Kutsaduraren prebentzioa, ingurumenaren ikuskaritza eta kontrola

2006ko martxoaren 27an, Vicente Ochoa Iturri Castillo jaunak, Fundiciones San Eloy SA enpresaren izenean eta ordezkaritzan, Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, kutsaduraren prebentzio eta kontrol integratuari buruzko uztailaren 1eko 16/2002 Legeak xedatutakoaren arabera, Elorrioko (Bizkaia) udalerrian burdinurtze-jarduerarako. Eskaerarekin batera, Elorrioko Udalak 2006ko urtarrilaren 9an eman zuen aldeko hirigintza-txostena eta dokumentazio tekniko hau aurkeztu zuen:

Ingurumeneko baimen bateratua eskatzeko Fundiciones San Eloy SA enpresak igorritako dokumentuak (2006ko martxoa).

Laburpen ez-teknikoa (2006ko martxoa).

Erreferentziako baimena eskatzeko unean, Fundiciones San Eloy SA enpresak jarduerarako 1997ko abuztuaren 4ko baimena zuen, besteak beste. Baimen hori burdinurtze-jarduerarako eman zen. Modu berean, ondoko baimenak ere bazituen sustatzaileak: hondakin arriskutsuak isurtzeko baimenak, 2001eko maiatzaren 7koa eta 2001eko azaroaren 9koa, eta 2002ko azaroaren 6ko aldaketa, hondakinen arloan indarrean dauden araudiekin bat etortzeko; ur sanitarioak kolektorera isurtzeko 1998ko uztailaren 8ko baimena, 2006ko otsailaren 23an aldatua, isurketen alorrean indarrean zegoen legeriarekin bat etortzeko; hondakin arriskutsuen ekoizle izateko baimenak, 2001eko urriaren 16koa eta 2004ko martxoaren 18koa, atmosferaren alorrean indarrean zegoen araudiarekin bat etorriz.

2006ko maiatzaren 2an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki Elorrioko Udalari, Bilbao Bizkaia Ur Partzuergoari, Eusko Jaurlaritzako Ingurumen eta Lurralde Antolamendu Saileko Uren Zuzendaritzari, Osasun Sailari, Kultura Sailari eta Industria, Merkataritza eta Turismo Sailari, eta Bizkaiko Foru Aldundiko Kultura Sailari eta Ingurumen Sailari kontsultatu zien.

2006ko urriaren 23an eta 2007ko irailaren 24an, ingurumen organoak agiri osagarriak txertatzeko eskatu zion sustatzaileari, eta espedientea 2007ko azaroaren 8an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako Ebazpenaren bidez jendaurrean jarri zen, 30 egun baliodunen epean, Fundiciones San Eloy SA enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko abenduaren 3an. Era berean, ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegazio-idazki bat aurkeztu dela egiaztatu da, eta modu laburtuan I. eranskinean jaso da.

Uztailaren 1eko 16/2002 Legearen 17. eta 18. artikuluetan xedatutakoa betez, 2007ko urtarrilaren 14an Ingurumenaren Kalitatearen Zuzendaritzak txostenak eskatu zizkien Elorrioko Udalari eta 2008ko urtarrilaren 28an Iparraldeko Ur Konfederazioari, espedientean ageri den emaitza jasoz.

2008ko urtarrilaren 22an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Fundiciones San Eloy SA enpresaren esku utzi zen, Ingurumen eta Lurralde Antolamendu Sailak egindako ebazpenaren proposamena gehituz.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.

Uztailaren 1eko 16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Fundiciones San Eloy SA enpresak aurkeztutako proiektuaren kasuan, baimen hauek guztiak behar ditu: hondakin arriskutsu eta ez-arriskutsuen sortzaileak behar dituen baimenak; saneamenduko sare orokorrera isurketak egiteko baimena; ingurumen izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta hari aurre hartzeari dagozkionak. Espedientean parte hartzen dutela frogatzeko, beste administrazio eta erakunde eskudunek egindako txostenak aurkeztuko dituzte.

Uztailaren 1eko 16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak Jarduera Gogaikarri, Osasungaitz, Kaltegarri eta Arriskutsuei buruzko azaroaren 30eko 2414/1961 Dekretuak aurreikusten duen jarduera sailkatuetarako udal-baimenaren prozedura ordezkatzen du; ez du ordezkatzen, ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Fundiciones San Eloy SA enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Elorrioko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika onenen erabilera eta aplika dakiokeen alorreko legerian ezarritako baldintzak. Bereziki Europako Batzordearen 2005eko maiatzeko Burdinaren Metalurgiako BREF (Reference Document on Best Available Techniques in the Smitheries and Foundries Industry) agiriaren edukia hartu da kontuan.

Espedienteko txostenak eta aurkeztutako alegazioak aztertu ondoren, horiekin lotuta txostena erantsi da I. eranskinean, eta ebazpen-proposamena egin eta Fundiciones San Eloy SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, 2002ko uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 20. artikuluan jasotzen den entzunaldi-izapidea bete da eta organo hau da ingurumeneko baimen integratu hau emateko eskuduna, aipatutako Legearen 13. artikuluan eta 2005eko urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duenaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 22an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

Lehenengoa. Bilbao (Bizkaia) udalerriko Madura kaleko zenbakirik gabean egoitza soziala duen eta IFK: A48120836 zenbakia duen Fundiciones San Eloy SA enpresari Ingurumeneko Baimen Bateratua ematea, Elorrioko udalerrian hondakinen burdinurtze-jarduerarako, eta Ebazpen honen Bigarren atalean zehaztutako baldintzak jarraituz.

Era berean, Ingurumeneko Baimen Bateratu hau eman da, uztailaren 1eko 16/2002 Legeko 19. artikuluaren arabera, Arroko Erakundeak landu beharreko txostenaren emaitzei kalterik egin gabe.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago. Hain zuzen ere, 2.4 kategorian, «Eguneko 20 tona baino gehiago produzitzeko ahalmena duten burdin-metalen galdaketak».

Fundiciones San Eloy SA enpresa Elorrioko Udalerrian (Bizkaia) kokatuta dago, Madura kaleko zenbakirik gabean. Lur-eremuaren azalera, guztira, 22.854 m˛-koa da.

Honako jarduerak burutuko dira: bezeroen planoen arabera piezak fabrikatu eta banatu, automoziorako burdinurtu nodularra edo grafito globularra, nekazaritzarako makinak, hodi hidraulikoak eta eskuzko tresnak, hareatze-, argintza- eta moldekatze-sistemen bitartez eta bestelako prozesu lagungarrien bitartez. Instalazioak 16.093 tona burdinurtu-pieza inguru produzituko ditu urtean.

Urtzeko instalazioetan lau indukzio-labe daude, eta guztira 17 tonako edukiera dute. Lehengaiak (lingoteak, altzairua eta itzulitakoak) labeetan sartzen dira bestelako materialekin (grafitoa eta kobrea) batera, eta berauetan 1.500 şC tenperatura lortu arte berotzen dira.

Urtutako metala esferoidizazio-tratamendurako zalira aldatzen da; zali horrek FeSiMg kopuru zehatz bat du eta esferoidizazio-erreakzioa eragiten du. Metala zalitik moldera isurtzen da.

Moldeak fabrikatzeko «moldekatzeko harea berdeak» sistema erabiltzen da. Arrak bi ekoizpen-metodo erabilita fabrikatzen dira: kutxa hotza eta kutxa beroa.

Metala hoztutakoan danbor desmoldekatzailean sartzen da eta bertan metalak duen harea banantzen da. Harea hori berriz erabiltzeko berreskuratzen da.

Piezak akabera-eremutik (granailatzetik, bizar-kentzetik...) pasatzen dira eta bezeroak eskatutako kontrolak egiten zaizkie, ontziratu, eta bezeroei bidaltzen zaie.

Urtzeko labe bakoitzak isurketak xurgatzeko sistema du. Lau xurgapenek bat egiten dute kolektore berean, eta isurketak mahuka-iragazkien bitartez arazten dira.

Granailatze-prozesuan ere xurgapen-sistemaren bitartez hartzen dira isurketak eta mahuka-iragazkien bitartez arazten dira. Hareatze eta desmoldekatze-prozesuak hodi berean elkartzen dira eta hortik mahuka-iragazkira bideratzen dira. Argintza-prozesuak isurketak xurgatzeko sistema du.

Instalazioetan sortutako isurketak bi multzotan sailkatzen dira: kolektorera doazen ur sanitarioak eta euri-urak (hidrokarburoak banantzeko gailutik iragan ostean ibaira isurtzen dira). Bestalde, hozteko zirkuitu itxien urteroko purgatzeak berriz erabiltzen dira barruan, zepak hozteko.

Proiektuak teknika erabilgarri onenak (TEO) izan daitezkeen ondorengo neurriak barneratzen ditu: urtze-prozesuaren ondoriozko igortze atmosferikoek nahiz moldekatze-, hareatze- eta akabera-prozesuetako iturrietakoek lehorketa bidezko arazketa erabiltzen dute, eta mahuka-iragazkien bitartez egiten da. Moldekatzeko prozesuan soberan gelditzen den harea prozesuan berriz erabiltzen da, gutxi gorabehera harea horren % 98,5, eta gainerakoa baliotu egiten da.

Bigarrena. Fundiciones San Eloy SA enpresak Elorrioko udalerrian (Bizkaia) sustatutako burdinurtzeko jarduera ustiatzeko ondorengo baldintzak eta eskakizunak ezartzea.

1. Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Fundiciones San Eloy SA enpresak aldaketa horien berri emango du.

2. Neurri babesle eta zuzentzaileak sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1. Instalazioaren funtzionamendurako baldintza orokorrak.

   1.1. Airearen kalitatea babesteko baldintzak.

   1.1.1. Baldintza orokorrak.

   Fundiciones San Eloy SA instalazioa ustiatzean atmosferara egingo diren isurketek ez dituzte Ebazpen honetan ezarritako balioak gaindituko.

   Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

   Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

   Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   1.1.2. Fokuak identifikatzea. Katalogazioa.

   Fundiciones San Eloy SA enpresaren instalazioak foku hauek ditu, indarrean den araudiaren arabera katalogatuta:

   Foku zk. Foku-kodea Isurtze-fokuaren izena Garaiera (m) Diametroa (m) Katalogazioa. UTM koordenatuak

   Taldea Epigrafea X Y

   1 48007424-01 FE01. Galdaketa 12,2 1,1 B 2.3.1. 538.080 4.775.549

   2 48007424-02 FE02. Granailatze berria 7 0,38 C 3.12. 538.047 4.775.545

   3 48007424-03 FE04. Moldekatzea, hareatzea 10,7 1,25 C 3.3.2. 538.042 4.775.553

   4 48007424-04 FE05. Argintza, kutxa beroa 6,5 0,6 B 2.6.14. 538.053 4.745.592

   5 48007424-05 FE06. Granailatze zaharra 4 0,86 C 3.12. 538.061 4.775.603

   6 48007424-06 FEO8. Argintza, kutxa hotza 4,13 0,38 B 2.6.14. 538.062 4.775.586

   1.1.3. Isurketarako muga-balioak.

   Instalazioa ustiatzean atmosferara egingo diren isurketek ez dituzte isurtzeko muga-balio hauek gaindituko:

   Fokuak Substantziak Isurtzeko muga-balioak

   1. fokua Partikula solidoak 20 mg/Nm3

   2. fokua Partikula solidoak 20 mg/Nm3

   3. fokua Partikula solidoak 20 mg/Nm3

   4. fokua NOx 300 ppm

      CO 500 ppm

   5. fokua Partikula solidoak 20 mg/Nm3

   6. fokua Aminak 20 mg/Nm3

      Balio horiek baldintza hauek dituzte: 273 şK-ko tenperatura, 101,3 kPa-ko presioa eta gas lehorra.

      Gehienez onar daitezkeen balioek ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

      1.1.4. Gasak biltzeko eta husteko sistema.

      Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak 1976ko urriaren 18an emandako Agindua (Industriak atmosferan eragiten duen kutsadurari aurre hartu eta hori zuzentzeari buruzkoa) bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

      Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

      L1 8D eta L2 2D distantziak betetzen ez diren fokuetan, inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-puntuaren baliozkotasuna justifikatzea eskatuko da.

      Halaber, neurketa eta irakurketa ofizialak aldez aurretik abisatu gabe egiteko beharrezko gutxienekoak izango dituzte (argindarra eta beste batzuk).

      Ezarritako IMBak lortzen ez badira, beharrezko neurri zuzentzaileak hartuko dira (arazteko sistemak instalatzea, etab.) isurtze atmosferikoen balio horiek betetzea ziurtatzeko.

      1.2. Saneamendu-sarera isurketak egiteko baldintzak.

      1.2.1. Isurketen sailkapena, jatorria, ingurune hartzailea eta kokapena.

      Isurketa sortzen duen jarduera mota nagusia: Burdinurtzea.

      Jarduera-taldea: metalak.

      Mota-taldea-EJSN: 1-2-27.51.

      Isurketa-

      puntua Hondakin-ur mota Isurketaren jatorria Ingurune hartzailea Arro hidrografikoa Ingurune hartzailearen kategoria

      V1 Euri-urak Patioetako euri-urak Ibaizabal Nerbioi-Ibaizabal I

      1.2.2. Gehienez isuri daitezkeen emari eta bolumenak.

   1. isurketa: ur sanitarioak.

      Eguneko gehienezko bolumena: 11,3 m3.

      Urteko gehienezko bolumena: 4.124 m3.

   2. isurketa: kutsatuta egon daitezkeen euri-urak.

      Orduko puntako emaria: 1,7 m3.

      Eguneko gehienezko bolumena: 42,38 m3.

      Urteko gehienezko bolumena: 15.472m3.

      1.1.3. Isurketarako muga-balioak.

      Langileen higiene-erabilerako urak kolektore nagusira isurtzeko «Durangoko Merindadeko Saneamendu Sistema Orokorreko Hondakin Uren Isurketa eta Arazketa Araupetzeko Arandia» dokumentuan adierazitako mugak eta baldintzak bete behar dituzte, Erakunde horrek aintzat har ditzakeen aldaketa edo salbuespen zehatzekin.

      Kutsatuta egon daitezkeen euri-urak ibilgura isurtzeko ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko balioekin:

      Parametroak Isurtzeko muga-balioak

      pH-a 5,5-9,5

      DQO 160 mg/l

      Solido esekiak 80 mg/l

      Olioak eta koipeak 20 mg/l

      Zink guztira 1 mg/l

      Ezin dira diluzio-teknikak erabili isurien muga-balioak lortzeko.

      Tenperatura: ubidearen tenperatura ezin da 3 şC baino gehiago areagotu.

      Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak kasuan kasu tratamendu egokia egin beharko du, isurketaren ondorioz aipatutako kalitate-helburuak urratzen ez direla ziurtatzeko.

      Baimen honek baldintza honetan berariaz aipatutako substantzien isurketak bakarrik barne hartzen ditu eta, batez ere, 606/2003 Errege Dekretuaren hirugarren xedapen gehigarrian barne hartutako substantzienak. 606/2003 Errege Dekretua maiatzaren 23koa da eta 849/1986 Errege Dekretua, apirilaren 11koa eta Jabari Publiko Hidraulikoaren Araudia onartzen duena, aldatzen du, eta abuztuaren 2ko 29/1985 Uraren Legeko (http://civil.udg.es/normacivil/estatal/reals/LAguas.htm) I. IV., V., VI. eta VIII. Atariko Tituluak garatzen ditu.

      1.2.4. Hondakin-urak araztu eta husteko instalazioak.

      Arazketa-instalazioek edo hondakin-urak zuzentzeko neurriek honako jarduera hauek barne hartuko dituzte funtsean:

      Hidrokarburoen banantzailea, neurri hauek dituena: 2.690 mm x 1.000 mm x 1.0890 mm, iragazki elkargarriarekin eta ixte automatikoarekin, isurketan gainean dauden hidrokarburoak banantzen ditu dentsitatean dagoen aldeari esker. Gainera, ixte automatikoarekin ustekabeko isurietan nahiz mantentze-lanik ez egitearen ondorioz hidrokarburoak isurtzea ekiditen da.

      Zerbitzuko aire-konpresoreek galdarak purgatzetik sortutako olioak ezabatzeko ekipamendu berezia izan behar dute nahitaez.

      Hartutako neurri zuzentzaileak nahikoak ez direla ikusiz gero, Fundiciones San Eloy SA enpresak behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

      Aurkeztutako agirien arabera, isurketak kontrolatzeko kutxeta bat jarriko da baimendutako industria-uren isurketarako; kutxeta horiek isurketen lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

      1.2.5. Isurien Kontrol Kanona.

      Uraren Legearen Testu Bateginaren 113. artikulua eta Jabari Publiko Hidraulikoaren Araudiko (606/2003 Errege Dekretua) 291. artikulua aplikatuz, honakoa isurien kontrol-kanonari dagokion zenbatekoa:

      (IKK) : Isurien Kontrol Kanona = V x Pu.

      Pu = Pb x Cm.

      Km = K2 x K3 x K4.

      Honela ulertuta:

      V = Isurketa baimenduaren bolumena (m3/urte.)

      Pu = Isurketaren kontroleko prezio unitarioa.

      Pb = Oinarrizkoa prezioa m3-ko isurketaren izaeraren arabera.

      Km = Isurketaren maiorazioko edo minorazioko koefizientea.

      K2 = Isurketaren ezaugarrien araberako koefizientea.

      K3 = Isurketaren kutsadura-mailaren araberako koefizientea.

      K4 = Ingurune hartzailearen ingurumen-kalitatearen araberako koefizientea.

      Hondakin-uren isurketa:

      V: Bolumena:

      Pb: Hondakin-ura: Industriala

      K2: 1. mota substantzia arriskutsuekin

      K3: Tratamendu egokia

      K4: Kategoria: I B = 15.472 m3/ urte

      Pb = 0,03005 /m3

      K2 = 1,28

      K3 = 0,5

      K4 = 1,25

      Km = 1,28 x 0,5 x 1,25 = 0,80000.

      Pu = 0,03005 x 0,80000 = 0,02404 euro/ m3.

      (IKK): Isurien Kontrol Kanona = V Pu = 15.472 m3/urte x 0,02404 euro/ m3 = 371,95 euro/urte.

      1.3. Instalazioan sortutako hondakinak egoki kudeatzen direla bermatzeko baldintzak.

      Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

      Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

      Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

      Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia eta gertutasun printzipioei jarraituz.

      Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

      Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira ezbeharrean gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

      Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Elorrioko Udalean.

      1.3.1. Hondakin arriskutsuak.

      Sustatzaileak adierazitako hondakin arriskutsuak honako hauek dira:

      Prozesua: «Moldekatzea».

      Hondakina: «Azido sulfurikoa metileno-urdinarekin».

      Identifikazioa: A48120836/4800014497/2/1.

      Hondakinaren kodea: Q8//D15//L21//C23/42//H6/8//A231//B3144.

      HEZ: 160506.

      Urtean sortutako kantitatea: 77 kg.

      Metileno-urdinaren proban sortzen da, moldekatze- eta argintza-prozesuetako hareen laginetan; azido sulfurikoa eta kloruro tetrametiltionina ditu. Beirazko bidoian biltzen da eta sortzen den postuaren ondoan biltegiratzen da.

      Prozesua: «Gas efluenteak garbitzea».

      Hondakina: «Galdaketako hautsak».

      Identifikazioa: A48120836/4800014497/4/1.

      Hondakinaren kodea: Q9//R4//S25//C7//H14//A231//B0011.

      HEZ: 100909.

      Urtean sortutako kantitatea: 100 tn.

      Urtze-gasak filtratzen direlako sortzen da. Hauts horien osaeran Zink metala ageri da.

      Hondakin horretarako identifikatutako big-bag batean biltzen da eta hondakinen biltegian gordetzen da.

      Hondakina: «Mahuken iragazkiak».

      Identifikazioa: A48120836/4800014497/4/2.

      Hondakinaren kodea: Q9//D15//S28//C7//H14//A231//B0011.

      HEZ: 150202.

      Urtean sortutako kantitatea: 420 kg 4 urtean behin.

      Gasen arazketarako sistemaren iragazkietako mahukak aldatzean sortzen da, eta baimendutako kudeatzaileari ematen zaio jasotzeko.

      Prozesua: «Zerbitzu orokorrak».

      Hondakina: «Erabilitako olioa».

      Identifikazioa: A48120836/4800014497/5/1.

      Hondakinaren kodea: Q8//R9//L8//C51//H5/6//A231//B0019.

      HEZ: 130205.

      Urtean sortutako kantitatea: 600 litro.

      Tresna eta instalazio batzuetan olioa birjartzeko eragiketetan sortzen da Mantentze-lan Orokorrak azpiprozesuan; olio mekaniko eta hidrauliko erabiliak dira. Bidoietan biltzen dira, sortzen diren gunearen ondoan.

      Hondakina: «Fluoreszenteak».

      Identifikazioa: A48120836/4800014497/5/2.

      Hondakinaren kodea: Q14//R13//S40//C16//H14//

      A231//B0019.

      HEZ: 200121.

      Urtean sortutako kantitatea: 25 kg.

      Lanparak birjartzeko eragiketetan sortzen da Mantentze-lan Orokorra azpiprozesuan; merkurioa duten lanpara erabiliak dira. Kutxetan biltzen da sortzen den lekuetan; hortik zuzenean ateratzen da kudeatzaile baimenduari entregatzeko.

      Hondakina: «Bidoi metaliko hutsa».

      Identifikazioa: A48120836/4800014497/5/3.

      Hondakinaren kodea: Q5//R13//S36//C51//H5//A231//B0019.

      HEZ: 150110.

      Urtean sortutako kantitatea: 242 kg.

      Ontzi Erabiliak Bildu eta Elkartzea azpiprozesuan sortzen dira; olioa eta erretxina eduki duten metalezko ontzi handiak dira.

      Hondakina: «Oliodun tenkagailuak».

      Identifikazioa: A48120836/4800014497/5/4.

      Hondakinaren kodea: Q6//D15//S35/40//C51//H14//A231//B0019.

      HEZ: 150202.

      Urtean sortutako kantitatea: 120 kg.

      Zirkuitu hidraulikoetako tenkagailuak berritzean sortzen dira. Bidoi metalikoetan biltzen dira.

      Hondakina: «Disolbatzaile erabilgaitza».

      Identifikazioa: A48120836/4800014497/5/5.

      Hondakinaren kodea: Q7//R13//L5//C41//H3b/

      5//A231//B0019.

      HEZ: 140603.

      Urtean sortutako kantitatea: 195 kg.

      Piezak garbitu eta koipegabetzean sortzen dira; erabilitako disolbatzaileak dira, olio-arrastoekin.

      Hondakina: «Hondakin sanitarioak».

      Identifikazioa: A48120836/4800014497/5/6.

      Hondakinaren kodea: Q16//D14//S1//C35//H9//A231//B0019.

      HEZ: 180103.

      Urtean sortutako kantitatea: 1,5 kg.

      Zerbitzu Medikuaren azpiprozesuan sortzen da; hondakin zorrotzak dira. Plastikozko edukiontzi hermetiko homologatuan biltzen dira.

      Hondakina: «Hidrokarburodun materialak».

      Identifikazioa: A48120836/4800014497/5/7.

      Hondakinaren kodea: Q7//R13//L5//C41//H3b/

      5//A231//B0019.

      HEZ: 150202.

      Urtean sortutako kantitatea: 150 kg.

      Elementu xurgatzaileak eta ehun-elementuak biltzean sortzen da; olioarekin zikindutako trapuak eta material xurgatzailea dira. Big-bag edo bidoietan biltzen dira.

      Hondakina: «Aerosol hutsak».

      Identifikazioa: A48120836/4800014497/5/8.

      Hondakinaren kodea: Q6//R13//S-G36//C41/42//H5//A231//B0019.

      HEZ: 160504.

      Urtean sortutako kantitatea: 22 kg.

      Ontzi hutsak biltzean sortzen da; lubrifikatzaileak edo pinturak eduki dituzten aerosolak dira. Big-bagetan biltzen dira, sortzen diren gunearen ondoan.

      1. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

      2. Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen du dekretu horrek) 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

      3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

      4. Berariazko hondakin sanitarioak (II. taldea) manipulatu, ontziratu, etiketatu eta gordetzeko baldintzak martxoaren 26ko 76/2002 Dekretuan, Euskal Autonomia Erkidegoan hondakin sanitarioak kudeatzeko baldintzak arautzen dituenean, eta hori garatzeko araudietan ezarritakoak izango dira,

      5. Hondakin arriskutsuak gordetzeko denbora ezingo da 6 hilabetetik gorakoa izan.

      6. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

      7. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Fundiciones San Eloy SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

      8. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

      9. Fundiciones San Eloy SA enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

      10. Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Fundiciones San Eloy SA enpresak.

      11. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

      12. Fundiciones San Eloy SA enpresak poliklorobifeniloak dituzten edo izan ditzaketen gailuak dituen bitartean, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen abuztuaren 27ko 1378/1999 Errege Dekretuan eta hori aldatzen duen otsailaren 24ko 228/2006 Errege Dekretuan adierazitako baldintzak.

      13. Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Fundiciones San Eloy SA enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

      14. Fundiciones San Eloy SA enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

      16. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

      17. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Fundiciones San Eloy SA enpresak neurri zuzentzaileak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

      18. Aurreko f) eta g) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

      19. Amiantoa duten hondakinak antzemanez gero, Fundiciones San Eloy SA enpresak amiantoak ingurumenean sortzen duen kutsadura saihestu eta gutxitzeko 1991ko otsailaren 1eko 108/1991 Errege Dekretuan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

          1.3.2. Hondakin ez-arriskutsuak.

          Sustatzaileak adierazitako hondakin ez-arriskutsuak hauek dira:

          Hondakinaren izena HEZ kodea Zein prozesuri lotuta Zenbatetsitako ekoizpena (t/urtea)

          Zepak 10 09 03 Galdaketa 1.700

          Moldekatze-hondarrak 10 09 06 Moldekatzea eta desmoldekatzea 1.650

          Hareak eta xurgaketako xehekiak 1209 12 Granailatzea eta moldekatzea 1.800

      1. Moldekatze-hondarren hondakinen (HEZ 10 09 06) kasuan, hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako B.1.3.1 atalean jasotako xedapenak aplikatuko dira.

      2. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

      3. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Fundiciones San Eloy SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

      4. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

      5. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

      6. Aurreko c, d (kudeatzaileak EAEn daudenean) eta e ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

         1.4. Lurzoruari buruzko baldintzak.

         Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Fundiciones San Eloy SA enpresak lurzoruaren babesa ziurtatzeko behar diren neurriak hartu beharko ditu, eta bereziki honako hauek:

         Fundiciones San Eloy SA enpresak hartzen duen lurzoru guztiak zolatuta egon beharko du. Zementu edo hormigoiz estalita eta zolatuta egon beharko du eraikitako lurzoru osoak, eta estali gabe gelditzen den lurzoru osoak asfaltoz zolatuta egon beharko du.

         Euri-urak bildu eta ibaira bideratuko dira.

         Galda fabrikatzerakoan sortutakoak diren eta zink metal asko duten galdaketa-hautsak Big Bag-etan bilduko dira iragazkietatik zuzenean, eta estalkidun nabean bilduko dira, hormigoizko lurzoruaren gainean.

         Sortutako hondakin guztiak estalkidun nabean bilduko dira, hormigoizko lurzoruaren gainean.

         1.5. Zaratari buruzko baldintzak.

         Jarraian adierazitako zarata-mailak ez gainditzeko neurriak hartu eta instalatuko dira:

      1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

      2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 8:00ak bitartean, leiho eta ateak itxita, ezta 35 dB (A) ere gehienezko balioetan.

      3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

      4. Zamalanetan eta materiala kamioietan garraiatzerakoan egiten den zaratak ez du handituko akustikoki oso sentikorrak diren aldeetako zarata-maila.

3. Ingurumena Zaintzeko Programa.

   Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

   1. Atmosferako isuriak kontrolatzea.

1. Fundiciones San Eloy SA enpresak botatzen dituen poluitzaileak kontrolatu beharko ditu, ondorengoaren arabera:

   Foku zk. Foku-kodea Isurtze-fokuaren izena Neurtu beharreko parametroak Kontrolen maiztasuna

   1 48007424-01 FE01. Galdaketa Partikulak Urtero

   PCDD/PCDF Lehenengo urtean

   2 48007424-02 FE02. Granailatze berria Partikulak 5 urtean behin

   3 48007424-03 FE04. Moldekatzea eta hareatzea Partikulak 5 urtean behin

   4 48007424-04 FE05. Argintza, kutxa beroa KOG, NOx, CO 3 urtean behin

   5 48007424-05 FE06. Granailatze zaharra Partikulak 5 urtean behin

   6 48007424-06 FEO8. Argintza, kutxa hotza AminakKOG 3 urtean behin

2. Aurreko atalean aipatutako neurketa guztiak baimendutako kontrol-erakunde (BKE) batek egin beharko ditu (zortzi ordutan hartutako hiru neurri, gutxienez ordubetekoa bakoitza; dioxinak eta furanoak ere neurtzen direnean, 6 edo 8 orduz neurtuko dira), eta aldizkako kontrol horiei buruzko txostenak Ingurumen Sailburuordetza honek prestatutako «Baimendutako kontrol-erakundeen gutxieneko txostenean» ezarritakora egokitu beharko ditu. Edonola ere, botatako gai poluitzaileen kontrolek eta baldintzek Sailburuordetzak ezarritako eskakizun tekniko guztiak bete beharko dituzte.

3. Arestian eskatutako parametro guztien neurketen KEB txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurketen ondorengo kontrolak, egindako azken neurketan adierazitako maiztasunarekin egingo dira.

   1.1. Lortutako emaitzen erregistroa.

   Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

   2. Isuritako uraren kalitatea kontrolatzea.

1. Sustatzaileak aurkeztu dituen agirien arabera, ondorengo analisiak egingo dira:

   Isurketa-puntua Kontrolatu beharreko fluxua Neurtu beharreko parametroak Kontrolen maiztasuna Kontrol mota

   1 Euri-urak pH, SS, DQO, olioak eta koipeak, Zn Hiru hilero (euria egiten duenetan) Kanpokoa (KEB)

2. Kanpoko kontrol bakoitza, bai laginak hartzea, bai ondorengo analisia, «erakunde laguntzaile» batek egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

   Isurketen kontrolen emaitzak Ingurumen Sailburuordetzara bidaliko dira laginak hartzen direnetik HILABETE BATEKO (1) epean.

3. Laginketak kutsatzaile gehien sortzen den aldietan egingo dira.

4. Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen badituzte.

5. Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak dauden dioen adierazpen bat igorriko du titularrak urtero. Adierazpen horretan ekoizte-prozesuan manipulatu diren substantzia guztiak adierazi behar dira, nahiz eta isurketan ez detektatu.

   3. Jardueraren adierazleak kontrolatzea.

   Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

   Ingurumenaren gaia Enpresari eskatutako abiapuntuko datuak Unitatea Adierazlea Unitatea

   Ekoizpena Metal likidoa t Metal likidoa t

   Lehengai eta osagarrien kontsumoa Lehengai-kontsumoa guztira:

   txatarrak,

   lingoteak

   ferroaleazioak t Lehengai-kontsumoa guztira:

   txatarrak,

   lingoteak

   ferroaleazioak t

   Energia kontsumoa Gas naturalaren kontsumoa m3 Gas naturalaren kontsumoa energiaren guztizko kontsumoaren aurrean Kwh/kwh

   (%)

   Elektrizitatearen kontsumoa Kwh Elektrizitate-kontsumoa energiaren guztizko kontsumoaren aurrean Kwh/kwh

   (%)

   Ur kontsumoa Ur-kontsumoa m3 Ur-kontsumoa m3

   Uretarako isuriak Industria-isuriak/helmuga m3 Industria-isuriak/helmuga m3

   Euri-uren isuria/helmuga m3 Euri-uren isuria/helmuga m3

   Solido esekiak guztira (seg) (max, min, batezb., lagin-zk.) Mg/l Solido esekiak guztira (seg)

   Mg/l

   Hidrokarburoak (max, min, batezb., lagin-zk.) Mg/l Hidrokarburoak Mg/l

   Atmosferara egiten diren isurketak Partikula solidoen isurketak(gutxienekoa, gehienezkoa eta batez bestekoa, laginketa-kopurua) / parametro honen prozesu nagusiari lotutako foku kontrolatu bakoitzeko Mg/nm3 Partikula solidoen isuria Mg/nm3

   Partikula solidoen isuria Kg

   Partikulen solidoen isurketa/metal likidoa Kg/t

   Aminen isurketa kog gisa ( max, min, batez bestekoa, lagin-zk.)/ parametro honekin erlazionatutako prozesu nagusiari lotutako foku kontrolatu bidez Mg/nm3 Aminen isurketa kog gisa Mg/nm3

   Bentzeno-isuria guztira Kg Bentzeno-isuria guztira Kg

   Bentzeno-isuria guztira/metal likidoa Kg/t

   Hcnren guztizko isurketa Kg Hcnren guztizko isurketa Kg

   Hcnren guztizko isurketa/metal likidoa Kg/t

   Hondakinak Arazketa-sistemetan jasotako zatiki finen kantitatea t Arazketa-sistemetan jasotako zatiki finen kantitatea / metal likidoa t/t

   Sortutako hondakin arriskutsuen guztizko kantitatea t Sortutako hondakin arriskutsuen guztizko kantitatea t

   Sortutako hondakin arriskutsuen kantitatea guztira/metal likidoa t/t

   Hondakin arriskutsu baliotuak t Hondakin arriskutsu baliotuak / sortutako hondakin arriskutsuak t/t (%)

   Sortutako hondakin ez arriskutsuen guztizko kantitatea t Sortutako hondakin ez arriskutsuen guztizko kantitatea T

   Sortutako hondakin ez arriskutsuen kantitatea guztira/metal likidoa t/t

   Hondakin ez arriskutsu baliotuak t Hondakin ez arriskutsu baliotuak / sortutako hondakin ez arriskutsuak (gainerako osagaiak, eta abar) t/t

   (%)

   Sortutako hondakin arriskutsuen kopurua guztira / hondakinak guztira t/t (%)

   Lurzoruaren kutsadura Ustekabeko isuriekin lotutako gorabehera kopurua (ingurune hartzailea zehaztu: airea, ura, lurzorua) Kopurua/urte Ustekabeko isuriekin lotutako gorabehera kopurua Kopurua/urte

   Iks Ezarri eta egiaztatutako kudeaketa-sistemak (zehaztu) Bai/ez

   Zein/urtea

   Ekoscan/ urte

   Eta/edo

   Iso14001/ urte

   Eta/edo

   Emas/ urtea Bai/ez

   Zein/ urtea

   4. Zarataren kontrola.

   Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

   Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamena Ebazpen honen C.6 atalak aipatzen duen ingurumena zaintzeko programaren agiri bateginari gehituko zaio.

   5. Emaitzak kontrolatu eta bidaltzea.

   Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumenaren Jagoletza Programaren emaitzak urtean behin bidaliko dira, eta ingurumenean aditua den erakunde aske batek egindako txostena ere bidaliko da. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

   6. Ingurumena zaintzeko programari buruzko agiri bategina.

   Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz.

   Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

   Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

3. Ezohiko egoeretan, kutsadurari aurre hartzeko neurriak eta jardunerako baldintzak.

   1. Fabrika gelditzeko eta abiarazteko eragiketak eta mantentze-lanetarako programatutako eragiketak.

   Programatutako mantentze-lanei dagokienez, botako diren kutsagarriak eta sortuko diren hondakinen balioespena egin beharko du sustatzaileak, eta dagokionean, horiek kudeatzeko eta tratatzeko proposamena ere.

   2. Jarduera uztea.

   Jarduera, honako hauen aplikazio esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27.510 burdinurtzearen epigrafea), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Fundiciones San Eloy SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

   3. Ez-ohiko jardunean aplikatzeko neurriak eta jarduerak.

   Aurkeztutako dokumentazioan egindako proposamenean ez-ohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

2. Aurreko paragrafoan adierazitako eskuliburuak ikuskaritza eta kontrolerako programa jaso beharko du, honakoak bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurre hartzeko.

3. Prebentziozko mantentze-lanen eskuliburu horretan kutsadura atmosferikoa prebenitzeko eta zuzentzeko sistemen (arazketa, minimizazioa, etab.) egoera ona bermatzeko neurriak jaso beharko dira.

4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.

5. Erabilitako olioak, gehigarriak, erretxinak eta hondakinak, besteak beste, maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen azalera guztiak iragazgaiztuko dira.

6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

7. Hautsezko produktuak biltegiratzeko, zulo itxietan jarriko dira, proiektuan aurreikusten den moduan.

8. Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek produktu kimikoak biltegiratzeari buruz indarrean dagoen araudian ezarritako betebeharrak betetzen dituztela. Egiaztapen hori egiteko, Ingurumen Sailburuordetza honi eskumena duten erakundeek emandako egiaztagiriak aurkeztuko zaizkio.

9. Ihesak eta isuriak sortzen direnean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.

10. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

11. Hidrokarburoen bereizgailuak aldian-aldian ikuskatuko dira, hondakinak pilatu ez daitezen; dekantagailuetan eta bereizgailuetan metatutako lohiak eta flotatzaileak aldian-aldian kendu behar dira. Hondakin horiek baimendutako kudeatzaile bati emango zaizkio.

12. Bereizgailuan metatutako lohiak, olioak eta gantzak aldian-aldian kendu behar ditu baimendutako kudeatzaile batek. Isuriaren kantitateari eragiteko moduko mailetan metatzea saihestuko du.

13. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

14. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko.

16. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean, Fundiciones San Eloy SA enpresak gorabehera edo ezohiko gertaera horren berri eman beharko dio berehala Ingurumen Sailburuordetzari.

17. Gertakari edo arazo larriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

    Gertakari mota.

    Gertakaria non, zergatik eta zer ordutan gertatu den.

    Iraupena.

    Ustekabeko isuria bada, emaria eta isuritako gaiak.

    Mugak gaindituz gero, isurtzeei buruzko datuak.

    Eragindako kalteen balioespena.

    Hartutako neurri zuzentzaileak.

    Berriro ez gertatzeko aurreikusitako neurriak.

    Prebentzio-neurriak eraginkortasunez aplikatzeko ezarritako.

18. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu egin beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumenaren jagoletza-programan lortutako emaitzetan oinarrituta.

5. Urtean behin Fundiciones San Eloy SA enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

   Informazio hori osatzen duten datuak zein ekitaldikoak direnak, ekitaldi horren hurrengo martxoaren 31 baino lehen bidali beharko dira. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

   Halaber, Ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

6. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko 2002ko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: B.1.3.1.f eta B.1.3.2.c (Hondakin arriskutsu eta ez-arriskutsuak onartzeko agiria); B.1.3.1.o eta B.1.3.2.e (Hondakin arriskutsu eta ez-arriskutsuen kontrolerako erregistro-eredua); C.1 (Atmosferara isurtzen diren kutsatzaileak kontrolatzea, hala dagokionean); C.1.1 (Atmosferara isurtzen diren kutsatzaileak kontrolatzeko erregistro-eredua); C.6 (Ingurumena Zaintzeko Programaren agiri bategina); D.1 (Mantentze-lanetako isurtzeen eta hondakinen kalkulua); D.3.i (Larrialdi-egoeretarako materialen zerrenda); eta D.3.q (Suteen aurkako babesei buruzko ziurtagiriak).

   Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

   Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen integratua eraginkortzat aitortuko da.

   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

   Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

   Seigarrena. Fundiciones San Eloy SA enpresak Ebazpen honen xede den burdinurtze-jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, horrek onar dezan.

   Zazpigarrena. Baimen honek balioa galduko du kausa hauek gertatzen direnean:

   Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

   Fundiciones San Eloy SA enpresaren nortasun juridikoa bukatzea, indarrean dagoen araudian ezarritako kasuetan.

   Baimena indarrean jartzen dela adierazten duen Ebazpenean xedatutakoak.

   Zortzigarrena. Ebazpen honen edukia jakinaraztea Fundiciones San Eloy SA enpresari, Elorrioko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

   Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

   Vitoria-Gasteiz, 2008ko martxoaren 31.

   Ingurumeneko sailburuordea,

   IBON GALARRAGA GALLASTEGUI.