Estatistikaren xedea bidaiak dira, Estatuaren barruan egindakoak eta atzerrira egindakoak, beti ere, edozein arrazoi delarik medio eta aukeratutako ostatu-mota edozein delarik, bizi diren lekutik kanpo gutxienez gau bat igarotzen badute. Zentzu horretan, hotelak, landa-etxeak eta kanpinak kontuan hartzeaz gain, familia / lagunen etxeak, jabetzako bigarren etxebizitzak, alokatutako etxebizitzak, eta abar ere barne hartzen dira.
Bidaiarien fluxuei buruzko datu kuantitatiboak eskaintzeaz gain, autonomia-erkidego batetik bestera egiten diren bidaiak eta atzerrira egiten direnak, Familitur-ek bidaien ezaugarriei buruzko datuak ere eskaintzen ditu (iraupena, arrazoia, ostatu-mota, eta abar).  Autonomia- erkidegoen arteko fluxuak barne hartzen direnez, ikuspegi bikoitza erabil daiteke azterketa egiteko: bidaiariak ematen dituen merkatu gisa eta bidaiariak hartzen dituen merkatu gisa, hain zuzen ere.

• Bidaiariak ematen dituen merkatu bezala. Euskal herritarrek bidaiatzeko izandako portaera aztertzen da.
• Bidaiariak hartzen dituen merkatu bezala. Estatuko autonomia-erkidego guztietako bidaiariak erakartzen dituen merkatu bezala. Kasu honetan, Euskadik izan duen portaera turistikoa aztertzen da.