Leihoen Renove plana. 2015

a. I. eranskina. Diru-laguntza jasotzeko eskabidea; bertan eskatzen diren dokumentu teknikoak eta administratiboak hauexek dira: • Sinatzailearen NANaren kopia. • Erroldatze ziurtagiriaren kopia, baldin eta eskatzailearen NAN agirian diru- • laguntza programa honi lotutako leihoen ordezkapena egiten den ohiko etxebizitzaren helbidea agertzen ez bada. Errolda horretan, egoiliar moduan agertu behar du leihoen ordezkapena egiten den etxebizitzan, diru-laguntza programa hau EHAAn argitaratu baino lehenagoko datarekin. • Etxebizitza alokatuta egonez gero, indarrean dagoen alokatze-kontratuaren kopia eta etxebizitzako maizterren erroldatze ziurtagiria. • Diru-laguntza eskatzeko orrian edo inprimakian adierazitako kontu korrontearen (24 digitu) titularra onuraduna dela egiaztatzen duen banketxearen dokumentua; diru-laguntza programa honek eskatzen dituen baldintza guztiak betez gero, dagokion diru-laguntzaren zenbatekoa ordaintzeko. b. II. eranskina. Aurkezten duen proiektu bera egiteko, beste administrazio edo erakunde publiko zein pribatu bati eskatu edota emandako beste diru-laguntzei buruzko adierazpena. Nolanahi ere, programa honen arabera, beste diru-laguntza osagarririk jaso ez badu ere onuradunak, dokumentu hau aurkeztu beharko du. c. III. eranskina. Onuraduna izateko bateraezintasuna dakarren zigor edo debeku administratibo edo penalik ez izateari buruzko adierazpena. d. IV. eranskina. Dokumentazio teknikoa; bertan eskatzen diren dokumentuak hauexek dira: • IV. eranskina. Leihoak ordezkatzeari lotutako dokumentazio teknikoaren formularioa – 2015. urtea. • Leihoak ordezkatzeko inbertsioa egiaztatzen duen faktura xehea (jatorrizkoa bikoiztua edo kopia konpultsatua), eta bertan, gutxienez, kontzeptu hauexek azaldu behar dira: o Egindako ordezkapenaren deskribapen laburra, berritzea edo obra egiten den etxebizitzaren helbidea adieraziz. o Leihoen ordezkapenean sartzen diren jardueren nondik norako zehatza, honako hauek adieraziz: - Arotzia mota, beiren eta kameraren lodiera eta mota. - Ordezkatutako leiho bakoitzaren neurriak. Fakturan aipatutako kontzeptuak azaltzen ez badira, fakturarekin batera dagokion aurrekontua aurkeztu beharko da, instalatzaileak sinatuta eta zigilua emanda; bertan argi agertuko da aipatutako kontzeptu teknikoen zehaztapena. • Leihoen energia-eraginkortasunaren inguruko etiketak (V. eranskina), edo bestela, honako dokumentu hauek: o Erabilitako beiren transmisio termikoaren (Ug) saiakuntzen emaitzak. o Jarritako leihoen CE markaren etiketak (ikus eredua VI. eranskinean). • Jarritako beiren eranskailuaren justifikagarriak, edo bestela, haiek eskatzeko albarana. • Leihoen argazkiak, ordezkatu baino lehen. Leiho bakoitzeko argazki batekin nahikoa da, eta argazki guztiak etxe barrutik egin beharko dira. • Leiho berri guztien argazkiak. Leiho bakoitzeko argazki batekin nahikoa da, eta argazki guztiak etxe barrutik egin beharko dira.