60. Euskarako Titulu eta Ziurtagirien Erregistro Bateratua sortu eta arautzen duen Lege-proiektua

Euskarako Titulu eta Ziurtagirien Erregistro Bateratua sortu eta arautzea.

       Erregistroak administrazio-izaera izango du, eta Eusko Jaurlaritzari atxikita izango da, hizkuntza-politikaren arloan eskumena izango duen administrazio gisa. Erregistroa antolatu eta kudeatzeko ardura izango du.

       Erregistroa doako funtzionamendudun zerbitzu publikoa izango da, eta euskararen ezagutza egiaztatzeari buruzko informazio ofiziala emango die administrazio publikoei eta herritarrei.

       Erregistro bateratuan bilduko da lehendik dauden Hezkuntza, Unibertsitate eta Ikerketa Sailaren, Herri Arduralaritzaren Euskal Erakundearen, Helduen Alfabetatze eta Berreuskalduntzerako Erakundearen (HABE) eta Osakidetza-Euskal Osasun Zerbitzuaren mendeko erregistro jakin batzuetako informazioa.

       Bildutako informazioa ikusi ahalko dute administrazio publikoek eta herritarrek, eta ikusgarri izango da pertsona bakoitzak lortu dituen askotariko euskarako ziurtagiriei buruzko informazioa, nahiz eta ziurtagiriak askotariko esparruetan lortu.

       Administrazio publikoak; erregistro bateratura sartzeko aukera izango dute, eta beren zerbitzura dauden langileek edo administrazioek eskainitako lanpostuak betetzeko lehiaketetan edo hautaketa-prozesuetan parte hartu duten pertsonek dituzten euskara-ziurtagiriei buruzko informazio eguneratua eskuratu ahal izango dute.

       Herritarrak, oro har; herritar orok aukera izango du erregistro bateratura sartzeko, eta berak lortu dituen euskara-ziurtagiriei buruzko informazioa eskuratzeko, bai eta lortutako titulu edo ziurtagiri bakoitza Hizkuntzetarako Erreferentziazko Europako Esparru Komuneko zein mailaren baliokide den ikusteko ere.