Arautegia
Inprimatu1053/2026 EBAZPENA, ekainaren 11koa, Osakidetza-Euskal osasun zerbitzuaren zuzendari nagusiarena, zeinaren bidez izendatzen baita diplomadun sanitarioen lanbide-taldeko lekualdatze-lehiaketa ireki eta iraunkorreko epaimahai kalifikatzailea, Osakidetza-Euskal osasun zerbitzuko zerbitzu-erakundeetako destinoetarako (2025. eta 2026. urteetan argitaratzen diren diplomadun sanitarioen lanbide-taldeko kategorietako destinoen eskaintza-zikloak).
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal osasun zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 116
- Hurrenkera-zk.: 2751
- Xedapen-zk.: 1053
- Xedapen-data: 2026/06/11
- Argitaratze-data: 2026/06/22
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Sailak; Funtzio publikoa
Testu legala
Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren bidez, Osakidetza-Euskal osasun zerbitzua Ente Publikoan oinarrizko destinoak hornitzeko lekualdatze-lehiaketa ireki eta iraunkorraren prozeduraren oinarriak onartu ziren (2019ko abenduaren 24ko EHAA, 244. zk.).
Osakidetza-Euskal osasun zerbitzuko zuzendari nagusiaren abenduaren 26ko 1672/2019 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko erizainen kategorian.
Osakidetza-Euskal osasun zerbitzuko zuzendari nagusiaren otsailaren 26ko 261/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko osasun mentaleko erizainen kategorian.
Osakidetza-Euskal osasun zerbitzuko zuzendari nagusiaren otsailaren 26ko 262/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko lan-osasuneko erizainen kategorian.
Osakidetza-Euskal osasun zerbitzuko zuzendari nagusiaren otsailaren 26ko 263/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko emaginen kategorian.
Osakidetza-Euskal osasun zerbitzuko zuzendari nagusiaren otsailaren 26ko 264/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko fisioterapeutaren kategorian.
Osakidetza-Euskal osasun zerbitzuko zuzendari nagusiaren otsailaren 26ko 265/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko terapeuta okupazionalaren kategorian.
Osakidetza-Euskal osasun zerbitzuko zuzendari nagusiaren otsailaren 26ko 266/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko optikan eta optometrian diplomadunen kategorian.
Osakidetza-Euskal osasun zerbitzuko zuzendari nagusiaren otsailaren 26ko 267/2021 Ebazpenaren bidez, lekualdatze-lehiaketa ireki eta iraunkorra deitu zen diplomadun sanitarioen lanbide-taldeko logopedian diplomadunen kategorian.
Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenaren bidez, zenbait alderdi ezarri ziren Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaietako kideak izendatzeko, eta zehaztu zen epaimahai batek bilduko dituela diplomadun sanitarioen lanbide-taldeko kategoriak. Ebazpen hori partzialki aldatu zen Osakidetza-Euskal osasun zerbitzuaren zuzendari nagusiaren uztailaren 8ko 922/2021 Ebazpenaren bidez.
Osakidetza-Euskal osasun zerbitzuko zuzendari nagusiaren apirilaren 27ko 759/2026 Ebazpenaren bidez, zenbait irizpide ezarri ziren Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaiak berritzeko eta epaimahaietako kideak izendatzeko.
2019ko azaroaren 27ko Erabakiaren 10.1 oinarriarekin eta aurreko paragrafoan aipatutako ebazpenean ezarritako irizpideekin bat etorriz, Osakidetza-Euskal osasun zerbitzuko zuzendari nagusiak lekualdatze-lehiaketa kalifikatuko duen epaimahaia izendatuko du, eta epaimahai hori denboraldi jakin baterako izendatzea aurreikusi ahal izango da, hurrengo esleipen-prozesuetan baremazio- eta balorazio-zereginak egin ahal izateko.
Adierazitako guztiagatik, eta langileen arloan indarrean dagoen legeriak ematen dizkidan ahalmenez baliatuz,
Lehenengoa. 2025ean eta 2026an argitaratzen diren destino-eskaintzen zikloetarako diplomadun sanitarioen lanbide-taldeko kategorien lekualdatze-lehiaketa ireki eta iraunkorreko epaimahaia izendatzea. Ebazpen honen eranskinean agertzen diren kideek osatuko dute epaimahai hori.
Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren 10.1 apartatua eta Osakidetzako zuzendari nagusiaren urtarrilaren 26ko 112/2021 Ebazpenaren lehen apartatua aplikatuz, izendapen hori 2025ean eta 2026an argitaratzen diren destino-eskaintzen zikloak amaitu arte luzatuko da, eta beste bi urte gehiago luzatu ahal izango da dagozkien kideentzat, une oro esperientzia duten epaimahaikideak izan daitezen.
Prozesuen jarraitutasuna bermatzeko eta epaimahaiak beti izan daitezen esperientzia duten kideak, Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenak ezarri zuen epaimahaikideen % 50 bi urtez luzatzea, behin bakarrik, eta epaimahaikideen beste % 50 berritzea, eta horrela jokatzea, hurrenez hurren, deitutako zikloen aldia bi urtean amaitzen den bakoitzean.
Ebazpen hori betez, Osakidetza-Euskal osasun zerbitzuko zuzendari nagusiaren apirilaren 27ko 759/2026 Ebazpenaren bidez, epaimahaiko idazkari eta laugarren eta bosgarren bokalak berritzea erabaki zen. Era berean, urtarrilaren 26ko 112/2021 Ebazpenean ebatzitakoa betez, apirilaren 27ko 759/2026 Ebazpenaren bidez erabaki da epaimahaiburu izendatutako pertsonen eta lehenengo, bigarren eta hirugarren bokalen (titularrak zein ordezkoak) izendapena luzatzea.
Luzapena erabakitzen bada, Zuzendaritza Nagusiaren ebazpen bidez egingo da.
Bigarrena. Ebazpenak onartzen den egunetik aurrera izango ditu ondorioak.
Hirugarrena. Agintzea ebazpen hau EHAAn eta Osakidetza-Euskal osasun zerbitzuaren webgunean argitara dadin.
Laugarrena. Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzuko Estatutuak ezartzen dituen azaroaren 11ko 255/1997 Dekretuak ezarritakoaren arabera, ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratu eta hurrengo egunetik aurrera.
Vitoria-Gasteiz, 2026ko ekainaren 11.
Osakidetza-Euskal osasun zerbitzuko zuzendari nagusia,
MIREN LOREA BILBAO ARTECHE.
Epaimahaiburua:
Titularra: María Concepción Valero García.
Ordezkoa: Jesús Ángel Valle Zurita.
Lehenengo epaimahaikidea:
Titularra: Cristina Vaamonde García.
Ordezkoa: Gorka Vallejo De La Hoz.
Bigarren epaimahaikidea:
Titularra: David Viana García.
Ordezkoa: Iratxe Vaca Beitia.
Hirugarren epaimahaikidea:
Titularra: María Yolanda Valbuena Macho.
Ordezkoa: Íñigo Vallejo Alario.
Laugarren epaimahaikidea:
Titularra: Alejandro Aparicio Alonso.
Ordezkoa: Eider Apaolaza Larrea.
Bosgarren epaimahaikidea:
Titularra: Sara Arberas Lauzurica.
Ordezkoa: Jon Baraiazarra Ruiz.
Idazkaria:
Titularra: María Soledad Bayon Sánchez.
Ordezkoa: Jorge Lasuen Gabilondo.
Gaiarekin lotutako edukiak
Arauaren historia (8)
- Ikus: 267/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Logopedian Diplomaduna.
- Ikus: 266/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Optikan eta Optometrian Diplomaduna.
- Ikus: 265/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Terapeuta Okupazionala.
- Ikus: 264/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Fisioterapeuta.
- Ikus: 263/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Emagina.
- Ikus: 262/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetza-Euskal osasun zerbitzuko zerbitzu-erakundeetan destinoa duten diplomadun sanitarioen lanbide-taldeko Lan-Osasuneko Erizaina.
- Ikus: 261/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten diplomadun sanitarioen lanbide-taldeko Osasun Mentaleko Erizaina.
- Ikus: 1672/2019 EBAZPENA, abenduaren 26koa, Osakidetza-Euskal osasun zerbitzuko zuzendari nagusiarena. Horren bidez, lekualdatze-lehiaketa irekia eta iraunkorra deitzen da kategoria honetan: Osakidetza-Euskal osasun zerbitzuko zerbitzu-erakundeetan destinoa duten diplomadun sanitarioen lanbide-taldeko erizain kategoria.