Euskal Herriko Agintaritzaren Aldizkaria

163. zk., 2013ko abuztuaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INGURUMEN, LURRALDE PLANGINTZA, NEKAZARITZA ETA ARRANTZA SAILA

3774

EBAZPENA, 2009ko ekainaren 22koa, Ingurumeneko sailburuordearena, galdaketa eta mekanizatuaren bidez trenbideetarako materialaren eta tresnen fabrikazio-jarduerarako ingurumeneko baimen bateratua emateko dena, Amurrioko (Araba) udalerrian Amurrio Ferrocarril y Equipos, S.A. enpresak sustatua.

AURREKARIAK

2006ko abenduaren 22an Jon de Lapatza Benito jaunak, Amurrio Ferrocarril y Equipos, S.A. enpresaren izenean, Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2006 Legeak xedatutakoaren arabera, Amurrioko (Araba) udalerrian galdaketa eta mekanizatuaren bidez trenbideetarako materialaren eta tresnen fabrikazio jarduerarako. Ondorengo dokumentu teknikoak erantsi ziren eskaerari:

● Oinarrizko proiektua (2006ko abendua).

● Laburpen ez-teknikoa (2006ko abendua).

Erreferentziako baimena eskatzeko orduan, Amurrio Ferrocarril y Equipos, S.A. enpresak urtzeko labearentzat instalazio kutsakor izan daitezkeenen ziurtagiria zuen, 2001eko martxoaren 22koa.

Beranduago, 2006ko abenduaren 22an, xede dugun proiektuaren eta Amurrioko hirigintza plangintzaren arteko bateragarritasunari buruzko udal-txostena bidali zen.

2007ko otsailaren 27an, Ingurumenaren Kalitatearen Zuzendaritzak prozeduran parte hartzen duten hainbat organori txostena eskatu zion, Ingurumen Organoak proiektua jendaurrean jartzeko agindu zezan. Zehazki, Amurrioko Udalari, Eusko Jaurlaritzako Osasun Sailari eta Espainiako Iparraldeko Ur Konfederazioari egin zitzaien kontsulta.

2007ko martxoaren 14an eta irailaren 19an, Ingurumen Organoak agiri osagarriak txertatzeko eskatu zion sustatzaileari, eta dokumentu horiek 2007ko ekainaren 29an eta urriaren 8an aurkeztu ziren.

Ingurumeneko sailburuordeak 2007ko azaroaren 14an emandako Ebazpenaren bidez, jendaurrean jarri zen 30 egun balioduneko epean, Amurrio Ferrocarril y Equipos, S.A. enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Arabako Aldizkari Ofizialean argitaratu zen, bietan 2007ko abenduaren 3an. Era berean, Euskal Autonomia Erkidegoko bi egunkaritan argitaratu zen 2007ko abenduaren 2an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegaziorik ez dagoela egiaztatu da.

Ingurumeneko baimen bateratuaren txostena gauzatzeko beharrezkoa den dokumentazioa osatzeko asmoz, 2008ko ekainaren 13an Ingurumenaren Kalitatearen Zuzendaritzak dokumentu osagarriak eskatu zituen, eta txostena 2008ko irailaren 8an osatu zen.

Uztailaren 1eko 16/2002 Legearen 17. eta 18. artikuluetan xedatutakoa betez, 2008ko irailaren 19an Ingurumenaren Kalitatearen Zuzendaritzak txostenak eskatu zizkien Amurrioko Udalari eta Eusko Jaurlaritzako Osasun Sailari, espedientean ageri den emaitza jasoz.

Iparraldeko Ur-konfederazioak (CHN) txostena igorri zuen, zeharkako isurketa izanik baimena Udalak eman beharrekoa dela jakinaraziz. Hortaz, 2009ko urtarrilaren 30ean Amurrioko Udalari txostena eskatu zitzaion, uren isurketari buruz euren eskumenekoak diren esparruetan behar adina ohar egin zitzan. Aipatu txostena 2009ko martxoaren 30ean igorri zen.

2009ko apirilaren 21ean, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Amurrio Ferrocarril y Equipos, S.A. enpresaren esku utzi zen, Ingurumen eta Lurralde Plangintza Sailak egindako Ebazpenaren Proposamena gehituz.

2009ko maiatzaren 7an sustatzailearen jakinarazpena jaso zen. Jakinarazpen hartan hainbat ohar egiten ziren Ingurumeneko Baimen Bateratuaren Ebazpen Proposamenari lotuta.

ZUZENBIDEKO OINARRIAK

Uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 1. artikuluan xedatutakoaren arabera, Lege horrek atmosferaren, uraren eta lurzoruaren kutsadura saihestea du helburu, edo hori ezinezkoa bada, kutsadura hori gutxitu eta kontrolatzea, kutsadura prebenitu eta kontrolatzeko sistema integratu bat ezarri eta ingurumen osoaren babes maila altua lortzeko.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.

Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 9. artikuluari jarraituz, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era beran, indarrean dagoen araudiaren araberako administrazio baimen guztiak egintza administratibo bakar batean bildu nahi izan dira. Amurrio Ferrocarril y Equipos, S.A. enpresaren kasuan, baimen hauek guztiak behar ditu: hondakin arriskutsu eta ez-arriskutsuen sortzaileak behar dituen baimenak; kolektore bidez ubidera zeharkako isurketak egiteko baimena; ingurumen izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta hari aurre hartzeari dagozkionak. Era berean, eskumeneko beste administrazio eta organismo batzuk kasuan kasu txostenak luzatuz egindako parte-hartzea egiaztatuko da espedientean.

Uztailaren 1eko 16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak Jarduera Gogaikarri, Osasungaitz, Kaltegarri eta Arriskutsuei buruzko azaroaren 30eko 2414/1961 Dekretuak aurreikusten duen jarduera sailkatuetarako udalbaimenaren prozedura ordezkatzen du; ez du ordezkatzen, ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Amurrio Ferrocarril y Equipos, S.A. enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak, eta Amurrioko Udalaren eta Eusko Jaurlaritzako Osasun Sailaren txostenak eskatu dira, espedientean agertzen den bezala.

Instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika erabilgarri egokienak eta aplika dakiokeen alorreko legerian ezarritako baldintzak. Zehazki, Europako Batzordearen 2005eko maiatzeko galdaketen inguruko BREF txostenaren «Reference Document on Best Available Techniques in the Smitheries and Foundries Industry» eta 2001eko abenduko hozte-sistemen inguruko BREF txostenaren «Reference Document on the application of Best Available Techniques to Industrial Cooling Systems» edukiak kontuan hartu dira. Gainera, araudi sektorialei dagokienez, kasu honetan ontziei eta ontzi-hondakinei buruzko apirilaren 24ko 11/1997 Legea garatzen eta betetzen duen Araudia onartzen duen apirilaren 30eko 728/1998 Errege Dekretua aplika daiteke.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Plangintza Sailak 2009ko apirilaren 21ean emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, azaroaren 26koa, Herri Administrazioen Araubide Juridikoa eta Administrazio Prozedura Erkideari buruzkoa, eta aplikatzeko den gainerako araudia, honako hau

EBAZTEN DUT:

Lehenengoa.– Helbide soziala Amurrioko (Araba) udalerriko Maskuribai kaleko 10. zenbakian duen eta IFK: A-01061373 zenbakia duen Amurrio Ferrocarril y Equipos, S.A. enpresari Ingurumeneko Baimen Bateratua ematea, aipatu helbidean galdaketa eta mekanizatuaren bidez trenbideetarako materialaren eta tresnen fabrikazio-jarduerarako, eta Ebazpen honen Bigarren atalean zehaztutako baldintzak jarraituz.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago. Hain zuzen ere, 2.4 kategorian, «Eguneko 20 tona baino gehiago produzitzeko ahalmena duten burdin-metalen galdaketak».

Amurrioko hirigunearen hego aldean kokatuta dago Amurrio Ferrocarril y Equipos, S.A. enpresa, Maskuribai auzoan. Guztira 36.000 m²-ko lur-saila hartzen du eta ekialdean Maskuribai kaleak eta mendebaldean trenbideak mugatzen dute. Trenbidearekin lotunea du desbideratze propioaren bitartez.

Jarduera nagusia trenbideetako materialaren fabrikazioa da: aldagailuak, desbideratzeak, juntura isolatzaileak, gurutzaketak, orratz eta kontraorratzak, bogie-ak, ardatzak, eta abar. Gaur egungo ekoizpena urtean 2.200 Tn galdaketa da, labeak txanda bakarrean lan eginez gero. Gainerako eragiketetan 2-3 txandetan egiten da lan, eta urtean 2.000 gurutzaketa, 350 trenbide aparailu, 5.000 orratz eta kontraorratz, eta 7.200 juntura isolatzaile (JISak) sortuz.

Produkzio-prozesua honako etapa hauek osatzen dute: galdatzea, moldeen prestaketa, isurketa, desmoldatzea eta hondarra berreskuratzea, garbiketa eta bizar-kentzea, tratamendu termikoa eta mekanizatua.

Txatarra arku elektrikoko labean galdatzen da. Ezaugarri konstanteak dituen karbono altzairuzko txatarra gozoa erabiltzen da. Kargaren % 40 arte erreusekin eta lermekin (mazarotak, isurbideak) osatuta egon daiteke, eta labeko mahuka-iragazkietako xehekien % 100 ere berrerabil daiteke galdaketan. Galdaketa-prozesuaren segida honelakoa da: kargatzea, labean galdatzea, oxigenoa injektatzea, zepak kentzea, baretzea, karearen bidezko erredukzioa; eta fase bakoitzeko analisiak, kontrolak eta erregistroak.

Isurketarako moldeak bi piezatan egiten dira, kutxa bakoitza silize-harea eta olibino nahasketarekin betetzen da, eta nahasgailuetan automatikoki dosifikatzen diren aglomeratzaile kimikoak (silikatoak eta esterrak) erabiltzen dira. Estali gabe uzten dira lehortzen eta moldeak lortzeko ereduak kentzen dira. Ereduen barruko aldea pintura erregogorraz margotzen da, gero pieza errazago atera ahal izateko. Pieza arrak modu berean egiten dira, eskuz trinkotuta.

Isurketarako, moldearen bi atalak elkartu eta isurbideak kokatzen dira. Urtutako galda labetik atera eta buelta ematen zaie 6 Tn-ko edukiera duten zalien bitartez eta isurtze-gunera garraiatzen dira zubi-garabiaren bitartez. Gune horretan isurtzen da galda moldeetan. Estali gabe hozten da, 16 orduz.

Moldeetatik ateratzea parrilla birakarian egiten da: hondarra erortzearekin pieza askatu egiten da eta garbitu eta bizar-kentzeari ekiten zaio. Hondar horiek bildu eta tratamendu termiko eta mekanikoen bitartez tratatzen dira, silikatoak eta bestelako ezpurutasunak kendu eta silize-hondarrak eta olibinoa magnetikoki bereiziz. Hala, hondarren % 80 berrerabiltzeko moduan gelditzen da.

Pieza galdatuak garbitu, ikuskatu eta bizar-kentzeari ekiten zaio mekanizatuaren eta akaberaren prozesura heldu aurretik. Gainera, hipertenplaketa bidezko tratamendu termikoa aplikatzen zaie, behar den ezaugarri mekanikoak lortzeko. Azkenik, bukaerako mekanizatuak, soldatzeak eta muntaketa-lanak egiten dira bidalketarako prestatzeko.

Energia hauek erabiltzen dira plantan: energia elektrikoa urtzeko laberako eta plantaren funtzionamendu orokorrerako; gas naturala tratamendu termikoko laberako, zaliak, sopleteak, oxiebakia eta hondar-berreskuratzailea berotzeko; gasolioa barne-garraioko orgatxoetarako eta berogailu eramangarrietarako; eta propano eta butanoa sopleteetarako.

Hauek dira atmosferara isurketak egiten dituzten instalazioak: arku elektrikoko urtzeko labea, galdaketako bizar-kentzea eta soldadura, desmoldekatzeko makina eta hondarren berreskuratzailea, mekanizatuko soldadura, moldeak pintatzea eta arku-aire bitartezko ebaketa. Horien artean arazketarako sistema dutenak hauek dira: labeko xurgapenak (zikloia eta mahuka-iragazkia), hondarren berreskuratzailea (mahuka-iragazkia) eta arku-aire bitartezko ebaketarako instalazioa (iragazki metalikoa). Tratamendu termikoko labeak ez du kanpoko alderako fokurik. Horietaz gain isurtze barreiatuak eragiten dituzten foku etenak ere badira.

Bestalde, mota hauetako hondakin-uren isurketak eragiten ditu jarduerak: ur sanitarioak (komun eta aldageletakoak), industria-urak (tratamendu termikoaren ondoren piezak hozteko erabiltzen diren putzuetakoak, eta urtzeko labeetako eta hondarren berreskuratzaileetako hozte-zirkuitu itxietako hozte-uren purgatzeetakoak), eta estalki eta patioetako euri-urak.

Aipatu isurketak udaleko bi kolektoreren bidez egiten dira, puntu ezberdinetan. Lehenengoa saneamenduko kolektore nagusira konektatzen da eta ur sanitarioez gain euri-uren % 8 bertara bideratzen da. Isurketa egin aurretik hobi septikoetan tratatzen dira. Bigarren puntuak euri-uretarako udal kolektorearekin bat egiten du eta Udalak ingurua berrurbanizatu ondoren gelditu den lur-saileko euri-uren % 98 biltzen dira bertan, baita tratamendu termikoko labearen piszinako industria-urak, urtzeko labearen hozte-dorreetakoak eta hondarren berreskuratzailekoak ere.

Jardueraren garapenean hondakin arriskutsuak (labeko xehekiak eta zuntzak, aerosolak, ontzi hutsak, olioak, taladrina, pinturen arrastoak, eta abar) nahiz hondakin ez-arriskutsuak (txatarra, txirbil mekanikodun elektrodoen arrastoak, egurra, papera, kartoia, plastikoak eta abar) sortzen dira.

2005eko maiatzako Europako galdaketaren sektoreko BREF dokumentuak (Reference Document on Best Available Techniques in the Smitheries and Foundries Industry) jasotzen dituen eta enpresak barne hartu dituen Teknika Erabilgarri Egokienen (TEE) artean honako hauek azpimarra daitezke:

Galdaketa:

● Labe-mota (arku-labe elektrikoa) aukeratzeko irizpide teknikoak.

● Kontrol-prozesu fidagarri eta eraginkorrak aplikatzea (txatarra homogeneoa, galdaketa azkarra izateko burdin-aleazioen kalkulurako teknikak, etab.).

● Galdaketaren amaieran zepari oxigenoa eta ikatza injektatzea.

● Igorpenen bilketa eta iragazketa.

● Urtze-jalkin xeheak briketatze bidez birziklatzea.

Galdutako moldeetan isurtzea:

● Aglomeratzaile eta erretxinaren kontsumoa minimizatzea, nahasgailuko programazioaren bitartez.

● Alkoholezko baseko pinturaz moldeak margotzeko gunean biltzea.

Gainera, euri-ur garbiak bereiztea ere TEE moduan jotzen da.

Bigarrena.– Honako baldintza eta eskakizun hauek ezartzea, Amurrio Ferrocarril y Equipos, S.A. enpresak Amurrioko udalerrian sustatzen duen trenbideetarako materialaren eta tresnen fabrikazio-jarduera ustiatzeko:

A) Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Amurrio Ferrocarril y Equipos, S.A. enpresak aldaketa horien berri emango du.

B) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

B.1.– Airearen kalitatea babesteko baldintzak.

B.1.1.– Baldintza orokorrak.

Amurrio Ferrocarril y Equipos, S.A. instalazioa ustiatzean atmosferara egingo diren isurtzeek ez dituzte Ebazpen honetan ezarritako balioak gaindituko.

Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

B.1.2.– Fokuak identifikatzea. Katalogazioa.

Amurrio Ferrocarril y Equipos, S.A. enpresaren instalazioak foku hauek ditu, indarrean den araudiaren arabera katalogatuta:

(Ikus .PDF)

Gainera, erregimen eteneko isurtze barreiatuak ere sortzen dira honako prozesuotan:

● Moldekatze prozesuen barruan moldeak hondarraz betetzean partikula esekiak eta sedimentagarriak igortzen dira.

● Argintza-prozesua.

● Moldeak betetzeko eragiketan, isurketan.

● Hondarren zuloak kargatzean, eta

● Tratamendu termikoen labean.

Moldekatze-prozesuko nahasgailuekin lotutako xurgapen- eta iragazketa-sistemei eta horien funtzionamenduari buruzko deskribapen xehatua eman beharko da.

Tratamendu termikoko prozesuan sortzen diren isurketak biltzeko eta husteko proposamena aurkeztu beharko da.

B.1.3.– Gehienez bota daitekeen kutsagarri-kantitatea.

a) Atmosferara isurtzen diren gai poluitzaileek ondorengo balioak ez gainditzeko moduan ustiatuko da instalazioa:

(Ikus .PDF)

Balio horiek baldintza hauek dituzte: 273 K-ko tenperatura, 101,3 kPa-ko presioa eta gas lehorra.

b) Neurtutako parametroek ez dituzte isurtzeko muga-balioak gaindituko, arauz egingo diren aldizkako ikuskaritzetan (ordubeteko hiru neurketa, gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

KOHei dagokienez (KOG gisa neurtutakoak), ez dituzte isurtzeko muga-balioak gaindituko arauz egingo diren aldizkako ikuskaritzetan (ordubeteko hiru neurketa gutxienez), baldin eta neurketa guztien batez bestekoak isurtzeko muga-balioak gainditzen ez baditu eta ordubeteko neurketetako batek ere isurtzeko muga-balioak 1,5 faktorea baino kopuru handiagoan gainditzen ez badu.

B.1.4.– Gasak hartu eta hustea.

Fokuetako hondakin-gasak kanporatzeko tximiniak ez dira egongo B.1.2 atalean ezarritako goreneko kotatik behera. Tximiniek, Industria Ministerioaren 1976ko urriaren 18ko Agindua, industriak atmosferan sortzen duen kutsadura saihestu eta zuzentzekoa n ezarritako baldintzak beteko dituzte; horrela, besteak beste, laginak hartzeko puntura sarbide seguruak eta errazak jarriko dituzte.

Zehazki, laginak hartzeko aurreikusitako zuloen kokapenari eta ezaugarriei dagokienez, gasfluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

L1 = 8D eta L2 = 2D distantziak betetzen ez diren fokuetan, inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

Isurtze barreiatuak murrizteko, isurtzeak biltzeko, husteko eta arazteko sistema guztien mantentze lan zuzenak egingo dira. Horrezaz gain, instalazioak, kanpoko ateetako itxiturak, barruko eta kanpoko bideak, eta abar egunero eta astero garbituko dira. Aipatutako informazio guztia agiri honen D.3 ataleko prebentziozko mantentze-lanen eskuliburuan jaso eta erregistratuko da.

B.2.– Saneamendu-sarera isurketak egiteko baldintzak.

B.2.1.– Isurien jatorria eta kokapena.

Isurketa sortzen duen jarduera mota nagusia: Altzairu-galdategia.

Jarduera-taldea: Metalak.

Mota-taldea-EJSN: 1-2-2752.

(Ikus .PDF)

B.2.2.– Gehienez isuri daitezkeen emari eta bolumenak.

IP1. isurketa: Ur sanitarioak eta euri-urak.

(Ikus .PDF)

IP2. isurketa: Industria-, hozte- eta euri-urak.

(Ikus .PDF)

B.2.3. Gehienez bota daitekeen kutsagarri-kantitatea.

Ibilgurako isurien ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko balioekin:

IP1. isurketa. Ur sanitarioak eta euri-urak.

PH: 5,5 eta 9,5 artean.

Solido esekiak: 15,03 mg/l.

OEK: 742,32 mg/l O₂.

DBO₅: 450 mg/l O₂.

Olioak eta koipeak: < 1 mg/l.

Amonioa: 26,28 mg/l.

IP2. isurketa. Industria-, hozte- eta euri-urak.

PH: 5,5 eta 9,5 artean.

Solido esekiak: 12,92 mg/l.

OEK: 742,32 mg/l O₂.

Olioak eta koipeak: < 1 mg/l.

Fosforoa guztira: 8,71 mg/l.

AOX-ak: 0,90 mg/l.

Zinka guztira: 0,35 mg/l.

Burdina guztira: 0,77 mg/l.

Kloro-hondar askea: < 0,1 mg/l.

Ezingo dira diluzio-teknikak erabili isurtzeko muga-balioak lortzeko.

Baimen horrek ez du baldintza honetan berariaz adierazitakoak ez diren beste substantzien isurketa onartzen, batez ere maiatzaren 23ko 606/2003 Errege Dekretuaren Hirugarren Xedapen Gehigarrian aipatzen diren substantzia arriskutsuak. Errege Dekretu horren bidez, Urei buruzko abuztuaren 2ko 29/1985 Legearen atariko titulua eta I, IV, V, VI eta VIII. tituluak garatzen dituen jabari publiko eta hidraulikoari buruzko araudia onartzen duen apirilaren 11ko 849/1986 Errege Dekretua aldatzen da.

Hau da erregulazio egokiaren bitartez osatu eta bermatu beharko den hozte-zirkuituak (tratamendu termikoko labearen hozte-putzua, eta, hala behar denean, urtzeko labaren dorreak eta hondarren berreskuratzailea) husteko protokoloa:

1.– Husteko gutxieneko denbora: 72 ordu.

2.– Hondar-kloro askea erreaktiboak gehituz edo beharrezko denboran pausagune bidez, etab. ezabatzea, eta zuzeneko «in situ» analisi-kontrola, isuri aurretik klororik ez dagoela bermatzeko.

3.– Putzuaren hondoan metatutako lohiak kendu eta hustea, hori isurtzea derrigorrez saihestu behar baita.

B.2.4.– Araztu eta husteko instalazioak.

Hondakin-uren arazketarako instalazioek, sustatzaileak emandako dokumentuen arabera, iragazki biologikorik gabeko bi hodi septiko dituzte komun eta aldageletako ur sanitarioetarako, eta koipeen bereizgailua euri-uren sare nagusirako. Gainera, sare horretara gehitzen dira hozte-prozesuetako (tratamendu termikoko hozte-piszina eta hozte-dorreetako purgatzeak) industria-urak ere.

Hartutako neurri zuzentzaileak nahikoak ez direla ikusiz gero, Amurrio Ferrocarril y Equipos, S.A. enpresak behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Kontrolerako kutxetak izan beharko dira, tratamendu termikoaren ondorengo piezak hozteko etapatik datorren industriako ur-fluxua eta hozte-dorretatik (ur sanitarioekin bat egin aurretik) datozen fluxuak aztertzeko laginak hartu ahal izateko eta banakako ezaugarriak zehaztu ahal izateko. Kolektorera isuri aurretik egingo da. Kutxeta horiek beharrezko ezaugarriak izan beharko dituzte isurketen lagin esanguratsuak eskuratu ahal izateko. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

Isurketa IP2 puntuan euri-uren udal kolektorera lotu aurreko kutxetan emari-neurgailu totalizatzailea kokatu beharko da.

Sei hilabeteko epean aurkeztu beharko da exekuzioen epe zehatzak aditzera emango dituen egokitzapen-plana, baita behean ageri diren helburuetako bat lortzeko beharrezkoak izango diren jarduerei buruzko deskribapen teknikoak ere:

● Instalazioan sortutako hondakin-urak bereiztea, tipologiaren arabera.

● Sortutako hondakin-urak bereiziko ez badira, elkartu aurretik tratamendu-sistema egokiak instalatu beharko dira sortutako hondakin-ur mota bakoitzerako.

B.3.– Plantan sortutako hondakinak egoki kudeatzen direla bermatzeko baldintzak.

Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia- eta gertutasun-printzipioei jarraituz.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Amurrioko Udalean.

B.3.1.– Hondakin Arriskutsuak.

Sustatzaileak adierazitako hondakin arriskutsuak honako hauek dira:

● 1. prozesua: «Errailen fabrikazioa».

○ 1. hondakina: «Labeko xehekiak».

– Identifikazioa: A01061373/0100000260/1/1.

– Hondakinaren kodea: Q09//D15//S22//C43//H5//A240//B3249.

– HEZ kodea: 100911.

– Urtean sortutako kantitatea: 9.640 kg/urte.

○ 2. hondakina: «Labeko zuntzak».

– Identifikazioa: A01061373/0100000260/1/2.

– Hondakinaren kodea: Q05//D15//S9//C25//H5//A240//B3249.

– HEZ kodea: 170601.

– Urtean sortutako kantitatea: 1.980 kg/urte.

● 2. prozesua: «Zerbitzu Orokorrak».

○ 1. hondakina: «Agortutako aerosolak».

– Identifikazioa: A01061373/0100000260/2/1.

– Hondakinaren kodea: Q05//R13//S-G36//C40/41/51//H03b/05//A240//B0019.

– HEZ kodea: 160504.

– Urtean sortutako kantitatea: 400 kg/urte.

○ 2. hondakina: «Plastikozko ontzi hutsak».

– Identifikazioa: A01061373/0100000260/2/2.

– Hondakinaren kodea: Q05/06//R13 //S36//C23-24//H05//A240//B0019.

– EHZ: 150110.

– Urtean sortutako kantitatea: 400 kg/urte.

○ 3. hondakina: «Metalezko ontzi hutsak».

– Identifikazioa: A01061373/0100000260/2/3.

– Hondakinaren kodea: Q05/06//R13 //S36//C23-24//H05//A240//B0019.

– EHZ: 150110.

– Urtean sortutako kantitatea: 1.400 kg/urte.

○ 4. hondakina: «Kutsatutako material xurgatzailea».

– Identifikazioa: A01061373/0100000260/2/4.

– Hondakinaren kodea: Q05//D15//S08/34/40//C41/51//H05//A240//B0019.

– EHZ: 150202.

– Urtean sortutako kantitatea: 1.000 kg/urte.

○ 5. hondakina: «Erabilitako olioa eta konpresoreko purgatzeak».

– Identifikazioa: A01061373/0100000260/2/5.

– Hondakinaren kodea: Q06/07//R13//L08//C51//H05/06//A240//B0019.

– EHZ: 130110.

– Urtean sortutako kantitatea: 1.750 kg/urte.

○ 6. hondakina: «Hodi fluoreszenteak eta merkurio-lanparak».

– Identifikazioa: A01061373/0100000260/2/6.

– Hondakinaren kodea: Q06//R13//S40//C16//H14//A240//B0019.

– EHZ: 200121.

– Urtean sortutako kantitatea: 20 kg/urte.

○ 7. hondakina: «Gailu elektriko eta elektronikoen hondakinak».

– Identifikazioa: A01061373/0100000260/2/7.

– Hondakinaren kodea: Q14//R13//S40//C06/18//H08//A240//B0019.

– EHZ: 160213.

– Urtean sortutako kantitatea: 50 kg/urte.

○ 8. hondakina: «Merkuriozko pilak».

– Identifikazioa: A01061373/0100000260/2/8.

– Hondakinaren kodea: Q06//R13//S37//C07/22//H06//A240//B0019.

– EHZ: 160603.

– Urtean sortutako kantitatea: <1 kg/urte.

○ 9. hondakina: «Pb-azido bateriak».

– Identifikazioa: A01061373/0100000260/2/9.

– Hondakinaren kodea: Q06//R13//S37//C18/23//H08//A240//B0019.

– EHZ: 160601.

– Urtean sortutako kantitatea: 50 kg/urte.

○ 10. hondakina: «Ni-Cd bateriak».

– Identifikazioa: A01061373/0100000260/2/10.

– Hondakinaren kodea: Q06//R13//S37//C05/11//H05-08/14//A240//B0019.

– EHZ: 160602.

– Urtean sortutako kantitatea: <5 kg/urte.

○ 11. hondakina: «Amiantoa eta asbestoak».

– Identifikazioa: A01061373/0100000260/2/11.

– Hondakinaren kodea: Q07//D15//S12//C25//H06//A240//B0019.

– EHZ: 170605.

– Urtean sortutako kantitatea: noizean behin.

○ 12. hondakina: «Baliotu ezin den fuel-olioa».

– Identifikazioa: A01061373/0100000260/2/12.

– Hondakinaren kodea: Q08//R13//L-P9//C51//H3b//A240//B0019.

– EHZ: 130701.

– Urtean sortutako kantitatea: 1.080 kg/urte.

○ 13. hondakina: «Olio kloratua».

– Identifikazioa: A01061373/0100000260/2/13.

– Hondakinaren kodea: Q07//D15//L8//C40/51//H6//A240//B0019.

– EHZ: 130306.

– Urtean sortutako kantitatea: 1.330 kg/urte.

● 3. prozesua: «Mekanizazioa».

○ 1. hondakina: «Agortutako taladrina».

– Identifikazioa: A01061373/0100000260/3/1.

– Hondakinaren kodea: Q07//R13//L09//C51//H05//A240//B3140.

– EHZ: 120109.

– Urtean sortutako kantitatea: 2.500 kg/urte.

○ 2. hondakina: «Ur kloratuak».

– Identifikazioa: A01061373/0100000260/3/2.

– Hondakinaren kodea: Q07//D15//L8//C40/51//H6//A240//B3140.

– EHZ: 120108.

– Urtean sortutako kantitatea: 210 kg/urte.

● 4. prozesua: «Moldeak margotzea».

○ 1. hondakina: «Pintura lehorraren hondarrak».

– Identifikazioa: A01061373/0100000260/4/1.

– Hondakinaren kodea: Q14//D15//S12//C41//H05//A240//B3251.

– EHZ: 080111.

– Urtean sortutako kantitatea: 500 kg/urte.

○ 2. hondakina: «Pintura-hautsa».

– Identifikazioa: A01061373/0100000260/4/2.

– Hondakinaren kodea: Q8//D15//S12//C43//H05//A240//B3251.

– EHZ: 080111.

– Urtean sortutako kantitatea: 11.300 kg/urte.

○ 3. hondakina: «Pintura likidoaren hondarrak».

– Identifikazioa: A01061373/0100000260/4/3.

– Hondakinaren kodea: Q14//D15//L12//C41//H05//A240//B3251.

– EHZ: 080111.

– Urtean sortutako kantitatea: 11.300 kg/urte.

a) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

b) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

c) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

d) Hondakin arriskutsuak gordetzeko denbora ezingo da 6 hilabetetik gorakoa izan.

e) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko.

f) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Amurrio Ferrocarril y Equipos, S.A. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokidea, bost urtean gutxienez.

g) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

h) Amurrio Ferrocarril y Equipos, S.A. enpresak kudeatu beharko du erabilitako olioa, industrian erabilitako olioaren kudeaketa arautzen duen ekainaren 2ko 679/2006 Errege Dekretuaren eta Euskal Autonomia Erkidegoko esparruan erabilitako olioaren kudeaketa arautzen duen irailaren 29ko 259/1998 Dekretuaren arabera.

i) Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

j) Amurrio Ferrocarril y Equipos, S.A. enpresak PKB daukaten gailuak dituenez, nahitaez bete behar ditu horiek behar bezala kudeatzeko abuztuaren 27ko 1378/1999 Errege Dekretua, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, eta errege-dekretu hori aldatzen duen otsailaren 24ko 228/2006 Errege Dekretua.

k) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Amurrio Ferrocarril y Equipos, S.A. enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

l) Amurrio Ferrocarril y Equipos, S.A. enpresak adierazpen honetako helburu den jardueraren ekitaldia amaitzen den guztietan adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda.

m) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

n) Aurreko e) eta f) (kudeatzaileak EAEn daudenean), eta l) eta m) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-eeM Sistemaren erakundeentzako bertsioa erabilita.

o) Amiantoa duten hondakinak antzemanez gero, Amurrio Ferrocarril y Equipos, S.A. enpresak 108/1991 Errege Dekretuan, amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

B.3.2.– Hondakin ez-arriskutsuak.

Sustatzaileak adierazitako hondakin ez-arriskutsuak hauek dira:

(Ikus .PDF)

a) «Labeko erregogorrak», «moldekatze-hondarra», «jalkin xeheak» eta «harri eta esmerilaketarako materiala» hondakinek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek aurrez karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakina arriskutsua dela ezartzen bada, Ebazpen honetako B.3.1 idatz-zatian jasotako xedapenak aplikatuko dira.

b) B.3 atalean bereiztearen eta hondakinen kudeaketari buruzko printzipio hierarkikoen inguruan xedatutakoari jarraituz, nahasketak izeneko hondakinek ezingo dute baliotu daitekeen hondakin frakziorik izan. Horri dagokionez, egungo egoeran Euskal Autonomia Erkideagoan baliotu daitezkeen hondakin-frakzioak hauek dira: papera eta kartoia, zura, plastikoak, urratzaileak, metal ferrikoak eta metal ez-ferrikoak.

c) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi hondakinak, berriz, berreskuratzaile, birziklatzaile edo balioztagune baimendu batera.

d) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

e) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Amurrio Ferrocarril y Equipos, S.A. enpresak artxibategian gorde beharko ditu onarpen-agiriak, edo horien agiri ofizial baliokidea, horiek derrigorrezkoak direnean, bost urtean gutxienez.

f) Halaber, hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

g) Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

h) Aurreko e) eta f) (kudeatzaileak EAEn daudenean), eta g) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-eeM Sistemaren erakundeentzako bertsioa erabilita.

B.4.– Lurzorua babesteko baldintzak.

Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenean jasota dauden gomendioen arabera, Amurrio Ferrocarril y Equipos, S.A. enpresak lurzorua babesteko beharrezko neurriak hartu beharko ditu, erabilitako materialen eta identifikatutako arrisku-guneen arabera.

Hautsezko gaien arrastea murriztuko da behean adierazitako moduko sistema orokorrak erabilita:

● Hautsezko gaiak siloetan, pabiloi barruan, edo horrelakorik ezean, haizetik hobekien babestutako tokietan gorde.

● Haize gogorra dabilenean hautsezko solidoak manipulatzea saihestu.

● Materialak paletatik deskargatzean, garaiera mugatu.

B.5.– Zaratari buruzko baldintzak.

Jarraian adierazitako zarata-mailak ez gainditzeko neurriak hartu eta instalatuko dira:

a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

c) Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

C) Ingurumena Zaintzeko Programa.

Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

C.1.– Atmosferara botatzen diren poluitzaileak kontrolatzea.

a) Amurrio Ferrocarril y Equipos, S.A. enpresak botatzen dituen poluitzaileak kontrolatu beharko ditu, ondorengoaren arabera:

(Ikus .PDF)

b) Aurreko atalean aipatutako aldizkako neurketa guztiak kontrol-erakunde baimendu batek (KEB) egin beharko ditu (ordubeteko hiru neurketa, gutxienez, zortzi orduan zehar neurtuta; eta dioxinak eta furanoak ere neurtzen direnean, 6-8 orduko neurketa bat), eta aldizkako kontrol horiei buruzko txostenak Ingurumen Sailburuordetza honek prestatutako «Kontrol-erakunde baimenduen gutxieneko txostenean» ezarritakora egokitu beharko du. Nolanahi ere, isurtzeen kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

c) Arestian eskatutako parametro guztien neurketen BKE txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.

c) Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

C.2.– Isuritako uraren kalitatea kontrolatzea.

a) Sustatzaileak aurkeztu dituen agirien arabera, ondorengo analisiak egingo dira:

(Ikus .PDF)

b) Kanpoan egiten den kontrol bakoitza, laginak hartzea nola ondorengo analisia, «Erakunde Laguntzaile» batek egin eta egiaztatuko du (Jabari Publikoko Urguneen Erregelamenduaren 255. artikulua) edo saneamendu-sarearen kudeaketaz arduratzen den erakundeak, eta organo eskudunak zehaztutako parametro bakoitzerako kontrol bana egin beharko da. Sustatzaileak isurketa puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

c) Laginketak kutsatzaile gehien sortzen den aldietan egingo dira.

d) Isurketak baimenean jarritako baldintza guztiak betetzen dituela ulertuko da, baimen honekin batera zehaztu diren parametro guztiek ezarritako mugak betetzen baditu.

e) Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak dauden dioen adierazpen bat igorriko du titularrak urtero. Adierazpen horretan produkzio-prozesuan manipulatu diren substantzia guztiak adierazi behar dira, nahiz eta isurketan ez detektatu.

C.3.– Jardueraren adierazleak kontrolatzea.

Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

(Ikus .PDF)

C.4.– Zarataren kontrola.

Jarduera garatzen den lursaileko kanpoko baldintza akustikoak urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan.

Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamena ebazpen honen C.6 atalak aipatzen duen ingurumena zaintzeko programaren agiri bateginari gehituko zaio.

C.5.– Emaitzak kontrolatu eta bidaltzea.

Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

Isuritako uraren kalitatearen kontrolari buruzko emaitzak, gainera, hiru hilean behin bidaliko dira Ingurumen Sailburuordetzara.

C.6.– Ingurumena Zaintzeko Programaren agiri bategina.

Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentziamailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

D) Ezohiko egoeretan kutsadurari aurrea hartzeko neurriak eta jardunerako baldintzak.

D.1.– Fabrika gelditzeko eta abiarazteko eragiketak eta mantentze-lanetarako programatutako eragiketak

Urtzeko labea eta tratamendu termikoko labea gelditu eta abiarazteko eragiketetan (asteburuetan eta oporraldietan) eta instalazio hauetarako nahiz bestelakoetarako programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

D.2.– Jarduera uztea.

Jarduera, lurzorua ez kutsatzeko eta kutsatutakoa garbitzeari buruzko otsailaren 4ko 1/2005 Legearen aplikazio-eremuan (271 epigrafea «Burdina, altzairua eta ferroaleaziozko oinarrizko produktuak fabrikatzea») eta lurzorua kutsatu dezaketen jardueren zerrenda eta lurzoru kutsatu izendatzeko irizpide eta estandarrak ezartzen dituen urtarrilaren 14ko 9/2005 Errege Dekretuaren aplikazio-eremuan dagoenez, Amurrio Ferrocarril y Equipos, S.A. enpresak lurzoruaren kalitatearen adierazpenerako prozedurari ekin beharko dio jarduera amaitu eta gehienez ere bi hilabeteko epean, otsailaren 4ko 1/2005 Legearen 17.4. artikuluan xedatutakoari jarraituz.

D.3.– Ezohiko jardunean aplikatzeko neurriak eta jarduerak.

Aurkeztutako dokumentazioan egindako proposamenean ez-ohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

Besteak beste, olioak, taladrinak, erregaiak, aglomeratzaile kimikoak, pinturak, disolbatzaileak, eta abar, eta orokorrean, instalazioan sortutako hondakinak maneiatzeak lurzorua eta ura kutsa ditzake. Beraz, isurketak, jarioak edo ihesak gertatzeko arriskua izan dezaketen lursailen azalera guztiak iragazgaiztuko dira.

b) Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

c) Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.

d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

e) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

f) Hauts-produktuak gordetzeko, iragazkiak dituzten zulo itxiak egongo dira.

g) Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

h) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

i) Hidrokarburoen bereizgailuak aldian-aldian ikuskatuko dira, hondakinak pilatu ez daitezen; dekantagailuetan eta bereizgailuetan metatutako lohiak eta flotatzaileak aldian-aldian kendu behar dira. Behar izanez gero, gordailu iragazgaitzetan eta hondoan hustubiderik ez dutenetan gordeko dira. Hondakin horiek baimendutako kudeatzaile bati emango zaizkio.

j) Biltegien hondoan edo putzuak garbitzerakoan pilatzen diren solidoak ez dira ibai-ibilgura hustuko; behar bezala kudeatuko dira edo zabortegi baimendura eramango dira. Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.

k) Hobi septikoaren sistemak garbitze- eta mantentze-lan egokia izango du errendimendu ona ziurtatzeko. Aldizka enpresa espezializatu batek erretiratuko ditu pilatutako solido eta lohiak, eta iragazki biologikoaren ohantzea garbituko du, eta garbiketan arrastatutako solidoak ibilgura hustea saihestuko da.

l) Urtean behin instalazio horien garbiketaren eta mantentze-lanen fakturaren kopia bat bidaliko da.

m) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

n) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko

o) Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (beste hainbaten artean, ihesak, jarioak,lurzorua edo urak kutsa ditzaketen hondakinak, erregaiak edo substantzien isurketa garrantzitsuak; suteak), gorabehera edo ez-ohiko gertaera horren berri eman beharko dio Ingurumen Sailburuordetzari.

p) Gertakari edo arazo larriren bat edo ustekabeko isuriren bat egonez gero, SOS Deiak eta Udalari jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, honako datu hauek agertuko dira:

● Gertakari mota.

● Gertakaria non, zergatik eta zer ordutan gertatu den.

● Iraupena.

● Ustekabeko isuria bada, emaria eta isuritako gaiak.

● Mugak gaindituz gero, isurtzeei buruzko datuak.

● Eragindako kalteen balioespena.

● Hartutako neurri zuzentzaileak.

● Berriro gerta ez dadin aurreikusitako neurriak.

● Prebentzio-neurriak eraginkortasunez aplikatzeko ezarritako epeak.

q) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

E) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.

F) Urtean behin Amurrio Ferrocarril y Equipos, S.A. enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi botatako eta eskualdatutako kutsagarrien Europako Inbentarioa landu eta eguneratzeko, E-PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren 20ko 508/2007 Errege Dekretuari jarraituz.

Informazio hori osatzen duten datuak ekitaldi horren hurrengo martxoaren 31 baino lehen bidali beharko dira, Ingurumenari buruzko Adierazpenaren (IA) bidez. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-eeM Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

Halaber, ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

G) 2007ko apirilaren 21eko 509/2007 Errege Dekretuaren 4. artikuluko 3. idatz-zatiari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

H) Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

Hirugarrena.– Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako bigarren ataleko puntu hauetan ezarritako baldintzak betetzen direla: B.1.2 (Moldekatze-prozesuko nahasgailuekin lotutako xurgapen- eta iragazketa-sistemei eta horien funtzionamenduari buruzko deskribapen xehatua eta tratamendu termikoko prozesuan sortzen diren isurtze barreiatuak biltzeko eta kanporatzeko proposamena); B.2.4 (Isurtzeak egokitzeko plana. Arazketa-instalazioak egokitzea); B.3.1 f) eta B.3.2 e) (Hondakin arriskutsuak eta ez-arriskutsuak onartzeko dokumentuak); B.3.1 m) eta B.3.2 g) (Hondakin arriskutsuak eta ez-arriskutsuak erregistratzeko ereduak); B.4 (Lurzorua babesteko neurriak); C.1 (hala badagokio, KEB txostenak eta Atmosferara egindako isurketen erregistro-eredua); C.6 (Ingurumena Zaintzeko Programaren agiri bategina); D.1 (Programatutako abiarazteetan sortutako isurketen eta hondakinen balioespena); D.3 a) (Mantentze-lanetarako eskuliburua); D.3 g) (Biltegiratzeko baldintzen ziurtagiria); D.3 r) (Suteen aurkako babesaren araudia betetzearen ziurtagiria).

Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den egunetik kontatzen hasita.

Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

Laugarrena.– Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

Bosgarrena.– Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

Seigarrena.– Amurrio Ferrocarril y Equipos, S.A. enpresak Ebazpen honen xede den jardueran (trenbideetarako materialen fabrikazioa) titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.

Zazpigarrena.– Baimen honek balioa galduko du kausa hauek gertatzen direnean:

● Epearen barruan ez egiaztatzea ebazpen honetako Hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

● Amurrio Ferrocarril y Equipos, S.A. enpresaren nortasun juridikoa bukatzea, indarrean dagoen araudian ezarritako kasuetan.

● Baimena indarrean jartzen dela adierazten duen ebazpenean xedatutakoak.

Zortzigarrena.– Ebazpen honen edukia jakinaraztea Amurrio Ferrocarril y Equipos, S.A. enpresari, Amurrioko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

Bederatzigarrena.– Ebazpen hau Euskal Herriko Agintaritzaren Aldizkarian argitaratzeko agintzea.

Hamargarrena.– Ebazpen honek ez dio amaiera ematen administrazio-bideari, eta, beraren aurka, interesdunek gora jotzeko errekurtsoa aurkez diezaiokete Ingurumen, Lurralde Plangintza, Nekazaritza eta Arrantzako sailburuari, hilabeteko epean, ebazpen hau jakinarazi eta hurrengo egunetik hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2009ko ekainaren 22a.

Ingurumeneko sailburuordea,

NIEVES TERÁN VERGARA.

Azterketa dokumentala