BetiOn Telelaguntza Zerbitzu Publikoa

Deskribapena


Telelaguntza zerbitzu bat da, zeinaren bidez erabiltzaileek arreta iraunkorreko zerbitzua izan dezaketen etxean, eguneko 24 orduetan eta urteko egun guztietan. Zerbitzu hori larrialdi-egoerei edo premia sozialei erantzun egokia emateko berariaz prestatuta dauden pertsonek ematen dute, bai beren kabuz, bai beste baliabide komunitario batzuk erabiliz. Zerbitzua emateko, etxean terminal bat instalatzen da eta erabiltzaileari eraman behar duen sakagailu edo domina bat ematen zaio.

Zerbitzuaren prezioa

Hilean 4 euro. Baina salbuespenak egon daitezke bizikidetzako unitatearen diru-sarrerak kontuan hartuta (ikusi araudia).

Salbuespen hori aplikatu ahal izateko, bizikidetzako unitatearen diru-sarrerak IPREM indizetik beherakoak izan beharko dira. Adibidez, 2020. urtean, bakarrik bizi den pertsona batek hilean 564 eurotik beherako diru-sarrerak izan behar ditu.

Nori dago zuzenduta


  • 75 urtetik gorako pertsonak, bakarrik bizi badira.·
  • Mendekotasun aitortua duten pertsonak (I., II., III. mailakoa).·
  • 65 urtetik gorako pertsonak, mendekotasuna jasateko arriskuan badaude (gutxienez 23 puntu mendekotasunaren baloraziorako baremoan).·
  • Gizartean baztertuta egoteko arriskuan dauden pertsonak (udaletako oinarrizko gizarte-zerbitzuek zehaztuta).

Aplikatu beharreko araudia


Erakundeak


Kudeatzen duen erakundea

  • Berdintasuna, Justizia eta Gizarte Politikak > Gizarte Politiketako Sailburuordetza

Ebazten duen erakundea

  • Berdintasuna, Justizia eta Gizarte Politikak / Gizarte Politiketako Sailburuordetza > Gizarte Zerbitzuen Zuzendaritza

Kontaktu-informazioa


Harremanetarako datuak

Telelaguntza jasotzen duten erabiltzaileek zalantzaren bat badute, telefono-zenbaki honetara dei dezakete: 900 851 600.

Gizarte-zerbitzuen arloko profesionalek zalantzaren bat badute, helbide elektroniko honetara idatzi ahal izango dute: telelaguntza@euskadi.eus  

Zuzenean: Herritarrentzako arreta zerbitzua

Aurretiko hitzordua eskatu behar da Zuzenean - Herritarrentzako arreta buegoetara joateko: Eskatu hitzordua

Tramitazio elektronikoan arazorik baduzu, erabiltzaileentzako arreta zentroaren telefonoa erabili dezakezu: 945 01 68 38

Kodea(k)

  • BetiOn: 0087001

Eskabidea eta dokumentazioa aurkeztea


Tramitazio elektronikoko aplikazioan sar zaitez hurrengo botoiaren bitartez.

Oharrak:

  • Ez duzu formularioa saio bakar batean bete, sinatu eta bidali behar. Nahi baduzu, Administrazioaren sistema informatikoan gorde dezakezu, eta hurrengo saioetan prozesua jarraitu.
  • Administrazioak betetako datuak hilabete baten epeaz gordeko ditu. Betiere, araudian ezarritako epe barruan aurkeztu beharko da.

Eskabide-orriara sartu hurrengo botoiaren bitartez.

Ebazpena eta errekurtsoak


Ebazteko epea

Bi hilabete

Isilbidearen ondorioak

Baietsiak

Beste tramite batzuk