ZuEKIN Merkatari. Zumarraga 2019

Documentazio orokorra: a) Laguntza eskaera, Udalak prestatutako eskaera-eredu ofizialaren araberakoa. b) Nortasun juridikoa egiaztatzeko dokumentuak: ¿ Norbanakoen kasuan, NANaren kopia. ¿ Pertsona juridikoen kasuan, eskrituraren edo erakundearen edo entitatearen eraketa jasotzen duen dokumentuaren eta estatutuen fotokopia, hots, Merkataritza Erregistroan edo dagokion erregistroan behar bezala inskribatuena. c) Legezko ordezkaritzen kasuan, ordezkariaren NANaren edo balio bereko dokumentu baten fotokopia, ordezkaritzaren dokumentu bidezko egiaztapenarekin batera. Egiaztapen hori zuzenbidean baliozkoa den edozein bitartekoren bidez egin ahal izango da (notario-ahalordez, eskritura bitartez...). d) Eskatzailearen bankuko kontuaren titularitatearen egiaztagiria; titulartasun horrek bat etorri behar du eskatzailearen identitatearekin. Egiaztagiritzat balio dutenak honakoak dira: bankuko kontu laburpena; banku erakundeak emandako ziurtagiria edo diru-laguntza eskaeraren inprimakian «Kontu zenbakia» atalean banku erakundeak jarritako zigilua). e) Zerga betebeharrak eta Gizarte Segurantzarekiko betebeharrak egunean daudela egiaztatzen duten ziurtagiriak, Gizarte Segurantzaren Diruzaintza Nagusiak eta eskumena duen Ogasunak eginak. Edota, horren ordez, pertsona eskatzaileek izenpetutako aitorpena, espresuki adierazten duena baimena ematen dutela ziurtagiriak eman behar dituzten erakundeek zuzenean eman diezazkioten Udalari beharrezko diren datuak. f) Ekonomia Jardueren gaineko Zergako altaren fotokopia, edo ordaindutako azken erreziboarena. g) Identifikazio Fiskaleko Kodearen fotokopia. h) Zumarragako Udalaren zergen ordainketa egunean izateari buruzko egiaztagiria. i) Laguntzak xede izango duen proiektu, programa edo jarduerari buruzko azalpen memoria. j) Diru-laguntzaren xede den jarduerarako beste diru-laguntzaren bat eskatu edo eskuratu baldin bada, beste diru-laguntza horiei buruzko erantzukizunpeko adierazpena. Horrelakorik eskatu ez bada, horrixe buruzko erantzukizunpeko adierazpena. k) Onuraduna izateko aukera eragozten duten zertze¬ladetako baten beraren eraginpean ez egoteari buruzko erantzukizunpeko adierazpena. Dokumentazio espezifikoa: 1 Negozio/bideragarritasun plana, horretan jasoz aurrekontu xehatua edo jarduera garatzean sortzen diren gastuen zerrenda (aukera dago, halaber, bideragarritasun plana UGGASA eskualdeko garapen agentzian, Gipuzkoako Merkataritzaren Federazioan eta abarretan egiteko, inolako kosturik gabe) edota 4. artikuluan aipatutako «ZuEKIN ¿ negozio ereduari buruzko gogoeta» dokumentua. 2 Belaunaldiak ordezten diren kasuan, egungo negozioaren bideragarritasuna frogatu beharko da, dagozkion erakundeekiko elkarlanean prestatutako beharrezko dokumentazioa aurkeztuta (finantza atala, egitura atala, sektorekoa, etab.); horrekin batera, negozioa eskualdatzeko edo negozioari jarraitasuna emateko proposatzen den negozioaren oinarrizko datuak jasotzen dituen fitxa aurkeztu beharko da (zer sektoretakoa den, enpresaren antzinatasuna, langile kopurua, kokapena, bezero-zorroa, etab.). Positiboki baloratuko da negozioa modernizatzeko eta duen errentagarritasuna hobetzeko plan bat prestatzea. Negozio bideragarri bati jarraitasuna ematen dioten ekintzaileak izango dira apartatu honi lotutako diru-laguntzetarako aukera izango duten bakarrak. 3 Lan merkatura iristeko zailtasun handienak dituzten kolektiboetakoren batekoa izatea justifikatzen duen dokumentazioa, hala behar denean. 4 Familia liburua, kontziliazioagatiko pizgarria jaso dezaketen pertsonen filiazioa egiaztatzearren, hala dagokionean. 5 Enpresa sortuak berrikuntza irizpideei jarraitzen diela eta Zumarragako herriari balio erantsia dakarkiola justifikatzen duen eranskina, hala dagokionean. 6 Langile Autonomoen Araubideko edo araubide baliokide bateko alta partearen kopia, sustatza-ileetako bakoitzarena. 7 Kontuan har daitekeen beste edozein dokumentazio, laguntza emateko irizpideekin lotua betiere.