3D inprimaketa euskal osasun zerbitzuan

3D inprimaketak medikuntzari iraultza ekarriko diolakoan gaude. Hari esker, modu azkarrean, xehetasun handiz eta kostu txiki batekin eboluzio eta inpaktu handiko konponbideak lor daitezke, hala nola, geometria konplexuak, bioereduak, pazientearen irudi medikoan oinarritutako ebaki-gidak edo neurrira egindako inplante zein protesiak.

Teknologiaren demokratizazioak eta material nahiz ekipoen aurrerakuntzak bide eman digu osasun arloan ere aplikazio berriak bilatzeko. Gainera, laguntza-tresna bihurtu da askotan, planifikazio zein entrenamendu kirurgikoan, gida eta laguntza interbentzio egin bitartean, profesi-onal berriak prestatzeko baliabidea edo pazienteekin komunikatzeko.

Jardunaldi honetan, Osakidetzako Bizkaiko ospitaleetan gauzatutako zenbait adibide arrakastatsu aurkeztuko dira, eta bide batez, sektore honetako euskal enpresen gaitasunak eta aurrerapenak ezagutarazteko aukera izango dugu.

Nori zuzenduta: Osakidetzako langileei.