Euskal Herriko Agintaritzaren Aldizkaria

150. zk., 2006ko abuztuaren 8a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Vitoria-Gasteizko Lehen Auzialdiko 5 Zenbakiko Epaitegia

4057

EDIKTUA, 1086/05 prozedura arruntaren ondoriozkoa.

Vitoria-Gasteizko Lehen Auzialdiko 5 zenbakiko Epaitegia.

Judizioa: L2 1086/05 prozedura arrunta.

Demandatzailea: Ignacio Ortiz de Barron Arrizabalaga.

Abokatua: Andres Garrido Alvarez.

Prokuradorea: Jesus Maria de las Heras Miguel.

Demandatua: Ira SA.

Gaia: Aipatutako judizioaren gainean epaia eman da 2006ko ekainaren 7an. Hau dio epaitzak:

EPAITZA

Onetsi egiten dut de las Heras prokuradore jaunak Ignacio Ortiz de Barron Arrizabalaga jaunaren izenean Ira SAren aurka aurkeztutako demanda; eta, deklaratu egiten dut demandatzailea dela Gasteizen dagoen Santa Isabel kalea 12, 4. B-ko etxebizitzaren jabea. Hortaz, Ira SAren izenean indarrean dagoen erregistro-inskripzioa ezezta bedi, eta demandatzailearen izenean inskriba bedi etxebizitza Jabetza Erregistroan. Halaber, kondena bedi alderdi demandatua kostuak ordaintzera.

Demandatuak, Ira SAk, egun helbidea non duen ez dakigunez, Prozedura Zibileko 1/2000 Legearen (PZLb) 497.2 artikuluan xedatutakoarekin bat, aipatutako ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Ebazpen horren aurka demandatu auzi-iheslariak apelazio-errekurtsoa aurkez dezake, Arabako Probintzia Auzitegian.

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau argitaratu eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta ebazpenaren zein erabaki inpugnatzen den (PZLb, 457.2 artikulua).

Jakinarazten den ebazpenaren testu osoa auzitegi honetako idazkaritzan dago, interesdunaren eskura.

Vitoria-Gasteiz, 2006ko ekainaren 7a.

IDAZKARI JUDIZIALA.