Zer da Gazte Elkarteen Errolda?

Eusko Jaurlaritzako Gazteria Zuzendaritzak sortutakoa 1986ko urtarrilaren 15eko Aginduaren bidez (EHAA zk. 13), fondo dokumentala dugu, helburutzat Euskal Autonomia Erkidegoan gazte-elkartegintzak bizi duen egoera jasotzea duena.

Nor sar daiteke erroldan?

• Gazte-elkarteak.
• Gazteei zerbitzuak ematen dizkieten entitateak.
• Alderdi politiko, sindikatu, auzo-elkarte eta abarretako gazte-atalak
• Gazteen taldeak, batzordeak eta koordinakundeak.
• Gazteriaren Kontseiluak.

Nortzuk daude erroldan?

• Araban erroldatutako elkarteak
• Bizkaian erroldatutako elkarteak
• Gipuzkoan erroldatutako elkarteak

Nola eta non sartu erroldan?

Eskari-ereduari honako dokumentazio hau atxiki beharko zaio:

• Eraketa aktaren fotokopia.
• Elkartearen estatutuen fotokopia.
• Zuzendaritza organoen osaketa.
• Erakundeak dagokion administrazio-erregistroan izena emana duela frogatzen duen agiria.

Aipatutako dokumentuak helbide honetara bidali: gazteria-politika@euskadi.eus

Erroldaren abantailak.

• Gazte-elkarte gisa interesgarria gerta daitekeen informazioa jasotzea.
• Kanpamenduen jarduerak eta antzekoak aldez aurretik jakinarazteko espedienteak tramitatzea.
• Beste elkarte edo taldeekin harremanak izateko aukera handiagoak.
• Gazte-elkarte edo -taldearen existentzia eta jarduerak jasota geratzea.
• Gazte-elkartegintzaren egoeraren etengabeko eguneratzea Euskal Autonomia Erkidegoan.
• Eusko Jaurlaritzako Gazteria Zuzendaritzak argitaratzen dituen elkartegintzari buruzko argitalpen edo gidaliburuetan azaltzea.
• Beharrezko den edozein tramitazio-mota arintzea.
• Aterpekide-txartela (taldeko modalitatean) doan.

Lotutako informazioa: 7/2007 Legea, ekainaren 22koa, Euskadiko elkarteei buruzkoa (EHAA zk. 134, uztailaren 12koa).