38. Klima-aldaketa Arintzeko eta Klima-aldaketari Egokitzeko Lege-proiektua
Saila
Helburuak eta Sektoreak
Klima-aldaketaren aurka borroka egitea: emisioak arintzea eta klima-aldaketaren ondorioetara egokitzea.
- Klima-aldaketari buruzko Euskal Autonomia Erkidegoko politika zuzenduko duten printzipioak ezartzea.
- Europako Parlamentuak onartutako 20/20/20 Plana betetzen laguntzea: %20 gutxitzea CO2ren emisioa, %20 gutxitzea energiaren kontsumoa eta energia primarioaren %20 iturri berriztagarrietatik lortzea.
- Klima-aldaketaren esparruko eskumenen banaketa egitea EAEn.
- Klima Aldaketaren Euskal Bulegoaren funtzionamendua arautzea.
- Klima-aldaketa eragin dezaketen emisioak arintzeko ekintzak arautzea.
- Klima-aldaketari egokitzeko ekintzak arautzea.
- Kontrol- eta jarraipen-mekanismoak ezartzea.
- Parte-hartzea eta informazio publikoa arautzea.
- EAEko sektore ekonomikoak, bereziki industria-sektorea.
- Administrazio publikoak: Toki-administrazioak eta Administrazio Orokorra (esparru hauek: etxebizitza, garraioak, nekazaritza, ingurumena, industria, energia…)
Aurrekontu eta finantzetan eragina
Administrazio publikoetan: inbertsioak eta beste gastu batzuk egitea, klima-aldaketa arintzearen eta hartara egokitzearen esparruko betebeharrak betetzeko. 2007ko abenduan, Gobernu Kontseiluak Klima Aldaketaren Aurkako Euskal Plana onartu zuen. Dokumentu horri lotutako Memoria Ekonomikoan, Eusko Jaurlaritzako sailek hartan aurreikusitako ekintzak egiteko hartutako aurrekontu-konpromisoak jaso ziren; ekintza horiek orain legea onartzearen ondorioz egin beharrekoen parekoak izan zitezkeen. Zehazki, memoria horretan adierazi zen 2008-2012rako Klima Aldaketaren Aurkako Euskal Planean eragina duten bitarteko publiko guztien kopurua 652,5 MM euro zela; kopuru horretan, 98,5 MM euro bitarteko berriak ziren, 2008ko ekitalditik aurrera Eusko Jaurlaritzaren aurrekontu orokorrei gehitu beharko zitzaizkienak.
Sektore pribatu industrialean: inbertsioak egitea, Legeak arintze-esparruan ezarritako betebeharrak betetzeko.
Noiz bidaliko zaion, gutxi gorabehera, lege-proiektua Jaurlaritzaren Kontseiluari, onar dezan
Lortutako faseak
Documentuak | Fase | Hasiera data | Amaiera data | Egoera |
---|---|---|---|---|
Ikusi | 1.1. aldia: Sailburuaren agindua, prozedura has dadin | 2009/11/01 | 2009/12/01 | Amaituta |
Ikusi | 2.1. aldia: Sailburuak testu idatzia onartzea | 2009/12/01 | 2010/09/27 | Amaituta |
Ikusi | 2.2. aldia: Negoziazio-, entzunaldi- edo kontsulta-izapidea | 2010/09/27 | 2010/11/02 | Amaituta |
--- | 2.3. aldia: Aginduzko txostenak eta irizpenak | 2010/11/02 | 2011/05/13 | Amaituta |
--- | 2.4. aldia: Jarraitutako prozeduraren memoria laburra | 2011/05/13 | 2011/05/22 | Amaituta |
Ikusi | 3.1. aldia: Gobernu Kontseiluaren onarpena | 2011/05/23 | 2011/05/24 | Amaituta |
--- | 4.1. aldia: Parlamentura bidaltzea | 2011/05/24 | 2011/06/17 | Amaituta |