Energia-eraginkortasunaren gaian toki ekintzako planak ezartzeko (21 Toki Agenda) diru-laguntzak. Bizkaia 2018

a) Eskabidea (I. eranskinaren ereduaren araberakoa), erakundearen alkateak/ lehendakariak/ sinatua. b) Eskudun teknikari batek sinatutako memoria tekniko eko nomikoa, honako hauek jaso beharko dituena: ¿ Proiektuaren deskribapena eta gaur egungo egoeraren deskribapen memoria, eta proposatutako egoera. ¿ Argiztapen publikoko proiektuetarako, proiektuaren energia-kalifikazioa eta energia-kalifikazioaren justifikazioa. ¿ Partidaka eta aleko prezioka banakatutako aurrekontua. ¿ Aurrez ikusitako aurrezpen energetikoaren justifikazioa (Eraikinen eta abarren kalifikazio energetikoaren eboluzioa). Eraikin publikoei dagokienez, eraikinen energiaren eraginkortasunari buruzko abenduaren 9ko 226/2014 Dekretuan xedatutakoari begiratuko zaio. c) Jarduketaren laburpen-fitxa, II. eranskinaren araberakoa. d) Kanpoko argiztapen publikoko proiektuei dagokienez, Kanpoko argiztapen publikoko instalazioetako eraginkortasun energetikoari buruzko azaroaren 14ko 1890/2008 Errege Dekretua eta jarraibide tekniko osagarriak betetzen direlako adierazpena, teknikari batek sinatua, funtzionarioa izan edo kanpoko enpresa bateko langilea izan , III. eranskinean jasotako ereduaren araberakoa. Aipatu diren b), e), f) eta g) letretan eta 1890/2008 Errege Dekretuan ezarritakoaren ondorioetarako, alkatetza edo erakunde eskatzailearen lehendakaritza ez dira joko pertsona teknikotzat. e) Diru-laguntzaren xedeko instalazio berrien mantentze-plana. f) Xede bererako beste laguntza edo diru-laguntza publikorik jaso izanari buruzko berariazko aitorpena (IV. eranskineko ereduaren araberakoa). g) Zerga-betebeharrak eta Gizarte Segurantzarekikoak betetzeari buruzko erantzukizunpeko aitorpena (V. eranskinaren araberakoa). Erantzukizunpeko aitorpen hori aurkeztuta, eskaera egin duen erakundeak ez du aurkeztu beharko ez Gizarte Segurantzaren Diruzaintza Nagusiak ematen duen kotizazio-egoerari buruzko ziurtagiririk, ez zerga-betebeharrak beterik daudela egiaztatzen duen ziurtagiria, zeina Bizkaiko Foru Aldundiko Ogasun eta Finantza Sailak ematen baitu. h) Aurkeztutako proiektua edo jarduketa plan hauetako baten barruan dagoela ziurtatzen duen erakundearen idazkaritzaren egiaztagiria: Tokiko Agenda 21en ekintza plana, Udalaren Energia Plana, Eskualdeko Energia Plana, Energia Iraunkorrerako Ekintza Plana edo Klima eta Energia Iraunkorrerako Ekintza Plana. Gainera, proiektua edo jarduketa jasotzen duen planaren atala aipatu behar da eta atal horren kopia erantsi. Proiektuak edo jarduketak dagokion planean jasota egon beharko du diru-laguntzarako eskabidea aurkeztu baino lehen. i) Mankomunitateek aurkeztutako eskabideetarako, mankomunitateak aurkeztutako proiektua kontratatu eta egiteko eskumena duela egiaztatzen duen ziurtagiria.