Aholku Sarea: Atzerritartasunaren arloko Arreta Juridikorako Euskal Sarea

Aholku-sarea

Helburua eta xedea
Egitura
Funtzionamendua
Gizarte-erakundeen banaketa, lurraldeen arabera
Abokatuen elkargora deribazioak bideratzeko prozeduraren funtzionamendua
Kontaktuen zerrenda
Aholku-sarearen datu estatistikoak 2021
Aurkezpen txostena
Gizarte-eragileen lurralde-kokapena
Diru-laguntzen banaketa
Bilerak
Liburuxkak
Aholku-sarea memoriak
Bideoa
Zirkularra

1. Helburua eta xedea

Berdintasun, Justizia eta Gizarte Politiketako Sailak sustatu du Aholku-Sarea, helburutzat hartuta atzerritartasunaren alorreko aholkularitza juridikoa ematea kalteberetasun egoeran dauden etorkinei eta profesionalei ?herri-administrazioetakoei eta hirugarren sektorekoei, etorkinekin inklusio-prozesuetan diharduten heinean?.

Hori guztia, xedetzat hartuta atzerritarrei erregularizazioa erraztea, bai eta prebentzio-lana egitea gerora irregulartasun-egoerarik gerta ez dadin, familiako bizitzaren alde eginda betiere.

[igo]

2. Egitura

Zerbitzu honek badu lau agente-motaren partaidetza. Hauek dira agenteak, zehazki:

Migrazio eta Asilo Zuzendaritza, Eusko Jaurlaritzako Berdintasun, Justizia eta Gizarte Politiketako saila
Biltzen – Arreta Juridikorako, Integrazioko eta Kultura arteko Bizikidetzarako Euskal Zerbitzua-.
Zazpi gizarte-erakunde (Zehar-Euskadi, Gurutze Gorria-Euskadi, Bilboko Elizbarrutiko Caritas, Kosmopolis, SOS-Arrazakeria Gipuzkoa, LAIZ-CCOO eta Adiskidetuak)
Arabako, Bizkaiko eta Gipuzkoako Abokatuen hiru elkargoak.

[igo]

3. Funtzionamendua

Zerbitzu honek bi arreta-mota eskaintzen ditu:

Aurrez aurreko arreta (gizarte-erakundeak eta abokatuen elkarteetako Saje-txandetako legelariak).
Bertaratu beharrik gabeko arreta –Postaz /telefonoz- (Biltzen)

Erabiltzaileek bi sarbide dituzte Zerbitzurako:

Biltzen-en bitartez. Biltzen Arreta Juridikorako, Integrazioko eta Kultura arteko Bizikidetzarako Euskal Zerbitzuaren arlo juridikoak, kontsulta bat jasoz gero, hauetako bat egin dezake:
- Egin zaion kontsultari erantzun.
- Kasua erakunde bati bidali; adibidez, gaiaren espezializazio-arrazoiak direla eta.
- Bideratzea edo deribazioa proposatu, Saje-txandako legelari bat izendatu dezaten.
Gizarte-erakundeen bitartez. Edozein erakundetara jo dezake, eta hitzordua jarriko diote han, aurrez aurreko arreta jaso dezan. Dena delako erakundeak hauetako bat egin dezake:
- Egin zaion kontsultari erantzun.
- Kasua erakunde bati bidali.
- Bideratzea edo deribazioa proposatu, Saje-txandako legelari bat izendatu dezaten.

Laburbilduz:

Alde batetik, Migrazio eta Asilo Zuzendaritzaren ardura da Sarea koordinatu eta bateratzea.
Bestetik, Biltzen Arreta Juridikorako, Integrazioko eta Kultura arteko Bizikidetzarako Euskal Zerbitzuak arreta eskaintzen du, telefonoz edo postaz, eta erabiltzaileak ez du zertan bertaratu.
Azkenik, gizarte-erakundeek eta abokatuen elkargoek aurrez aurreko arreta ematen dute.

[igo]

4. Gizarte-erakundeen banaketa, lurraldearen arabera

Hona aurrez aurreko aholkularitza ematen duten gizarte-erakundeen lurralde-banaketa:

ARABAn, hauek ematen dute arreta juridikoa: Zehar (Bulegoa: Vitoria-Gasteizen) eta Gurutze Gorria (Bulegoak: Vitoria-Gasteiz, Laudio, Agurain, Amurrio, Espejo, Kanpezu, Oion eta Biasterin).
BIZKAIAn, berriz, hauek ematen dute arreta juridikoa: Cite/CCOO (Bulegoa: Bilbon, Bermeon, Gernikan, Zallan eta Mungian) Cáritas (Bulegoa: Bilbon), Gurutze Gorria (Bulegoak: Bilbo, Getxo, Portugalete, Barakaldo eta Ondarroan), eta Kosmopolis (Bulegoa: Getxon).
GIPUZKOAn, azkenik, hauek ematen dute arreta juridikoa: Adiskidetuak (Bulegoa: Irunen), Gurutze Gorria (Bulegoak: Donostia eta Eibar/Ermuan) eta SOS-Arrazakeria Gipuzkoa (Bulegoak: Arrasate, Zarautz, Beasain, Errenterian eta Azpeitian)

[igo]

5. Abokatuen elkargora deribazioak bideratzeko prozeduraren funtzionamendua

5.1. Nork proposatzen du

Biltzenek zein gizarte-erakundeek deribazioak proposatzeko gaitasuna dute.

5.2. Nori proposatzen zaio

Deribazio proposamenak Migrazio eta Asilo Zuzendaritzari bidaliko zaizkio.

5.3. Zerbitzuak

Legelariek eskaini ditzazketen zerbitzuak honako hauek dira:

Kontsultak
Izapidetzak
Helegiteak

Honekin batera, kontsulta+izapidetza edo izapidetza +helegitea zerbitzuak eskaini daitezke.

5.4. Prozedura

Zuzendaritzak proposamena onartzen badu, deribazioa abokatuen elkargora bideratuko du, abokatua izenda diezaioten erabiltzaileari.
Elkargoak, izendatutako legelariari deribazioa jasotzen duen bolantea bidaliko dio, eta bestetik, legelari horren datuak zuzendaritzara bidaliko dira.
Zuzendaritzak telefonoz igorriko dio erabiltzaileari legealiaren datuak jasotzen dituen mezua. (izena, abizena, helbidea eta telefono-zenbakia). Legelariarekin harremanetan jartzeko eskatuz.
Zerbitzua bete eta gero, legelariak elkargotik bidalitako bolantea bete behar du. Honen bitartzez zerbitzua bete duela justifikatuko du, eta orduan, ordainketa egingo zaio.

5.5. Irizpideak

Irizpideak honako hauek dira:

Materiala: erregularizazio administratiboa, irregulartasun egoerei aurrea hartzea, egoera administratiboaren kontsolidatzea eta familian bizitzeko eskubidearen egikaritza erraztea.
Interbentzioaren batasunaren bermea
Uziaren bideragarritasuna
Urrakortasun berezi

[igo]

6. Kontaktuen zerrenda

AHOLKULARITZA JURIDIKOA, AURREZ AURREKOA

ARABA:

GURUTZE GORRIA tel.: 945 222 222 (Gasteiz,Laudio, Agurain, Espejo, Kanpezu eta Biasteri)
ZEHAR tel.: 945 266 805 (Gasteiz)

BIZKAIA:

GURUTZE GORRIA tel.: 94 423 44 02 (Bilbo) / 639 458 683 (Portugalete/Barakaldo)
CITE – CCOO tel.: 944 243 424 (Bilbao)
CARITAS (bere gizarte-zerbitzuen bitartez)
KOSMOPOLIS tel.: 946 685 21 03 (Getxo)

GIPUZKOA:

GURUTZE GORRIA tel.: 943 327 795 (Donostia)
GURUTZE GORRIA tel.: 943 176 248 (Eibar)
ADISKIDETUAK tel.: 943 639 690 (Irun)
SOS ARRAZAKERIA tel.: 943 245 627 (Arrasate, Zarautz, Beasain, Errenteria eta Azpeitia)

AHOLKULARITZA JURIDIKOA, TELEFONOZ ETA POSTA ELEKTRONIKOZ

BILTZEN

Erabiltzailea: tel.: 900 840 890 / asesoria@euskadi.eus

Profesionala: tel.: 94 400 18 09 / juridika@biltzen.org

Arreta-orduak (Biltzen): 09:30etik-14.00etara

[igo]

7. Aholku-sarearen datu estatistikoak (2021)

Hirugarren sektoreko erakundeek arreta emandako pertsonen kopurua: 7.857 (19.895 kontsulta)
Hirugarren sektoreko erakundeek arreta emandako profesionalen kopurua: 1.342
Biltzenek arreta emandako kontsulten kopurua: 3.426
Hirugarren sektoreko erakundeek eskainitako informazio-saioak: 18 (456 erabiltzaile)
Abokatuen elkargoetara bideratuak: 323

[igo]