Besteren konturako langileak kontratatzea xede duten diru laguntzak. Balmaseda 2016

1. Eskatzailea pertsona fisikoa bada: NANaren fotokopia. Eskatzailea pertsona juridikoa bada: Identifikazio Fiskaleko Txartela, NANarekin batera eta eskatzailearen ordezkaritza-ahalmena (ez da aurkeztu behar izango, baldin eta aurreko deialdietan aurkeztu bada). 2. Pertsona juridikoen kasuan, enpresaren edo erakundearen eraketa-eskrituren fotokopia, ondoko aldaketekin, eta dagozkion erregistroen inskripzioa (ez da aurkeztu behar izango, baldin eta aurreko deialdietan aurkeztu bada). Berezko izaera juridikorik ez duten sozietateen kasuan, Foru Ogasunak sinatutako kontratu pribatua jasoko da (ez da aurkeztu behar izango, baldin eta aurreko deialdietan aurkeztu bada). 3. Indarrean dagoen lan-arloko legeria eta laneko arriskuak prebenitzeko legeria betetzeko konpromisoa. Laneko jarduna behar bezala bete dezan, kontratatutako pertsonari beharrezko materialak eta arropak eskuetaratuko zaizkiolako konpromisoa (eskabide-eredu normalizatua). 4. Foru Ogasunak emandako Jarduera Ekonomikoen Zergan egindako alten eta bajen gaineko egiaztagiria. 5. Enpresak edo erakundeak Gizarte Segurantzan alta eman duelako kopia. 6. Kontratazioa zazpigarren oinarrian ezarritako baztertzeedo bateraezintasun-zioen eraginpean ez dagoelako erantzukizunpeko aitorpena (eskabide-eredu normalizatua). 7. Zinpeko aitorpena (eskabide-eredu normalizatua). Ondokoa barne hartzen duen zinpeko aitorpen bakarra da: — Eskatzaileak honako laguntza-deialdi honen oinarriak ezagutzen eta onartzen dituelako adierazpena. — Diru-laguntza publikoak direla eta, eskatzailea itzultzeko edo zehatzeko prozeduraren baten eraginpean ez dagoelako zinpeko adierazpena. — Erakunde eskatzailea diru-laguntza edo laguntza publikoak ezin jasotzea ekarri dion zigor- edo administrazio-zehapenen baten eraginpean ez dagoelako zinpeko adierazpena; era berean, diru-laguntzak jasotzeko legezko debekurik ezarrita ez duelako zinpeko adierazpena, Emakume eta Gizonen Berdintasunerako otsailaren 18ko 4/2005 Legeak ezarritakoari jarraiki, sexu-bereizkeriagatik jasandako debekuak ere aintzat hartuta. — Jardueraren xedea betetzeko, beste erakunde publiko edo pribatu batzuei eskatu edo erakunde horietatik jasotako laguntzei buruzko zinpeko adierazpena. — De Minimis araua beteko delako zinpeko adierazpena, Europako Batzordearen 2006ko abenduaren 15eko 1998/2006 (EB) Araudiak ezarritakoari jarraiki. Aipatutako araudia, De Minimis Laguntzen Itunaren gainekoa, 2006ko abenduaren 28ko Europako Batzordearen Aldizkari Ofizialean argitaratu zen, eta 69/2001 araudia (EB) eta ondoko berrikuspenak ordeztu zituen. — Kontratua sinatu aurreko hamabi hilabeteetan kontratu mugagaberik azkendu ez izanaren zinpeko aitorpena. 8. Bizkaiko Foru Aldundiarekiko zerga-betebeharrak egunean dituelako egiaztagiria, diru-laguntza publikoak eskuratu ahal izateko. 9. Gizarte Segurantzaren Diruzaintza Nagusiaren egiaztagiria, Gizarte Segurantzari dagozkion zor mugaeguneratuetan, empresa edo erakundea egunean dagoela ziurtatzeko. 10. Hirugarrenen altari buruzko agiria, erakunde eskatzaileak eta dagokion banku-erakundeak sinatua eta zigilatua (bankuko datuei buruzko inprimakia, laguntza helbideratzeko xedez. Eskabide-eredu normalizatua). 11. Gizarte Segurantzak kontratazioaren egunaren aurreko hiru hilabeteetan enpresan alta emanda dauden langileen batez besteko plantillari buruz emandako txostena. 12. Gizarte Segurantzak kontratazioaren egunean enpresan alta emanda dauden langileen batez besteko plantillari buruz emandako txostena. Langileari dagozkion aurkeztu beharreko agiriak: 1. NAN agiriaren / atzerritarraren identifikazio-zenbakiaren kopia. 2. Gizarte Segurantzak emandako lan-bizitza osoaren txostena. 3. Lanbideko inskripzio-aldien txostena, Euskal Enplegu Zerbitzuak emanda. 4. Lanbide-Euskal Enplegu Zerbitzuak zigilatutako lan-kontratuaren kopia edo diru-laguntzaren xede den kontratazioa Enplegu Publikoaren Zerbitzuaren bulegoari jakinarazi zaiolako agiriaren kopia. 5. Gizarte Segurantzaren erregimen orokorrean kontratatutako pertsonaren altaren kopia. 6. Errolda-ziurtagiria (agiri hau ez da aurkeztu behar langileak Balmasedako Udalari baimena ematen badio ofizioz eskura dezan).