Topoaren Bentaberri-Antiguako geltokiaren aurrera-hondeaketa lanak amaitu dira
Argitalpen-data:
ETSk amaitu du Topoaren Bentaberri-Antigua geltokia etorkizunean jasoko duen haitzuloaren aurrera-hondeaketa (goialdeari dagokiona). Arantxa Tapia Ekonomiaren Garapen eta Azpiegitura Sailburuak, Eneko Goia Donostiako Alkateak eta Markel Olano Gipuzkoako Diputatu Nagusiak lagunduta, Lugaritz-Easo trenbide saihesbidearen lanak bisitatu ditu, eta lan horien exekuzio maila garrantzitsua egiaztatu ahal izan du.
Bentaberrira heltzeko, Tapiak, Goiak eta Olanok, obra zuzendaritzaren ardura duten ingeniariek lagundurik, Zarauzko Etorbideko erasoko arrapalari dagozkion 400 metroko ibilbidea eta Euskotrenen unitateek zirkulatuko duten lineako tunelari dagozkien 400 metro inguruak egin dituzte oinez.
Lanen egikaritze mailak etorkizuneko formak antzemateko aukera ematen du jadanik. Denbora gutxi barru hasiko dira destroza lanak egiten (behealdea). Lan horiek bi fasetan egingo dira, haitzuloaren sekzioa kontuan izanik. Bentaberri Antiguako geltokia, gainerakoak bezala, 97 metro da luze, 50 metroko sakoneran dago eta Bentaberri plazatik eta Xalbador Bertsolaria kaletik ditu sarbideak.
Bentaberriko haitzuloa hondeatzeko lanak behin betiko amaitzen direnean, 17.700 metro kubiko lur aterako dira. Zenbaki orokorretan, bi tarteen, bertako geltokiak barne, hondeaketa lan osoetan, 337.000 metro kubikoko lur bolumena mugituko da.
Gaur egun, trenbide saihesbidearen lanak hiriko hainbat puntutan ikusten dira, eta oso erritmo egokian doaz aurrera, talde teknikoko arduradunek adierazi dutenez. Bentaberriko geltokiaz gain, lineako tunelean 700 metro ere hondeatu dira aurrerantz. Baina, lineako tunelera heltzeko, aurretik Zarauzko Etorbideko, Pio Barojako eta Morlanseko erasoko arrapaletan lan egin behar izan da, 1.000 metro guztira. ETSk jakinarazi duenez, dagoeneko 1.700 metro tunel hondeatu dira.
Gainazalean, obrak Bentaberri plazan eta Xalbador Bertsolaria kalean ikus daitezke. Toki horietan, Bentaberriko geltokirako sarbideak eraikitzeko lanak ari dira egiten; eta baita, saneamendu sakona berrezartzeko eta Xabier Zubiriko kanoiaren piloteen pantailak eta ateburu edo goiko lauza ezartzeko Arrasate eta San Martzial kaleen artean gurpil gaineko trafikorako moztuta dagoen Easo kalean ere.
Lugaritz-Easo trenbide saihesbidea 4,2 kilometro da luze, eta aurrekontu orokorra 180 milioi eurokoa da, Eusko Jaurlaritzak osorik finantzaturikoa. Hiru geltoki berri planteatzen ditu: Bentaberri-Antigua, Erdialdea-Kontxa eta egungoa ordeztuko duen Easo-Amara. Guztiek ere estilo modernoa, garbia eta funtzionala izango dute, Intxaurrondon eta Altzan ezarritako diseinuari jarraituz.
Fitxa teknikoa
Lugaritz-Mirakontxa tartea
ESLEIPENAREN ZENBATEKOA (BEZ APARTE): 38.155.331€
TARTEAREN LUZERA OSOA (osorik lur azpitik): 2.140 metro
LINEAKO TUNELAREN LUZERA: 2.043 metro
GEHIENEKO SAKONERA: 83 metro
HONDEATURIKO LURREN BOLUMEN OSOA: 166.000 m3
LUR AZPIKO ARRAPALA AUXILIARREN LUZERA: 1. ARRAPALA (obrarako sarbidea)
188 metro
2. ARRAPALA (obrarako sarbidea eta larrialdietako irteera) 473 metro
BENTABERRIKO GELTOKIA LUZERA: 97 metro
SAKONERA: 50 metro
HONDEAKETAREN BOLUMENA: 17.700 m3
BENTABERRIKO GELTOKIRAKO SARBIDEKO KANOIAK: 1. KANOIA: 121 metro
2. KANOIA: 146 metro
Mirakontxa-Easo tartea
ESLEIPENAREN ZENBATEKOA (BEZ APARTE): 53.284.363€
TARTEAREN LUZERA OSOA (1.960 m. lur azpitik eta 127 aire zabalean): 2.087 metro
LINEAKO TUNELAREN LUZERA: 1.766 metro
GEHIENEKO SAKONERA: 60 metro
HONDEATURIKO LURREN BOLUMEN OSOA: 171.000 m3
LUR AZPIKO ARRAPALA AUXILIARREN LUZERA: MORLANSEKO ARRAPALA (obrarako sarbidea eta larrialdietako irteera) 317 metro
MIRAKONTXAKO GELTOKIA LUZERA: 98 metro
SAKONERA: 38 metro
HONDEAKETAREN BOLUMENA: 17.700 m3
EASOKO GELTOKIA LUZERA: 96 metro
SAKONERA: 43 metro
HONDEAKETAREN BOLUMENA: 17.400 m3
ERDIALDEA-KONTXAKO GELTOKIRA SARTZEKO KANOIAK X. ZUBIRIKO KANOIA: 100 metro
LOIOLAKO KANOIA: 135 metro
SAN BARTOLOMEKO KANOIA: 95 metro
EASOKO GELTOKIRA SARTZEKO KANOIAK: AUTONOMIAKO KANOIA: 145 metro
ERRONDOKO KANOIA: 60 metro
