Euskal Herriko Agintaritzaren Aldizkaria

247. zk., 2009ko abenduaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Euskal Autonomia Erkidegoko Auzitegi Nagusia

6725

IRAGARKIA, 969/07 administrazioarekiko auzi-errekurtsoaren kautelazko neurrien gaineko prozedurari dagokiona. Errekurtsoa Kirol zuzendariaren 2007ko apirilaren 17ko Ebazpenaren aurka jarri zen, zeinaren bidez Euskadiko Herri-Kirol Federakundearen estatutuak aldatzea -Estatutuetako 5. eta 6.a) artikuluak indargabetzeari dagokionez- eta Euskal Herriko Kirol Erakundeen Erregistroan inskribatzea onesten baita.

Jakinarazten da ezen, 969/07 zenbakiko administrazioarekiko auzi-errekurtsoaren kautelazko neurriei buruzko pieza Estatuko Administrazioak sustatu zuela Eusko Jaurlaritzako Kirol zuzendariaren 2007ko apirilaren 17ko Ebazpenaren aurka, zeinaren bidez, Euskadiko Herri-Kirol Federakundearen estatutuak aldatzea -Estatutuetako 5. eta 6.a) artikuluak indargabetzeari dagokionez- eta Euskal Herriko Kirol Erakundeen Erregistroan inskribatzea onesten baita, eta orain Auzitegi Goreneko Hirugarren Aretoak epai irmoa eman duela 2009ko maiatzaren 21ean -2009ko uztailaren 23ko autoaz argitua-, honako hau erabakiz epaitzan:

«Indargabetu egiten da Eusko Jaurlaritzako Kirol zuzendariaren 2007ko apirilaren 17ko Ebazpena, zeinaren bidez Euskadiko Herri-Kirol Federakundearen estatutuak aldatzea -Estatutuetako 5. eta 6.a artikuluen eragingarritasuna bertan behera utziz- eta Euskal Herriko Kirol Erakundeen Erregistroan inskribatzea onesten baita».

Guztiek jakin dezaten argitaratzen da hori, hala ezartzen baitu Administrazioarekiko Auzien Jurisdikzioa arautzen duen uztailaren 13ko 29/1998 Legearen 107. artikuluak.

Bilbao, 2009ko urriaren 22a.

IDAZKARI JUDIZIALA.