Eusko Jaurlaritzak 600.000 euro bideratuko ditu museoen jarduera laguntzera (Gobernu Bilera 2017-07-26)
2017.eko uztailak 26
- Diru-laguntza jasotzen duten erakundeek Museoen eta Bildumen Erregistroan izena emanda egon beharko dute
Gobernu Kontseiluak gaurko bileran onartu du 600.000 euro bideratzea Euskadiko Museo Sistema garatzeko diru-laguntzetara. Laguntza-lerro hori Euskadiko Museoen eta Bildumen Erregistroan izena emanda dauden museo eta bildumentzat da. Guztira 43 erakunde daude zerrenda horretan.
Diruz lagundutako jarduerak honako jarduketa-lerro hauetakoren batekoak izango dira:
- Bilduma osatzen duten funtsak dokumentatzea, eta hura hobeto ezagutzea.
- Erakusketa etengabe berritzea eta aldi baterako erakusketak egitea.
- Museoaren edo bildumaren gaiarekin eta jarduera-esparruarekin bat datozen jarduera didaktikoak eta kultura zabalkundekoak diseinatu eta eskaintzea.
- Museoaren edo bildumaren gaiarekin eta jarduera-esparruarekin zerikusia duen jakintza zientifikoa sortzea.
- Kudeaketa hobetzea eta berrikuntza sustatzea.
2016ko deialdian 38 diru-laguntza eman zitzaizkien 24 erakunde desberdini; gehienak udalak, fundazioak eta museoen elkarte titularrak ziren.
