SOS Arrazakeriak eta Donostialdea ESI-ak lankidetza-hitzarmena sinatu dute Donostia Unibertsitate Ospitalean emigrante adingabeen egonaldian laguntzeko
2017.eko otsailak 07
Jose Manuel Ladrón de Guevara Donostialdea ESIko zuzendari gerenteak eta Maitane Arnosok, SOS Arrazakeriaren legezko ordezkariak, lankidetza-hitzarmena sinatu dute Donostia Unibertsitate Ospitaleko Pediatria Unitatean ospitaleratuta dauden emigrante adingabeentzat laguntza-jarduerak koordinatzeko.
Ekimenak ospitaleko umeen egonaldian laguntza-jarduerak eskaini nahi dizkie zailtasunak dituzten familiei, eta horrela haien gogo-aldartean eragin, onura terapeutikoa ere lortzeko.
Pediatria unitateko langile sanitarioak, ospitaleko beste profesionalekin batera, proaktibotasunarekin, ospitaleratuta dauden adingabeen zailtasunak atzemateko arduradunak izango dira; eta laguntza-jardueren informazioa emango diete familiei, haiek erabaki dezaten.
Pertsonal sanitarioak zailtasun-egoera detektatu eta gero, familia bera izango da, Pediatria unitatearen edo Pazienteak Onartzeko zerbitzuko gizarte-langilearen bidez, zerbitzua eskatzen duena; eta azken hori izango da SOS Arrazakeriarekin kontaktatuko duena laguntza eskaera egiteko.
SOS Arrazakeriaren boluntarioek, ospitalizazio-unitatearen arduradunaren bidez, informazioa eta aholkua jasoko dituzte boluntariotza programa honen ezaugarriei eta espezifikotasunei buruz.
Laguntza-jarduera Donostia Unibertsitate Ospitaleko instalazioetan egingo da; eta, jarduera egoki garatu ahal izateko, instalazio eta zerbitzuen sarbidea erraztuko zaie adingabeei.