Gipuzkoako Lurralde Historikoan sagardorako sagarrondoak landatu, zaindu, hobetu eta garatzeko diru laguntzak. 2018

Onuradunen baldintza bereziak. 1. Pertsona fisikoa titular duten ustialekuak: 1.1. Ustialekuko titularraren errenta osoaren %50 gutxienez nekazaritza jardueretatik edo ustialekuan gauzatutako bestelako jarduera osagarrietatik etortzea, betiere nekazaritza, abeltzaintza eta baso jardueratik zuzenean datorren errentaren zatia errenta osoaren %25 baino txikiagoa ez baldin bada eta ustialekuko jardueretan emandako denbora bere denbora edo lan osoaren erdia baino handiagoa baldin bada. Jarduera osagarritzat aukeraketa publikoaren ondorioz, ordezkaritza erakundeetako zein sindikatu, kooperazio edo lanbide ordezkaritza organoetako titularraren partaidetza eta presentzia jotzen dira, betiere, nekazaritza sektoreari, eraldaketa jarduerei, eta ustialekuko produktuen salmenta zuzenari eta natura gunearen artapenari, ingurumenaren babesari zein ustialekuan egindako energia ekoizpen, turismo, zinegetika eta artisau jarduerei lotuta baldin badaude. 1.2. 18 urte beteak izatea eta 65 bete gabe egotea, diru laguntza eskaera aurkezterakoan. 1.3. Nekazaritza jardueraren arabera, dagokion Gizarte Segurantzaren Erregimenean afiliatuta egotea. 1.4. Gizarte Segurantzaren Nekazaritza Erregimenetik datorren baliaezintasun osoko, baliaezintasun absolutuko edo erretiroko diru saririk ez jasotzea. 1.5. Desenpleguko subsidioa jasotzen den kasuetan, eta, denboran mugatutako pertzepzioak direla kontuan hartuta, ez dira diru laguntzak emateko diru sarreratzat joko, eta gorabehera hori espedientean jaso beharko da, bere kopurua eta pertzepzioaren amaiera data adieraziz. 1.6. Dagozkion ahalmena eta lanbide eskumena eduki beharko du, ekoizpen baliabideen erabilera zuzena bermatuz. 2. Pertsona juridikoa titular duten ustialekuen kasuan: 2.1. Honako forma juridikoetakoren bat hartu beharko dute: a) Sozietate zibilak, bertan, kideen %50 gutxienez, artikulu honek pertsona fisikoak diren titularrei eskatutako baldintzak betetzen dituztenak izanik. b) Kooperatibak, eraldatze nekazaritza sozietateak, lan sozietateak, sozietate mugatuak, sozietate anonimoak edo bestelakoak, betiere, kapital sozialaren %50 baino gehiago artikulu honek pertsona fisikoak diren titularrei eskatutako baldintzak betetzen dituzten kideena bada. Sozietate horiek titular diren ustialekuetan, nekazaritza jarduera auzatzea izango dute helburu bakartzat. Diru laguntza hau honako hauek betetzen dituzten sagarrondoen ohiko landaketek jaso ahal izango dute, alegia, txertaka frankoaren gaineko 125 arbola/ha-ko gutxieneko landaketek, eta txertaka klonalaren gaineko 250 arbola/ha-koek. Bost urte baino gehiago izango dituzte. Bertako barietate berezietakoak eta sagardoa egiteko erabili ohi direnak izango dira eta Nekazaritza Ustialekuen Erregistroan inskribatuta egongo dira. Ez da ez isolatutako oinik ezta utzitako landaketarik onartuko. Ustialekuko subentziona daitekeen gutxieneko labore azalera 5.000 m²-koa izango da, laborea bideratzeko erabilitako formazio sistema edozein delarik ere. Nekazaritza eta ingurumen laguntza hau Nekazaritza Ekologikoko Ekoizpen zein Zurezko Laboretako Lurzoruaren Babesa, Landaredi Estaldura Ezarriz izeneko laguntzekin bateraezina izango da. Onuradunaren konpromisoak: a) Ustialeku koadernoa behar bezala betetzea. b) Sagastiaren sanitatea bermatu eta diskriminatu gabeko tratamendu fitosanitarioak saihesteko, bidezko eta derrigorrezkoa da gutxienez, negu bukaeran tratamendu fitosanitario bat aplikatzea eta bi Carpocapsa (sagarretako harra) kontrolatzeko, espezie horretako tximeleten kontzentrazio handieneko unetan. Erabilitako produktu fitosanitarioek pertsonentzat, lurreko abereentzat eta arrainentzat arrisku baxukoak izan beharko dute. Tratamendu horiek Ustialekuko Koadernoan jasoko dira. c) Zuhaitzaren formazio eta fruitu emate zuzenak bermatzeko, aukeratutako formazio sistemarentzako egokiak diren urteko kimaketa lanak egitea. d) Lurzoruaren emankortasun maila egokia mantentzea, urtero egindako azterketen emaitzen arabera, emendakin organikoen edo simaurren erabilerari lehentasuna emanez. Jarduketa horiek Ustialekuko Koadernoan jasoko dira. e) Lurzoruaren landare estaldura mantentzeko, urtean hiru belar eta sastraka garbitze edo sega egingo dira gutxienez. Kontrolatutako ardi aziendaren artzaintza baimenduko da (sagarrondoaren landare geratze aldietan). Azken kasu horretan, landareek izan litezkeen kalteen aurkako babesa izango dute.