak ez gainditzeko neurriak hartu eta instalatuko dira:

       1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

       2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

       3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

       4. Zamalanetan eta materiala kamioietan garraiatzerakoan egiten den zaratak ez du handituko akustikoki oso sentikorrak diren aldeetako zarata-maila.

3. Ingurumena Zaintzeko Programa.

   Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

   1. Atmosferako isuriak kontrolatzea.

1. Sidenor Industrial SL enpresak Azkoitiko instalazioan botatzen dituen poluitzaileak kontrolatu beharko ditu, ondorengoaren arabera:

   Fokua Foku-kodea Fokuaren izena Neurtu beharreko parametroak Kontrolen maiztasuna

   1 20004629-01 Stein labea Partikulak

   NOX

   CO 3 urtean behin

   2 20004629-02 Didier labea

   3 20004629-04 Guinea 1 labea Partikulak

   NOX

   CO 3 urtean behin

   4 20004629-05 Guinea 2 labea

   5 20004629-06 Heurtey labea

   6 20004629-07 1. Hobekuntza-labea

   7 20004629-08 2. Hobekuntza-labea

   8 20004629-09 Arbastuko oxiebakia Partikulak 5 urtean behin

2. Aurreko atalean aipatutako neurketa guztiak kontrol-erakunde baimendu (KEB) batek egin beharko ditu (zortzi ordutan hartutako hiru neurri, gutxienez ordubetekoa bakoitza), eta aldizkako kontrol horiei buruzko txostenak Ingurumen Sailburuordetza honek prestatutako «Baimendutako kontrol-erakundeen gutxieneko txostenean» ezarritakora egokitu beharko du. Nolanahi ere, kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

3. Arestian eskatutako parametro guztien neurketen KEB txostenak bidaliko dira. Parametroak neurtu ez badira edota Ebazpen honetan neurketak egiteko ezarritako maiztasuna baina zaharragoak badira, berriro neurtu beharko dira. Atmosferara botatzen diren kutsagarrien gainerako kontrolak adierazitako maiztasunez egingo dira, azkeneko neurketa kontuan izanda.

   1.1. Lortutako emaitzak erregistratzea.

   Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du. Aipatu erregistroan Kontrol Erakunde Baimenduak (KEB) egindako neurketen emaitzak jasoko dira, eta eginez gero, sustatzaileak egindako neurketak ere (autokontrola). Mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

   2. Isuritako uren kalitatea kontrolatzea.

1. Sustatzaileak aurkeztu dituen agirien arabera, ondorengo analisiak egingo dira:

   Isurketa-puntua Kontrolatu beharreko fluxua Neurtu beharreko parametroak Kontrolen maiztasuna Kontrol mota

   V1 Industria-urak pH-a

   OEK

   Urtaroen ez diren isurketetako solido esekiak

   Zirkuituen aldizkako hustuketetako solido esekiak

   Olioa keta koipeak

   Burdin a guztira

   AOX Urtean 4 aldiz; lagin konposatua Kanpokoa

   V2 Industria-urak Urtean 4 aldiz; lagin puntuala Kanpokoa

   Isurketa-kontrolerako kutxeten kokapenaren UTM koordenatuak adierazi behar dira.

2. Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek (Jabari Publikoko Urguneen Erregelamenduaren 255. artikulua.) egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

   Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

3. Laginketak kutsatzaile gehien sortzen den aldietan egingo dira beti.

4. Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen badituzte.

5. Isurketan lehen aipatutako maiatzaren 23ko 606/2003 Errege Dekretuaren Hirugarren xedapen gehigarriak aipatzen dituen gai arriskutsuak dauden dioen adierazpen bat igorriko du titularrak urtero. Adierazpen horretan ekoizte-prozesuan manipulatu diren substantzia guztiak adierazi behar dira, nahiz eta isurketan ez detektatu.

   3. Jardueraren adierazleak kontrolatzea.

   Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

   Adierazlea Unitatea

   Hondakin arriskutsuak Sortutako HA kg / ijeztutako altzairuaren tn

   Hondakinen baliotzearen %

   Hondakin ez-arriskutsuak. Herdoil-azalaren kg / ijeztutako altzairuaren tn

   Hondakinen baliotzearen %

   Energia Kontsumoa Gas naturalaren Kwh / ijeztutako altzairuaren tn

   Ur-kontsumoa Ura m3 / ijeztutako altzairuaren tn

   4. Zarataren kontrola.

   Jarduera garatzen den lursaileko baldintza akustikoak sei hilabetean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

   Sustatzaileak neurketa-proposamen zehatz bat egin beharko du, neurtzeko metodoak zehaztuz. Proposamena Ebazpen honen C.6 atalean adierazitako Ingurumena Zaintzeko Programako agiri bateginean sartuko da.

   5. Emaitzak kontrolatu eta bidaltzea.

   Ingurumena Zaintzeko Programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena Zaintzeko Programaren emaitzak urtean behin bidaliko dira, eta ingurumenean aditua den erakunde aske batek egindako txostena ere bidaliko da (ISO 14.0001 edo EMAS ziurtagiria izatekotan, ez da beharrezkoa txosten hori erakunde independente batek egindakoa izatea). Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

   6. Ingurumena zaintzeko programari buruzko agiri bategina.

   Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

   Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

3. Ezohiko egoeretan, kutsadurari aurre hartzeko neurriak eta jardunerako baldintzak.

   1. Fabrika gelditzeko eta abiarazteko eragiketak eta mantentze-lanetarako programatutako eragiketak.

   Programatutako mantentze-lanei dagokienez, botako diren kutsagarriak eta sortuko diren hondakinen balioespena egin beharko du sustatzaileak, eta dagokionean, horiek kudeatzeko eta tratatzeko proposamena ere.

   2. Jarduera uztea.

   Jarduera, honako hauen aplikazio esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27.510 burdinurtzearen epigrafea), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Sidenor Industrial SL enpresak Azkoitian duen instalazioak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

   3. Ez-ohiko jardunean aplikatzeko neurriak eta jarduerak.

   Sustatzaileak aurkeztutako oinarrizko proiektuan egindako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

2. Aurreko paragrafoan adierazitako eskuliburuak ikuskaritza eta kontrolerako programa jaso beharko du, honakoak bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodiren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurre hartzeko.

3. Prebentziozko mantentze-lanen eskuliburu horretan kutsadura atmosferikoa prebenitzeko eta zuzentzeko sistemen (arazketa, minimizazioa, eta abar) egoera ona bermatzeko neurriak jaso beharko dira.

4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.

5. Erabilitako olioak, gehigarriak, erretxinak eta hondakinak, besteak beste, maneiatzeak lurzorua eta ura kutsa ditzake. Beraz, isuriak, jarioak edo ihesak gertatzeko arriskua izan dezaketen azalera guztiak iragazgaiztuko dira.

6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

7. Hautsezko produktuak biltzeko, honakoak ezarriko dira proiektuan adierazi den moduan: pantailatzeak, biltegien zati bat ixtea, biltegiei teilatua ematea eta zuhaitz-zerrenda.

8. Ihesak eta isuriak sortzen direnean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.

9. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

10. Pabiloien barruan zolak garbitzean sortutako ura tratamendu-lerrora bidaliko da.

11. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

12. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko.

13. Azkoitian duen instalazioan ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean, Sidenor Industrial SL enpresak gorabehera edo ezohiko gertaera horren berri eman beharko dio Ingurumen Sailburuordetzari.

14. Gertakari edo arazo larriren bat edo atmosferara ustekabeko isuriren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, honako datu hauek agertuko dira:

    Gertakari mota.

    Gertakaria non, zergatik eta zer ordutan gertatu den.

    Iraupena.

    Ustekabeko isuria bada, emaria eta isuritako gaiak.

    Mugak gaindituz gero, isurtzeei buruzko datuak.

    Eragindako kalteen balioespena.

    Hartutako neurri zuzentzaileak.

    Berriro ez gertatzeko aurreikusitako neurriak.

    Prebentzio-neurriak eraginkortasunez aplikatzeko ezarritako epeak.

    Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu egin beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle eta zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumenaren jagoletza-programan lortutako emaitzetan oinarrituta.

5. Urtean behin Sidenor Industrial SL enpresak Ingurumen Sailburuordetzari jakinaraziko dizkio Azkoitiko instalazioan atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

   Informazio hori osatzen duten datuak zein ekitaldikoak direnak, ekitaldi horren hurrengo martxoaren 31 baino lehen bidali beharko dira. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

   Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

6. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko 2002ko uztailaren 1eko 16/2002 Legeak 10.3. artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: B.1.2.4 (arazketa-instalazioetan burutu beharreko jarduerak gauzatu direnaren ziurtapena); B.1.3.1.g eta B.1.3.2.d (Hondakin arriskutsuak eta ez-arriskutsuak zehazten dituzten txostenak); B.1.3.1.m (Poliklorobifenilo izatearen adierazpena); B.1.3.1.p eta B.1.3.2.f (Hondakin arriskutsu eta ez-arriskutsuen erregistro-eredua); B.1.4 (Lurzoruaren babesari buruzko baldintzak); C.1 (Atmosferara isurtzen diren kutsatzaileak kontrolatzea); C.1.1 (Atmosferara egindako isurketen erregistro-eredua); C.6 (Ingurumena Zaintzeko Programari buruzko agiri bategina); D.1 (mantentze-lanetan botako diren kutsagarrien eta sortuko diren hondakinen balioespena); D.3.h (Larrialdi-egoeretarako materialen zerrenda); eta D.3.o (Suteen kontrako araudia betetzearen ziurtagiria).

   Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

   Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

   Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

   Seigarrena. Sidenor Industrial SL enpresak Ebazpen honen xede den beroan ijezteko jarduerarako Azkoitiko instalazioaren inguruan titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.

   Zazpigarrena. Baimen honek balioa galduko du kausa hauek gertatzen direnean:

   Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

   Sidenor Industrial SL enpresak Azkoitiko instalazioaren gain duen nortasun juridikoa bukatzea, indarrean dagoen araudian ezarritako kasuetan.

   Baimena indarrean jartzen dela adierazten duen ebazpenean xedatutakoak.

   Zortzigarrena. Ebazpen honen edukia jakinaraztea Sidenor Industrial SL enpresak Azkoitian duen instalazioko arduradunei, Azkoitiko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

   Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamenduko Sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

   Vitoria-Gasteiz, 2008ko apirilaren 25a.

   Ingurumeneko sailburuordea,

   IBON GALARRAGA GALLASTEGUI.