De minimis araubideko diru-laguntzak ezartzen dira erlezaintzako ustiategi. Bizkaia 2018

Baldintza orokorrak a) Bizkaiko lurralde-eremuan eduki behar dute ustiategia. b) Laguntzak eskatzen diren urtearen aurreko hiru urteetan ezin izan zaie zehapenik ezarri animalien ongizatearen eta osasunaren arloan edo erlezaintzaren antolamenduaren arloan indarrean den arautegiaren arau-hauste larriak edo oso larriak egiteagatik . c) Derrigor bete beharreko sektore-programak egunean izan behar dituzte, bai eta Abeltzaintzako Ustiategien Erregistroari egin beharreko jakinarazpenak (zentsu-aitorpena) ere. d) Zerga-betebeharrak eta, hala badagokio, Gizarte Segurantzarekikoak egunean eduki behar dituzte. Diru-laguntzaren eskaera aurkezteak berekin ekarriko du erakunde eskatzaileak baimena ematea instrukzio-organoari zuzenean egiaztatu ahal izateko inguruabar hauek. Horretarako, dagozkion ziurtagiri telematikoak lortu ahal izango ditu, Diru-laguntzei buruzko azaroaren 17ko 38/2003 Legearen 23.3 artikuluan xedatutakoarekin bat. e) Ezin dute izan zigor eta administrazioaren arloan diru-laguntza publikoak jasotzeko debekurik, eta ezin dira sartuta egon laguntzak jasotzea ezgaitzen duten legezko debekuetan. f) Ezin dira sartuta egon itzultzeko edo zigortzeko ezein prozeduratan. Hala badagokio, onuradunei diru-laguntza hauek eman eta ordaintzeko, derrigorrezkoa izango da Bizkaiko Foru Aldundiak emandako izaera bereko laguntzak edo diru-laguntzak direla- eta hasi eta oraindik izapidetzen ari diren itzulketa- edo zehapen-prozedura guztiak amaituta egotea. — Baldintza bereziak a) Abeltzaintzako Ustiategien Erregistroan (AUE) erregistratuta egon behar dute, erlezaintzarako sailkapen zooteknikoaren barruan. b) 2018ko nahitaezko zentsu-aitorpena eginda eduki behar dute. c) Nahitaezko azken zentsu-aitorpenean, 100 erlauntzeko zentsua izan behar dute, gutxienez.