Enpleguaren sustapena. Urola-Kosta 2019

a)Edozein forma juridikoko enpresa edo erakunde enplegatzailea izatea. Egoitza (helbide soziala edo lantokia) eskualdean (Aia, Getaria, Orio, Zarautz, Zumaia) dutenek lehentasuna izango dute, dirulaguntza handiagoa jasoz. b)IAE-JEZn alta emanda egotea eta zerga horren betebeharrak egunean ordainduta izatea, betiere enpresaren jarduerak zerga hori ordaintzea eskatzen badu. Zerga ordaintzetik salbuetsita egonez gero, horrela adieraziko da zinpeko adierazpen bidez.Enpresa eskatzailea eskualdekoa baldin bada, baldintza horiek Udal Elkarteak zuzenean egiaztatuko ditu dagokion administrazioarekin harremanetan jarrita. Enpresa eskatzailea eskualdekoa ez bada, baldintza horiek betetzen dituela egiaztatzeko ziurtagiriak aurkeztu beharko ditu. c)Foru Ogasuneko, Gizarte Segurantzako eta Udaleko zerga-betebeharrak egunean ordainduta edukitzea. Enpresa eskatzailea eskualdekoa baldin bada, zerga-betebeharren egoera Udal Elkarteak zuzenean egiaztatuko du dagokion administrazioarekin harremanetan jarrita. Enpresa eskatzailea eskualdekoa ez bada, baldintza hori betetzen duela egiaztatzeko ziurtagiriak aurkeztu beharko ditu. d)Indarrean dagoen lan arloko araubidea betetzea, besteak beste eta bereziki lan arriskuak prebenitzeko araubidea. e)Administrazio edo erakunde publikoen edo txikitzat hartzen ez diren enpresen menpeko ez izatea edo horiek %50 edo gehiagoko parte-hartzerik ez izatea. f)Dirulaguntza publikoak jasotzetik baztertuta ez egotea arau-hausteak egiteagatik. g)Diruzlagundutako kontratuaren altaren data 2019an gauzatzea. h)Diruz lagundutako lan-kontratuari aplikatzea enpresari dagokion lan-hitzarmena. i)Dirulaguntza bidez egindako kontratazioak enplegu-sorrera garbia eragin behar du enpresan, hau da: dirulaguntzaren bidez kontratatutako pertsona laneratu den hilabete horretako enpresako langileen kopuruak izan behar du aurreko 90 egunetanenpresak batez beste zuen langile kopurua baino handiagoa. Plantillaren bataz bestekoa kalkulatzeko lanaldi osoak eta partzialak hartuko dira kontuan (azken horien kasuan lan egindako orduen proportzioan). j)Jarraipen saioak egitea: dirulaguntza eskuratu duen enpresak jarraipen saio bat egingo du Urola Kostako Udal Elkarteko teknikariarekin, kontratua amaitzear dagoela; kontratatutako pertsonak ere jarraipen saio bat egingo du Urola Kostako Udal Elkarteko Laneratze Zerbitzuarekin, kontratuak irauten duen epearen barruan (enpresak aukera emango dio langileari saio hori lanordutan egiteko).