Atxondoko Axpe auzoko Asador Etxebarri munduko jatetxe onenen podiumean sartu da. Horixe jakinarazi zuten ekainaren 25ean Singapurren egin zen ekitaldian. Víctor Arginzoniz chefak zuzentzen duen erretegia munduko hirugarren jatetxe onena izendatu dute, Frantziako Mirazur eta Danimarkako Noma jatetxeen atzetik.

Euskal gastronomia zorioneko dago. Izan ere, World’s 50 Best sarien hemezortzigarren edizioko protagonista handietako bat izan da. Etxebarrirekin batera, euskal sukaldaritzako beste lau handik lortu dute hautatuen zerrendan sartzea: Andoni Luis Adurizen Mugaritz, zazpigarren postuan; Eneko Atxaren Azurmendi, hamalaugarren postuan; Aitor Arregiren Elkano, hogeita hamargarren postuan; eta Josean Alijaren Nerua, hogeita hamabigarren postuan.

Gainera, Azurmendik aipamen berezia jaso du aurreko ediziotik zerrendan gorakada handiena izan duen jatetxea izategatik, 43. postutik 14. postura jauzi egin baitu