Arautegia
InprimatuEBAZPENA, 2026ko irailaren 10ekoa, Giza Baliabideen zuzendariarena, zeinaren bitartez Segurtasun Administrazioko Zerbitzu Laguntzaileetako langile lan-kontratudunen eremuan adimen-desgaitasuna duten pertsonentzat gordetako prozesuan mendeko-plazaren lanposturako hautatutako pertsonaren datuak helarazten baitzaizkio Segurtasuneko sailburuordeari, dagokion lan-kontratua formalizatzeko.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Segurtasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 188
- Hurrenkera-zk.: 4064
- Xedapen-zk.: ---
- Xedapen-data: 2026/09/10
- Argitaratze-data: 2026/10/01
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Funtzio publikoa
Testu legala
Segurtasuneko sailburuaren 2025eko maiatzaren 2ko Aginduaren bidez (2025eko maiatzaren 21eko EHAA, 94 zk.), Segurtasun Administrazioko langile lan-kontratudunen eremuan adimen-desgaitasuna duten pertsonak enplegu publikoan sartzeko hautaketa-prozesuetarako deialdia egin zen, prozesu horiek arautuko dituzten oinarriak onartu ziren eta horietan parte hartzeko eskabideak aurkezteko epea ireki zen.
Prozesuari datxezkion izapideak egin ondoren, Segurtasun Saileko Giza Baliabideen zuzendariaren 2026ko uztailaren 6ko ebazpenaren bidez, 3732/1 kodedun mendeko-plazaren lanposturako behin betiko adjudikazioa argitaratu zen, eta hamar eguneko epea ezarri zen adjudikatutako lanpostuan sartzeko eskabidea aurkezteko, bai eta kontratua formalizatzeko eskatutako dokumentazioa aurkezteko ere.
Ebazpen honen I. eranskinean agertzen den pertsonak epe barruan aurkeztu du eskatu zaion dokumentazioa. Ondorioz, oinarri orokorretako 11. apartatuan ezarritakoa betez, Segurtasuneko sailburuordeari helarazi behar zaizkio hautatutako pertsonaren datuak, Euskal Autonomia Erkidegoko Segurtasun Administrazioko zerbitzu laguntzaileetako lan-kontratua formalizatzeko, betiere eutsi egiten badie adjudikatutako lanpostuko zereginak betetzeko eskatzen diren betekizunei eta kontratua formalizatu ahal izateko gaitasun fisiko eta psikikoaren baldintzei.
oinarri orokorrak ezartzen duenez, hautaketa-prozesua amaitzean, lan-poltsa bat sortuko da mendeko-plazaren lanposturako, eta bertan sartuko dira hautaketa-prozesua gainditu duten baina hautatu ez diren izangaiak, hautaketa-prozesuan lortutako hurrenkera eta puntuazio berarekin.
Horrenbestez, hau
Lehenengoa. Segurtasuneko sailburuordeari helaraztea adimen-desgaitasuna duten pertsonentzat gordetako prozesuan mendeko-plazaren 3732/1 lanposturako hautatutako pertsonaren datuak (I. eranskinean agertzen dira) Euskal Autonomia Erkidegoko Segurtasun Administrazioko zerbitzu laguntzaileetako lan-kontratua formalizatzeko.
Bigarrena. 2026ko urriaren 1a izatea adjudikaziodunari adjudikatutako lanpostuaz jabetzeko data. Horretarako, lanposturako hautatutako pertsonak egun horretan bertan sinatu beharko du dagokion lan-kontratua, 2026ko urriaren 1ean, eta formalizatzen den egunetik aurrera izango ditu ondorio administratibo eta ekonomikoak.
Hautatutako pertsonarentzat baimen-, lizentzia- edo opor-eguna bada ere, edo izaera bereko beste edozein inguruabar justifikatutan badago ere, egoera hori ez da kontratua sinatzeko eragozpena izango, eta ez dio kalterik egingo kontratua adierazitako datan eta moduan formalizatzeari.
Ezinbesteko kasuetan izan ezik, aplikazioan sartzen ez bada edo ez badu ezarritako datan osatzen hautatua izan den lan-kontratuaren formalizazioa, galdu egingo ditu Euskal Autonomia Erkidegoko Segurtasun Administrazioko langile lan-kontratudun finko izateko eskubide guztiak (11. oinarri orokorra).
Hirugarrena. Mendeko-plazaren 3732/1 lanposturako lan-poltsa argitaratzea, II. eranskinaren bidez. Lan-poltsa hori Segurtasuneko sailburuaren 2001eko martxoaren 1eko Aginduan xedatutakoaren arabera arautuko da, horren bitartez arautu baitzen nola hautatuko ziren Segurtasun Administrazioan aldi baterako zerbitzuak emateko langile lan-kontratudunak.
AZKEN XEDAPEN BAKARRA
Ebazpen honen aurka, interesdunek berraztertze-errekurtsoa aurkeztu ahal izango diote ebazpen hau eman duen organoari, edo, zuzenean, Segurtasuneko sailburuari, ebazpena eman behar baitu, halaxe baitago ezarrita Administrazio Publikoen Administrazio Prozedura Erkidearen urriaren 1eko 39/2015 Legearen 123. artikuluan eta hurrengoetan. Horretarako, hilabeteko epea izango dute, ebazpen hau argitaratu eta hurrengo egunetik aurrera. Bestela, ebazpen hau aurkaratu ahal izango dute lan-arloko jurisdikzioan.
Vitoria-Gasteiz, 2026ko irailaren 10a.
(Eskumenak eskuordetzan emanez: Agindua, 2024ko urtarrilaren 23koa, Jaurlaritzako lehenengo lehendakariorde eta Segurtasuneko sailburuarena, zeinaren bidez Segurtasun Saileko Giza Baliabideen zuzendariari eskuordetzen baitzaizkio zenbait eskumen (2024-02-02ko EHAA).
Giza Baliabideen zuzendaria,
FRANCISCO JAVIER ARRIETA IDIAKEZ.
(Ikus .PDF)
(Ikus .PDF)