Enpresa txikiei Gasteizko coworking kokatzeko “Ekin txekea” laguntza programa. Vitoria-Gasteiz 2016

a. Enpresaren egoitza eta helbide fiskala Gasteizko udalerrian edukitzea. b. Jarduera zuzenean garatzea, alokairu erregimenean, 3. oinarrian adierazten diren betebeharrak betetzen dituen eta Gasteizko udalerrian kokatuta dagoen zentro pribatu batean. c. Gehienez hiru langile izatea. d. Jabetzan lokalik ez edukitzea, jarduera garatzeko. e. Aurreko baldintzak betetzen ez dituzten enpresei lotuak ez egotea, eta halakoek ehuneko 25etik gorako partaidetza ez edukitzea bertan. f. Ekonomi Jardueren gaineko Zergan alta eman zenetik hiru urte baino gehiago ez igaro izana. g. Garatu nahi den jardueraren enpresa-plan bideragarria aurkeztea (jardueraren azalpena, zein merkatutara zuzendua dagoen, inbertsioaren eta enplegu-sorkuntzaren aurreikuspena, finantziazioa, aurreikusten diren finantza-laukiak). Kokalekuaren betebeharrak Diru-laguntzaren eskatzaileak jarduera garatzen duen Gasteizko coworking espazio edo enpresa zentroaren titularrak betebehar hauek bete beharko ditu: a. Enpresaren egoitza eta helbide fiskala Gasteizko udalerrian edukitzea. b. Jarduera ekonomikoa zuzenean Gasteizko udalerrian garatzea. c. Coworking espazioa edo enpresa zentroa alokairuan uzten duen enpresaren jarduera nagusia Ekonomi Jardueren gaineko Zergaren epigrafe hauetan ez sartzea: — 861.2 taldea. Lokal industrialen alokairua eta bestelako alokairuak, beste atal batzuetan jasotzen ez direnak. — 799 taldea. Finantza jarduerekin, jarduera juridikoekin, aseguruekin eta alokairuekin zerikusia duten beste profesional batzuk, beste atal batzuetan jasotzen ez direnak. Oro har, jarduera nagusia zehazteko horretarako erabiltzen den salmenta azalera erabilgarria hartuko da aintzat. d. Coworking espazio edo enpresa zentroetan lekua hartzen duten enpresei eskaintzeko zerbitzu erantsi sorta bat edukitzea. e. Gasteiz hiriko enpresa zentroen sarean antolatzen diren informazio eta prestakuntza jardunaldietan lagundu eta parte hartzea, eta aipatutako espazioetan lekua hartua duten enpresen artean horien zabalkundea egitea. f. Titulartasun pribatuko coworking espazio edo enpresa zentroa izatea, bere funtzionamendurako finantziazio publikorik jasotzen ez duena.