Kontrataziorako laguntza ekonomikoak enplegua sustatzeko tokiko ekintzetarako laguntza-deialdiaren esparruan. Santurtzi 2017

Enpresa edo erakunde eskatzaileek aurkeztu beharreko dokumentazioa a) Eskatzailea pertsona fisikoa bada: Nortasun Agiriaren fotokopia/AIZ eta IFZ. b) Pertsona juridikoa bada: Identifikazio Fiskaleko txartelaren kopia, Nortasun Agiria eta eskaeraren eskatzaile edo sinatzailearen ordezkariaren ahalorde-agiria aurkeztu beharko dira. IFZren fotokopia eta enpresa edo erakundearen eraketa-eskriturak gerora izandako aldaketa eta guzti, bai eta erregistroko inskripzio agiria ere. Nortasun juridiko propiorik ez duten Elkarte Zibilen kasuan, dagokion Ogasun erakundeak zigiludun kontratu pribatua ere sartuko da. c) Dagokion Ogasun erakundeak emandako Jarduera Ekonomikoen zergaren alta agiria eta aipatutako zergaren azken errezesiboaren fotokopia, baldin eta erakundeak horiek ordaindu beharreko jarduerak burutzen baditu. Ordaintzetik salbuetsita badaude, egiaztatu beharko da erantzukizunezko adierazpena aurkeztuz. d) Enpresa edo erakundea Gizarte Segurantzan alta emanda dagoelako agiriaren kopia. e) Enpresaren lantokia herrian edo EAEn dagoela egiaztatzen duen agiria, hala badagokio. f) Erantzunezko jatorrizko adierazpen bakarra sinatuta hurrengo hauek aideraziz: (eskaera ereduaren 1. eranskina). — Ez dagoela sartuta diru-laguntza publikoak itzultzeko prozeduretan edo zehapen-prozeduretan. — Ez dagoela zigortuta zigor- eta administrazio-arloan dirulaguntza edo laguntza publikoak lortzeko aukera galtzearekin ez eta hartarako ezgaitzen duen legezko debekuaren eraginpean ere, sexu-diskriminazioaren ondoriozko debekuak barne, Emakume eta gizonen arteko berdintasunari buruzko otsailaren 18ko 4/2005 Legearekin bat etorriz. — Ordezkatzen duen enpresak eskatutako baldintza guztiak betetzen dituela eta ez dagoela Diru-laguntzei buruzko 2003/38 Lege Orokorraren 13. artikuluan onuradun izatea eragozten duten egoeraren baten eraginpean ere. g) Bere betebeharrak eguneratuta dituela egiaztatzen duen dagokion Ogasun erakundearen eta Gizarte Segurantzaren Diruzaintza Nagusiaren ziurtagiri eguneratua. h) Gizarte Segurantzaren Diruzaintzak luzatutako egiaztagiria, laguntza eskaeraren xede den kontratazioaren aurreko hiru hilabeteetako plantillaren bataz besteko langile-kopuruaren berri emanez. i) Gizarte Segurantzaren Diruzaintzak luzatutako egiaztagiria laguntza eskaeraren xede den kontratazioa hasi zen eguneko plantillaren bataz besteko langile-kopuruaren berri emanez. j) Hirugarrenen altaren agiria, dagozkion erakunde eskatzaile eta bankuak sinatu eta zigilatua. Ofizioz egiaztatuko da erakunde eskatzaileak Santurtziko Udalarekiko zerga-betebeharrak ordainduta dituela. Kontratatuek aurkeztu beharreko dokumentazioa a) Kontratuaren xede den pertsonaren NAN/AIZ. b) Lanbideren alta eta lan-eskaera berritu duelako agiri eguneratua. c) Lanbideren ziurtagiri eguneratua, izen emanda egon deneko aldiak zein diren eta langabetu egoeran dagoela adieraziz. d) Lan bizitza eguneratua. e) DBE jasotzen ari dela adierazten duen Lanbideren ziurtagiria, hala badagokio. f) Egin beharreko kontratuaren datuak dituen agiria, non beren beregi adieraziko den zein iraupen eta jardunaldi-mota dituen, eta ezarri beharreko hitzarmena zein lan-sari eta gizarte-segurantzako kostua zein den. g) Diruz lagunduko den lan-kontratuaren kopia, eskumendun erakundeak sinatuta. h) Kontratatutako pertsona Gizarte Segurantzaren Erregimen orokorrean alta emanda dagoela adierazten duen agiriaren kopia. i) Erantzukizunezko jatorrizko adierazpen bakarra hurrengo hauek adieraziz: (Eskaeraren ereduaren 1. eranskina): — Herritarrak, zeinen kontrataziorako diru-laguntza eskatzen den, ez direla ez enpresaburuak, ez enpresaren kontroldun edo zuzendartza kargudunak, ez enpresa eskatzailearen administrazio kontseiluko kideak, ez eta aurreko horien ezkontide, ondorengo ahaide eta 2. mailarainoko (hori barne) odol ahaidetasun harreman edo afinitaterik duten senideak ere. — Kontratazioak/ek, zeinetarako diru-laguntzak eskatu diren, nahitaez ekarriko duela/dutela enpleguaren sorkuntza garbia egotea enpresan kontratatutakoak lanean hasi aurreko hiru hiletan zegoen plantillaren bataz besteko langile-kopuruan. — Konpromisoa hartzen duela kontratazioa eta indarreko lanaraudia zein lan-arriskuak prebenitzeko ezarri beharreko araudia eskabide honetan jasotako terminoetan burutzeko. — Ez duela beste Administrazio edo erakunde publiko edo pribatu batek kontzeptu edo xede berberapean emandako diru-laguntza edo laguntza pribaturik eskatu eta jaso. (Bestela, eskatu edo jasotako laguntzen zerrenda duen adierazpena aurkeztu beharko du). — Kontratazioek, zeinetarako laguntza eskatzen den, ez dutela inola ere gainfinantzaketarik izango. Administrazio honek ofizioz konprobatuko du kontratuaren xede den langilea kontratua hasi eta gutxienez aurreko bost urteetan udalerrian erroldatuta egon den eta gaur egun ere badagoen.