Baimenak

Adingabeak atzerrira irteteko jakinarazpena

Deskribapena

Adingabeek, bakarrik edo guraso-ahala ez duen helduren batekin bidaiatzen dutenean, atzerrira egiten dituzten joan-etorrietarako nahitaezkoa izango da guraso-ahala legitimoki egikaritzen duten pertsona guztien baimena izatea.

Baimen horren bidez, mugako agenteen aurrean egiaztatzen da adingabeek ez dutela lurralde nazionaletik alde egiten beren edo gurasoen edo legezko tutoreen borondatearen aurka.
Adingabea atzerrira joateko baimena jakinarazteko agiriak 90 eguneko balioa izango du, ematen denetik zenbatzen hasita.

Nori dago zuzenduta

Espainiako nazionalitateko adingabe baten guraso-ahala edo legezko ordezkaritza duten pertsona guztiei, adingabe hori atzerrira bakarrik edo ahalmen hori ez duen heldu batekin bidaiatzeko baimena ematen badiete.
Prozedura hori atzerrira bidaiatzen duten adingabeak espainiar nazionalitatekoak direnean soilik aplika daiteke. Adingabe atzerritarren kasuan, Espainian bizi badira ere, jatorrizko herrialdeko araudia bete beharko da, eta haien legezko ordezkariak dagokion kontsulatuaren bidez informatu ahal izango dira. 

Erakundeak

Kudeatzen duen erakundea

  • Segurtasuna / Segurtasun Sailburuordetza > Ertzaintzaren Zuzendaritza

Ebazten duen erakundea

  • Segurtasuna / Segurtasun Sailburuordetza > Ertzaintzaren Zuzendaritza

Kontaktu-informazioa

Harremanetarako datuak

Ertzain-etxeak.

Kodea(k)

  • Adingabeak atzerrira irteteko jakinarazpena: 1074801

Aurkeztu eskabidea

Adingabea atzerrira joateko baimenaren jakinarazpena izapidetu ahal izateko, inprimakia bi modutan izapidetu ahal izango da:

  • Modu telematikoan, Eusko Jaurlaritzaren Egoitza Elektronikoaren bidez. 

  • Aurrez aurre, baimen-inprimakia Ertzaintzaren ertzain etxe batean aurkeztuta.

Nolanahi ere, guraso-ahala duten pertsona guztiek egin beharko dute izapidea (guraso bakarreko familien kasuan, bakar batek).

  • Izapide telematikoa bidaia hasi baino gehienez 90 egun lehenago eta gutxienez 6 egun lehenago egin daiteke.
    Presazko kasuak badira, adingabea irten arte 6 egun baino gutxiago baitaude, eskaera, nahitaez, aurrez aurre egin behar da, ertzain-etxe batean.
  • Izapidetze telematikoa banaka egin behar du guraso-ahala duen pertsona bakoitzak (guraso bakarreko familien kasuan, bakarra).
  • Izapidetze telematikoaren aukera hori adingabearen bizilekua Euskal Autonomia Erkidegoan dagoenean soilik erabili ahal izango da. Bestela, nahitaez, aurrez aurre egin behar da, ertzain-etxe batean.
  • Identifikazio-bitarteko elektroniko bat eduki beharko da, kontuan hartuta guraso-ahala dutenetako batek sinadura elektronikorik ez badauka izapidea aurrez aurre egin beharko duela ertzain-etxe batean.
  • Bi gurasoen artean zigor-arloko auziren bat edo kautelazko neurriren bat dagoen kasuetan, eta egingo den dokumentuan bien telefono-zenbakia eta/edo helbide elektronikoa jasoko direla kontuan hartuta, alderdietako batek beste alderdiak horiek ezagutzea nahi ez badu, interesdunak horretarako ematen duen beste telefono-zenbaki edo helbide elektroniko bat agertu ahal izango da. Interesdunak bat ere eman nahi ez badu, izapidea aurrez aurre egin beharko da, ertzain-etxe batean.
    Horrela, nahi izanez gero, polizia-zentroaren telefonoa eta/edo helbide elektronikoa adierazi ahal izango da eskabidean.
Adingabeak atzerrira irteteko jakinarazpena

Aurrez aurreko tramitazioa bidaia hasi baino gehienez 90 egun lehenago egin daiteke.
Jakinarazpena guraso-ahala duten guztiak aurrean daudela egin behar da, eta horretarako Ertzain-etxe batera joan beharko dute.

Izapidetzeko inprimakia bete behar duzu eta han jaso baimena ematen duzula. Inprimaki hori honela lor daiteke:

  • Inprimakia orri honetan ireki, eta bi aukera dauzkazu:
    • Digitalki bete ondoren inprimatu.
    • Hutsik inprimatu eta eskuz bete.
  • Ertzain-etxera joan eta han inprimakia emango dizute eta eskuz bete ahal izango duzu.

Formulario horrek ez du berez bidaia-dokumentu gisa baliorik izango, eta Ertzaintzak baimena ematen duzula egiaztatzeko baino ez du balio izango. Inprimakia bete, sinatu eta, eskatzen den dokumentazio guztiarekin batera, ertzain-etxe batean entregatu ondoren, ertzain-etxean datuak eta dokumentazioa egiaztatu eta informatizatuko dituzte eta adingabeak bidaia egiteko eraman beharko duen dokumentua emango zaizu. Dokumentu hori eman ahal dizute:

  • Eskuz.
  • Dokumentua zure karpeta elektronikora bidaliz.

Hitzordua eskatzea Ertzain-etxe batean

Aurretiko hitzordua

Komunikazioa guraso-ahala duten guztiak aurrean daudela egin behar da (guraso bakarreko familien kasuan, bakar batek) eta horretarako, ertzain-etxe batera joan beharko dute.