Merkataritzarako diru-laguntzak. Basauri 2019

a) Egindako inbertsioen, berritzeen edo erosketen memoria txiki bat. b) Enpresa txikiak definitzen dituzten ezaugarriak betetzen direla jasotzen duen zinpeko aitorpena, Oinarri hauen 3. artikuluan jasotzen denaren araberakoa. Zentzu horretan, Oinarriotako II. Eranskinean agertzen den dokumentua bete beharko dute eskatzaileek. c) Gizarte Segurantzako Diruzaintzak egindako egiaztagiriaren jatorrizkoa, Gizarte Segurantzako Erregimen Orokorretik eta/edo Langile Autonomoen Erregimen Berezitik ondorioztatutako kuoten ordainketekin egunean egotea egiaztatzen duena. d) Enpresak zerga-obligazioak dituen Administrazio Publiko guztiek emandako egiaztagirien jatorrizkoak, enpresa zerga-betekizun horiekin egunean dagoela egiaztatzen dutenak. e) Sozietateen kasuan, eskabidea egiten duen pertsona sozietatearen ordezkari gisa ari dela egiaztatzen duen dokumentuaren fotokopia, sozietatearen IFK eta pertsona fisikoaren NANa edota lan-baimena. f) Hirugarrenaren fitxa, eskabidea egiten duen denda edo enpresaren banku-datuak jasotzen dituena. Fitxak, enpresaren kontua dagoen finantza-erakundearen zigilua eduki beharko du. g) Oinarri hauetan diruz lagun daitezkeen kontzeptu bezala jasotakoen kostuak ordaintzeko enpresak egindako edo egin asmo dituen finantziazio-eskariei buruzko aitorpena. Aitorpen hori III. Eranskineko eredua erabilita egingo da. h) Basauriko udal diru-laguntzak emateko Ordenantzaren 10. artikuluan ezarritako debekurik ez dagoela jasotzen duen erantzukizunpeko aitorpena, IV. Eranskinari jarraituta. i) Diruz lagun daitezkeen, eta benetan ordainduak izan diren gastuak agertzen dituzten fakturen eta ordainketa-agirien jatorrizkoa eta kopia. j) Obra-lizentzia, eta tasa ordaindu izanaren agiria (atontzelanak egiten diren kasuetan).